PIB Headquarters

কোবিদ-১৯গী মতাংদা নুমিৎ খুদিংগী ফোংবা পি.আই.বি.গী বুলেতিন

Posted On: 07 JUN 2020 6:36PM by PIB Imphal

     

(মসিদা হৌখিবা পুং ২৪ দা থোকখিবা কোবিদ -১৯গা মরী লৈনবা চেফোংশিং, ফিল্দ ওফিসশিংদগী ফংবা পাউশিং, অমসুং পি.আই.বি.না লৌখৎপা ফেক্ত চেকশিং য়াওরি )

  • ঙরাংগী ৫২২০ য়াওনা কোবিদ-১৯ অনাবা ১,১৯,২৯৩ নাবা ফখ্রে; ফগৎলকপগী চাং অসি ৪৮.৩৭%নি।
  • হৌজিক লৈবাক অসিদা এক্তিব কেস ১,২০,৪০৬না অকনবা মেদিকলগী চেকশিন থৌরাংগী মখাদা লায়েংলি।
  • তেস্ত তৌনবা লেব মশীং ৭৫৯ শুখ্রে; ঙরাং সেম্পল ১.৪২ লাখ তেস্ত তৌখ্রে।
  • দাইরেক্ত তেক্সশিংগী কল্লেক্সনদা তাথবা অসি পান্নরম্বা লৈয়ি অদুদা লৈ অমসুং মসি মহৌশানা মতম খরাগী ওইগনি মরমদি শেনবা চহী ২০১৯-২০গী মনুংদা থোকখিবা ইতিহাসিক ওইরবা তেক্সকী রিফোর্মশিং অমসুং চাং ৱাংনা রিফন্দশিং তৌখিবননি।

Image

হকশেল অমসুং য়াইফ-য়ুম্বাল মন্ত্রালয়দগী কোবিদ-১৯গী খ্বাইদগী নৌবা পাও

হৌখিবা পুং২৪দা কোবিদ-১৯ অনাবা মীওই ৫,২২০ অনাবা ফরে। অসুম্না, অপুনবা ওইবা অনাবা মীওই ১,১৯,২৯৩ কোবিদ-১৯দগী ফরে। কোবিদ-১ নারবা মীওইশিংগী মরক্তা অনাবা ফবগী চাং চাদা ৪৮.৩৭ওইরি। হৌজিক এক্তিব কেস ১,২০,৪০৬ লৈরি অমসুং পুম্নমক মেদিকেলগী চেকশিন-থৌরাং মখাদা লায়েংলি।

লৌনরবা মীওইশিংদা নোভেল কোরোনাভাইরস চাংয়েং তৌনবা আই.সি.এম.আর.না মখা তানা চাংয়েং তৌবা ঙম্বগী চাং হেনগৎহল্লে। লৈবাক শীনবা থুংনা সরকারগী ৫৩১ অমসুং লনাইগী লেবোরেতোরি ২২৮(অপুনবা লেবোরেতোরি ৭৫৯) মশীং হেনগৎলে। হৌখিবা পুং ২৪দা কোবিদ-১৯গী অপুনবা সেম্পল ১,৪২,০৬৯ চাংয়েং তৌখ্রে। হৌজিক ফাওবদা অপুনবা সেম্পল মশিং ৪৬,৬৬,৩৮৬ চাংয়েং তৌখ্রে।

অকুপ্পা ৱারোলগীদমক: https://pib.gov.in/PressReleseDetail.aspx?PRID=1630031

পুন্না হোৎনদুনা পুক্নিং চপয়ুংনা লেপতুনা মাংজিল থানা চংশিল্লি

মিদিয়াগী শরুক অমদা সরকারনা কোবিদ-১৯ লাকশিনবা অমসুং য়েংশিনবা হৌনবদা তেক্নিকেল এক্সপর্ত অয়াম্বগী খঙ হৈজবা অদু য়াওহন্দবগী মতাংদা নুঙনাংবা পোকপা ফোংদোকপগী রিপোর্তশিং লাক্লি।

হায়রিবা চিংনবশিং অমসুং মরাল শীরিবশিং অসি মরম চাদে অমসুং য়ুম্ফম য়াওদবনি।কোবিদ-১৯ লাইচৎ অসিগী মতাংদা সরকারনা ঙাইহাক লৈতনা তেক্নিকেল অমসুং স্ত্রেতেজিক ইনপুৎশিংগী, সাইন্তিফিক্কী ৱাখল্লোনশিংগী অমসুং অখন্নবা দোমেনগী এক্সপর্তশিংগা তান্নরি। সেক্রেতরী দি.ঐচ.আর-কম-দি.জি.-আই.সি.এম.আর.গা লোয়ননা নিতি আয়োগকী মীহুৎ (হকশেল)না চ্যিরপর্সন ওইদুনা অমসুং সেক্রেতরী (দি.ও.ঐচ.এফ.দবল্যু) অমসুং সেক্রেতরী (দি.ঐচ.আর.)না কো-চ্যির ওইদুনা কোবিদ-১৯গী নেসনল তাস্ক ফোর্স (এন.তি.এফ) অমা শেমখ্রে।এন.তি.এফ. অসি সরকারগী অমসুং সরকারগী নত্তবা তেক্নিকেল/দোমেন এক্সপর্তশিং য়াওনা মীহুৎ ২১না শাই। তাস্ক ফোর্স অসিনা মরু ওইনা খঙ-হৈরিবা হীরম অসি মীয়ামগী হকশেলগী অমসুং/নত্রগা ইপিদেমিওলোজুজিদনি। কোবিদ-১০ লাইচৎ অসিগী মতাংদা শরুক য়াদুনা অমসুং য়েংশিন্নবা, গ্রুপ অসিদা হীদাক-লাংথক, ভাইরোলোজি, ফার্মাকোলোজি অমসুং প্রোগ্রাম ইমপ্লিমেন্তেসন দোমেনশিংদগীসু এক্সপর্তশিং য়াওই।

লোকদাউনগী ফমশিং অমসুং অতোপ্পা অথিংবশিংনা মীওই লাখ কয়া নাহনগদবা অমসুং লিশিং কয়া শীহনগদবা অদু ঙাকথোকপা অদুগী মতাংদা সরকারনা মমাংদা খঙহনখ্রে অমসুং মসিনা হেলথ সিস্তেমদা অমসুং মীয়ামদা শেমশাবদসু কান্নবা কয়া ফংহল্লি। য়ু.কে./স্পেন অমসুং জরমনীগুম্বা লোকদাউন কোমথোকপা লৈবাকশিংগা চাংদম্নরুবদা, ভারতনা মীশীং লাখ অমদা থেংনবা কেস মশীংদা খ্বাইদগী নেম্মি হায়না রিপোর্ত তৌরি, মীশীং লাখ অমদা থেংনবা কেস মশীংনা ১৭.২৮ অমসুং মীশীং লাখ অমদা থেংনবা শীখিবা মশীংনা ০.৪৯ (দবল্যু.ঐচ.ও.গী জুন ৬, ২০২০গী সিচ্যুএসন রিপোর্তকী মতুং ইন্না) ওই।

অকুপ্পা ৱারোলগীদমক: https://pib.gov.in/PressReleseDetail.aspx?PRID=1630069

দাইরেক্ত তেক্স কল্লেক্সন অমসুং হন্দক্কী দাইরেক্ত তেক্স রিফোর্মশিংগী গ্রোথ ত্রেজেক্তরী

মিদিয়াগী শরুক খরাদা শেনবা চহী ২০১৯-২০গী দাইরেক্ত তেক্স কল্লেক্সন অসি কা হেন্না নেমথখিবা অমসুং জি.দি.পি. গ্রোথকা চাংদম্নবদা দাইরে্ক্ত তেক্স কল্লেক্সনগী বাউয়েন্সি অসি নেগেতিব চৎখ্রে হায়না রিপোর্ত তৌরকপা লৈখ্রে। মসিগী রিপোর্তশিং অসিনা দাইরেক্ত তেক্সকী গ্রোথকী অচুম্বা ৱারোল অদু উত্তে। শেনবা চহী ২০১৯-২০গী নেৎ দাইরেক্ত তেক্স কল্লেক্সনগী অসি শেনবা চহী ২০১৮-১৯গী নেৎ দাইরেক্ত তেক্স কল্লেক্সনদগী হন্থৈ হায়বা অসি অচুম্বা ৱাফম অমনি। অদুবু দাইরেক্ত তেক্সশিংগী কল্লেক্সনদা তাথবা অসি পান্নরমবা লৈয়ি অদুদা লৈ অমসুং মসি মহৌশানা মতম খরাগী ওইগনি মরমদি শেনবা চহী ২০১৯-২০গী মনুংদা থোকখিবা ইতিহাসিক ওইরবা তেক্সকী রিফোর্মশিং অমসুং চাং ৱাংনা রিফন্দশিং তৌখিবননি।

শেনবা চহী ২০১৯-২০গগী দাইরেক্ত তেক্স কল্লেক্সনশিংদা হকথেংননা শাফু পীখিবা অচৌবা তেক্স রিফোর্মশিং তৌখিবা অদুগী ইস্তিমেদ তৌখিবা রিভেন্যূ অদু য়েংলুরবা মতুংদা করিগুম্বা ঐখোয়না গ্রোস কলেক্সন (চহী অমদা পীবা রিফন্দ তৌবগী শেনফমগী খেৎনবদগী থোকখীবা নিয়ম নাইদবশিং অদু লৌথোক্লিবা) অসি চাংদম্নরবদি মসিগী ৱাফম অসি হেন্না মরিক চুম্লকনি। খঙজিনবা য়াবদি শেনবা চহী ২০১৯-২০গী ওইনা অপুনবা রিফন্দ তৌখিবা শেমফম অদু লুপা কোতি লাখ ১.৮৪ ওইখি মসি শেনবা চহী ২০১৮-২৯গী লুপা কোতি লাখ ১.৬১গা চাংদম্নবদা চহী অমদগী চহী অমদা ১৪% হেনগৎপা অমনি।

অকুপ্পা ৱারোলগীদমক: https://pib.gov.in/PressReleasePage.aspx?PRID=1630018

কোবিদ-১৯ লান্থেংনবদা মরু ওইরিবা অসি ৱাখল ৱাবা নত্তে এৱের্নেসনি : দোক্তর জিতেন্দ্র সিংহ

কোবিদ-১৯কী লাইচৎ অসি লান্থেংনবদা মরু ওইরিবা অসি ৱাখল ৱাবা নত্তে এৱের্নেসনি হায়না কন্দ্রগী মন্ত্রী দোক্তর জিতেন্দ্র সিংহনা ঙসি ফোংদোকখ্রে। কোবিদ-১৯ নারবা মীওইশিংগীদমক ভারতকী মশাগী ওইবা অহানবা, শেল চংদবা, ৱাইরলেস ফীজিওলোজিকেল পেরামিতরশিং মোনিতর তৌনবা সিস্তেম, কোবিদ বীপ (কন্তিন্যুয়স ওক্সিজিনেসন এন্দ ভাইতেল/ইনফোর্মেসন দেতেক্সন বাইওম ই.সি.আই.এল. ই.এস.আই.সি. পোদ)অসি ই.এস.আই.সি. মেদিকেল কলেজ হাইদ্রাবাদনা আই.আই.তি. হাইদ্রাবাদ অমসুং এতোমিক ইনর্জিগী বিভাগকা লোয়ননা চুংশিনমিন্দুনা পুথোকখিবা অসি লোঞ্চ তৌবদা, মহাক্না লাইচৎ অসি কান্নগদবা মওংদা লাকশিনবদা ঙাকথোকপা অমসুং এৱের্নেসকী মরু ওইবা অমদি হৌজিক থা অনি মপুং ফানা অমসুং মতম চানা লোকদাউন তৌরুরবগী মতুংদা তাঙ্কক নাইবা মওংদা অনলোক তৌবা হৌখিবা অসিসু পনখি।

অকুপ্পা ৱারোলগীদমক: https://pib.gov.in/PressReleasePage.aspx?PRID=1630067

নেস্নেল গেলরী ওফ মোদর্ন আর্তনা জুন ৮দগী জুলাই ৩, ২০২০ ফাওবা ওনলাইন নাইমিশা কৌবা সমর আর্ত প্রোগ্রাম অমা পাংথোক্কদৌরি

হৌজিক ওইরিবা লায়চৎ অমসুং লোকদাউনগী মতমসিদা ম্যুজিয়ম অমসুং কলচরগী ইন্সতিত্যুসনশিংনা মহৌশাগুম হাংদোক্তুনা য়েংবা লাকপা মীওইশিংবু সেবা তৌবা ঙম্নদ্রি। মরম অসিনা এন.জি.এম.এ.না য়েংনিংবা মীওইশিংগী ওইনা ওইনা পাম্বৈ থিদুনা লাক্লি। মমাংগী থা অনিদগী এন.জি.এম.এ.না ভর্চুৱেল ওইনা অসিগুম্বা থৌরম কয়া পাংথোক্তুনা লাক্লি। তেক্নোলোজীদা চাউখৎলকপসিনা অসিগুম্বা থৌরম শিনবা য়াবগী খুদোংচাবা কয়া অমা পীরি। মরম অদুনা এন.জি.এম.এ.না মখোয়গী খ্বাইদগী মমিং চৎপা নাইমিশা প্রোগ্রাম অসি দিজিতেলগী খুত্থাংদা পাংথোক্নবা শেম শারি। এন.জি.এম.এ., নই-দিল্লীনা থা অমা চত্থগদবা সমর প্রোগ্রাম অসিদা য়াওনিংবশিংনা মখোয়গী হক-শেলগী ফিভমদা য়াশিন্নবা লৈতনা মসিদা য়াওরিবা আর্তিস্তশিং অসিগা লোয়ননা য়েকমিন্নবা অমসুং তম্বগী খুদোংচাবা অমা পীগনি।

অকুপ্পা ৱারোলগীদমক: https://pib.gov.in/PressReleasePage.aspx?PRID=1630020

পি.আই.বি. ফিল্দ ওফিসশিংদগী ফংবা পাউ

  • পঞ্জাব: স্তেৎ অসিগী প্রজাশিংনা মখোয়গী মথৌশিং পাংথোকচনবা মফম অমদগী মফম অতোপ্পা অমদা চৎনবা য়াম্বা মথৌ তারিবা কোমথোকপা অসিগী শরুক খরা ওইনা মরী লৈনবা ওথোরিতীনা তমথিরবা কোরোনাভাইরস অসি শন্দোকপা থিংনবা মী চংদনবা লাউথোকখিবা কন্তেনমেন্ত জোনশিং নত্তনা পঞ্জাব সরকারনা লনাইগী (নন-ত্রান্সপোর্ত) অমসুং মীয়ামগী ওইবা গারীশিং পুম্নমক অয়ুক পুং ৫দগী নুমিদাং ৯ ফাওবা চেনবা য়াহনখ্রে।
  • হরিয়ানা: হৌখিবা নুমিৎ তরানি অসিদা নুমিৎ খুদিংগী পোজিতিব কেস মশীং য়াম্না থেংনখিবা দিস্ত্রিক ওইরিবা গুরুগ্রাম অমসুং ফরিদবাদ অসিগী নত্তনা জুন ৮, ২০২০দগী হৌদুনা স্তেৎ অসি শিনবা থুংনা চৎনগদবা অমসুং অথিংবা কাংলোন ঙাক্না ধর্মাগী ওইবা লাই খোইরমফমশিং, মীয়ামনা লাই খোইরম্নবা মফমশিং অমসুং শোপ্পিং মোলশিং অমুক হন্না হাংনবা হরিয়ানা সরকারনা ৱারেপ লৌখ্রে।মসিদগী হেন্দোক্তুনা হোতেলশিং, রেস্তোরেন্তশিং অমসুং অতৈ অতোপ্পা হোস্পিতেলিতী সর্ভিসশিং মথৌ তাবা চেকশিন থৌরাংগা লোয়ননা স্তেৎ অসিগী মফম পুম্বদা হাংলগনি। পুম্নমক অসি হাংবগী পুংফম অসি অয়ুক্কী পুং ৯দগী নুমিদাং ৮ ফাওবগী মরক্তা ওইগনি অমদি নুমিদাংগী কর্ফিয়ু পুং ৯দগী অয়ুক্কী ৫ অদুদি অদুমক লৈগনি। হরিয়ানাদা কোবিদ-১৯ লাইচৎনা ওইহল্লক্লিবা ফীভমশিং অসি য়েংলগা হোম পুবা মন্ত্রালয়না ময়েক্তা অমসুং থৌনা লিংজেলগী ওইনা থোকখিবা গাইদলাইনশিং অমসুং ইনস্ত্রক্সনশিং অদু ঙাকনা চৎনবা অমসুং থবক থৌরমশিংদা মসি ঙাক্তুনা অথিংবা থম্নবা চীফ মিনিস্তরনা য়াথং পীখি।
  • কেরেলা: স্তেৎ অসিদা নুমিৎ মঙানি শুদা ঙাইরিবা খ্বাইদগী অঙাং ওইবা কোবিদ-১৯ কনফর্ম তৌখিবা অদু লাইনা অসিদগী ফগৎতুনা কোলমগী পরিপ্পালী মেদিকেল কলেজতগী ময়ুমদা হনখ্রে। অঙাং অসিগী মমাদি হৌজিক লাইয়েং চৎথরি। তিরুভানন্থপুরমগী রাজিভ গন্ধী সেন্তর ফোর বাইওতেক্নোলোজি অসি কোবিদ লাই্য়েংবগী খুৎলাইশিং অমসুং তেস্ত তৌনবা কিৎশিংগী এক্যুরেসি চাংয়েং তৌনবা এপ্রুফ তৌখ্রে। অতোপ্পা স্তেৎতগী সাব্রিমালা খুবমদা লাকপা ভক্তাশিংগী ওইনা কোবিদ সর্তিফিকেৎ মথৌ তারগনি। সাব্রিমালা অমসুং গুরুভায়ুর লাইশঙশিংদা লাকপা ভক্তাশিংগীদমক ভর্চ্যুল ক্ব্যূ মথৌ তাহনখ্রে।কোচিকোদকী পোজিতিব কেস হেনগৎলকপনা মরম ওইদুনা দিস্ত্রিক অসিদা হোতেলশিং জুলাই ১৫গী মতুংদা ওইনা হাংহল্লগনি। ঙসি ন্যূ দিল্লিদা মালয়ালি এক্স-রে তেক্নিসিয়ন অমা শীখ্রে।কেরেলাদা ঙরাং অনৌবা পোজিতিব কেস ১০৮ কনফর্ম তৌখ্রে অমসুং তোঙান তোঙানবা হোস্পিতালশিংদা মীওই ১০২৯ লাইয়েং চৎথরি।
  • তামিল নাদু: পোন্দিচেরিদা পোজিতিব ওইবা মীওই ১২গী মনুংদা জে.আই.পি.এম.ই.আর. দোক্তর, তেক্নিসিয়ন মঙা য়াওরে; মসিগা লোয়ননা য়ু.তি.অসিদা অপুনবা কোবিদ-১৯ পোজিতিব কেস ১১৯ শুখ্রে অদুগা কেস ৭১না এক্তিব ওইরি। ভারত নেভিগী জহাজ ‘জলাশ্ব’না হৌজিক চত্থরিবা ‘সমুদ্র সেতু’ মিসনগী শরুক অমা ওইনা মাল্দিবসতগী পন্দুনা লৈরিবা ভারত মচা ৭০০কা লোয়ননা অনিশুবা ওইনা থুথুকুদি ই.ও. চিদম্বরানর পোর্ত ত্রাস্ততা থুংখ্রে। স্তেৎনা রেস্তোরেন্তশিংগী এস.ও.পি. শেমখ্রে; চহী ৬৫গী মথক্তা লৈবা অমসুং কো-মোবিলিতি ওইবা মীওইশিং, মীরোনবী নুপী অমসুং চহী ১০গী মখাদা লৈবা অঙাংশিং মসিদা চল্লোই। সি.এম.না ইন্দস্ত্রিশিংগী এপ্রুভলশিং লাইথোকহল্লগনি হায়খ্রে। অনৌবা কেস ১৪৫৮ অমসুং শীবা ১৯ ঙরাং তি.এন.দা ফঙখি। চেনাইদগী কেস ১১৪৬নি। হৌজিক ফাওবদা অপুনবা কেস: ৩০১৫২, এক্তিব কেস: ১৩৫০৩, শীবা: ২৫১নি। চেনাইদা এক্তিব কেস ১০২২৩নি।
  • কর্নাতক: হকশেল বিভাগনা হেলথ স্ক্রিনিং, ক্বারিন্তিন অমসুং ইন্তর স্তেৎ ত্রাভেল্লরশিংগী অনলোক ১গী মনুংদা জুন ৮ ২০২০দগী চৎনগদবা শেমদোক্লবা গাইদলাইনশিং ফোঙখ্রে। হোতেলশিং, রেস্তোরেন্তশিং অমসুং লোজশিং অমসুং লাইশঙশিং হোম এফিয়র্স মন্ত্রালয়না থোকপা গাইদলাইন্দা চেকশিন্না তুং ইল্লগা হাংদোক্লগনি। ঙরাং অনৌবা কেস ৩৭৮, দিসচার্জ ২৮০ অমসুং শীবা অনি রিপোর্ত তৌখি; কেস অনৌবা ৩৭৮গী মনুংদা, ৩৩৩না ইন্তর-স্তেৎ কেসশিংনি। হৌজিক ফাওবদা অপুনবা কেস: ৫২১৩, এক্তিব কেস: ৩১৮৪, শীবা: ৫৯, ফগৎলকপা: ১৯৬৮নি।
  • আন্ধ্র প্রদেশ: এ.পি.এসেমব্লি অমসুং কাউন্সিলগী বজেৎ সেসন জুন ১৬দগী হৌনবা সেদ্যুল তৌখ্রে। মে ২১দগী মথৌ অমুক তৌবা হৌখিবা আর.তি.সি.না হৌজিক ফাওবদা লুপা কতি ২৯.৪৪গী ইনকম খোমগৎপা ঙমখ্রে। স্তেৎনা ফোরেন্ত সর্ভিস ওফিসরশিং মশীং য়াম্না ত্রান্সফর তৌখ্রে। সেম্পল ১৭,৬৯৫ তেস্ত তৌরবা মতুংদা হৌখিবা পুং ২৪দা অনৌবা কেস ১৩০, দিসচার্জ ৩০ অমসুং শীবা অনি রিপোর্ত তৌখ্রে। অপুনবা কেস: ৩৭১৮নি। এক্তিব: ১২৯০, ফগৎলকপা: ২৩৫৩, শীবা: ৭৫নি। পজিতিব ওইবা মাইগ্রেন্তশিংগী অপুনবা মশীং ৮১০নি অদুগা মখোয়গী মনুংদা ৫০৮না এক্তিবনি অমসুং হৌখিবা পুং ২৪দা দিসচার্জ তৌখিবা ২৮নি অদুগা মপান লৈবাক্তগী লাকপা ১৩১গী মনুংদা ঙসি অমা দিসচার্জ তৌখিবা য়াওনা ১২৬না এক্তিব ওইরি।
  • তেলঙ্গনা: চীফ মিনিস্তরগী ওফিসনা কোবিদ-১৯ পোজিতিব ওইবা ওফিসিএলগী পর্সনল সেক্রেতরিশিং সিল তৌখ্রে। তেলঙ্গনাদা কোবিদ-১৯ পোজিতিব ওইবা পুলিস তরুক্কী মনুংদা হোমগার্দ, কোন্সতেবল য়াওখ্রে। কোবিদ-১৯গী লাইচৎ লাকশিনবা ঙমদবগী কীবা অমসুং লাইবক থীবনা মহৈরোইশিংগী মমা-মপাশিংনা ভাইরস অসি মপুংফানা লাকশিনবা ঙমদ্রৈদা স্কুলসিং ফিজিকল ওইনা হাংদোরক্কদ্রা নত্তরাগা হাদোক্লোইদ্রা হায়বগী চমম্নবা অমা লৈরি। জুন ৬ ফাওবদা তেলঙ্গনাদা কে মশীং ৩৪৯৬ শুখ্রে; হৌজিক ফাওবদা মাইগ্রেন্ত অমসুং মীরমদগী হল্লকপা ৪৪৮ পোজিতিব ওইখ্রে।
  • মহারাস্ত্র: হৌখিবা পুং ২৪দা মহারাস্ত্রদা অণৌবা কোবিদ-১৯ কেস ২,৭৩৯ ফঙদুনা স্তোৎ অসিগী ভাইরস কেস মশীং ৮২,৬৯৮ শুখ্রে। হৌখিবা পুং ২৪দা অহেনবা ১২০ শীবগী রিপোর্ত তৌখিবগা লোয়ননা স্তেৎ অসিগী শীবগী মশীং ২,৯৬৯ শুখ্রে। হৌজিক ফাওবদা কোবিদ-১৯দগী নাবা ফবদগী মীওই ৩৭,৩৯০ দিসচার্জ তৌখ্রে হায়না মহারাস্ত্রগী হকশেল দিপার্তমেন্তনা হায়খ্রে। হৌখিবা পুং ২৪দা অনাবা ২,২৩৪ দিসচার্জ তৌখ্রে। মুম্বাইদা লৈবা লনাইগী হোস্পিতালশিংগী মায়োক্তা লান্না থবক তৌবা অমসুং কমপ্লেন্ত কেসশিং কোকহন্নবা মহারাস্ত্র লৈঙাক্না ইমেলগী খুথাংদা য়ৌবা ঙম্বা আই.এ.এস. ওফিসর মঙা খনখ্রে। অপুনবা হোস্পিতাল ৩৫ মসিগী ওফিসিএলশিং অসিগী মখুৎতা লৈগনি।
  • গুজরাত: গুজরাত্তা অনৌবা কোরোনাভাইরস পোজিতিব কেস ৪৯৮ অমসুং অহেমদবাদ দিস্ত্রিক্তা ২৬ য়াওনা শীবা ২৯ রিপোর্ত তৌরদুনা অপুনবা কেস মশীং ১৯,৬১৭ য়ৌখ্রে অমসুং শীবা মশীংনা ১,২১৯ য়ৌখ্রে। ফগৎলকপগী কেস মশীংসু হোসপিতালদগী অহেনবা অনাবা ৩১৩ দিসচার্জ তৌখিবগা ১৩,৩২৪দা হেনগৎখ্রে। স্তেৎ অসিদা হৌজিক ফাওবদা সেম্পল ২,৪৫,৬০৬ তেস্ত তৌখ্রে।
  • রাজস্থান: হকশেল অমসুং য়াইফ য়ুম্বাল মন্ত্রালয়গী মতুং ইন্না হৌখিবা পুং ২৪দা রাজস্থানদা ২৪৭ রিপোর্ত তৌখি। মসিগা লোয়ননা স্তেৎ অসিদা অপুনবা কোরোনাভাইরস কেস মশীং ১০,৩৩১দা হেনগৎখ্রে। মীওই ২৩১না স্তেৎ অসিদা কোবিদ-১৯ নাবদগী শীখ্রে। স্তেৎ অসিদা এক্তিব কেস ২৫৯৯ লৈরি অদুগা লায়না অসিদগী মীওই ৭,৫০১না নাবা ফখ্রে।
  • মধ্য প্রদেশ: হৌখিবা পুং ২৪দা অনৌবা কেস ২৩২ রিপোর্ত তৌবগা লোয়ননা অপুনবা কোবিদ-১৯ পোজিতিব কেস মশীং থাংজ নুমিৎতা ৯২২৮ শুদুনা ৯০০০ মার্ক লান্থোকখ্রে। ভোপালদা কেস ৫১ রিপোর্ত তৌখ্রে, মসিগী মতুং ইনবদা ইন্দোরদা ৩৫, শজাপুরদা ২০, নীমুচতা ১৮, বুর্হনপুরদা ১৫, ভিন্দদা ১৪, উজ্জেন্দা ১২ অমসুং গ্বালিয়রদা ১০ রিপোর্ত তৌখি।
  • ছত্তিশগর: হকশেল অমসুং য়াইফ য়ুম্বাল মন্ত্রালয়গী মতুং ইন্না হৌখিবা পুং ২৪দা ছত্তিশগরদা কোরোনাভাইরস কেস ৪৪ রিপোর্ত তৌখ্রে। স্তেৎ অসিদা অপুনবা কোবিদ-১৯ কেস ৯২৩দা হেনগৎখ্রে। শীবগী মশীংনা ৪ শুখ্রে।
  • গোৱা: গোৱাদা অনৌবা কোবিদ-১৯ কেস ৭১ রিপোর্ত তৌরদুনা স্তেৎ অসিগী পোজিতিব ওইবা মশীং ২৬৭ য়ৌখ্রে। মসিগী মনুংদা ২০২না এক্তিব কেসশিংনি অদুগা মীওই ৬৫না লায়না অসিদগী ফগৎপা ঙমখ্রে।

******

 



(Release ID: 1630136) Visitor Counter : 15