PIB Headquarters

কোবিদ-১৯গী মতাংদা নুমিৎ খুদিংগী ফোংবা পি.আই.বি.গী বুলেতিন

Posted On: 10 JUN 2020 6:10PM by PIB Imphal

  

(মসিদা হৌখিবা পুং ২৪ দা থোকখিবা কোবিদ -১৯গা মরী লৈনবা চেফোংশিং, ফিল্দ ওফিসশিংদগী ফংবা পাউশিং, অমসুং পি.আই.বি.না লৌখৎপা ফেক্ত চেকশিং য়াওরি )

 

  • কোবিদ-১৯দগী নাবা ফররবা অনাবা মশিং (১,৩৫,২০৫)না লৈবাক অসিদা এক্তিব কেস (১,৩৩,৬৩২)দগী হেনখ্রে।
  • ফগৎলকপগী চাং ৪৮.৮৮%দা হেনগৎলকখ্রে।
  • হৌজিক ফাওবদা সেম্পল লাখ ৫০ হেন্না তেস্ত তোখ্রে।
  • সি.জি.ঐচ.এস.কী মখাদা এম্পেনেল তৌরবা হোস্পিতাল খুদিংমক্না কোবিদ হোস্পিতাল ওইনা লাওথোকখ্রে, সি.জি.ঐচ.এস.কী বেনিফিসরী খুদিংমক্তা লায়েংনবগী খুদোংচাবা পীনবা খঙহনখ্রে।
  • লোকদাউননা সপ্লাই চেন মথৌ তৌহন্দুনা লাকপদগী ৱেগন লাখ ৩১.৯ হেনবনা হৌজিক ফাওবদা সপ্লাই হোনখ্রে।

হকশেল অমসুং য়াইফ-য়ুম্বাল মন্ত্রালয়দগী কোবিদ-১৯গী খ্বাইদগী নৌবা পাও; নাবা ফগৎলকখ্রবা মী মশিংনা এক্তিব ওইবা মী মশিংদগী হেনখ্রে, আই.সি.এম.আর.না সেম্পল লাক্ষ ৫০দগী হেন্না তেস্ত তৌখ্রে, কোবিদ-১৯ লাকশিনবদা রাজ্যশিংদা মতেং পাংনবা শহর ৬তা সেন্ত্রেলগী তীমশিং মথৌ তৌহনখ্রে

হৌখিবা পুং ২৪দা য়াম্লবদা অনাবা মীওই ৫,৯৯১ লায়েংদুনা ফগৎহনখ্রে। মসি য়াওরগা ফগৎখিবা মী মশিং অসি পুন্না ১,৩৫,২০৫ অদুগা হৌজিক-হৌজিক এক্তিব ওইরিবা মী মশিংনা পুন্না ১,৩,৬৩২নি। ইহান হানবা ওইনা ফগৎখিবা মী মশিংনা এক্তিব ওইবা মী মশিংদগী হেনখ্রে। ফগৎলকপগী চাং অসি ৪৮.৮৮%নি। আই.সি.এম.আর.না তেস্ত তৌখিবগী মশিং অসিসু লাক্ষ ৫০ হেনখিদুনা ঙসি ৫০,৬১,৩৩২ য়ৌখ্রে। হৌখিবা পুং ২৪ অসিদা আি.সি.এম.আর.না সেম্পল ১,৪২,২১৬ তেস্ত তৌখ্রে। আই.সি.এম.আর.না মহীক চংলবা মীশিংদা নোবেল কোরোনাভাইরসকী তেস্ত তৌবগী চাং অসি মখা তানা অসুম হেনগৎহল্লক্লি। সরকারগী লেবশিং অসিগী মশিং অসি ৫৯০ হেনখ্রে অমসুং লন্নাইগী লেবশিং অসিনা ২৩৩ হেনখ্রে (পুন্না ৮২৩)।

তেক্নিকেলগী ওইবা মতেং ফংহন্নবা সেন্ত্রেলগী তীমশিং মথৌ তৌহনখ্রে অমসুং মুম্বাই, অহমদবাদ, চেন্নই, কোলকত্তা, দিল্লী অমসুং বেঙ্গলুরু হায়রিবা সহর তরুক অসিদা কোবিদ-১৯ গী পায়খৎলিবা মীয়ামগী ওইবা হকশেলগী থৌরাংশিং অসি য়েংশিন্নবা স্তেৎ হেল্থ দিপার্তমেন্ত অমসুং ম্যুনিসিপাল হেল্থ ওফিসিএলশিংদা শিন্নখ্রে।

অকুপ্পা ৱারোলগীদমক: https://pib.gov.in/PressReleasePage.aspx?PRID=1630666

স্তেৎ লৈঙাকশিংনা কোবিদ-হোস্পিতাল ওইনা লাউথোকখ্রবা সি.জি.ঐচ.এস. এম্পেনেল হোস্পিতালশিংদা সি.জি.ঐচ.এস. বেনিফিসিরীশিংদা লায়েংগী খুদোংচাবা পীগদবনি

হকশেল অমদি য়াইফ য়ুম্বাল মন্ত্রালয়না সি.জি.ঐচ.এস. এম্পেনেল তৌরবা প্রাইবেৎ হোস্পিতাল/দাইগ্নোস্তিক সেন্তরশিংদা লায়েংবগী খুদোংচাবা লৌবদা থেংনরিবা খুদোংচাদবশিংগী মতাংদা বেনিফিসিরীশিংনা থাঙ্গৎলকপা ৱাফমগী য়েংশিল্লবা মতুংদা সি.জি.ঐচ.এস.গী মখাদা এম্পেনেল তৌরবা হেল্থ ক্যের ওর্গনাইজেসনশিংদা য়াথং অমা তৌথখ্রে‍। মন্ত্রালয়গী য়াথংগী মতুং ইন্না স্তেৎ লৈঙাকশিংনা কোবিদ-হোস্পিতাল ওইনা লাউথোকখ্রবা সি.জি.ঐচ.এস.কী মখাদা এম্পেনেল তৌরবা হোস্পিতাল খুদিংমক্না কোবিদকা মরী লৈনবা লায়েং খুদিংমক্তা সি.জি.ঐচ.এস.কী চৎন-কাংলোনগী মতুং ইন্না বেনিফিসরী খুদিংমক্তা লায়েংনবগী খুদোংচাবা পীগদবনি‍। মসিগা মান্ননা অতৈ লায়েংগীদমকসু কোবিদ হোস্পিতাল ওইনা লাউথোক্ত্রিবা সি.জি.ঐচ.এস. এম্পেনেল তৌরবা হোস্পিতালশিংনা বিনিফিসিয়রীশিংদা এদমিত তৌবা অমদি লায়েংবগী খুদোংচাবা পীদবা য়ারোই‍ অমদি সি.জি.ঐচ.এস.গী চৎন-কাংলোনগী মতুং ইন্না শেন লৌগদবনি‍। চৎন-পথাপশিং অসি ইন্দ্রবদি এক্সন লৌখৎকনি‍।

অকুপ্পা ৱারোলগীদমক: https://pib.gov.in/PressReleseDetail.aspx?PRID=1630602

লোকদাউন অসি লৌথোকখিবগা ইরোইননা রেলৱেজকী মাল পুবশিং অমুক হন্না মথৌ তৌবা হৌখ্রে

লৈবাক শিনবা থুংনা কোবিদ-১৯না মরম ওইদুনা লোকদাউন তৌরিঙৈ মনুংদা অমসুং মসিগী মতুংদসু ইন্দিয়ন রেলৱেজকী মালশিং অমসুং পর্সেল সর্ভিসকী খুত্থাংদা মখোয়না তঙাই ফদবা পোৎলমশিং ফংহন্নবা হোৎনবদা লেপ্পা লৈখিদে। প্রজাশিংদা তঙাই ফদবা পোৎলমশিং মতম চানা ফংহন্নবা অমসুং ইনর্জি অমসুং ইনফ্রাস্ত্রকচর সেক্তরদা গুদস ভাইতেল ফংহন্নবগীদমক ইন্দিয়ন রেলৱেজনা মখোয়গী মাল পুনবা থবকশিং মপুং ফানা মথৌ তৌহনখি অমসুং য়ুমগী ওইবা পোৎলমগী সেক্তর অমসুং ইন্দস্ত্রী অনিমক্কী মথৌ তাবশিং ফংহনবদা মাই পাকখি। মে থা অসিদা, ইন্দিয়ন রেলৱেজনা তঙাই ফদবা পোৎলমগী মিলিয়ন তোন ৮২.২৭ পুথোক পুশিন তৌখি মসি এপ্রিল ২০২০গী মিলিয়ন তোন ৬৫.১৪গা চাংদমনরুবদা ২৫% হেন্না ৱাংঙি। এপ্রিল ১, ২০২০দগী জুন ৯, ২০২০ ফাওবদা ইন্দিয়ন রেলৱেজনা মখোয়গী ২৪X৭ লেপতনা লৈবাক শিনবা থুংনা চেল্লিবা মাল পুবা ত্রেনশিংগী খুত্থাংদা তঙাই ফদবা পোৎলমগী মিলিয়ন তোন ১৭৫.৪৬ পুথোক পুশিন তৌখি।

অকুপ্পা ৱারোলগীদমক: https://pib.gov.in/PressReleseDetail.aspx?PRID=1630647

প্রধান মন্ত্রীনা কেদরনাথ রিকন্সত্রক্সন প্রোজেক্ত য়েংশিনখ্রে

প্রধান মন্ত্রীনা ঙসি উত্তরাখন্দগী রাজ্য সরকারগা ভিদিও কনফরেন্সকী থোংদা কেদরনাথ ধাম দিবেলপমেন্ত অমসুং রিকন্সত্রক্সনগী প্রোজেক্ত য়েংশিনখ্রে। তীর্থ অসিবু অমুক নৌনা শেমগৎ-শাগৎনবগী ৱাখল্লোন অদু থম্লদুনা প্রধান মন্ত্রীনা হায়খি মদুদি রাজ্য সরকারনা কেদরনাথ অমসুং বদ্রিনাথগুম্বা শেংলবা মফমশিং অসি মতম চুপ্পদা মীয়াম পু্ম্বনা খংনবা মওংদা অমসুং অকোইবগী ফীভমগা চাননা অমদি মহৌশা অমসুং মসিগী অকোইবদা লৈরিবশিং অদুগা চুশিন্নগদবা মওং অমদা রাজ্য সরকারনা শেমগৎনবা প্রোজেক্তশিং অসিগী ৱাখল্লোনশিং অদু শাগৎকদবনি অমসুং দিজাইন শেমগদবনি। হৌজিক্কী ওইরিবা ফীভমশিং অমসুং শেংলবা মফমশিংদা লমকোয়বশিং অমসুং তীর্থ চৎপা মীশিং চাংদম্ননিংঙাই লৈতবা মওংদা চাং হন্থরকপগী চৈথেং অসি য়েংলগা প্রধান মন্ত্রীনা হৌজিক্কী শেম-শাবগী কুম অসি লাপ্না লৈনবগী চৎন -কাংলোনশিং অদু ঙাক্তুনা লেবর পুলশিং অদু নিংথিজনা য়েন্থোক্তুনা লোইশিন্দ্রিবা থবকশিং অসি মপুং ফানা লোইশিন্নবগীদমক্তা থবক্তা শিজিন্নবা য়াই হায়না প্রধান মন্ত্রীগী ওইবা ৱাখল্লোন ফোংদোকখি। মসিনা লাক্কদৌরিবা চহিশিংদা তুরিজমগী মফম অসি নিংথিজনা শেম-শাদুনা থম্নবগীদমক্তা খুদোংচাবশিং অমসুং ইনফ্রাস্ত্রকচরশিং অসি শেম্বদা মতেং পাংগনি।

অকুপ্পা ৱারোলগীদমক: https://pib.gov.in/PressReleseDetail.aspx?PRID=1630620

প্রাইবেত সেক্তরনা মখোয়গী কেপাসিতী হেঙ্গৎনবা ইসরোগী কান্নবশিং অমসুং অতোপ্পা মরী লৈনবা এসেতশিং শীজিন্নবা য়ারগনি: দা.জিতেন্দ্র সিংহ

মোদী সরকারগী অনিশুবা তর্মগী অহানবা চহীগী মনুংদা স্পেস তেক্নোলোজীগী হিরমদা ভারতনা ফংখিবা মীংচৎশিং অদু তেনতক্না দা.জিতেন্দ্র সিংহ হায়খ্রে মদুদি শেল থুমগী মন্ত্রীনা ফোংদোকখিবগী মতুং ইন্না মরোমদোম লেপচবা ঙম্বা ওইননবগীদমক মোদী সরকারগী ‘আত্মনির্ভর ভারত’ রোদমেপনা স্পেসকী থবকশিংদা প্রাইবেত পার্তিসিপেসন তৌরকপা অসিনা ভারতকী প্রাইবেত সেক্তরনা ভারতকী স্পেস সেক্তরগী খোঙচৎতা চৎমিন্নবা কো-ত্রবেল্লর ওইরগনি৷ কোরোনা লাইচৎ অসিগী মনুং অসিদসু ইসরোগী সাইন্তিসশিংনা তঙাই ফদনা চংবা খ্বাইদগী ফরবা মেদিকেল খুৎলাইশিং, প্রোতেক্তিব কিৎশিং অমসুং অতোপ্পা ইক্বুইপমেন্ত পীনবা কন্না হোৎনখি৷

অকুপ্পা ৱারোলগীদমক: https://pib.gov.in/PressReleseDetail.aspx?PRID=1630524

প্রধান মন্ত্রী অমসুং ফিলিপিন্সকী রাস্ত্রপতি অনিগী মরক্তা তেলিফোন্দা ৱারী শানখ্রে

প্রধান মন্ত্রী শ্রী নরেন্দ্র মোদীনা তেলিফোন্দা ফিলিপিন্সকী রাস্ত্রপতি হিজ এক্সিলেন্সি রোদ্রিগো দুতের্তেগা ৱারি শানখি অমসুং কোবিদ-১৯ লাইচৎ শন্দোরকপদগী ওইরকলিবা অৱাবা ফিবমশিং লাকশিন্নবা সরকার অনিনা পায়খৎলিবা থবকশিংগী মতাংদা খন্নখি। হৌজিক থেংনরিবা হকশেলগী অৱাবা মনুংদা ভারত্তা লৈরিবা ফিলিপিন্স মচাশিং নত্ত্রগা ফিলিপিন্সতা লৈরিবা ভারমচাশিংগী য়াইফনবগা লোয়ননা মখোয় ময়ুমশিংদা হন্নবা হোৎনরিবা অসিদা মতেং পীনবা মখা তানা শাংদোকপদা লুচিংবা অনিমক্না থাগৎখি। ফিলিপিন্সতা তঙাইফদবা হিদাক-লাংথকশিং ফংহন্নবা ভারতনা পায়খৎলিবা থবকশিং ফিলিপিন্সকী রাস্ত্রপতিনা থাগৎখি।

অকুপ্পা ৱারোলগীদমক: https://pib.gov.in/PressReleseDetail.aspx?PRID=1630515

 

পি.আই.বি. ফিল্দ ওফিসশিংদগী ফংবা পাউ

  • চন্দিগর: কোরোনা লান্থেংনবদা কন্না হোৎন্দুনা এক্তিব কেসশিং হন্থহল্লিবা অসিগীদমক য়ু.তি. অমা ওইরিবা চন্দিগরগী এদমিনিস্ত্রেতরনা দোক্তরশিং, হেলথ ৱার্করশিং, ম্যুনিসিপাল, পুলিস অমসুং এদমিনিস্ত্রেতিব ওফিসিএলশিংবু থগৎপা ফোঙদোকখ্রে। অদুম ওইনমক অতোপ্পা স্তেৎতগী হল্লকপা মীওইশিংবু দিস্ত্রিক্ত ওথোরিতিনা মীকুপ নাহুম শিংনা য়েংশিন্দুনা লাইনা অসি ঙল্লিঙৈদা খঙদোক্লগা লাকশিনহৌনবা হোৎনগদবনি হায়না মহাক্না মখা তাখি। বোর্দরশিং হাংদোকপা অসিনা করিগুম্বা অনীরকশুবা ওইনা লাইনা অসি থোক্লবদি হায়দুনা হোস্পিতাল অমসুং হেলথ সেন্তর পুম্নমক অসিদা অনাবা মীওইশিং পুখৎনবা শেম শাদুনা লৈনবা প্রিন্সিপল সেক্রেতরীদা এদমিনিস্ত্রেতরনা হুকুম পীখ্রে।
  • হরিয়ানা: দিস্ত্রিক্তশিংদা য়ামদ্রবদা নুমিৎ অনি অমসুং অহিং অনি থংনা-থংননা সুপ্রবাইজ তৌনবা অমসুং হৌজিক তৌরিবা শেম-শাবশিংগী ফীভম য়েংশিন্নবা অমসুং স্তেৎ অসিদা কোবিদ-১৯ শন্দোকপাগী চাং য়েংশিনবদা য়ুম্ফম ওইরগা মথৌ তাবা তুংগীদমক শেম শাবা অসি শীন্দোকনবা হরিয়ানা সরকারনা সিনিয়র ওফিসরশিং দিপ্যুৎ তৌখ্রে। দিস্ত্রিক্তকী পুলিস, য়ু.এল.বি., হেলথ অমসুং মেদিকেল ইদুকেসন অমসুং রিসর্চকী বিভাগশিংগী ওফিসিএল পুম্নমক অসি মথৌ পাংথোকনবা অমসুং কোবিদ-১৯ মাইয়োক্তা লানথেংননবা পুক্নিং থৌগৎনবা মরি লৈনবা ওফিসরশিংনা থৌদাং লৌনবা খঙহনখ্রে।
  • মহারাস্ত্র: অনৌবা কেস ২,২৫৯ হাপচিল্লকপগা লোয়ননা মহারাস্ত্রগী কোবিদ-১৯গী মশিং অসি ৯০,৭৮৭ য়ৌখ্রে। স্তেৎ অসিগী হকশেলগী বিভাগকী মতুং ইন্না, স্তেৎ অসিদা শীখিবা ১২০ রিপোর্ত তৌরকপগা লোয়ননা মশিং অসি ৩২৮৯দা লৈরে। পুং ২৪ অসিদা ফগৎখিবা অনাবা মশিং ৪২,৬৩৮ ওইবগা লোয়ননা ১৬৬৩ দিসচার্জ তৌখ্রে। নাকল অমরোমদা মুম্বাইদা অনৌবা কেস ১,০১৫ থেংনখ্রে লোয়ননা অপুনবা মশিং ৫০,৮৭৮তা হেনগৎখ্রে। সহর অসিনা শীখিবা ৫৮ রিকোর্দ তৌদুনা অপুনবা ১,৭৫৮ শুখ্রে। মুম্বাইগী কেস মশিং অসি হৌজিক কোরোবা ভাইরস শন্দোরকখিবা মফম ওইরিবা চিনাগী ৱুহানদগী হেনখ্রে। লাইবাক ফাবনা মুম্বাইগী দব্লিংগী চাং অসি নুমিৎ ২৩দা হেনগৎক্রে অমসুং এসিয়াগী খ্বাইদগী চাউবা স্লমদা দব্লিংগী চাং অসি নুমিৎ ৪৮দা হেনগৎখ্রে। মসিগী মথক্তা ধারভিদা নুমিৎ তরেৎনি অসিদা শীবগী পাও অমত্তা লাক্ত্রি।
  • গুজরাৎ: অনৌবা কোবিদ-১৯ কেস ৪৭০ রিপোর্ত তৌরকখ্রে, স্তেৎকী ওইনা কোরোনাভাইরস পোজিতিব কেস ২১০৪৪ শুখ্রে মসিগী মনুংদা ৫৩৩৬না এক্তিব কেসনি। অনৌবা কেস অসিগী মনুংদা ৩৩১না হোৎস্পোৎ ওইরিবা এহেমদবাদতগী রিপোর্ত তৌরকখি। লৈবাকপোকপা নুমিৎতা কোবিদ-১৯গী অনাবা মীওই ৩৩ শীখিবগা লোয়ননা স্তেৎ অসিদা শীকিবা মশিং ১,৩১৩ য়ৌখ্রে। নাকল অমরোমদা, হোস্পিতালশিংদগী মীওই ৪০৯ দিসচার্জ তৌদুনা ফগৎখ্রবা মী মশিং ১৪,৩৭৩ শুখ্রে। লোয়ননা এহেমদবাদকী মমিং লৈরবা ক্রিতিকেল কিয়র স্পিসিএলিস্ত দোক্তর রাজ রাৱলনা এক্সপর্ৎ দোক্তরশিংগী গ্রুপ অমা শেমখ্রে অমসুং লাইওং য়াম্না উৎতবা অনাবা মীওইশিংগী কোবিদ হোম কিয়র সর্ভিস হৌখ্রে। হোম কিয়র সর্ভিস অসিগী মখাদা, করিগুম্বা মথৌ্ তারবদি অনাবা মীওইশিং অসি য়েংশিন্নবা নর্স, ওক্সিজেন অমসুং মোনিতর তৌনবা পীগনি।
  • রাজাস্থান: ঙসি অয়ুক ফাওবদা অনৌবা কোবিদ-১৯গী কেস ১২৩ রিপোর্ত তৌরকখ্রে, অমরোমদা লাইবাকপোকপা নুমিৎতা অনৌবা কেস ৩৬৯ রিপোর্ত তৌদুনা স্তেৎ অসিগী কোরোনাভাইরস পোজিতিব কেস ১১,৩৬৮ শুখ্রে। ঙসি ফাওবদা অনাবা মীওই ৮৫০২ স্তেৎ অসিদা ফগৎখ্রে মসি লৈবাক অসিগী খ্বাইদগী ৱাংবা ফগৎপগী চাং ওইরি। কোরোনা কেসশিং লেপ্পা লৈতনা এনগৎলকপা অসিনা রাজাস্থান সরকারনা মখোয়গী ইন্তর-স্তেৎ বোর্দরশিং ঙসি থিংজিনখ্রে। মসিগী মথক্তা সরকার অসিনা ইন্ত্রা-স্তেৎ ত্রাফিক অসি রিগুলেৎ অমসুং কন্ত্রোল তৌনবা ৱারেপ লৌখ্রে।
  • মধ্য প্রদেশ: অনৌবা কোবিদ-১৯ কেস ২১১ রিপোর্ত তৌরকখ্রে, স্তেৎকী ওইনা কোরোনাভাইরস পোজিতিব কেস ৯৮৪৯ শুখ্রে । অমরোমদা এক্তিব কেসকী মশিং অসি ২৭০০ ওইরি, অপুনবা মীওই ৬,৭২৯ লাইনা অসিদগী ফগৎখ্রে অমসুং হৌজিক ফাওবদা মীওই ৪২০ শীখ্রে। কোরোনাভাইরস শন্দোকপগী চাং অসি লৈবাক্কী ওইনা চাদা ৫.৪ ওইবগা লোয়ননা এম.পি.গীনা মসিদগী হন্থদুনা চাদা ২.৭৪ ওইরি।
  • ছত্তিশগর: লৈবাকপোকপা নুমিৎতা অপুনবগী ওইনা অনৌবা কোবিদ-১৯ কেস ৪৩ রিপোর্ত তৌরকখ্রে, স্তেৎকী ওইনা কোরোনাভাইরস পোজিতিব কেস ১২৫১ শুখ্রে , অমরোমদা এক্তিব কেসকী মশিং অসি ৮৫৯ ওইরি।
  • Goa: লাইবাকপোকপা নুমিৎতা অনৌবা কোবিদ-১৯ কেস ২৯ রিপোর্ত তৌরকখ্রে, স্তেৎকী ওইনা কোরোনাভাইরস পোজিতিব কেস ৩৫৯ শুখ্রে , মসিগী মনুংদা এক্তিব কেসকী মশিং অসি ২৯২ ওইরি অমসুং স্তেৎ অসিদা হৌজিক ফাওবদা মীওই ৬৭ ফগৎখ্রে। স্তেৎ অসিগী মঙ্গুরগী মফম অসিদা লেপ্পা লৈতনা খ্বাইদগী য়াম্বা কেস লৈরি লোয়ননা অনৌবা কেস ২২না মফম অসিদগী ওইরি।
  • অরুনাচল প্রদেশ: হৌজিক ফাওবদা স্তেৎ অসিদা পন্দুনা লৈরুরবা মীওই ১১,৫০০ হেনব হল্লকখ্রে আয়না স্তেৎ হেলথ সেক্রেতরীনা ফোংদোকখ্রে। মহাক্না পন্দুনা লৈরিবা মীওই কয়া স্তেৎ অসিদা হল্লক্লগনি অমসুং এস.প.পি.শিং মখোয়গী চেকঅপশিং অমসুং ক্বারন্তিন তৌবদা ঙাক্লি হায়না হায়খি।
  • অসাম: অসামদা কোবিদ-১৯গী অনৌবা পোজিতিব কেস ৪২ থেংনরে। অপুনবা কেস ৩০৯২, এক্তিব কেস ১৯৮৭, ফগৎপা ১০৯৭ অসমুং শীকিবা ৫।
  • মনিপুর: অনৌবা মীওই মঙা কোবিদ-১৯ তেস্ত তৌবদা পোজিতিব ওইদুনা অপুনবা মশিং ৩০৯নি মসি রিতর্নী ঙাক্তনি। স্তেৎ অসিদা হৌজিক ফাওবদা তেস্ত ১৯,৮৫৪ তৌখ্রে।
  • মিজোরাম: লোকদাউনগী গাইদলাইনশিংদা শেমদোকপা অসিগী মতুং ইন্না মিজোরামগী লেঙপুই এয়রপোর্ত অসি মখা তাবা ওর্দরশিং থোক্ত্রি ফাওবা চল্লাইখিগনি।
  • নাগালেন্দ: নাগালেন্স সিবিল সোসাইতি ওর্গানাইজেসননা ঙসি নুমিদাং পুং ৭তা ‘য়ুমদগী প্রথনা” অমা তৌনবা শিনখি। মীয়াম্না কেনদলশিং থান্দুনা নত্রগা মোবাইল ফোনগী ফ্লাশ থান্দুনা অমসুং ফ্রন্তলাইন ৱার্করশিং য়াওনা পুম্নমক্কী খুদোংথিদনবা প্রথনা তৌনবা হায়খি। হৌজিক ফাওবদা নাগালেন্দদা সেম্পল ৪৭৩২ তেস্ত তৌখ্রে। ৩৫১৮কী রিজল্ত ফংখ্রে অমসুং মীওই ৫৯২২না হৌজিক ক্বারন্তিন তৌদুনা লৈরি।
  • কেরেলা: তরিবান্দম মেদিকল কোলেজদগী মমাংগী নুমিৎতা চেন্থকখিবা কোবিদ-১৯ অনাবা অমা ঙসি হোস্পিতালদা পুরক্লবা মতুংদা আইসোলেসন ৱার্দ মনুংদা মশা মথন্তা শীজখ্রে। মহাক্কী অনিশুনা তেস্ত অদু নেগেতিব ওইখি। মহাক্কী মরুপ অমসুং নক্নবা ইমুং মনুংগী মীওই ৪০ ক্বারিন্তিন্দা থমখ্রে। কোবিদ-১৯ কম্ম্যুনিতি স্প্রেদ থিংনবা স্তেৎ কেবিনেৎনা লাকশিন্নবা পাম্বৈশিং মপাঙ্গল কনখৎনবা ৱারেপ লৌখ্রে। সবারিমালা হিল শ্রাইনগী লাইনিংবগী মকোকনা মথংগী নিংথৌকাবা নুমিৎতগী ঔগদোরিবা থাগী পুজা মনুংদা লাইশঙ মনুংদা ভক্তশিং চংহন্দনবা দেবস্বম বোর্দতা চিথী ইখ্রে অমসুং কুমহৈ য়ৈথোক্নবসু হায়জখ্রে। গল্ফ রিজনদা কেরেলা মচা মরি ভাইরসনা শীহনখ্রে। অপুনবা মলাবালি ২০৭না ভাইরস অসিনা গল্ফতা শীহনখ্রে। মুম্বাই অনি অমসুং দিল্লিদা অমা শীহনখ্রে। ঙরাং থংনবা অনিশুবা নুমিৎতা কেরেলাদা অনৌবা কেস ৯১ ফঙখি। স্তেৎ অসিদা ক্বারিন্তিন্দা লৈরিবা মীগী মশিং অসি লাখ ২ হেনখ্রে।
  • তমিল নাদু: স্তেৎ লৈঙাক্না কোবিদ-১৯দগী শীবা রিপোর্ত তৌদবা য়াওরম্বা য়াই হায়না ফোঙদোকখ্রে; চেন্নাইদা অশীবা খুদিংমক মেম্বর ৯গী কম্মিতি অমনা ওদিৎ তোরগনি। পোন্দিচেরিদা শীরবা মতুংদা থবক্তগী পোত্থারবা ওজা অমা কোবিদ-১৯ পোজিতিব ওইখ্রে, য়ু.তি. অসিদা কেস ১৪৫তা হেনগৎখ্রে। তি.এন.গী মতিং ইল্লদুনা পোন্দিচেরি এদমিনিস্ত্রেসন্না লৈবাকপোকপা নুমিৎতা পোন্দিচেরি অমসুং করাইকল রিজন্দা স্তেন্দর্দ X পব্লিক একজামিনেসন কেন্সেল তৌখ্রে। দি.এম.কে. এম.এল.এ. জে. অন্বাঝাগন চেনাইদা কোবিদ-১৯না মরম ওইদুনা লৈখ্রিদে। ঙরাং অনৌবা কেস ১৬৮৫, ফগৎলকপা ৭৯৮ অমসুং শীবা ২১ রিপোর্ত তৌখি। কেস ১২৪২না চেনাইদগীনি। অপুনবা কেস: ৩৪৯১৪, এক্তিব কেস: ১৬২৭৯, শীখিবা: ৩০৭নি। চেনাইদা অপুনবা কেস ১২৫৭০নি।
  • কর্নাতক: হকশেল ভিভাগনা লাওথোকখ্রে মদুদি, স্তেৎনা আই.এল.আই. নত্রগা এস.এ.আর.আই. লাইওংগী হিস্ত্রি লৈবা অশিবশিংদা কোবিদ তেস্ত তৌবা মখা চত্থরি- তেস্ত তৌনবা শীরবা মতুং পুং ৬কী মনুংদা স্বাব লৌগনি। মেদিকল ইদুকেসন মন্ত্রী দোক্তর শুধাকর কে.না হায় মদুদি স্তেৎ অসিনা লৈবাকপোকপা নুমিৎতা তেস্ত লাখ ৪ লানখ্রে। দিসচার্জ তৌখিবা ২৬০৫ অমসুং অপুনবা কেস ৫৯২১গা লোয়ননা কর্নাতক্কী ফগৎলকপগী চাং অসি ৪৪%দা লেংদনা লৈরি। হকশেল মন্ত্রী বি. শ্রীরামুলুনা হায়খ্রে মদুদি মহারাস্ত্রদগী হল্লকপা মীওইশিং মতম অসিদগী ইন্সতিত্যুস্নল ক্বরিন্তিন তৌররোই অমসুং হকথেংননা নুমি৭ ১৪গী খোম ক্বরিন্তিন্দা থারগনি। ঙরাং অনৌবা কেস ১৬১, দিসচার্জ তৌখিবা ১৬৪ অমসুং শীখিবা অনি রিপোর্ত তৌখ্রে। অপুনবা পোজিতিব কেস: ৫৯২১, এক্তিব কেস: ৩২৪৮, শীখিবা: ৬৬নি।
  • অন্ধ্র প্রদেশ: সুপ্রিম কোর্তনা স্তেৎ ই.সি. এন. রামেশ কুমারগী রিইন্সতেৎমেন্ত কেসতা এ. পি. লৈঙাক্কী পিতিসনগী মথক্তা স্তে তৌবা য়াখ্রিদে। অন্ধ্রদা হান্না লাওথোকখিবা সেদ্যুলগী মতুং ইন্না ক্লাস ১০গী চাংয়েং পাংথোক্লগনি হায়না মন্ত্রী অদিমুলাপু সুরেশনা ফোঙদোকখ্রে। সি. এম.না স্তেৎ আসিদা ফীশুবা, শম ককপা অমসুং ফী তুবশিং ওইরিবা বেনিফিসরি ২,৪৭,০৪০ খুদিংমক্তা লুপা ১০,০০০গী চহীগী শেলগী ইন্সেন্তিব পীগদবা স্কিম ‘জাগানন্না চেধুদু’ হৌদোকখ্রে। তি.তি.দি.না শগোলশেন নুমিৎতগী লাইনিংবশিংগী দর্শন তিরুমালাদা হৌনবা শেম শাখ্রে। হৌখিবা পুং ২৪দা সেম্পল ১৫,৩৮৪ তেস্ত তৌরবা মতুংদা অনৌবা কেস ১৩৬, দিসচার্ত তৌখিবা ৭২ অমসুং শীখিবা অমা রিপোর্ত তৌখ্রে। অপুনবা কেস: ৪১২৬নি। এক্তিব কেস: ১৫৭৩, ফগৎলকপা: ২৪৭৫, শীখিবা: ৭৮নি।
  • তেলঙ্গনা: ঙরাং দোক্তর অমদা এতেক্ত তৌখ্রবা মতুংদা গান্ধী হোস্পিতাদা য়ানিংদবা ফোঙদোক্লিবশিংগা পুন্না দোক্তরশিংনা লেপখিদুনা তেলঙ্গনা শিনবা থুংনা য়ানিংদবা ফোঙদোকখ্রে। তেলঙ্গনা লৈঙাক্না ক্লাস ১০গী মহৈরোইশিং মখোয়গী ইন্তর্নেল এসেসমেন্তশিংগী পর্ফোমেন্সতা য়েংলগা প্রমোসন পীনবা য়াথং থোকখ্রে। মহৈরোই লাখ ৭ ময়া নকপনা য়াথং অসিগী মতুং ইন্না প্রমোসন পীরগনি। ঙসি ফাওবদা মাইগ্রেন্ত অমসুং মীরৈবাক্তগী হল্লকপা মীওই ৪৪৮ পোজিতিব ওইখ্রে।

ফেক্ত চেক

Image

*****

 



(Release ID: 1630760) Visitor Counter : 15