হকশেল অমসুং য়াইফ-য়ুম্বাল মন্ত্রালয়

কোবিদ-১৯গী অপদেৎ
পুং ২৪দা, অপুনবা ওইনা কোবিদ-১৯গী পেসেন্ত ১১,২৬৪ নাবা ফখ্রে

ফগৎলকপগী চাং ৪৭.৪০%দা হেনগৎলকখ্রে, পুং ২৪দা ৪.৫১%গী চাংদা হেনগৎলকখ্রে

এক্তিব ওইবা পেসেন্তশিংগী মশিং ৮৯,৯৮৭দগী ৮৬,৪২২দা হন্থখ্রে

ঙরাং সেম্পল ১,২৬,৮৪২ তেস্ত তৌখি

Posted On: 30 MAY 2020 5:14PM by PIB Imphal

হৌখিবা পুং ২৪দা পুন্না কোবিদ-১৯গী পেসন্ত ১১,২৬৪ লাইনা অসিদগী নাবা ফখ্রে। মসিনা নোংমদা নাবা ফখিবা পসেন্তকী খ্বাইদগী য়াম্বা মশিংনি। মরম অদুনা হৌজিক ফাওবদা পুন্না পেসেন্ত ৮২,৩৬৯ কোবিদ-১৯দগী নাবা ফখ্রে।

মসিনা মরম ওইরগা কোবিদ-১৯গী পেসেন্তশিংগী মরক্তা ফগৎলকপগী চাং অসি ৪৭.৪০% ওইহনখি, মমাংগী নুমিত্তা ৪২.৮৯%দা ফগৎলকপগী চাং অসিদগী ৪.৫১%গী চাংদা ফগৎলকপগী চাং হেনগৎলকখি।

ফখিবা পেসেন্তশিংগী মশিং য়াম্বনা মরম ওইরগা, এক্তিব ওইববা পেসেন্তশিংগী মসশিং অদু মেগী ২৯দা ৮৯,৯৮৭ ওইরম্বদগী হৌজিক্তি এক্তিব কেসকী মশিং অসি ৮৬,৪২২দা হন্থখ্রে। এক্তিব কেস পুম্নমক অকনবা মেদিকেল সুপর্ভিজনগী মখাদা লৈরি।

২০২০গী মে ৩০ ফাওবদা, হৌখিবা নুমিৎ ১৪দা ওইখিবা দব্লিং তাইম অসি ১৩.৩ ওইরম্মি, হায়রিবা অসি হৌখিবা নুমিৎ অহুমদা ১৫.৪দা ফগৎলকখ্রে। শাথিবগী চাং অসি ২.৮৬%নি, আই.সি.য়ু.দা কোবিদ-১৯গী এক্তিব ওইবা পেসেন্ত ২.৫৫% লৈ, ভেন্তিলেতরদা ০.৪৮% লৈ অমসুং ওক্সিজেন সপ্পোর্ত্তা ১.৯৬% লৈ। লৈবাক অসিদা তেস্ত তৌবগী কেপাসিতী অসি সরকারগী লেবোরেতরী ৪৬২ অমসুং লনাইগী ওইবা লেবোরেতরী ২০০গী খুত্থাংদা হেনগৎখ্রে। অপুনবা ওইনা হৌজিক ফাওবদা কোবিদ-১৯গী তেস্ত ৩৬,১২,২৪২ তৌখ্রে অদুগা ঙরাং সেমপল ১,২৬,৮৪২ তেস্ত তৌখ্রে।

কোবিদ-১৯ লাকশিন্নবগীদমক্তা লৈবাক অসিদা লৈরিবা হেল্থ ইনফ্রাস্ত্রকচরগী মতাংদা, হোজিক্কী ওইনা কোবিদ খক্তগী ওইবা হোসপিতাল ৯৪২ লৈখ্রে, মসিদা আইসোলেশন বেদ ১,৫৮,৯০৮ লৈরি, আই.সি.য়ু বেদ ২০,৬০৮ অমসুং ওক্সিজেন সপ্পোর্ৎ য়াওবা বেদ ৬৯,৩৮৪ লৈরি। কোবিদকীদমক্তা ওইবা হেল্থ সেন্তর ২,৩৮০ লৈরি, মসিদা আইসোলেশন বেদ ১,৩৩,৬৭৮ লৈরি; আই.সি.য়ু. বেদ ১০,৯১৬ অমসুং ওকসীজেন সপ্পোর্ৎ য়াওবা বেদ ৪৫,৭৫০ লৈরি অমসুং মখোয়শিং অসি মথৌ লোইনা তৌহনখ্রে। ক্বারেন্তাইন সেন্তর ১০,৫৪১ অমসুং বেদ ৬,৬৪,৩৩০ লৈবা কোবিদ কেয়র সেন্তর ৭,৩০৪ অসি লৈবাক অসিদা কোবিদ-১৯গা মায়োক্ননবা ফংহল্লি। কেন্দ্রনসু রাজ্যশিং/ য়ু.তি.শিং / কেন্দ্রগী ওইবা ইন্সতিত্যুশনশিংদা এন.৯৫ মাস্ক লাখ ১১৯.৮৮ অমসুং পর্সনেল প্রোতেক্সন ইক্যুইপমেন্ত (পি.পি.ই.) লাখ ৯৬.১৪ পীখ্রে।

কোবিদ-১৯গী অনৌবা নোর্মেলগা লোইন্না লৈমিন্নবা মতমদা লৌখৎকদবা চেকশিন থৌরাংশিং অদু অমুক্কসু হন্না হায়খ্রে। পব্লিক্কী ওইবা মফমশিং অমসুং থবক শুফমশিংদা ফিজিকেল দিস্তেন্সিংগী ওইবা গাইদলাইনশিং অদু নীংথিনা ইনবা হায়বসি তঙাইফদে; খুৎ-শা লু-নান্না থম্বা য়াওনা তোইনা খুৎ-শা হামদোকপা অমসুং রেসপিরেতরী হাইজিন নীংথিনা ঙাক্তুনা চৎপা; মাস্ক নত্রগা ফেস কোভরশিং অসি পব্লিক্কী ওইবা মফশিংদা শিজিন্নবা; অমসুং লোক খুবা/ শ্বর হোনবগী লিচৎ-শাজৎশিং অদু নীংথিনা চৎপা। কোবিদ-১৯ লাকশিন্নবা হোৎনবা অসিগী মতাংদা কোমথোকপা লৈতনা মীপুম খুদিংমক্না চেকশিন-থৌরাং পুম্নমক লৌখৎলবা অমসুং লোকদাউনগী ফিভম অসিগী মনুংদা কোমথোকপা অসিবু থৌশাদনা লৌবিদবা মতমদতা ওইথোক্কনি ।

কোবিদ-১৯গা মরী লৈনবা ৱাকৎশিং, গাইদলাইনশিং অমসুং পাউতাকশিংগীদমক্তা তশেংবা অমসুং অনৌবা ই-পাউশিংগীদমক্তা চানবিদুনা https://www.mohfw.gov.in/ অমসুং @MoHFW_INDIA দা চংবিয়ু।

 

কোবিদ-১৯গা মরী লৈনবা তেক্নিকেল ওইবা ৱাহংশিংগীদমক্তা technicalquery.covid19@gov.in দা অমসুং অতোপ্পা ৱাহংশিংগীদমক্তা ncov2019@gov.in অমসুং @CovidIndiaSeva দগী খঙবিরবা য়াগনি।

কোবিদ-১০গী মরমদা করিগুম্বা অমা হেক্তা খংনীংবা লৈরগদি, হকশেল অমসুং য়াইফ য়ুম্বালগী মন্ত্রালয়গী হেলপলাইন নম্বর +91-11-23978046 নত্রগা 1075 (তোল-ফ্রী) অসিদা ফোন তৌবা য়াগনি। কোবিদ-১৯গী ওইবা রাজ্যশিং/ য়ু.তি.শিংগী হেলপলাইন নম্বরশিংগী লিস্ত মখাগী অসিদা ফংবীগনি https://www.mohfw.gov.in/pdf/coronvavirushelplinenumber.pdf

 

*****



(Release ID: 1628037) Visitor Counter : 126