প্রধানমন্ত্রীগী লোইশঙ
প্রধান মন্ত্রী শ্রী নরেন্দ্র মোদী অমসুং রৱান্দাগী রাস্ত্রপতি পোল কাগামেগী মরক্তা তেলিফোন্দা ৱারী শানখ্রে
Posted On:
05 JUN 2020 7:05PM by PIB Imphal
ঙসি প্রধান মন্ত্রী শ্রী নরেন্দ্র মোদীনা রৱান্দাগী রাস্ত্রপতি পোল কাগামেগা তেলিফোন্দা ৱারী শানখ্রে।
মহাক্না ২০১৮দা রৱান্দাদা চৎলুরবা মতুংদা নাকল অনিগী মরীশিং ফগৎলকপদা প্রধান মন্ত্রীনা অপেনবা ফোংদোকখি। মহাক্কী ২০১৮গী খোঙচৎ মনুংদা প্রধান মন্ত্রী নরেন্দ্র মোদীনা ভারতকী শনবী ২০০ খুদোল পীখিবা অদু রৱান্দাগী রাস্ত্রপতিনা নিংশিংখি অমসুং শনবীশিং অদুনা রৱান্দাগী অঙাংশিংদা শঙ্গোম মরাং কাইনা ফংহনবদা মতেং পাংলে অমসুং লৌমীশিংগী শেন্থোক হেনগৎহল্লে হায়না ফোংদোকখি।
কোবিদ-১৯ লাইচৎনা মরম ওইদুনা অনা-লায়েংগী থবকশিং অমসুং শেন-থুমগী থবকশিংদা থেংনরিবা খুদোংচাদবশিং লুচিংবা অনিনা খন্নখি। লাইচৎ অসি লাকশিন্নবা অমসুং মীয়ামগী য়াইফনবা মখোয়গী লৈবাকশিংগী পায়খৎলিবা থবকশিংগী মতাংদা ই-পাউশিং মখোয়না ফোংদোক্নখি। হৌজিক মায়োক্নরিবা অৱাবা মনুং অসিদা লৈবাক অনিগী মীওইশিং মাগী মাগী লৈবাকশিংদা হল্লক্নবা হোৎনবদা পাংবা য়াবা মতেং পাংনবা হায়না লুচিংবা অনিনা য়ানখি।
কোরোনাভাইরস থেংননবা রৱান্দাদা পায়খৎলিবা থবকশিংদা মেদিকেলগী মতেং য়াওনা ভারতনা পাংবা য়াবা মতেং পাংগনি হায়না রৱান্দাগী রাস্ত্রপতিদা প্রধান মন্ত্রীনা থাজবা পীখি। রাস্ত্রপতি কাগামেগী লুচিং মখাদা লাইচৎ অসি নিংথিনা থেংনরিবা অমসুং মসিগী লাইচৎ অসি লাকশিন্নবা রৱান্দগী মীয়াম্না অচেৎপা ফিরেপ লৌবদা মহাক্না থাগৎখি।
লাইচৎ মনুংদা রৱান্দাগী মীয়ামগী য়াম্না হকচাং ফনা অমসুং নুংঙাই-য়াইফনা লৈনবা প্রধান মন্ত্রীনা মহাক্কী য়াইফ-পাউজেল পীখি।
******
(Release ID: 1629764)
Visitor Counter : 253
Read this release in:
English
,
Urdu
,
Marathi
,
Hindi
,
Bengali
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam