ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟ
ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ଓ ଇସ୍ରାଏଲ ପ୍ରଧାନମନ୍ତ୍ରୀ ବେଞ୍ଜାମିନ ନେତାନ୍ୟାହୁଙ୍କ ମଧ୍ୟରେ ଟେଲିଫୋନ ବାର୍ତ୍ତାଳାପ
Posted On:
10 JUN 2020 9:49PM by PIB Bhubaneshwar
ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ବୁଧବାର ଇସ୍ରାଏଲ ପ୍ରଧାନମନ୍ତ୍ରୀ ବେଞ୍ଜାମିନ ନେତାନ୍ୟାହୁଙ୍କ ମଧ୍ୟରେ ଟେଲିଫୋନ ବାର୍ତ୍ତାଳାପ ହୋଇଛି । ନିକଟରେ ହୋଇଥିବା ନିର୍ବାଚନରେ ବିଜୟୀ ହୋଇ ନେତାନ୍ୟାହୁ ପୁଣି ପ୍ରଧାନମନ୍ତ୍ରୀ ପଦ ଭାର ଗ୍ରହଣ କରିଥିବାରୁ ପ୍ରଧାନମନ୍ତ୍ରୀ ମୋଦୀ ଖୁସି ଜାହିର କରି ତାଙ୍କ ନେତୃତ୍ୱ ଓ ମାର୍ଗଦର୍ଶନରେ ଭାରତ-ଇସ୍ରାଏଲ ଭାଗିଦାରୀ ବୃଦ୍ଧି ପାଇବ ବୋଲି ବିଶ୍ୱାସ ବ୍ୟକ୍ତ କରିଛନ୍ତି ।
କୋଭିଡ-19 ମହାମାରୀ ମୁକାବିଲା ପାଇଁ ଟୀକା, ଚିକିତ୍ସା ଶୈଳୀ ଓ ନିଦାନ ଭଳି ସମ୍ଭାବ୍ୟ ଗବେଷଣା ତଥା ବିକାଶ କ୍ଷେତ୍ରରେ ଭାରତ- ଇସ୍ରାଏଲ ସହଯୋଗ ବୃଦ୍ଧି ସମ୍ପର୍କରେ ଉଭୟ ନେତା ଆଲୋଚନା କରିଥିଲେ । ଉଭୟ ଦେଶର ବିଶେଷଜ୍ଞ ଦଳଙ୍କ ମଧ୍ୟରେ ଚାଲିଥିବା ବିନିମୟ କାର୍ଯ୍ୟକ୍ରମ ଜାରି ରଖିବାକୁ ରାଜି ହେବା ସହ ଏହି ସହଯୋଗର ସୁଫଳ ମାନବଜାତି ପାଇଁ ଉପଲବ୍ଧ ହେବ ବୋଲି ଦୁଇ ନେତା ଏକମତ ହୋଇଥିଲେ ।
ଉଭୟ ନେତା ଦ୍ୱିପାକ୍ଷିକ କାର୍ଯ୍ୟସୂଚୀର ଗୁରୁତ୍ୱପୂର୍ଣ୍ଣ ପ୍ରସଙ୍ଗଗୁଡିକ ସମୀକ୍ଷା କରିଥିଲେ । କୋଭିଡ-19 ପରବର୍ତ୍ତୀ ସମୟରେ ଆହୁରି ଅନେକ କ୍ଷେତ୍ରରେ ପାରସ୍ପରିକ ଲାଭପ୍ରଦ ଭାଗୀଦାରୀ ସୃଷ୍ଟି ହେବ ବୋଲି ଏକମତ ହୋଇଥିଲେ । ପୂର୍ବରୁ ସ୍ୱାସ୍ଥ୍ୟ, ପ୍ରଯୁକ୍ତି, କୃଷି ନବାଚାର, ପ୍ରତିରକ୍ଷା ସହଯୋଗ ଓ ସୂଚନା ପ୍ରଯୁକ୍ତି ଭଳି କ୍ଷେତ୍ରରେ ଭାରତ-ଇସ୍ରାଏଲ ମଧ୍ୟରେ ମଜବୁତ ଭାଗୀଦାରୀ ଥିବାବେଳେ ଏସବୁ କ୍ଷେତ୍ରରେ ବିକାଶର ଅସୀମିତ ସମ୍ଭାବନା ରହିଛି ବୋଲି ଦୁଇ ନେତା ଆକଳନ କରିଥିଲେ ।
ପରିବର୍ତ୍ତନଶୀଳ ବିଶ୍ୱରେ ସୁଯୋଗ ଓ ଆହ୍ୱାନର ମୂଲ୍ୟାୟନ ତଥା ଆଲୋଚନା ପାଇଁ ଉଭୟ ନେତା ପରସ୍ପର ସମ୍ପର୍କରେ ରହିବାକୁ ଏକମତ ହୋଇଥିଲେ ।
**********
(Release ID: 1631011)
Visitor Counter : 241
Read this release in:
Punjabi
,
English
,
Urdu
,
Marathi
,
Hindi
,
Bengali
,
Manipuri
,
Assamese
,
Gujarati
,
Tamil
,
Telugu
,
Kannada
,
Malayalam