প্রধান মন্ত্রী শ্রী নরেন্দ্র মোদিগী পাউজেলনা ইং ২০২০গী ইন্তর্নেস্নেল যোগ নুমিৎকী মরুওইবা থৌরম ওইগনি। প্রধান মন্ত্রীগী পাউজেল অসি জুন ২১, ২০২০গী অয়ুক পুং ৬.৩০দা তেলিভিজনদা শন্দোক্কনি। হন্দক চহিগী ইন্তর্নেস্নেল যোগ নুমিৎ অসি আয়ুশ মন্ত্রালয়না শিনদুনা ইলেক্ত্রোনিক অমসুং দিজিতেল মেদিয়াগী খুৎথাংদা পাক-শন্না পাংথোকলগনি।

প্রধান মন্ত্রীগী পাউজেল অসি দি.দি. নেস্নেল, দি.দি. নিয়ুজ, দি.দি. ভারতি, দি.দি. ইন্দিয়া, দি.দি. উরদু, দি.দি. স্পোর্তস, দি.দি. কিসান, আর এল এস এস কী চেনেলশিং অমদি রিজনেল কেন্দ্রশিংদা শন্দোক্কনি। মমাং চহিশিংদা পাংথোকপা চৎনবিগী মতৌগুম হন্দক চহিগী ইন্তর্নেস্নেল যোগ নুমিত্তসু পাউজেল হেক লোইবগা মীনিৎ ৪৫গী কমন যোগ প্রোতোকোল (সি.ৱাই.পি.) লাইফ তেলিকাস্ত উৎকনি। হায়রিবা মীনিৎ ৪৫গী কমন যোগ প্রোতোকোল (সি.ৱাই.পি.)অসি মোনারজি দেশায় নেস্নেল ইন্সতিত্যুত ওফ যোগগী কাংবুনা উৎকনি। সি ৱাই পিগী দ্রিল অসি চহি খুদিংমক্কী মীওইশিং অমদি তোঙান-তোঙানবা মখলগী মীওইশিংগী পুন্সি মহিংগী মওংশিংদা য়ুম্ফম ওইরগা শেম্বনি। সি ৱাই পিগী ত্রেনিং ফংলবা মীওইশিংনা যোগগী মহাউ খংহন্ননবা অমদি যোগবু মতম শাংনা লোইন্দুনা লৈহন্ননবনি।

হৌখিবা চহিশিংদদি ইন্তর্নেস্নেল যোগ নুমিৎকী থৌরম অসি মীয়াম পাক-শন্না মীয়াম তিনবা মফমশিংদা যোগ তৌদুনা পাংথোকই। অদুবু হন্দক্কী চহি অসিদদি কোভিদ-১৯ লাইচৎনা মরম ওইদুনা মায়োক্নরিবা মলেমগী হকশেলগী ফিভম অসি য়েংদুনা মীয়ামতিনবা মফমশিংদা পাংথোক্ত্রবশু মীপুম খুদিংমক্না য়ুম-য়ুমদা ইমুং-মনুংগী মীওইশিংগা লোইননা যোগ তৌদুনা পাংথোক্নবা মায় ওনশিল্লি। লাইচৎকী মতম অসিদা যোগ অসি য়াম্না মরু ওই মরমদি যোগ তৌবনা ৱাখল অমদি হকচাংবু ফনা থম্বা ঙম্মী অমদি মীওইশিংদা লৈনা কয়া ময়োক্নবা ঙমবগী পাংগল হেনগৎহল্লি।

আয়ুশ মন্ত্রালয়না য়ৌগা নুমীৎ পাংথোক্নবগীদমক নোদেল মন্ত্রালয় আয়ুশ কোবিদ-১৯ থোক্লিঙৈগী মতমদা হৌখিবা থা অহুমদগী মখল মখা কয়াগী দাউনলোদ অমসুং হাইব্রিদ ওনলাইনগী থবক থৌরাংশিংদগী যোগ তৌনবগী পুক্নিং থৌগৎলি অমসুং কান্ননিংঙাই ওইহন্নবা তৌরি। মাংজিল থানা লৈরিবা যোগগী সংস্থান কয়ানা মসিগী হোৎনবা অসিদা মন্ত্রালয়গা লোয়ননা থবক তৌমিন্নখ্রে। কমন য়ৌনা যোগ প্রোতোকোল(সি.ৱাই.পি.)দা ত্রেনিং তৌবদা ৱাখল চিংশিন্নবা হৌখিবা থা অমসিদা থবকশিং অসি হেন্না য়াংখৎনা তৌহনখিবদগী চহি খুদিংগী আই.দি.ৱাই.দা শরুক য়ারুবশিংগী মরক্তা পুন্না উৎনবগী মওং অদু পাক-শন্না তৌমিন্নবগী মওং অদু লেপ্পি।

আয়ুশ মন্ত্রালয়না দি.দি.ভারতীদা নুমীৎ খুদিংগী সি.ৱাই.পি.গী সেসনশিংগা লোয়ননা মীশিংনা মদু ঙাকপা ঙম্নবা অমসুং প্রোতোকোলগী মতাংদা খংননবা মখল কয়াগী ওনলাইনগী তৌনবগী ওইবশিং শন্দোকই। আয়ুশ মন্ত্রালয়গী ৱেবসাইত্তা যোগ প্রোর্তেলদা অমসুং মাগী সোসিএল মেদিয়াগী চেনেলশিংদা নুমীৎ খুদিংগী থোইদোক হেন্দোক্না যোগগী মতাংদা খং-হৈরবশিংনা পাংথোকপা সেসনশিংগা লোয়ননা অতৈ য়াওফমশিংসু ফংহল্লি। এদজুকেস্নেল ইন্সতিত্যুতশিং, সরকারগী য়ুনিৎশিং, কম্মর্সিএল কম্পনিশিং, ইন্দ্স্ত্রীশিং অমসুং কলচরেল ওর্গনাইজেসনশিংগা কোন্ননা মীওই কয়া অমসুং সংস্থান কয়ানা মাগী-মাগী এম্প্লোয়ীশিং, মীহুৎশিং অমসুং স্তেকহোলদরশিংগীদমক্তা য়ুমদগী আই.দি.ৱাই.দা শরুক য়ানবগীদমক্তা অচেৎপা ৱাফম থম্লক্লি। অসিগুম্বা হোৎনরিবশিং অসিদগী লৈবাক অসিগী শরুক কয়াদা যোগগা শম্নরিবা মীশিংনা মাগী-মাগী ময়ুমদগী ইমুং কয়াগা লোয়ননা আই.দি.ৱাই. পাংথোক্নবগীদমক শেম-সাদুনা লৈনখ্রে।

আয়ুশ মন্ত্রালয়না জুন ২১, ২০২০গী অয়ুক পুং ৬.৩০ তাবা মতমদা অন্তর্রাস্ত্রিয় যোগ দে,২০২০ অসি পাংথোক্নবগীদমক মালেমপুম্বগী যোগবু পামজবশিংবু চেপাউ পীখ্রে অমসুং মখোয়-মখোয়গী ময়ুমদগী কমন য়ৌগা প্রোতোকোলকী অপুনবা মওংদা উৎপগা অসিগা খুৎশম্ননবা হায়খ্রে।

থৌরম পাংথোকপগী মতমঃ

• অয়ুক্কী পুং ০৬১৫দগী ০৭০০ ফাওবা-হৌদোকপগী থৌরম। মসিদা মন্ত্রী(আয়ুশ মন্ত্রী) না ময়াম্বু তরাম্না ওকপগী ৱাফম, প্রধান মন্ত্রীগী ৱাখল্লোনশিং ফোংদোক্লবা মতুংদা সেক্রতরী(আয়ুশ)না থাগৎ ৱাহৈশিং থম্বিগনি।
• অয়ুক পুং ০৭০০দগী ০৭৪৫ ফাওবা- এম.দি.এন.আই.ৱাই.দগী কমন যোগ প্রোতোকোলগী লাইব তেলিকাস্ত।
• অয়ুক পুং ০৭৪৫-অয়ুক পুং ০৮০০- যোগগী মরমদা অখং-অহৈশিংগা লোয়ননা ৱাখল্লোনশিং ফোংদোক্নবা অমসুং মরুওইবা আই.দি.ৱাইগী থৌরম লোইশিনবা।

*****