പ്രധാനമന്ത്രിയുടെ ഓഫീസ്‌
പ്രധാനമന്ത്രി ശ്രീ. നരേന്ദ്ര മോദിയും ബഹുമാനപ്പെട്ട ഖത്തര്‍ അമീര്‍ ഷെയ്ഖ് തമീം ബിന്‍ ഹമദ് അല്‍-താനിയും തമ്മില്‍ ഫോണില്‍ സംസാരിച്ചു
Posted On:
26 MAY 2020 7:51PM by PIB Thiruvananthpuram
സൗഹാര്‍ദം പുലര്‍ത്തുന്ന ഖത്തര്‍ ജനതയ്ക്ക് ഈദുല്‍ഫിത്ർ ആശംസകള്‍ നേരുന്നതിനായി പ്രധാനമന്ത്രി ശ്രീ. നരേന്ദ്ര മോദിയും ബഹുമാനപ്പെട്ട ഖത്തര്‍ അമീര്‍ ഷെയ്ഖ് തമീം ബിന്‍ ഹമദ് അല്‍-താനിയും തമ്മില്‍ ഫോണില്‍ സംസാരിച്ചു.
കോവിഡ്-19 മഹാവ്യാധി നാളുകളില്‍ ഖത്തറിലുള്ള ഇന്ത്യന്‍ പൗരന്‍മാരുടെ ക്ഷേമം ഉറപ്പാക്കുന്നതിനു ബഹുമാനപ്പെട്ട അമീര്‍ നല്‍കിയ പ്രത്യേക കരുതലിനെ പ്രധാനമന്ത്രി ഊഷ്മളതയോടെ പ്രശംസിച്ചു. മറുപടിയായി, ഖത്തറിലുള്ള ഇന്ത്യന്‍ സമൂഹം, വിശേഷിച്ച് ആരോഗ്യ മേഖലയില്‍ പ്രവര്‍ത്തിക്കുന്നവര്‍, നല്‍കിയ സേവനത്തെ അമീര്‍ പ്രകീര്‍ത്തിച്ചു.
ഈ സമയത്ത് ഇന്ത്യയില്‍നിന്ന് ഖത്തറിലേക്ക് അവശ്യവസ്തുക്കള്‍ എത്തിക്കുന്നതില്‍ ഒരു തടസ്സവും ഇല്ലാതിരിക്കാന്‍ ഇന്ത്യന്‍ അധികൃതര്‍ പുലര്‍ത്തുന്ന ശ്രദ്ധ പ്രധാനമന്ത്രി ഉയര്‍ത്തിക്കാട്ടി.
ആഘോഷിക്കാനിരിക്കുന്ന അമീറിന്റെ നാല്‍പതാമതു ജന്‍മദിനാഘോഷത്തിനു പ്രധാനമന്ത്രി ആശംസകള്‍ നേര്‍ന്നു. ആരോഗ്യവും വിജയവും നേരുകയും ചെയ്തു
(Release ID: 1627083)
Visitor Counter : 185
Read this release in:
English
,
Urdu
,
Marathi
,
Hindi
,
Assamese
,
Bengali
,
Manipuri
,
Punjabi
,
Gujarati
,
Odia
,
Tamil
,
Telugu
,
Kannada