কোবিদকী পোজিতিব কেসশিং লায়েংদুনা ফগৎখিবা অসি লেপ্তনা হেনগৎলক্তুনা হৌজিক চাদা ৪৯.৪৭দা হেনগৎখ্রে। পুন্না মীওই ১,৪৭,১৯৪ লায়েংদুনা ফগৎখিবদা মীওই ১,৪১,৮৪২না নিংথিজবা মওংগী মেদিকেলগী সুপরভিজনগী মখাদা লৈরি। হৌখিবা পুং ২৪সিদা পুন্না মীওই ৬,১৬৬ ফগৎখ্রে।

শরুক অনিগী ওইবা চাং/মতমদা মখা তানা ফগৎলক্লি অমসুং লোকদাউন হৌরকপদা নুমীৎ ৩.৪দা ওইরম্বা অদু হৌজিক ১৭.৪দা হেনগৎখ্রে।

কেবিনেৎ সেক্রতরীনা সেক্রতরীশিং, হকশেলগী সেক্রতরী অমসুং রাজ্য পুম্নমক্কী খুঙ্গং চাওখৎনবগী সেক্রতরীশিংগা ভিদিও কনফরেন্স অমা পাংথোকখ্রে। কোবিদ-১৯ নিংথিজনা য়েংশিন্দুনা ফহন্নবা রাজ্যশিংদা কন্তেন্তমেন্ত, তেস্তিং অমসুং ত্রেসিং, হেল্থকী ইনফ্রাস্ত্রকচর থাক ৱাংখৎহনবদা, কেস ক্লিনিকেল মেনেজমেন্ত অমসুং কম্ম্যুনিতী এঙ্গেজমেন্তকী পাওতাক পীখি।

রাজ্যশিংদা উরিবা ইপিসেন্তরশিংদা অখন্ননা য়েংশিন্নবা অমসুং ভাইরস অসি শন্দোরকপা য়েংশিন্নবা লায়না অসি ওইহল্লকপা য়াবশিংদগী চেকশিন থৌরাং লৌহৌনবা হায়খ্রে। কেসশিং ঙন্না খংদোকহৌবা ঙম্নবা লুনা লৈরিবা মফমশিংদা অখন্নবা তীমদগী য়ুম-য়ুম চংদুনা নিংথিজনা য়েংশিন্নবা রাজ্যশিংদা পাওতাক পীখ্রে। মতীক চাবা লোজিস্তিক্সশিং(খুদম ওইনা পল্স ওক্সিমিতরশিং) নিংথিজনা ত্রেন তৌরবা মীওইশিং(দোক্তরশিং, স্তাফ নর্সশিং, ক্লিনিকেল স্তাফ নত্তবশিং) চপ চানা লৈত্রগসু লায়না অসি নাবগী মওং-মতৌ উবা ফংবা কেসশিং নিংথিজনা য়েংশিন্নবা পোসপিতালগী ইনফ্রাস্তকচরশিং থুনা হেনগৎহন্নবা হায়জখ্রে।

শোল্লবা মীশিং হায়বদি অহল ওইরবশিং অমসুং কুম লায়নানা নারবশিংগীদমক্তা লায়না চংদনবগী পাম্বৈশিংগী হেন্না খুমাং চাওশিলহনবা অসি য়াম্না মরু ওই হায়বা ৱাফম্লোমদা অকনবা ৱাফম থমখি। সেন্তর্স ফোর এক্সেলেন্সকী মতেংনা লাইওংশিং অমসুং ফগৎলক্নাবা লায়েংনবগী পাংথোকপশিংদা য়ুম্ফম ওইরগা দিল্লীগী এম্সকা খুৎশম্নদুনা মতম চানা রিফরেলশিংগী তৌবগী ৱাফম ফোংদোকখি। মতম পুম্নমক্তা মীওই কাংলুপ্তা লাপথোক্ননা লৈননবা পুক্নিং থৌগৎপীদুনা অমসুং কোবিদকী চপ চানা হৌন-লোনচৎশিং শৌগৎপীনবগীদমক্তা খুন্নাইদা লৈরিবা মীওই কাংলুপশিং অসিগা নিংথিজনা য়ৌহনবা ঙম্নবা পাকতক্নবা মওংদা পাও ফাওননবা রাজ্যশিংদা হায়খি।

আই.সি.এম.না মখা তানা লায়না অসি চংলবা মীশিংদা নোবেল কোরোনাভাইরস খংদোক্নবা তেস্ত তৌবগী চাংশিং হেনগৎহনখ্রে। হৌজিক-হৌজিক লৈবাক অসিদা পুন্না লেব ৮৭৭ (সরকারগী লেবশিং-৬৩৭ অমসুং লন্নাইগী লেব ২৪০)না থবক তৌরি। হৌখিবা পুং ২৪ সিদা সেম্পল ১,৫০,৩০৫ তেস্ত তৌখ্রে। তেস্ত তৌখ্রবা সেম্পলগী মশিং অসি হৌজিক ফাওবদা পুন্না ৫৩,৬৩,৪৪৫নি।

কোবিদ-১৯গী মতাংদা থাজনিংহাই ওইবা অমসুং অপদেত তৌরবা ই-পাওশিংগা মরি লৈনবা তেক্নিকেল ওইনা খুদোংচাদবশিং, গাইদলাইনশিং অমসুং এদভাইজরীশিংগীদমক্তা চাং নাইনাঃ https://www.mohfw.gov.in/ অমসুং @MoHFW_INDIA দা য়েংবিয়ু।

কোবিদ-১৯গা মরি লৈনবা তেক্নিকেল ওইবা ৱাহংশিং অদু technicalquery.covid19[at]gov[dot]in দা অমসুং অতোপ্পা ৱাহংশিংগী ওইনা ncov2019[at]gov[dot]in অমসুং @CovidIndiaSeva দা থাবা য়াগনি।

কোবিদ-১৯গা মরি লৈনবা ৱাহংশিংগীদমক্তা হকশেল অমসুং য়াইফ য়ুম্বাল মন্ত্রালয়গী হেল্পলাইন নম্বর: +91-11-23978046 নত্রগা 1075 (তোল-ফ্রী)দা কোল তৌবিয়ু। কোবিদ-১৯গী মতাংদা রাজ্যশিং/য়ুনিয়ন তেরিতোরীশিংগী হেল্পলাইন নম্বরশিং অসি https://www.mohfw.gov.in/pdf/coronvavirushelplinenumber.pdf দা ফংবিগনি।

*****