PIB Headquarters

কোবিদ-১৯গী মতাংদা নুমিৎ খুদিংগী ফোংবা পি.আই.বি.গী বুলেতিন

Posted On: 26 MAY 2020 6:36PM by PIB Imphal

     

(মসিদা হৌখিবা পুং ২৪ দা থোকখিবা কোবিদ -১৯গা মরী লৈনবা চেফোংশিং, ফিল্দ ওফিসশিংদগী ফংবা পাউশিং, অমসুং পি.আই.বি.না লৌখৎপা ফেক্ত চেকশিং য়াওরি )

  • লৈবাক অসিদা ফগৎলকপগী চাং হেনগৎলক্লি অমসুং হৌজিক ৪১.৬১% ওইরি। হৌজিক ফাওবদা মীওই ৬০,৪৯০ অনাবা ফগৎখ্রে/লায়েংদুনা দিচার্জ তৌখ্রে
  • ভারতনা নোংমদা কোবিদ-১৯গী সেম্পল লাখ ১.১রোম তেস্ত তৌরি।
  • কেন্দ্রগী হেলথ সেক্রেতরীনা মাইগ্রেন্ত ৱাকরশিং হল্লকপনা মরম ওইরগা কোবিদ-১৯ কেস মশীং ৱাংখৎলক্লিবা স্তেৎ ৫গা পুন্না ৱারি শানখ্র
  • পেসেঞ্জর লাক্ষ ৪৪ হেন্না মখোয়-মখোয়গী স্তেৎ তান্না “শ্রমিক স্পিসিএল” ত্রেন ৩২৭৪ না পুখ্রে; ঙসি চেল্লিবা ত্রেনশিং অদু থোইদোক্না মী চিনবগী অৱাবা মায়োক্নখিদে।

· তুরিজম মন্ত্রালয়না হোতেলশিং & অতোপ্পা একোমোদেসন য়ুনিৎশিং এপ্রুবেল/ক্লসিফিকেসনশিং তৌবগী ভেলিদিতী মতম শাংদোকখ্রে।

হকশেল অমসুং য়াইফ-য়ুম্বাল মন্ত্রালয়দগী কোবিদ-১৯ খ্বাইদগী নৌবা পাউ;

হৌজিক ভারতনা নোংমদা সেম্পল লাখ ১.১ চাংয়েং তৌবা ঙম্লি । লেব, সিফ, আর তি-পি সি আর মেছিনশিং অমসুং মী মশিং হেনগৎহনবগী চাংয়েং তৌবা হেনগৎলকপনি । হৌজিক ভারত্তা কোবিদ-১৯ চাংয়েং তৌনবা অপুনবা লেব ৬১২ লৈরি, মসিগী মনুংদা লেব ৪৩০না আই সি এম আরগী অমসুং লেব ১৮২না লনাইগীনি । লৈবাক অসিনা শাজবা আরতি-পি সি আর কিতশিং, ভি তি এম, শ্বাব অমসুং আর এন এ এক্সত্রেক্সন কিতশিং মশক খঙলে অমসুং হৌখিবা থা খরা অসিদা মখোয় পুথোকপা হৌরে ।

লৈবাক অসিগী অনাবা ফবগী চাং ফিবম ফগৎলক্লি অমসুং হৌজিক চাদা ৪১.৬১দা লৈরি । হৌজিক ফাওবদা মীওই ৬০,৪৯০ কোবিদ-১৯দগী অনাবা ফরে । লৈবাক অসিদা শিবগী চাদা চাদা ৩.৩০(এপ্রিল ১৫ ফাওবদা) লৈরম্বদগী হৌজিক চাদা ২.৮৭দা হন্থরক্তুনা মালেমদা খ্বাইদগী নেম্বা লৈবাকশিংগী মরক্তা য়াওরে । হৌজিক মালেমগী ওইনা শিবগী চাং অসি চাদা ৬.৪৫নি ।মীওই লাখ ১দা শিবগী চাং নৈনবদা মালেমগী ওইনা মীওই লাখ ১দা মীওই ৪.৪ শিবদা ভারতকী ওইনা মীওই লাখ ১দা মীওই ০.৩ শিদুনা খ্বাইদগী নেম্বা লৈবাকশিংগী মরক্তা য়াওরে । অপুনবা মীওই লাখ ১দা শিবগী চাং অমসুং কেস ফেতালিতি রেত অনিমক য়েংনবদা ভারত য়াম্না নেম্লি ।

 

For details: https://pib.gov.in/PressReleseDetail.aspx?PRID=1626926

 

হেলথ সেক্রেতরী মাইগ্রেন্ত ৱাকরশিং হল্লকপগী মশীং ৱাংখৎলক্লিবা স্তেৎ ৫গা পুন্না ৱারি শানখ্রে

শ্রীমতি প্রীতি সুদান, হেলথ সেক্রেতরীনা ঙসি অৱাংবা থাক্কী য়েংশিন মীফম অমা চিফ সেক্রেতরীশিং, হেলথ সেক্রেতরীশিং, অমসুং উত্তর প্রদেশ, বিহার, ঝারখন্দ, ছত্তিশগর অমসুং মধ্য প্রদেশকী এন.ঐচ.এম দিরেক্তরশিংগা লোয়ননা পাংথোকখ্রে। হায়রিবা স্তেৎশিং অসিদা লোকদাউনগী চৎনা কাঙলোনশিং হৌখিবা চয়োল অহুম অসিদা কোমথোকখিবা অমসুং স্তেৎ অমদগী অমদা চৎথোক-চৎশিন য়াহল্লকপনা মরম ওইদুনা কোবিদ-১৯গী কেস মশীং ৱাংখৎপা থেংনরে। স্তেৎশিংদা ক্বারন্তিন সেন্তরশিং, আই.সি.য়ু./ভেন্তিলেতর/ওক্সিজেন বেদ অসিনচিংবা য়াওনা হোস্পিতালশিং অসিদা হৌজিক লৈরিবা হেলথকী ইনফ্রাস্তর্কচর পীথদুনা মীৎয়েং চংবা মথৌ তাই হায়না নৌহৌন্না খঙহনখি অমসুং মখোয়বু লাক্লিবা থা অনি অসিগীদমক শেম-শাবা হেনগৎহনবা মথৌ তাই হায়না ফোঙদোকখি। কোবিদ নত্তবা তঙাই ফদবা হেলথ সর্ভিসশিং তি.বি., লেপ্রোসি, সি.ও.পি.দি., লৌনগনদবা লাইনা হাইপরতেন্সন, দাইবেতিস, এক্সিদেন্তনা মরম ওইরগা থোকহনবা অশোকপা অমসুং ত্রোমাগী লায়েং মখা চৎথদুনা অসিগুম্বা তঙাই ফদবা হেলথ প্রোগ্রামশিংগীদমক স্তেৎশিংদা অথুবদা মীৎয়েং চংনবা খঙহনখি।

অকুপ্পা ৱারোলগীদমক: https://pib.gov.in/PressReleseDetail.aspx?PRID=1626886

 

ইন্দিয়ন রেলৱেজনা লৈবাক অসিদা “শ্রমিক স্পিসিএল” ত্রেন ৩২৭৪ মথৌ তৌহনখ্রে অমসুং ত্রেনশিংনা পেসেঞ্জর লাক্ষ ৪৪ হেন্না মখোয়-মখোয়গী স্তেৎ তান্না থাখ্রে

মে ২৫, ২০২০ ফাওবদা লৈবাক অসিদা পুন্না “শ্রমিক স্পিসিএল” ত্রেন ৩২৭৪ না লৈবাক শিনবা থুংনা তোঙান-তোঙানবা স্তেৎশিংদা মথৌ তৌহনখ্রে। “শ্রমিক স্পিসিএল” ত্রেনশিংদা পেসেঞ্জর লাক্ষ ৪৪ হেন্না মাগী-মাগী স্তেৎ য়ৌখ্রে। ২৫.০৫.২০২০ ফাওবদা শ্রমিক স্পীসিএল ত্রেনশিংনা পেসেঞ্জর লাক্ষ ২.৮ হোনখ্রে। আই.আর.তি.সি.না তোংলিবা মাইগ্রেন্তশিংদা চানবা চীঞ্জাক লাক্ষ ৭৪ অমসুং ঈশিং বোতল ক্রোর ১ হেন্না লেম্না য়েন্থোকখ্রে।
ঙসি চেল্লিবা ত্রেনশিং অদু থোইদোক্না মী চিনবগী অৱাবা মায়োক্নখিদে।

অকুপ্পা ৱারোলগীদমক: https://pib.gov.in/PressReleseDetail.aspx?PRID=1626922

 

ইন্দিয়ন রেলৱেজনা মে ২৫, ২০২০ (পুং ১০:০০) ফাওবদা “শ্রমিক স্পিসিএল” ত্রেন ৩০৬০ লৈবাক শিনবা থুংনা চেনখ্রে অমদি নুমিৎ ২৫নিসিদা “শ্রমিক স্পিসিএল” ত্রেনশিংদা পেসেঞ্জর লাখ ৪০গী মথক্তা মখোয় মখোয়গী ময়ুম স্তেৎতা থিনখ্রে

মে ২৫, ২০২০ (পুং ১০:০০) ফাওবদা লৈবাক শিনবা থুংনা তোঙান তোঙানবা স্তেৎ কয়াদগী “শ্রমিক স্পিসিএল” ত্রেন পুন্না ৩০৬০ মথৌ তৌহনখ্রে‍। হায়রিবা “শ্রমিক স্পিসিএল” ত্রেনশিং অসিনা পেসেঞ্জর লাখ ৪০ হেনববু মখোয় মখোয়গী পন্থুংফমদা য়ৌহনখ্রে‍। রেল লম্বী চিনবগী ফীভম মে ২৩/২৪দা থোকখিবা অদু লোইশিনখ্রে‍। চিনবগী ফীভম অদু বিহার অমদি উত্তর প্রদেশকী লম্বীদা রেল ত্রাফিক্কী শরুক অহুম থোকপগী অনি হেন্না থোক্লকপা অমদি স্তেৎ ওথোরিতীশিংনা তৌফম থোকপা তর্মিনেলগী ক্লিয়রেন্স হকশেলগী চৎন-কাংলোননা মরম ওইদুনা থেংথনা পীরকপনা মরম ওইদুনা থোকখিবনি‍। ৱাফম অসি স্তেৎ লৈঙাকশিংগা পুন্না খন্নমিন্নদুনা অমদি খোঙচৎশিং অদুগী অতোপ্পা শীজিন্নবা য়াবা লম্বীশিং থিদোক্তুনা লোইশিনখ্রে‍।

অকুপ্পা ৱারোলগীদমক: https://pib.gov.in/PressReleseDetail.aspx?PRID=1626773

 

তুরিজম মন্ত্রালয়না হোতেলশিং & অতোপ্পা একোমোদেসন য়ুনিৎশিং এপ্রুবেল/ক্লসিফিকেসনশিং তৌবগী ভেলিদিতী মতম জুন ৩০, ২০২০ ফাওবা শাংদোকখ্রে।

তুরিজম মন্ত্রালয়না তোঙান-তোঙানবা কাংলুপকী লমকোইবশিংগী পাম্লিবা স্তেনদর্দশিং অদু চান্নহন্ননবা হোতেলশিং স্তার রেতিং সিস্তেমগী মখাদা খাইদোকখ্রে। ক্লাসিফিকেসন/সর্তিফিকেসন অসি চহী মঙাগী মতম ফাওবা চৎনগনি। হৌজিক লৈরিবা ফীভম অসি য়েংলগা, প্রোজেক্ত এপ্রুবেলশিং/রিএপ্রুবেলশিং অমসুং ক্লাসিফিকেসন/রিক্লাসিফিকেসনগী মতম লোইরবা/ (২৪.০৩.২০২০ দগী ২৯.৬.২০২০)গী মতমগী মনুংদা মতম লোইগদৌরবা হোতেলশিং অমসুং অতৈ অতোপ্পা লৈফম পীরিবা য়ুনিৎশিংগী এপ্রুবেল নত্রগা সর্তিফিকেসন ৩০.০৬.২০২০ ফাওবা শাংদোক্লবা য়াই। মসিগা মান্ননা, মন্ত্রালয়না ত্রাবেল এজেন্সিশিং, তুর ওপরেতরশিং, এদভেনচর তুর ওপরেতরশিং, দোমেস্তিক তুর ওপরেতরশিং অমসুং তুরিস্ত ত্রান্সপোর্ত ওপরেতরশিং অসিনচিংবা অসিবু এপ্রুফ তৌন্নবা স্কিম অমা লৈরি। কোবিদ-১৯গী লাইচৎকা ইরোইননা মার্চ ২০২০দগী লোকদাউনগী মতম অসিগী মনুংদা ইন্সপেকস্নগী থবক অমসুং এপ্লিকেসনশিং স্রুতিনী তৌবা য়ৈথোকখিবনা মরম ওইদুনা তুরিজম মন্ত্রালয়না তুর ওপরেতর(ইনবাউন, দোমেস্তিক, এদভেনচর) ত্রাবেল এজেন্তশিং অমসুং তুরিস্ত ত্রান্সপোর্ত ওপরেতরশিংগী কাংলুপ পুম্নমক্কী তুরিজম মন্ত্রালয়না অখননবা কন্দিসনশিংগী মখাদা মখোয়বু এপ্রুফ তৌনবগী মতম থা তরুক কোমথোকপা নত্রগা শাংদোকপগী অয়াবা পীখ্রে।

অকুপ্পা ৱারোলগীদমক: https://pib.gov.in/PressReleseDetail.aspx?PRID=1626879

পি.এম অমসুং অবু ধাবিগী ক্রাউন প্রিন্সকী মরক্তা তেলিফোন্দা ৱারী-ৱাতাই শানবা

অবু ধাবিগী ক্রাউন প্রিন্স শৈখ মোহাম্মদ বিন জায়েদ অল নাহয়ামগা ঙসি তেলিফোন্দা ৱারী-ৱাতাই শানবদা প্রধান মন্ত্রী মোদীনা য়ু.এ.ই.গী সরকার অমসুং মীয়ামদা ইদ-উল-ফিতরগী য়াইফ-পাউজেল পীখি।
কোবিদ-১৯গী লাইচৎ অসিগী ওইরিবা ফিভম অসিগী মনুংদা লৈবাক অনি অসিগী মরক্তা মাইপাক্না তেংবাং পীনবগী মতাংদা পেল্লদুনা লুচিংবশিংনা ফোংদোকখি। প্রধান মন্ত্রীনা য়ু.এ..ই.দা লৈরিবা ভারত মচাশিংদা মতেং পাংবিবগীদমক্তা ক্রাউন প্রিন্সপু থাগৎপা ফোংদোকখ্রে।

অকুপ্পা ৱারোলগীদমক: https://pib.gov.in/PressReleseDetail.aspx?PRID=1626784

 

প্রধান মন্ত্রী শ্রী নরেন্দ্র মোদী অমসুং পীপলস রিপব্লিক ওফ বঙ্গলাদেসকী প্রধান মন্ত্রী ঐচ.ই. শৈখ হসিনা অনিগী মরক্তা তেলিফোন্দা ৱারী শানখ্রে

প্রধান মন্ত্রী শ্রী নরেন্দ্র মোদী অমসুং পীপলস রিপব্লিক ওফ বঙ্গলাদেসকী প্রধান মন্ত্রী ঐচ.ই. শৈখ হসিনা অনিগী মরক্তা তেলিফোন্দা ৱারী শানখ্রে। প্রধান মন্ত্রী মোদীনা প্রধান মন্ত্রী শৈখ হসিনা অমসুং বঙ্গলাদেসকী মীয়ামদা ইদ-উল-ফিতরগী য়াইফ-পাউজেল পীখি।

হৌজিক ওইরিবা কোবিদ লাইচৎকী ফিবম অমসুং মসিগী মতাংদা লৈবাক অনিগী মরক্ত মতেং পাংনরিবা অসিগী হিরমদা লুচিংবা অনি ৱা খন্নখি । অৱাবশিং অসি থেংননবা ভারতনা বঙ্গলাদেসতা মতেং পাংগনি হায়না প্রধান মন্ত্রী মোদীনা অমুক হন্না থাজবা পীখি।

অকুপ্পা ৱারোলগীদমক: https://pib.gov.in/PressReleseDetail.aspx?PRID=1626781

ঙাকশেল মন্ত্রী শ্রী রাজনাথ সিংহনা কোবিদ-১৯ লাকশিন্ননবা ফোনদা ওসত্রেলিয়ন ঙাকশেল মন্ত্রীগা ৱারি শাখ্রে

শ্রী রাজনাথ সিংহনা ঙসি ওসত্রেলিয়ন ঙাকশেল মন্ত্রী মিস লিনদা রেনোল্দসকা লোয়ননা তেলিফোনদা ৱারি শাখ্রে। ঙাকশেল মন্ত্রী অনিনা কোবিদ-১৯ লাইচৎকী ময়োক্তা মখোয় মখোয়না লৌখৎপা লাকশিন্ননবা থৌরাংগী মরমদা খন্নখি। শ্রী রাজনাথ সিংহনা ভারতনা ইন্তর্নেস্নল থাক্তা কোবিদ-১৯গী মায়োক্তা লৌখৎলিবা থৌরাংশিংগী মরমদা মিস লিনদা রেনোল্দসদা পাওদমখি অমসুং মলেমগী থক্তা লাইচৎ অসিগী মাইয়োক্তা লানথেংনবদা পুন্না তৌবা য়াবশিংগী হীরমদা খন্নখি।মখোয়না কোবিদ-১৯গী মতুংদা থেংনগদবা মরী লৈনবা অৱাবশিং করম্না ইন্দিয়া-ওসত্রেলিয়া স্ত্রেতেজিক পার্তনরশিপকী মখাদা লৈবাক অনিনা পুন্না অতোপ্পা লৈবাকশিংগা লোয়ননা হোৎনরগা পীগদবা অফবা কান্নবশিংগী মতাংদসু য়ানবা পুরকখি।

অকুপ্পা ৱারোলগীদমক: https://pib.gov.in/PressReleseDetail.aspx?PRID=1626905

পি.পি.ই. কভরওলশিংগী প্রোতো-তাইপ তেস্ত সেম্পলশিং হৌজিক ওথোরাইজ লেবোরেতরী মপালনা তেস্ত অমসুং সর্তিফাইদ তৌখ্রে

হকশেলগী ওইবা শীনফমদা থবক তৌরিবশিং খুদোংথীদবা হায়বনা মরুওইবা মরমনি খল্লগা ভারততা পি.পি.ই. কভরওলশিং শারি।পি.পি.ই. কভরওলশিংগী প্রোতো-তাইপ তেস্ত সেম্পলশিং হৌজিক ওথোরাইজ লেবোরেতরী মপাল(৯)না হকশেল অমসুং য়াইফ-য়ুম্বাল মন্ত্রালয়না পীবা তেক্নিকেল স্পেসিফিকেসনশিংগী মতুং ইন্না তেস্ত অমসুং সর্তিফাইদ তৌখ্রে। তৌখিবা তেস্তশিংগী স্তেনদর্দ অদু দবল্যু.ঐচ.ও.না পীবা কোবিদ-১৯গী গাইদলাইনশিং ঙাকনা চৎলি অমসুং তেস্তশিং অসি আই.এস.ও. ১৬৬০৩ ‘সীনথেতিক ব্লদ পেনিত্রেসন রেজিসতেন্স তেস্ত’কী ক্লাস ৩ অমসুং মথক্কী মতুং ইন্না তৌরি। শীজিন্নরিবা মীওই অদু মহী মনাই নত্রগা এরোসোল পার্তিকল অমা হেক্তদগী মপুং ফানা ঙাকথোকপা ঙম্নবা মওংদা পি.পি.ই. অসি দিজাইন তৌরি।

অকুপ্পা ৱারোলগীদমক: https://pib.gov.in/PressReleseDetail.aspx?PRID=1626932

লাদাখকী এল.জি. শ্রী আর.কে. মাথুরনা কন্দ্রগী মন্ত্রী দোক্তর জিতেনদ্রা সিংহদা কোল তৌখ্রে অমসুং য়ু.তি.দা ওইরিবা কোবিদকী ফীভম & পাইখৎলিবা থবক-থৌরমশিংগী মতাংদা খন্নখ্রে

লাদাখকী লেপ্তনেন্ত গোভর্নর শ্রী আর.কে. মাথুরনা ঙসি দোক্তর জিতেনদ্রা সিংহদা কোল তৌখ্রে অমসুং নৌনা শেম্বা য়ুনিয়ন তেরিতরীদা ওইরিবা কোবিদকী ফীভম & পাইখৎলিবা থবক-থৌরমশিংগী মতাংদা খন্নখ্রে। দোক্তর জিতেনদ্রা সিংহনা য়ুনিয়ন তেরিতরীগী এদমিনিস্ত্রেসননা থৱায় য়াওনা অমসুং কন্না হোৎন্দুনা কোবিদ লাইচৎ অসি লানথেংনবা অমসুং লাকশিনবদা মাইপাকপা অসিবু লৈঙাকনা থাগৎলি হায়না লেপ্তনেন্ত গোভর্নরদা পাওদমখি।মহাক্না পনখি মদুদি ইরানদা লাই খোইরম্বা চৎলুরগা হল্লকপাশিংগী মরক্তা খঙহৌদনা কোরোনা পোজিতিব ওইবা কেস মশীং খরা রিপোর্ত তৌরকখি মসিনা লৈবাক পুম্বদা অহানবা ওইনা অকিবা পোকনখি অদুবু লাদাখকী এদমিনিস্ত্রেসন অমসুং সিভিল সোসাইতীনা হোৎন্দুনা কোরোনাগী চৈথেংদগী ফগৎলকপা অহানবশিংগী মরক্তা য়াওরকখি।

অকুপ্পা ৱারোলগীদমক: https://pib.gov.in/PressReleseDetail.aspx?PRID=1626929

অপীকপা য়ুনিৎশিং শৌগৎনবা অনৌবা শেন শান্দোকপা ইন্সতিত্যুৎশিং সরকারনা থিরি – শ্রী নিতিন গাদকরি


এম.এস.এম.এম.ই. অমসুং রোদ ত্রান্সপোর্ত অমসুং হায়ৱেজগী য়ুনিয়ন মিনিস্তর নিতিন গাদকরিনা ঙসি হায়খি অপীকপা য়ুনিৎশিং শৌগৎনবা শেনগী মতেং পীনবা অনৌবা শেন শান্দোকপা ইন্সতিত্যুৎশিং সরকারনা থিরি । শ্রী গাদকরিনা অপীকপা ললোন-ইতিক্কী থবকশিংদা লাইনা শেন্থং ফংহনবদা মতেং পাংগদবা এন.বি.এফ.সি.শিং মপাঙ্গল কনগৎহন্নবা সরকারনা থবক পায়খৎলি ।

অকুপ্পা ৱারোলগীদমক: https://pib.gov.in/PressReleseDetail.aspx?PRID=1626778

মাঙজিল থানা চঙশিল্লিবা হকশেলগী থৌমীশিংদা মচি লৈবা চীঞ্জাক পীননবা আর.ই.সি. লিমিতেদনা তাজসেতসকা চূংশিন্নখ্রে

আর.ই.সি. লিমিতেদগী সি.এস.আর. মশা ওইরিবা আর.ই.সি. ফাউন্দেসননা তাজসেত্স (আই.ঐচ.সি.এল. অমসুং এস.এ.তিই.এস. লিমেতেদকী অপুনবা ভেঞ্চর অমা ওইরিবা)গা ন্যু দিল্লীগী সফদারজং হোস্পিতালদা লৈরিবা মেদিকেল স্তাফশিংদা অখন্ননা শেম-শারবা মচি লৈবা চাক্লুক পেক য়েন্থোক্নবা চূংশিন্নখ্রে‍। ন্যু দিল্লীদা মাঙজিল থানা থেংনরিবা হকশেলগী থৌমীশিং অসিগী থৌদাংবু থাগৎপা ফোঙদোকপা ওইনা চাক্লুক পেক ৩০০ নুমিৎ খুদিংগী পীরি‍। থৌরাং অসিগী মখাদা ন্যু দিল্লীদা চাক্লুক ১৮,০০০গী মথক্তা পীগদৌরি‍।

অকুপ্পা ৱারোলগীদমক: https://pib.gov.in/PressReleseDetail.aspx?PRID=1626872


সি.এস.আই.আর-আই.আই.আই.এ