প্রধানমন্ত্রীগী লোইশঙ
প্রধান মন্ত্রী অমসুং ইজরেলগী প্রধান মন্ত্রী বেঞ্জামিন নেতানয়াহুগী মরক্তা তেলিফোন্দা ৱারি শানখ্রে
Posted On:
10 JUN 2020 9:49PM by PIB Imphal
প্রধান মন্ত্রী শ্রী নরেন্দ্র মোদীনা ঙসি ইজরেলগী প্রধান মন্ত্রী বেঞ্জামিন নেতানয়াহুগা তেলিফোন্দা ৱারি শানখ্রে।
প্রধান মন্ত্রী নেতানয়াহুনা হন্দক ওফিস পায়বা হৌখিবদা মহাক্কী মাইকৈদগী থাগৎপা ফোংদোকখি অমসুং প্রধান মন্ত্রী নেতানয়াহুগী লুচিংবা অমসুং লমজিং মখাদা ভারত-ইজরেলগী মরুপ-মপাং ওইবা মরী মখা তানা চাউৎলক্কনি হায়বগী থাজবা ফোংদোকখি।
তিকা থাবা, লায়েংবা অমসুং লাইওং খঙদোকপগী লমদা রিছর্স অমসুং দিবলপমেন্তগী থবকশিং য়াউনা কোবিদ-১৯ লাইচৎকী মতাংদা ভারত অমসুং ইজরেল মতেং পীনবা হেনগৎহন্নবা লুচিংবা অনিনা খন্নখি। হৌজিক লৈবাক অনিগী মরক্তা অখঙ-অহৈশিং পীথোক-পীশিন তৌনরিবা অসি মখা চৎথবা হায়না মখোয়না য়ানখি অমসুং অসিগুম্বা মতেং পাংনবা অসিদগী ফংলবা কান্নবশিং পাক-শান্না মীওইবা খুন্নাইগী য়াইফনবা শীজিন্নবা হায়না য়ানখি।
নাকল অনিগী ওইবা মরুওইবা অতোপ্পা ৱাফমশিং লুচিংবশিংনা অমুক হন্না য়েংশিনখি অমসুং কোবিদ মতুংগী মালেমদা হিরম কয়াদা নাকল অনিমক কান্নগদবা থবকশিং পায়খৎপা হায়না য়ানখি। হকশেলগী তেক্নোলোজী, লৌউ-শিংউগী অনৌবা থবক, ঙাকশেনগী মতেং পাংনবা অমসুং ইনফোর্মেসন তেক্নোলোজীগুম্বা হিরমশিংদা হান্নদগী ভারত-ইজরেল মতেং পাংনদুনা লাকপা অদু মখা তানা পাকথোক চাউথোক্নবা লৈরিবা খুদোংচাবশিং মখোয়না য়েংশিনখি ।
নৌনা থেংনরক্লিবা খুদোংচাবশিং অমসুং মালেমগী হোংলক্লিবা ফিবম অসিদা মায়োক্নরিবা অৱাবশিংগী মতাংদা য়েংশিন্নবা অমসুং ৱা খন্ননবা চাংনাইনা পাউ ফাওনবা হায়না লুচিংবা অনিমক্না য়ানখি ।
*****
(Release ID: 1630802)
Visitor Counter : 226
Read this release in:
Punjabi
,
English
,
Urdu
,
Marathi
,
Hindi
,
Bengali
,
Assamese
,
Gujarati
,
Odia
,
Tamil
,
Telugu
,
Kannada
,
Malayalam