প্রধানমন্ত্রীগী লোইশঙ
প্রধান মন্ত্রী শ্রী নরেন্দ্র মোদী অমসুং কতার রাজ্যগী অমীর শৈখ তমিম বিন হামদ অল-থানীগা ফোন্দা ৱারী শান্নখ্রে
Posted On:
26 MAY 2020 7:51PM by PIB Imphal
প্রধান মন্ত্রী শ্রী নরেন্দ্র মোদীনা ঙসি কতার রাজ্যগী হিজ হাইনেস অমীর শৈখ তমিম বিন হামদ অল-থানীলগা লোইননা কতারগী মীয়ামদা মরূপ মপাং ওইবা মওংদা ইদুল ফীতরগী য়াইফ-পাউজেল পীনবগীমক্তা ফোন্দা ৱারী শানখ্রে।
প্রধান মন্ত্রীনা কোবিদ-১৯ থোক্লিবা মতম অসিদা ভারতকী নাগরিকশিংবু শোইদবা মওংদা অমীরগী হিজ হাইনেসনা য়াইফনবা তৌবীখিবা অদুগীদমক হরাও তয়াম্না থাগৎপা ফোংদোকখি। মদুগী পাউখুম ওইনা হিজ হাইনেস অমীরনা ভারতকী মীওই কাংলুপশিংনা কতারদা লৌখিবা থৌদাং, মরুওইনা ভারতকী হেল্থ ৱার্করশিংনা লৌরিবা থৌদাং অদুদা থাগৎপা ফোংদোকখি।
হৌজিক্কী ওইরিবা ফীভম অসিদা প্রধান মন্ত্রীনা ভারতকী থৌ পুরিবশিংনা তঙাই ফদনা চংবা পোৎলমশিং ভারত্তগী কতার তান্না পুবদা অপনবা অমত্তা লৈহন্দনবা হোৎনবীখিবা অদু থৌইদোক হেন্দোক্না পল্লদুনা হায়খি।
প্রধান মন্ত্রীনা হিজ হাইনেস অমীরবু লাক্কদৌরিবা মহাক্কী ৪০শুবা মপোক নুমিৎকী ওইনা মখা তানা হকচাং ফনা অমসুং মায় পাক্না লৈনবা য়াইফ-পাউজেল পীখি।
*****
(Release ID: 1627023)
Visitor Counter : 169
Read this release in:
English
,
Urdu
,
Marathi
,
Hindi
,
Assamese
,
Bengali
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam