(মসিদা হৌখিবা পুং ২৪ দা থোকখিবা কোবিদ-১৯গা মরী লৈনবা চেফোংশিং, ফিল্দ ওফিসশিংদগী ফংবা পাউশিং, অমসুং পি.আই.বি.না লৌখৎপা ফেক্ত চেকশিং য়াওরি )

• হৌজিক ফাওবদা লৈবাক অসিদা কোবিদ-১৯ কনফার্ম্দ কেস ৬৭,১৫২গী মনুংদগী মীওই ২০,৯১৭ নাবা ফখ্রে মসিনা নাবা ফবগী চাং ৩১.১৫% য়ৌরে।
• ঙরাংদগী কোবিদ-১৯ কেস ৪২১৩ হেনগৎখ্রে।
• মেদিকেল প্রোফেস্নেলশিং অমসুং পেরা-মেদিকেল স্তাফশিংগী চত্থোক-চৎশিন্দা অকাইবা পীরোইদবনি অমসুং প্রাইবেৎ ক্লিনিক, নর্সিং হোম অমসুং লেবশিং হাংদোকহনগদবনি হায়না য়ুমলৈ-কৈরৈ মত্রালয়না রাজ্যশিংদা হায়খ্রে
•  রাজ্যশিংদা পন্দুনা লৈরিবা মাইগ্রেন্ত ৱার্করশিংবু মখোয়গী পোক্নফম লমদমদা খোংজেল য়াঙনা চত্থোক-চৎশিন য়াহন্নবা অপনবা অমত্তা পীদনা অহেনবা শ্রমিক স্পিসিয়েল ত্রেনশিং চেলহনবদা রেলৱেগা কোওপরেৎ তৌগদবনি হায়খ্রে। তোঙান-তোঙানবা রাজ্যশিংদগী "শ্রমিক স্পিসিয়েল" ত্রেন মথৌ তৌরি
• ইন্দিয়ন রেলৱেজনা খনগৎলবা পেসেঞ্জর সর্বিস খরা তপ্না তপ্না চলাইবা হৌরগনি

হকশেল অমসুং য়াইফ-য়ুম্বাল মন্ত্রালয়দগী ফংবা কোবিদ-১৯গী ওইবা অনৌবা পাউ

হৌজিক ফাওবদা, লৈবাক অসিদা অপুনবা মীওই ২০,৯১৭না নাবা ফখ্রে। মসিনা নাবা ফবগী চাং ৩১.১৫% য়ৌরে। অপুনবা কনফার্ম্দ কেস অসি ৬৭,১৫২ ওইরে। ঙরাংদগী, কনফার্ম্দ কেস ৪,২১৩ ভারত্তা হেনগৎলে। অনা লাইয়েংগী হীরমদা লৈরিবা মীওইশিংগী থবকশিংবু শিংথারদুনা দা. হর্শ বর্ধন্না হায়খ্রে মদুদি, হৌখিবা থা অহুম্লোম অসিদা মেদিকেল প্রোফেসনেলশিং অসিনা কোবিদ-১৯ থেংননবা তৌবীরিবা খাঙবা কল্লবা থবকশিং অসিগীদমক লৈবাক অসিনা চাউথোকপা পোকচৈ। মহাক্না অমুক্কসু হন্না হকশেলগী থবক তৌরিবা মীওইশিংবু ঐখোয়না ইন্থোক্লোইদবনি অমসুং অকাইবা পীরোইদবনি, মসিগী মহুত্তা ঐখোয় পুম্নমক্কী য়াইফনবা তৌবীবগীদমক থাগৎফম থোকই। মহাক্না হায়, দোক্তর, নর্স, হেলথ কেয়রগী শিন্মীশিং অসি ঐখোয়না ইকাই খুম্নফম থোকই, শৌগৎপীফম থোকই অমসুং কোবিদ-১৯ থেংনবা মতমদা ঐখোয়না মতেং পাংবীফম থোকই।

অকুপ্পা ৱারোলগীদমক, https://pib.gov.in/PressReleseDetail.aspx?PRID=1622991

আই.সি.এম.আর.-এন.আই.ভি., পুনেনা পুথোকপা এন্তিবোদী খঙদোক্নবা মপাঙ্গল লৈরবা আই.জি.জি. এলিসা তেস্তনা কোবিদ-১৯ য়েংশিনবদা অচৌবা থৌদাং অমা লৌগদৌরিঃ দা. হর্শ বর্ধন

ইন্দিয়ন কাউন্সিল ওব মেদিকেল রিসর্স (আই.সি.এম.আর.)-নেস্নেল ইন্সতিত্যুৎ ওব ভাইরোলোজি (এন.আই.ভি.)না পুনেদা লৈবাক অসিনা পুথোকচবা কোবিদ-১৯গী এন্তিবোদী খঙদোক্নবা আই.জি.জি. এলিসা তেস্ত "কোবিদ কাবচ এলিসা" পুথোক্তুনা শিজিন্নবগী অয়াবা পীখ্রে। এন.আই.ভি.গী সাইন্তিস্ত কাংবুনা ভারত্তা লৈবা লেবোরেতরী কনফার্ম্দ তৌরবা অনাবদগী সার্স-কোব-২ মায় পাক্না আইসোলেৎ তৌবা ঙমখ্রে। মসিনা লমদম অসিদা সার্স-কোব-২গী লাইওং খঙদোক্নবা পুথোকপগী লম্বী অমা পীগদৌরি। সার্স-কোব-২গী ক্লিনিকেল দাইগনোসিস তৌনবগী উপাই অসি রিএল তাইম আর.তি.-পি.সি.আর. ওইজবা তারবসু, মসিদগী হেন্না মপাঙ্গল কনবা লাইনা লানশিন্নরকপা য়াবা মীওইশিংগী প্রোপোর্সন খঙদোক্নবা এন্তিবোদী তেস্ততি অরাইবা ওইদ্রি। 

অকুপ্পা ৱারোলগীদমক, https://pib.gov.in/PressReleseDetail.aspx?PRID=1622766

দা. হর্শ বর্ধন্না কোবিদ-১৯ মেনেজমেন্তকী ফিভম য়েংশিন্নবা মন্দোলী কোবিদ-১৯ কেয়র সেন্তরদা চৎখ্রে

হকশেল অমসুং য়াইফ য়ুম্বালগী কেন্দ্র মন্ত্রী দা. হর্শ বর্ধন্না কোবিদ-১৯ মেনেজমেন্তকী ফিভম য়েংশিন্নবা ঙসি নই দিল্লীগী মন্দোলী জেলদা লৈরিবা কোবিদ কেয়র সেন্তর (সি.সি.সি.)দা চৎখ্রে। হোস্পিতালগী শেম-শারিবশিংগীদমক হৌজিক্কী দরকার ওইরিবশিং অদু য়েংদুনা পুলিস রেসিদেন্সিয়েল কমপ্লেক্স মন্দোলী সি.সি.সি. অসি লাইওং য়াম্না উৎতবা কোবিদ-১৯ অনাবশিংগীদমক আইসোলেসন রুমশিং অমসুং ফমুংশিং লৈবা দেদিকেতেদ কোবিদ-১৯গী সেন্তর ওন্থোক্লে। পর্সনেল অমসুং রেস্পিরেতরীগী হৌন-লোনচৎ মখা তানা ঙাক্না চৎপা, সোসিয়েল দিস্তেন্সিংনা কোবিদ-১৯গী মায়োক্তা অরোইবা লান্দা মায় পাকপা ফংগনি হায়না দা. হর্শ বর্ধন হায়খি।

অকুপ্পা ৱারোলগীদমক, https://pib.gov.in/PressReleseDetail.aspx?PRID=1622740

মেদিকেল প্রোফেস্নেলশিং অমসুং পেরা-মেদিকেল স্তাফশিংগী চত্থোক-চৎশিন্দা অকাইবা পীরোইদবনি অমসুং প্রাইবেৎ ক্লিনিক, নর্সিং হোম অমসুং লেবশিং হাংদোকহনগদবনি; কোবিদ অমসুং কোবিদ নত্তবা খুদক্কী ওইবা অনাবশিং য়েংশিনবা তঙাইফদেঃ য়ুমলৈ-কৈরৈ মত্রালয়না রাজ্যশিংদা

কেবিনেৎ সেক্রেতরীনা ময়াই তাংবল লৌদুনা মে ১০, ২০২০দা ভিদিও কনফরেন্সিংগী খুথাংদা রাজ্য/য়ু.তি. খরদা মেদিকেল প্রোফেস্নেল অমসুং পেরা-মেদিকেল পার্সনেলশিংগী চত্থোক-চৎশিন্দা অথিংবা থম্বগী মতাংদা মীফম অমা ফমদুনা খন্নখি। মীফম অসিগী মতুং তাবা ওইনা, য়ুমলৈ-কৈরৈ মন্ত্রালয়না রাজ্য/য়ু.তি. খুদিংমক্না মীওইবগী তাংলবা পুন্সি কন্নবা অমসুং মীয়ামগী হকশেলগী ওইবা তঙাইফদবশিং পাংথোক্নবগীদমক মেদিকেল প্রোফেস্নেলশিংগী চত্থোক চৎশিন্দা অথিংবা থমদবসি তঙাইফদে হায়বা অইবা চেরোল থাখি। মখোয়গী চত্থোক-চৎশিন্দা অথিংবা থম্বনা মরম ওইদুনা কোবিদ অমসুং কোবিদ নত্তবা অনাবশিংদা অনা লাইয়েংগী ওইবা খুদোংচাদবা কয়া মাইয়োক্নরকপা য়াই হায়না মখা তাখি।

অকুপ্পা ৱারোলগীদমক, https://pib.gov.in/PressReleseDetail.aspx?PRID=1622866

য়ুমলৈ-কৈরৈ মন্ত্রালয়না রাজ্যশিংদা: পন্দুনা লৈরিবা মাইগ্রেন্ত ৱার্করশিংবু মখোয়গী পোক্নফম লমদমদা খোংজেল য়াঙনা চত্থোক-চৎশিন য়াহন্নবা অপনবা অমত্তা পীদনা অহেনবা শ্রমিক স্পিসিয়েল ত্রেনশিং চেলহনবদা রেলৱেজগা কোওপরেৎ তৌগদবনি

কেবিনেৎ সেক্রেতরীনা ভিদিও কনফরেন্সকী থোংদা বস অমসুং শ্রমিক স্পিসিয়েল ত্রেনশিংদা মাইগ্রেন্ত ৱার্করশিংগী চত্থোক-চৎশিন্দা রাজ্য/য়ুনিয়ন তেরিতোরীগী সরকারশিংনা পীরিবা তেংবাং য়েংশিন্নবা ২০২০গী মে ১০দা মীফম অমা পাংথোকখ্রে। মীফম অসি পাংথোকপগা লোয়ননা য়ুমলৈ-কৈরৈ মন্ত্রালয়না মাইগ্রেন্ত ৱার্করশিংবু মখোয়গী পোক্নফম লমদমদু য়ৌনবা লম্বী নত্ত্রগা রেলৱেজ ত্রেক্তা খোংনা চৎপদগী থিংনবা রাজ্যশিং/য়ুনিয়ন তেরিতোরীশিংদা ইদুনা খঙহনখি। শ্রমিক স্পিসিয়েল ত্রেনশিং নত্ত্রগা বসশিংবু হান্ননা মখোয়গী চত্থোক-চৎশিন য়াহন্নবা অয়াবা পীখ্রে হায়না অকনবা ৱাফম ফোংদোকখি। মরম অদুনা, মখোয়বু মখোয়গী পোক্নফম লমদমশিংদা শ্রমিক স্পিসিয়েল ত্রেনশিং নত্ত্রগা বসশিংদা তোংহনবগী খুদোংচাবা ফংহনবা য়াই অমদি মতম অদু ফাওবা মাইগ্রেন্তশিংবু পাউতাক পীবা য়াই অমদি মনাক নকপা চংজফমশিংদা পুদুনা চৎপা য়াই।

অকুপ্পা ৱারোলগীদমক, https://pib.gov.in/PressReleseDetail.aspx?PRID=1622865

ইন্দিয়ন রেলৱেজনা পেসেঞ্জর সর্বিস মে ১২, ২০২০দগী তপ্না তপ্না হৌরগনি

রেলৱেজ মন্ত্রালয়না ইন্দিয়ন রেলৱেজকী ত্রেন সর্বিসশিং মে ১২,২০২০দগী তপ্না তপ্না হৌরগনি হায়না লাউথোকখ্রে। স্পিসিয়েল ত্রেন পুংবা তরা মঙা (ত্রেন কুনথ্রা) মথৌ তৌবা হৌখ্রে। মসিগী সর্বিস অসি মে ১দগী  হৌখিবা শ্রমিক স্পিসিয়েলগী মথক্তা চেন্দুনা পন্দুনা লৈরিবা মীওইশিং পুথোক-পুশিন তৌগনি। অতোপ্পা মহৌশাগী সর্বিসশিং মে/এক্সপ্রেস, পেসেঞ্জর অমসুং সবঅর্বান সর্বিসশিংদি মখা তাবা পাউ লাক্ত্রিবফাওবা লেপখিগনি। হায়রিবা স্পিসিয়েল ত্রেনশিং অসি এয়র কন্দিসন্তমক য়াওগনি। আই.আর.তি.সি.গী ৱেবসাইত্তা নত্ত্রগা মোবাইল এপকী খুথাংদা খক্তমক ই-তিকেৎ ককপা য়াগনি। রেলৱে স্তেসন অমত্তগী রিজর্বেসন কাউন্তরদা তিকেৎ ককপা য়ারোই। 'এজেন্ত'শিংগী খথাংদা তিকেৎ ককপগী অয়াবা পীদে। মাঙজৌননা ককপা য়াবা এদবান্স রিজর্বেসন পেরিয়দ অসি নুমিৎ তরেৎনিনি। অনরিজর্ব তিকেৎ অমত্তা অয়াবা পীরোই। তিকেত্তা চান-থক্নবগী চার্জশিং য়াওরোই। পেসেঞ্জর খুদিংমক স্ক্রীন তৌগনি অমসুং লাইওং লৈতবা মীওইশিংতমক ত্রেন্দা চংবা নত্ত্রগা কাখৎপা য়াগনি।

অকুপ্পা ৱারোলগীদমক, https://pib.gov.in/PressReleseDetail.aspx?PRID=1622963

ইন্দিয়ন রেলৱেজনা স্পিসিয়েল ত্রেন পুংবা তরামঙা (ত্রেন কুনথ্রা)গী মতম লাউথোকখ্রে

রেলৱেজ মন্ত্রালয় (এম.ও.আর.)না হকশেল অমসুং য়াইফ-য়ুম্বাল মন্ত্রালয় (এম.ও.ঐচ.এফ.দব্ল্যু.) অমসুং য়ুমলৈ-কৈরৈ মন্ত্রালয় (এম.ঐচ.এ.)গী অয়াবা লৌরবা মতুংদা ইন্দিয়ন রেলৱেজকী ত্রেন সর্বিসশিং মে ১২,২০২০দগী তপ্না তপ্না হৌরগনি হায়না ৱারেপ লৌখ্রে।

অকুপ্পা ৱারোলগীদমক, https://pib.gov.in/PressReleseDetail.aspx?PRID=1623014

ইন্দিয়ন রেলৱেনা লৈবাক পুম্বদা ২০২০গী মে ১১ (পুং১০০০) ফাওবদা “শ্রমিক স্পিসিয়েল” ত্রেন ৪৬৮ ওপরেৎ তৌরি

২০২০গী মে ১১ ফাওবদা, লৈবাক অসিগী তোঙান-তোঙানবা রাজ্যশিংদগী “শ্রমিক স্পিসিয়েল” ত্রেন পুন্না ৪৬৮ ওপরেৎ তৌরি, মদুগী মনুংদা ত্রেন ৩৬৩দি মখোয়গী পন্থুংফম য়ৌখ্রে অমদি ত্রেন ১০৫না লম্বীদা লৈরি। মসিগী ত্রেন ৩৬৩ অসি আন্ধ্র প্রদেশ (ত্রেন ১), বিহার (ত্রেন ১০০), হিমাচল প্রদেশ (ত্রেন ১), ঝার্খন্দ (ত্রেন ২২), মধ্য প্রদেশ (ত্রেন ৩০), মহারাস্ত্রা (ত্রেন ৩), ওরিশা (ত্রেন ২৫), রাজস্থান (ত্রেন ৪), তেলঙ্গনা (ত্রেন ২), উত্তর প্রদেশ (ত্রেন ১৭২), ৱেস্ত বেঙ্গল (ত্রেন ২), তমিল নাদু (ত্রেন ১)গুম্বা তোঙান-তোঙানবা রাজ্যশিংদা তর্মিনেৎ তৌরি। ত্রেনশিং অসিনা তিরুচিরাপল্লী, তিতলাগর, বরাওনী, খানদ্বা, জগন্নাথপুর, খুর্দা রোদ, প্রয়াগরাজ, ছাপ্রা, বলিয়া, গয়া, পুর্নিয়া, বরানসী, দর্বঙ্গা, গোরখপুর, লখনৌ, জোনপুর, হাতিয়া, বস্তি, কতিহার, দানাপুর, মুজাফরপুর, শহরসা অসিনচিংবা শহরশিংদা মাইগ্রেন্তশিং পুদুনা চৎখি। মসিগী শ্রমিক স্পিসিয়েল ত্রেনশিং অসিদা য়াম্লবদা চাউরাক্না পেসেঞ্জর ১২০০না সোসিয়ে দিস্তেন্সিং ঙাক্না তোংদুনা চৎপা য়াহল্লি। ত্রেন তোংদ্রিঙৈ মাংওইননা পেসেঞ্জরশিংবু মতিক চানা স্ক্রীনিং তৌরি। খোংচৎ মনুংদা পেসেঞ্জরশিংবু চাকলেন অমসুং ঈশিং লেম্না পীরি।

অকুপ্পা ৱারোলগীদমক, https://pib.gov.in/PressReleseDetail.aspx?PRID=1622861

য়ুমলৈ-কৈরৈ মন্ত্রালয় অমসুং রেলৱেনা পন্দুনা লৈরিবা মাইগ্রেন্ত ৱার্করশিংবু মখোয়গী পোক্নফম লমদমদা খোংজেল য়াঙনা চত্থোক-চৎশিন তৌবা য়াহন্নবা শ্রমিক স্পিসিয়েল ত্রেনশিংগী ওপরেসন য়েংশিন্নবা স্তেত নোদল ওফিসরশিংগা লোয়ননা ভিদিও কনফরেন্স পাংথোকখ্রে

কেন্দ্রগী গৃহ মন্ত্রালয় অমসুং রেলৱে মন্ত্রালয়না ঙসি অয়ুক শ্রমিক স্পিসিয়েল ত্রেনশিংনা মাইগ্রেন্ত লেবরশিং হোন্দোক-হোঞ্জিন তৌরিবা অসিদা ভিদিও কনফরেন্স অমা পাংথোকখ্রে। রাজ্যশিং অমসুং য়ুনিয়ন তেরিতোরীশিংগী নোদল ওফিসরশিংনা শরুক য়াখি। মাইগ্রেন্ত ৱার্কর লাখ কয়া পুরদুনা ত্রেন ৪৫০ হেন্না, ঙরাংগী ১০১ য়াওনা থাদোকখিবদা থাগৎপা ফোংদোকখি। ভিদিও কনফরেন্স অদুগী মনুংদা ইসু কয়া অমা খন্ন-নৈনখি অমদি রিদ্রেস তৌখি অমদি ময়ুমদা চৎনিংবা মখোয়শিং অদুদি চৎথোক-চৎশিন তৌনবগীদমক ত্রেন মতিক চানা চেনগনি হায়বা মাইগ্রেন্ত লেবরশিংবু খঙহন্নবা অকনবা ৱাফম থমখি। লাক্কদৌরিবা চয়োল খরা অসিদা পন্দুনা লৈরিবা মাইগ্রেন্ত ৱার্করশিংবু মখোয়গী পোক্নফম লমদমদা খোংজেল য়াঙনা চত্থোক-চৎশিন তৌবা য়াহন্নবা নুমিৎ খুদিংগী ত্রেন চামা হেন্না চেল্লবা য়াই।

অকুপ্পা ৱারোলগীদমক, https://pib.gov.in/PressReleseDetail.aspx?PRID=1622896

য়ুমলৈ-লৈরৈ মন্ত্রালয়না ত্রেন্দা মী চত্থোক-চৎশিন তৌবগী স্তেন্দার্দ ওপরেতিং প্রোতোকোল (এস.ও.পি.) থোকখ্রে

কেন্দ্রগী য়ুমলৈ-কৈরৈ মন্ত্রালয়না ত্রেন্দা মী চত্থোক-চৎশিন তৌবগা মরী লৈননা স্তেন্দার্দ ওপরেতিং প্রোতোকোল (এস.ও.পি.) থোকখ্রে। রেলৱে স্তেসন্দা পেসেঞ্জরশিংনা চংথোক-চংশিন তৌবসি কনফার্ম্দ তৌরবা ই-তিকেৎ পায়রবা মীওই খক্তনা য়াগনি। লাইওং লৈতবা মীওই খক্তমক্না ত্রেন্দা কাখৎপা য়াগনি। খোংচৎকী মনুং অমসুং স্তেসন্দা লৈবা মতমদা, হকশেল অমসুং হাইজিনগী চৎন-কাংলোনশিং অমসুং সোসিএল সিস্তেন্সিং মপুং ফানা ইনগদবনি।

অকুপ্পা ৱারোলগীদমক, https://pib.gov.in/PressReleseDetail.aspx?PRID=1622896

এন.দি.এম.এ. (এম.ঐচ.এ.)না লোকদাউন মতম মতুংদা মেন্যুফেকচরিং ইন্দস্ত্রীশিং অমুক হন্না থবক হৌবদা চৎনগদবা কাংলোনশিং থোকখ্রে

কেন্দ্রগী গৃহ মন্ত্রালয়না দিজাস্তর মেনেজমেন্ত এক্ত, ২০০৫গী মখাদা লোকদাউন মতম মতুংদা মেন্যুফেকচরিং ইন্দস্ত্রীশিং অমুক হন্না থবক হৌবদা চৎনগদবা গাইদলাইনশিং ইসু তৌখ্রে। রাজ্য সরকারশিংনসু মসি শোইহল্লোয়দবনি মদুদি মরী লৈনবা মেজর এক্সিদেন্তেল হাজার্দ (এম.এ.ঐচ.) য়ুনিৎশিংগী ওফ-সাইৎ দিজাস্তর মেনেজমেন্ত প্লান অপ তু দেৎ ওইহনগদবনি অমদি মখোয়বু ইম্প্লিমেন্ত তৌনবা শেম-শাবা হেঙ্গৎনগদবনি। মসিমসু পাউতাক পীরি মদুদি জিলাগী থৌদাং লৌরিবা ওফিসরশিংনা ইন্দস্ত্রীয়েল ওন-সাইৎ দিজাস্তর মেনেজমেন্ত প্লানশিংসু শোইদনা থমগদবনি অমদি কোবিদ-১৯ লোকদাউন মনুং অমসুং মতুংদা ইন্দস্ত্রীশিংগী সেফ রি-স্তারতিংগীদমক স্তেনদর্দ ওপরেতিং প্রোসিজরশিং কভর তৌগদবনি।

অকুপ্পা ৱারোলগীদমক, https://pib.gov.in/PressReleseDetail.aspx?PRID=1622874

ইন্দিয়ন এয়রফোর্সনা বিজাগ গ্যাস লিক লাকশিন্নবা রাজ্য সরকারদা তঙাইফদবা কেমিকেলশিং নোংথক্তা পুদুনা মতেং পাংখ্রে

আন্ধ্র প্রদেশ সরকারগী ইন্দস্ত্রীজ অমসুং কম্মর্স বিভাগনা হায়রকপগী মতুং ইন্না, বিজাগকী এল.জি. পোলাইমর্সতা স্তাইরিন মোনোমর স্তোরেজ তেঙ্কতা গ্যাস লিক ওইবগী থৌদোক লাকশিন্নবদা তঙাইফদবা কেমেকেল তন ৮.৩ আই.এ.এফ.না নোংথক্তা পুখ্রে। মসিগী মথক্তা, কোবিদ-১৯না মরম ওইদুনা থোরক্লিবা তঙাইফদবশিংগী মতাংদা পাঙথোকখিবা মীফমগী মতুং ইন্না, আই.এ.এফ.না লাইচৎ অসিবু লাকশিন্নবা হোৎনরিবা রাজ্য সরকারশিং অমসুং মতেং পাংলিবা এজেন্সীশিংদা মতেং ওইনবা হায়দুনা তঙাইফদবা পোৎলমশিং হোনবা লেপত্রি। সরকারবু মতেং পাংননবা হায়দুনা মার্চ ২০, ২০২০দগী থবক হেক হৌখিবদগী হৌজিক ফাওবদা আই.এ.এফ.না তন ৭০৩ নোংথক্তা পুখ্রে।

অকুপ্পা ৱারোলগীদমক, https://pib.gov.in/PressReleseDetail.aspx?PRID=1623002

ইন্দিয়ন রেলৱেজনা খনগৎলবা পেসেঞ্জর সর্বিস খরা তপ্না-তপ্না চলাইবা হৌরগনি

ইন্দিয়ন রেলৱেজনা ২০২০গী মে ১২দগী অহানবগী ওইনা ত্রেন পুংবা ১৫ (হল্লকপগী খোংচৎ ৩০)না পেসেঞ্জর ত্রেন চেনবা অমুক হৌনবা থবক শিল্লি। ত্রেনশিং অসি নই দিল্লীদগী দিব্রুগর, অগর্তলা, হাউরা, পত্না, বিলাসপুর, রাঞ্চী, ভুবনেশ্বর, সেকন্দরাবাদ, বেঙ্গলুরু, চেন্নৈ, তিরুবন্থপুরম, মদগাওন, মুম্বাই সেন্ত্রেল, অহেমদবাদ অমসুং জম্মু তাৱী ফাওবা অখন্নবা ত্রেন ওইনা চেনগনি। মসিগী মতুংদা ইন্দিয়ন রেলৱেজনা কোবিদ-১৯ কেয়র সেন্তর ওইনা শিজিন্ননবগীক কোচ ২০,০০০ অমসুং নুমিৎ খুদিংগী পন্দুনা লৈরিবা শিন্মীশিংগী ওইনা চেল্লিবা “শ্রমিক স্পিসিয়েল”গী ত্রেন ৩০০ খাক্তুনা থমখ্রবা মতুংদা লেমহৌরিবা ত্রেনগী মশিং য়েংলবা মতুংদা অহেনবা অখন্নবা ত্রেনশিং অনৌবা লম্বীশিংদা চেনবা অমুক হৌরক্কনি।

অকুপ্পা ৱারোলগীদমক, https://pib.gov.in/PressReleseDetail.aspx?PRID=1622779

ওপরেসন সমুদ্র সেতু - ভারত মচাশিং তোংবগা লোয়ননা আই.এন.এস. মগর মালে থাদোকখ্রে

ভারত মচাশিং হোন্দোক্নবগীদমক মালদিবকী মালেদা থুংখিবা অনিসুবা ভারতকী নেভীগী জহাজ আই.এন.এস. মগর মী তোংবা লোয়রবা মতুং মালদিবকী মালে থাদোকখ্রে।

বন্দে ভারত মিসনগী মখাদা ওপরেসন সমুদ্র সেতুগী শরুক ওইনা ভারত নেভীনা মালদিবতগী ভারত মচাশিং লৌথোক্লুনবা অনিসুবা ফেজকীদমক আই.এন.এস. মগর দিপ্লোই তৌখি। অহানবা ফেজদা আই.এন.এস. জলশ্বানা ২০২০গী মে ১০দা মালদিবতা পন্দুনা লৈরিবা ভারত মচা ৬৯৮ হোন্দোরকখি।

অকুপ্পা ৱারোলগীদমক, https://pib.gov.in/PressReleseDetail.aspx?PRID=1622776

রাজ্য অমসুং য়ু.তি. ১০দগী অনৌবা মন্দি ১৭৭ লৌউ-শিংউগী পোত্থোকশিং য়োন্নবগীদমক ই-নাম প্লেৎফোর্মগা শম্নখ্রে

কেন্দ্রগী লৌউ-শিংউ অমসুং লৌমীশিংগী য়াইফ-থৌরাং মন্ত্রী শ্রী নরেন্দ্র সিংহ তোমারনা ঙসি লৌউ-শিংউগী কৈথেল মপাঙ্গল কনখৎনবা অমসুং লৌমীশিংনা মখোয়গী লোক্লবা পোত্থোকশিং ওনলাইন পোর্তেলদা য়োনবদা খুদোংচানবা হায়দুনা অনৌবা মন্দি ১৭৭ নেস্নেল এগ্রিকলচর মার্কেৎ (ই-নাম)গা পুনশিনখ্রে। ঙসি পুনশিনখ্রবা মন্দিশিংদুদি মখাদা পীরিঃ গুজরাত (১৭), হরিয়ানা (২৬), জে. এন্দ কে. (১), কেরলা (৫), মহারাস্ত্রা (৫৪), ওরিশা (১৫), পঞ্জাব (১৭), রাজস্থান (২৫), তমিল নাদু (১৩) অমসুং নোংচুপ বেঙ্গল (১)নি। অহেনবা মন্দি ১৭৭ নৌনা হৌদোকপগা লোইননা, লৈবাক অসিদা লৈবা অপুনবা ইনামমন্দি মশীং ৯৬২ য়ৌরে।

অকুপ্পা ৱারোলগীদমক, https://pib.gov.in/PressReleseDetail.aspx?PRID=1622906

লোকদাউন মনুংদা হৱাই-চেংৱাই অমসুং থাও থোকপা মরু-মরাং লৈশিনবদা ফিভম চেৎলে

রাজ্য ৯ অসিদগী চানা মেত্রিক তন লাখ ২.৭৪ লৈশিল্লে। রাজ্য ৫ অসিদগী হঙ্গাম মরু মেত্রিক তন লাখ ৩.৪০ লৈশিল্লে। তেলঙ্গনাদগী নুমিৎলৈ মেত্রিক তন ১৭০০ লৈশিল্লে। রাজ্য ৮ অসিদগী মাইরোংবী মেত্রিক তন লাখ ১.৭১ লৈশিল্লে। মমাং চহিগী মতম অসিমক্তদা কালেন ফৌনা কভর তৌখিবা এরিয়া হেক্তর লাখ ২৫.২৯গা চাংদম্নবদা চাউরাক্না হেক্তর লাখ ৩৪.৮৭ কভর তৌরি। মমাং চহিগী মতম অসিগীমক্তদা হৱাই-চেংৱাইনা কভর তৌখিবা এরিয়া হেক্তর লাখ ৫.৯২গা চাংদম্নবদা চাউরাক্না হেক্তর লাখ ১০.৩৫ কভর তৌরি।  মমাং চহিগী মতম অসিগীমক্তদা কোর্স মহৈ-মরোংনা কভর তৌখিবা এরিয়া হেক্তর লাখ ৬.২০গা চাংদম্নবদা চাউরাক্না হেক্তর লাখ ৯.৫৭ কভর তৌরি। মমাং চহিগী মতম অসিগীমক্তদা থাও থোকপা মরু-মরোংনা কভর তৌখিবা এরিয়া হেক্তর লাখ ৭.০৯গা চাংদম্নবদা চাউরাক্না হেক্তর লাখ ৯.১৭ কভর তৌরি। রবী মার্কেতিং সিজন (আর.এম.এস.) ২০২০-২১দা, এফ.সি.আই.দা গেহু লাখ মেত্রিক তন ২৪১.৩৬ য়ৌরকখি, মদুগী মনুংদা লাখ মেত্রিক তন ২৩৩.৫১ লৈশিনখি।

অকুপ্পা ৱারোলগীদমক, https://pib.gov.in/PressReleseDetail.aspx?PRID=1622702

প্রধান মন্ত্রীনা নেস্নেল তেক্নোলোজী নুমিৎতা সাইন্তিস্তশিংগী মফমদা ইকায়-খুম্নবা উৎখ্রে

প্রধান মন্ত্রী শ্রী নরেন্দ্র মোদীনা ঙসি লৈবাক অসিদা অতোপ্পগী পুন্সিদা পোজিতিব ওইবা খেৎনবা অমা পুরক্নবা হোৎনরিবা সাইন্স অমসুং তেক্নোলোজী শিজিন্নরিবা সাইন্তিস্ত পুম্নমক্তা ইকায়-খুম্নবা উৎখ্রে। নেস্নেল তেক্নোলোজী নুমিৎকী তাঞ্জাদা শ্রী মোদীনা ত্বীৎ তৌখি। মহাক্না হায়খি, “ঙসি, কোবিদ-১৯দগী মালেম অসিবু ফ্রী ওইহন্নবা হোৎনরিবশিংদা তেক্নোলোজীনা চাউনা মতেং পাংলি। ঐহাক্না কোরোনাভাইরস মায়থিবা পীনবা লম্বীদা রিসর্স অমসুং ইনোবেসনগী মাংজিল থারিবা মখোয়শিং অদুবু ইকায়-খুম্নজরি। মশা-মউ ফবা অমসুং হেন্না ফবা প্লানেৎ অমা ওইহন্নবা ঐখোয়না তেক্নোলোজীবু শিজিন্নগদবনি।”

অকুপ্পা ৱারোলগীদমক, https://pib.gov.in/PressReleseDetail.aspx?PRID=1622952

দি.আর.দি.ও.না নেস্নেল তেক্নোলোজী নুমিত্তা ঙাকশেল মন্ত্রীনা ভারতপু তেক্নোলোজীগী নেত এক্সপোর্তর ওইনবা তকশিল্লি।

নেস্নেল তেক্নোলোজী নুমিৎ (এন.তি.দি.)তা দিফেন্স রিসর্স অমসুং দিবেলপমেন্ত ওর্গনাইজেসন (দি.আর.দি.ও)গী সাইন্তিস্তশিংদা ৱা ঙাংলদুনা শ্রী রাজনাথ সিংহনা লৈবাক অসিদা লৈরিবা খঙ-হৈরবশিংনা ভারতপু তেক্নোলোজীগী শক্তি লৈরবা মফম অমা ওইনবা হোৎননবা হায়খ্রে। স্তেত-ওব-দি-আর্ত তেক্নোলোজী শিজিন্নদুনা কোবিদ-১৯না পীরিবা খুদোংচাদবশিং থেংননবা দিফেন্স ওর্গনাইজেসন্না হোৎনরি হায়না শ্রী রাজনাথ সিংহনা হায়খ্রে। ভারতকী ঙাকশেল ফোর্সশিং অমসুং রিসর্স অমসুং দিবেলপমেন্তকী হোৎনরিবশিংনা শক উদ্রবা য়েক্নবশিংবু লান্থেংননবা উপাই পুথোক্লি।

অকুপ্পা ৱারোলগীদমক, https://pib.gov.in/PressReleseDetail.aspx?PRID=1622958

এস. এন্দ তি.গী খুত্থাংদা শেন্মিৎলোন হেনগৎনবগীদমক ভারতনা শেম শারিঃ দা. হর্শ বর্ধন

কেন্দ্রগী সাইন্স অমসুং তেক্নোলোজী, আর্থ সাইন্স অমসুং হকশেল অমসুং য়াইফ-য়ুম্বাল মন্ত্রী দা. হর্শ বর্ধন্না ঙসি ভারতনা কোবিদ-১৯গা থেংনরিবা অসি য়াঙনা খুমাং চাওশিল্লি হায়না ফোঙদোকখ্রে। নেস্নেল তেক্নোলোজী নুমিৎ থৌরম পাংথোক্নবা শিনখিবা রি-স্তার্ত-'রিবুত দি ইকোনোমী থ্রু সাইন্স, তেক্নোলোজী এন্দ রিসর্স ত্রান্সলেসন্স'কী দিজিতেল কনফরেন্সতা মহাক্না ৱা ঙাংখি।

 অকুপ্পা ৱারোলগীদমক, https://pib.gov.in/PressReleseDetail.aspx?PRID=1622992

য়ু.জি.সি.না মহৈরোইশিংগী, ওজাশিংগী অমসুং ইন্সতিত্যুসনশিংগী কোবিদ-১৯গা মরী লৈনবা ৱাহং অমসুং ৱাকৎশিং য়েংশিন্নবা তোঙান-তোঙানবা খোংথাং লৌখৎখ্রে

য়ু.জি.সি.না এপ্রিল ২৯,২০২০দা কোবিদ-১৯গা মরী লৈননা পরিখাশিং অমসুং একাদেমিক কেলেন্দরগা মরী লৈনবা কাংলোনশিং ফোংখ্রে। মসিগী মখা তানা, য়ুনিবর্সিতী খুদিংমক্তা স্তেকহোল্দরশিংগী অপাম্বগী মতুং ইন্না হকশেল্দা খ্বাইদগী ৱাংবা মফম অমা থমদুনা কাংলোনশিং অসিবু ঙাকপগা লোইননা মখোয়গী একাদেমিক এক্তিবিতীশিং শেম্নবা খঙহনখ্রে। য়ুনিবর্সিতীশিংনা কোবিদ-১৯না মরম ওইদুনা থোরকপা পরিখাগা মরী লৈনবা মহৈরোইশিংগী ৱাকৎশিং তাবীনবা সেল অমা হাংনবা অমসুং মহৈরোইশিংদা খঙহন্নবা হায়খ্রে।

অকুপ্পা ৱারোলগীদমক, https://pib.gov.in/PressReleseDetail.aspx?PRID=1622869

ঐচ.আর.দি.না ওরিশাগী য়ুনিবর্সিতী মহৈরোইশিংগী কোগনিতিব রিহেবিলিতেসন সর্বিসতা ওরিশা সেন্ত্রেল য়ুনিবর্সিতীগী হেল্পলাইন "ভরোশা" হাংদোকখ্রে

কোবিদ-১৯ লাইচৎকী মনুং অসিদা মহৈরোইগী খুন্নাইদা লৈরিবা অৱাবশিং কোক্নবগীদমক, কেন্দ্রগী ঐচ.আর.দি. মন্ত্রী শ্রী রমেশ পোখ্রিয়াল 'নিশাঙ্ক'না ভর্চুএল প্লেৎফোর্ম অমদা ঙসি ওরিশা সেন্ত্রেল য়ুনিবর্সিতীগী হেল্পলাইন "ভরোসা" অমসুং মসিগী হেল্পলাইন নম্বর 08046801010 হাংদোকখ্রে। থৌরম অদুদা ৱা ঙাংলদুনা শ্রী রমেশ পোখ্রিয়াল নিশাঙ্কনা লৈবাক অসিনা কোবিদ-১৯ লাইচৎনা মরম ওইদুনা খুদোংচাদবা মতম অমা থেংনরি হায়না ফোংদোকখি।

অকুপ্পা ৱারোলগীদমক, https://pib.gov.in/PressReleseDetail.aspx?PRID=1623012

দি.বি.তি.-বি.আই.আর.এ.সি. কোবিদ-১৯গী রিসর্চ কন্সোর্তিয়ম্না তীকাশিং, দাইগ্নোস্তিকশিং, থেরাপ্যুতিকশিং অমসুং অতোপ্পা তেক্নোলোজীশিংদা ফন্দিং তৌনবগীদমক ৱাফম ৭০ পুখৎখ্রে

সার্স. সি.ও.ভি.০২ তঙাই ফদবা মওংদা ঙাকথোক্নবা অমদি ফননবা বাইওমেদিকেল সোলুসনশিং শেম্নবা বাইওতেক্নোলোজী বিভাগ অমসুং বাইওতেক্নোলোজী ইন্দস্ত্রী রিসর্চ এসিস্তেন্স কাউন্সিল (বি.আই.আর.এ.সি.)না কোবিদ-১৯ রিসর্চ কন্সোর্তিয়মগী এপ্লিকেসন কৌখ্রে। মখল কয়া থৌওংশিংদা ওন-ওন্দুনা য়েংশিল্লগা, খুৎলায়শিং, দাইগ্নোস্তিকশিং, তীকা থানবশিং, থেরাপ্যুতিকশিং অমসু অতৈ মরক্তা তৌবা য়াবা ৱাফম ৭০দা শেলগী তেংবাং পীবীনবা হায়খ্রে। সোর্তলিস্ত তৌরবা ৱাফমশিং অদুদা তীকা থাগদবা ১০, দাইগ্নোস্তিক্কী পোৎলম নত্ত্রগা স্কেল-অপকী ফেসিলিতী ৩৪, থেরাপ্যুতিক্কী ওপ্সন ১০, অনৌবা মওংদা হীদাক থানবগী ৱাফম ২ অমসুং ঙাকথোক্নবা চেকশিন-থৌরাংগী কাংলুপ ওইনা খাইদোক্লবা প্রোজেক্ত ১৪ য়াওরি।

অকুপ্পা ৱারোলগীদমক, https://pib.gov.in/PressReleseDetail.aspx?PRID=1622757

পি.আই.বি. ফিল্দ ওফিসশিংদগী ফংবা পাউ

• হিমাচল প্রদেশঃ লৈবাকসিগী তোঙান তোঙানবা মফমদা পন্দুনা লৈরিবা য়ুমদা হল্লক্নিংবা মীওইশিং অসিগী মেদিকেল একজামিনেসন য়াম্না কুপ্না তৌগনি অমসুং ইন্সতিত্যুস্নেল ক্বারেন্তাইন তৌরবা মতুংদদা ময়ুমদা হলহনগনি। মুখ্য মন্ত্রীনা নোদেল ওফিসারশিংদা রাজ্যগী ওইনা খন্দুনা থম্লিবা নোদেল ওফিসারশিংগা নক্ননা পাউ ফাওনদুনা মখোয়গী রাজ্য সরকারশিংগা অথুবা মতমদা মতেং পাংনদুনা পন্দুনা লৈরিবা হিমাচলিশিংবু য়ুমদা পুরক্নবা খংহনখ্রে।  মহাক্না মহৈরোইশিংবু য়ুমদা পুরকপনা খ্বাইদগী ৱাংনা থমগনি মরমদি খুদোংথিনীংঙাই য়াম্না ওইরিবসি মখোয়নি হায়খি। 
• পঞ্জাবঃ সরকারনা কোরোনা ভাইরসকী লাইচৎ অসি লান্থেংনরিবা অসিগী মনুংদা লৈখিদবা য়াওবা সরকারগী থবক তৌবা মীওইশিংগী ইমুং-মনুং/চারোন-শুরোন্দা এক্স-গ্রেসিয়া কম্পেন্সেসন লুপা লাখ ৫০ ফাওবা পীনবগী চৎন-কাংলোনশিং শেল-থুমগী বিভাগনা লাওথোকখ্রে। কম্পেন্সেসন অসি কোবিদ-১৯ খক্তগা মরী লৈনগনি অমসুং ২০২০গী এপ্রিল ১দগী ২০২০গী জুলাই ৩০ ফাওবা চৎনগনি অমসুং য়েংশিনবগী মতুং ইন্না মখা তানা চৎনগনি। 
• হরিয়ানাঃ হেঞ্জাং-নাপী য়োনবশিং, হকশেলগী থৌমীশিং, পুলিস্কী মীওইশিং, মীদিয়াগী মীওইশিং, ফার্মাসিস্তশিং, দিপো পাইবশিং, সেনিতেসনগী থবক তৌবশিংবু রেন্দম ওইনা কোবিদ-১৯গী তেস্ত তৌনবা অখন্নবা থবক অমা হৌদোকখ্রে। হরিয়ানাগী দেদিকেতেদ কোবিদ কেয়র সেন্তরশিংদা ফমুং ২৬,১২৫ লৈবা ক্বারেন্তিইন ফেসিলিতিশিং লৈ অমসুং দেদিকেতেদ কোবিদ হোস্পিতালশিং অমসুং দেদিকেতেদ কোবিদ হেলথ সেন্তরশিংদা আইসোলেসন বেদ ৮,৭৫১ লৈ।
• কেরলাঃ রেলৱেজনা লৈবাকপোকপা নুমিত্তগী হৌদুনা কেরলা অমসুং নই-দিল্লীগী মরক্তা চয়োল অমদা রাজধানি ত্রেন তরুক চেল্লগনি। ত্রেনশিং অসিনা কোঝিকোদে অমসুং এর্নাকুলম রেলৱে স্তেসন খক্তদা খামগনি অমসুং কোঙ্কানগী লম্বী ফাওদুনা চেনগনি। কেরলা অমসুং তমিল নাদুগী দি.জি.পি.শিংনা পাস য়াওদনা কেরলাদা লাকপা মীওইশিং অসি তমিল নাদুগী পুলিসনা ঙমখৈদা খন্দোক্তুনা লেপহনগনি। হৌজিক চত্থরিবা বন্দে ভারত মিশন অসিগী দুবাইদগী কোচীদা লাকপা অমসুং বাহরেন্দগী কোঝিকোদেদা লাকপা ফ্লাইৎ অনি ঙসি নুমিদাংদা রাজ্য অসিদা থুংলগনি। লোকদাউনগী মতুংদা য়ু দুকানশিং হাংলকপদা মী য়াম্না কুংনা তিনবা থীংনবা হায়দুনা কেরলা স্তেত বেভরেজ কোর্পোরেসন্না  ওনলাইন ক্যু ফেসিলিতী পীনবা থৌরাং তৌরি।
• তমিল নাদুঃ সি.এম.না মাইগ্রেন্ত শিন্মীশিং চয়োল অমগী মনুংদা ময়ুমদা হলহনখ্রগনি হায়খ্রে; হৌজিক ফাওবদা অখন্নবা ত্রেনশিংদা মীওই ৯০০০ হেন্না চৎখ্রে। নুমিৎ ৪৭নিগী মতুংদা রাজ্য অসিগী রিতেল ব্যুজিনেসশিং হাংনখ্রে; লম্বীগী ত্রাফিক হেনগৎখি। চেন্নৈদা সরকারগী হোস্পিতাল অনি ‘সোলিদারিতী ত্রাএল- দবল্যু.ঐচ.ও.না কোবিদ-১৯বু মায় পাক্না লায়েংবা ঙম্নবা লাওথোকখিবা মালেমগী ক্লিনিকেল ত্রাএল’গীদমক্তা খনগৎখ্রে। কোয়েম্বেদু কৈথেল অসি কোবিদ শন্দোরকপদগী থিংজিনলুরবা মতুংদা অনৌবা হেঞ্জাং-নাপী অমসুং উহৈগী হোলশেল মার্কেৎ  অমা তিরুমাঝিসাইদা হৌখ্রে। হৌজিকফাবগী অপুনবা কেসঃ ৭২০৪, এক্তিব কেসঃ ৫১৯৫, লৈখিদ্রবাঃ ৪৭, দিসচার্জ তৌখ্রবাঃ ১৯৫৯। চেন্নৈদা লৈবা এক্তিব কেসঃ ৩৮৩৯। 
• করনাতকাঃ ঙসি অনৌবা কেস ১০ লাকখিঃ দেবাঙ্গিরি-৩, বিদার অমসুং বাল্কোত্তা অনি/অনি অমসুং কাল্বুর্গি, হাবেরি অমসুং বিজয়াপুরাদা অমমম। হৌজিক ফাওবগী অপুনবা কেসঃ ৮৫৮; নাবা ফরবাঃ ৪২২। লন্দন্দা পন্দুনা লৈবা কন্নাদিগা ২০০মুক এয়র ইন্দিয়াগী অখন্নবা ফ্লাইৎ অমদা বন্দে ভারত মিশনগী শরুক অমা ওইনা ঙসি বেঙ্গালোরদা থুংখ্রে। ফ্লাইৎ অসু কেম্পেগৌদা ইন্তর্নেস্নেল এয়র্পোর্ত্তা তাখি অমসুং পেসেঞ্জর খুদিংমক ক্বারেন্তাইন তৌদুনা থমখ্রে। কোবিদকী ইরাং অসিগী মরক্তা রাজ্য সরকারনা ইনবেস্তমেন্ত তৌবশিংগী পুক্নিং চিংশিন্নবা তাস্ক ফোর্স অমা শেমখ্রে।
• আন্ধ্র প্রদেশঃ কোবিদ-১৯গী মরকসিদা রাজ্যসিদা য়ু য়োনবগী মায়োক্তা ফাইল তৌখিবা পেতিসন অমা বিদীও কনফরেন্সিংগী খুত্থাংদা হায়-কোর্তনা তাখ্রে। কোর্তনা ইরাই নুমিত্তা হিয়ারিং য়ৈথোকখ্রে। তাল্লক অসিদা পোজিতিব ওইবা কেস মশীং য়াম্না লৈবা কুর্নুল জিলাদা কেন্দ্রগী তিম্না চৎখিবা অদু ঙসিসু অনিশুবা নুমিৎকী ওইনা মখা তাখ্রে। কোবিদ-১৯গী হৌখিবা পুং ২৪দা সেম্পল ৭৪০৯ তেস্ত তৌরবা মতুংদা অনৌবা কেস ৩৮ লাকখি; ৭৩ দিসচার্জ তৌখি অমসুং লৈখিদবা অমত্তা য়াওখিদে। অপুনবা কেস মশীং ২০১৮ য়ৌখ্রে। এক্তিব কেসঃ ৯৭৫, নাবা ফরবাঃ ৯৯৮, লৈখিদ্রবাঃ ৪৫। চিত্তুরদগী লাকখিবা কেস মাপনগী মনুংদা নিপান্দি চেন্নৈগী কোয়েম্বুদুগা মরী লৈনৈ। পোজিতিব কেস্তা মাং থারিবা জিলাশিং- কুর্নুল (৫৭৫), গুন্তুর (৩৮৭) অমসুং কৃষ্ণ (৩৪২)।
• তেলঙ্গানাঃ য়ু.এস.এ.দা পন্দুনা লৈবা ভারত মচা ১১৮ রজিব গান্ধী ইন্তর্নেস্নেল এয়র্পোর্ত্তা বন্দে ভারত মিশনগী শরুক অমা ওইনা থুংখ্রে। অবু ধাবি (য়ু.এ.ই.)দগী ভারত মচা কাংলুপ অমসু নিংথৌকাবা নুমিৎকী নুমিদাং পুং ৯দা এয়র ইন্দিয়াগী ফ্লাইৎ অমদা থুংলগনি। অতোপ্পা রাজ্যদগী হল্লকপা মীওইশিং কোবিদ-১৯ পোজিতিব ওইবা হেনগৎলকপদগী রাজ্য সরকারনা চেকশিং থৌরাং লৌখৎপদা হেন্না চেকশিনখ্রে। লোকদাউন লোইরবা মতুংদা দুকানশিং অমসুং ললোন ইতিক্কী মফমশিং মহৌশাগী হাংবা মতমদগী হেন্না হাংহন্নবা হোৎনবগী মতাংদা কন্না খন্নরি। ঙরাং ফাওবগী অপুনবা পোজিতিব কেসঃ ১১৯৬, এক্তিব কেসঃ ৪১৫, দিসচার্জ তৌখ্রবাঃ ৭৫১, লৈখিদ্রবাঃ ৩০।
• অরুনাচল প্রদেশঃ সি.এম.না রাজ্যসিগী কোবিদ-১৯গী তেস্তিং হেনগৎহন্নবগী মতাংদা  আই.এম.এ. ইন্দিয়া ওর্গকী অরুনাচল চেপ্তরগা ৱা খন্নখ্রে।
• অসমঃ গৌহাতিগী সরুসজাই স্তেদিয়মদা লৈরিবা ক্বারেন্তাইন সেন্তর য়েংশিন্নবগীদমক হকশেল মন্ত্রীনা ঙসি কাজিরঙ্গা য়ুনিবর্সিতীদা চৎখ্রে।
• মনিপুরঃ হোম দিপার্তমেন্তনা রাজ্যসিদা ত্রেন্দা হল্লক্লিবা মীয়ামগী এস.ও.পি. শেমখ্রে। নাদবা মীওই খক্তা লাকপগী অয়াবা পীগনি।
• মনিপুরঃ মনিপুরদা লৈবা জিরিবাম স্তেসন্দা য়ৌরকপা মীওইশিং অসি মেদিকেল স্ক্রীনিং তৌরবা মতুংদা ক্বারেন্তাইন সেন্তরশিংদা বসনা পুগনি।
• মিজোরমঃ মুখ্য মন্ত্রী জোরামথাঙ্গানা রাজ্যসিনা কোবিদ-১৯ লৈতবা রাজ্য অমা ওইরকপা অসি মীয়ামগী চৎ-লোনচৎনা ওইহনবনি হায়খ্রে।
• নাগালেন্দঃ নাগালেন্দদা, দি.আর.দি.এ.না হোর্তিকলচর বিভাগকা পুন্দুনা মোন দিস্ত্রিক্তকী মফম খুদিংমক্তা লৌউ-শিংউগী থবক পায়খৎখ্রে। মেরৈমা খুঙ্গংদা ফমুং ৫৪৫ অমসুং কে. বাদজেকোহিমা খুঙ্গংদা ফমুং ২৫৪ অতোপ্পা মফমদগী হল্লকপা মীওইশিংগী ক্বারেন্তিন সেন্তর ওইনবগীদমক শেমখ্রে।
• সিক্কিমঃ সরকারনা মীয়াম তিনবা মফম অমসুং থবক শুফমশিংদা মাস্ক উপ্তবা মীওইশিংদগী লুপা ৩০০গী ফাইন লৌখৎনবগীদমক সিক্কিম পব্লিক হেলথ এন্দ সেফতী (কোবিদ-১৯) রিগুলেসন্স, ২০২০ খুদক্তগী চৎনদুনা এদমিনশিং অমসুং পুলিস ওফিসিএলশিংদা অয়াবা পীখ্রে অমসুং সোসিএল দিস্তেন্সিংগী কাংলোনশিং ইন্নবা অমসুং মীয়াম তিনবা মফমদা তিন শিৎপা থিংনবা চেরোল থোকখ্রে।
• ত্রিপুরাঃ ত্রিপুরা সরকারনা মুম্বাইদগী অগর্তলা ফাওবা মহারাস্ত্রদগী পন্দুনা লৈরুবা মীওইশিং পুরকপা শ্রমিক স্পিসিয়েল ত্রেন চেন্নবা লেপখ্রে, মসিদা য়াওগদবা মীওইশিংনা covid19.tripura.gov.in দা মিং চনবা য়াগনি।
• মহারাস্ত্রাঃ মহারাস্ত্রদা নোংমাইজিং নুমিত্তা কোবিদ-১৯ অনৌবা কেস ১,২৭৮ রিপোর্ত তৌখ্রে, মসিগা লোইননা অপুনবা কেস মশীং ২২,১৭১ শুরে। রাজ্য অসিদা হৌখিবা পুং ২৪ অসিদা ভাইরস অসিগা মরী লৈননা মীওই ৫৩ লৈখিদ্রে অমসুং অপুনবা লৈখিদবা মশীং ৮৩২ শুরে। রাজ্য অসিগী কোনুং ওইরিবা মুম্বাইদা ঙরাং কোবিদ-১৯ অনাবা ৮৭৫ লাক্তুনা অপুনবা ১৩,৫৬৪ শুরে অমসুং লৈখিদবা মশীংনা ৫০৮ শুখ্রে। মহারাস্ত্রগী ইন্দস্ত্রী মন্ত্রী শ্রী সুবাস দেসাইনা কম্পেনী ২৫,০০০না গ্রীন অমসুং ওরেঞ্জ জোন্দা মীওই লাখ ৬ থবক পীদুনা শুবা হৌখ্রে। ইন্দস্ত্রী য়াম্না লৈবা মফমশিং থানে-মুম্বাই-পিম্প্রি-চিনচ্বাদ-পুনেদা লৈবা মেন্যুফেকচরিং য়ুনিৎশিংদি রেদ জোন্দা লৈবনা থবক হৌবা য়াখিরোই।
• গুজরাতঃ কোবিদ-১৯ অনৌবা কেস ৩৯৮ লাক্তুনা গুজরাত্তা অপুনবা কেস মশীং ৮,১৯৫ শুখ্রে। অপুনবা লৈখিদবা মশীংনা ৪৩৯ শুখ্রে, ঙরাং মীওই ২১ লৈখিদে হায়না রিপোর্ত তৌরি, মসিগী মনুংদগী ১৮না অহেমদবাদতগীনি। রাজ্য অসিগী তোঙান-তোঙানবা হোস্পিতালশিংদগী অনাবা ৪৫৪ নাবা ফদুনা থাদোকখ্রে, মসিনা অপুনবা নাবা ফরবা মশীং ২৫৪৫ য়ৌরে।
• রাজস্থানঃ রাজস্থান্দা হৌজিক ফাওবদা পোজিতিব কেস ৩৯৪০ লৈরে, মসিগী মনুংদগী ২২৬৪দি নাবা ফখ্রে অমসুং ১১০ অমনা লৈখিদ্রে। ঙসিগী নুংথিল পুং ১ ফাওবদা অনৌবা কেস ১২৬ লাকখি, মসিগী মনুংদগী ৪৬না উদয়পুরদগীনি। মরকসিদা, লাখ ২২ হেনবা লেবররশিংনা এম.এন.আর.ই.জি.এ.গী থবক শুরি হায়না দিপুতী সি.এম. সচিন পাইলোৎনা ফোংদোকখ্রে।
• মধ্য প্রদেশ: মধ্য প্রদেশতা অনৌবা কোবিদ-১৯ কেস ১৭২ লাক্লে, মসিনা রাজ্য অসিদা অনাবা পুন্না ৩৬৫০ শুরে। শহরশিংগী মরক্তগী ইন্দোরদা অনৌবা কেস ৭৭ লাক্লে। বোপালদা, অনৌবা কেস ৩০ লাক্লে, মসিগী মনুংদা হান্নগী এম.এল.এ. জিতেন্দ্র দাগা অমসুং অনৌবা দোক্তর মরি য়াওরি।
• গোৱাঃ অৱাং থংবা গোৱা দিস্ত্রিক্ত এদমিনিস্ত্রেসন্না লৈবাক অসিগী মপান্দা লৈরুবা মীওইশিং অমসুং গোৱাদা হল্লকপা মীওইশিং নেগেতিব ওইরবসু ইন্সতিত্যুসনেল ক্বারেন্তিন তৌবা মথৌ তাই। শমুদ্রদা হি হোনবশিংগী ওইনদি, মখোয়গী কম্পেনীনা অচংবা শেল পুথোক্কদবনি, অদুগা অতোপ্পা মীওইশিংগী ওইনদি মশা মশানা শেল পুথোকচগনি। গোৱা মচা ১০০ রোম য়ু.এ.ই.দগী ভারত্তা হল্লক্নবা মিং চনখ্রে।

পি.আই.বি.গী ফেক্তচেক

****