ସ୍ଵରାଷ୍ଟ୍ର ବ୍ୟାପାର ମନ୍ତ୍ରଣାଳୟ
ରାଜ୍ୟ ନୋଡ଼ାଲ ଅଧିକାରୀମାନଙ୍କ ସହ ସ୍ୱରାଷ୍ଟ୍ର ମନ୍ତ୍ରଣାଳୟ ଓ ରେଳବାଇ କର୍ତ୍ତୃପକ୍ଷଙ୍କ ଭିଡ଼ିଓ କନଫରେନ୍ସିଂ ଯୋଗେ ଆଲୋଚନା
• “ଶ୍ରମିକ ସ୍ୱତନ୍ତ୍ର” ଟ୍ରେନ ଚଳାଚଳ ସଂପର୍କରେ କଲେ ସମୀକ୍ଷା
• ଫସି ରହିଥିବା ପ୍ରବାସୀ ଶ୍ରମିକ ମାନଙ୍କୁ ନିଜ ରାଜ୍ୟକୁ ଯଥା ଶୀଘ୍ର ଫେରାଇ ଆଣିବା ଲାଗି ବ୍ୟବସ୍ଥା କରାଯିବ
• 450ରୁ ଅଧିକ ଟ୍ରେନ ଯୋଗେ ପ୍ରବାସୀ ଶ୍ରମିକଙ୍କୁ ସେମାନଙ୍କ ରାଜ୍ୟରେ ପହଞ୍ଚାଯାଉଛି
• ପ୍ରବାସୀ ଶ୍ରମିକଙ୍କ ଘର ବାହୁଡ଼ା ଲାଗି ପ୍ରତିଦିନ 100ରୁ ଅଧିକ ଟ୍ରେନ ଚଳାଚଳ କରିବ
Posted On:
11 MAY 2020 2:00PM by PIB Bhubaneshwar
ବିଭିନ୍ନ ରାଜ୍ୟ ଓ କେନ୍ଦ୍ରଶାସିତ କ୍ଷେତ୍ରର ନୋଡ଼ାଲ ଅଧିକାରୀ ମାନଙ୍କ ସହ ଆଜି କେନ୍ଦ୍ର ସ୍ୱରାଷ୍ଟ୍ର ମନ୍ତ୍ରଣାଳୟ ଏବଂ ରେଳବାଇ ମନ୍ତ୍ରଣାଳୟର ଅଧିକାରୀମାନେ ଭିଡ଼ିଓ କନଫରେନ୍ସିଂ ମାଧ୍ୟମରେ ଆଲୋଚନା କରିଛନ୍ତି । ଶ୍ରମିକ ସ୍ୱତନ୍ତ୍ର ଟ୍ରେନ ଯୋଗେ ବାହାର ରାଜ୍ୟରେ ମାସ ମାସ ଧରି ଫସି ରହିଥିବା ପ୍ରବାସୀ ଶ୍ରମିକମାନଙ୍କୁ କିଭଳି ଫେରାଇ ଅଣାଯାଉଛି ଏବଂ ତାହା ଆଗକୁ କିଭଳି ଜାରି ରହିବ ସେ ସଂପର୍କରେ ଏହି ଅଧିକାରୀମାନେ ବିସ୍ତୃତ ସମୀକ୍ଷା କରିଥିଲେ । କୋଭିଡ଼- 19 ମହାମାରୀ ଜନିତ ପରିସ୍ଥିତି ଏବଂ ଲକଡାଉନ ଯୋଗୁ ଏଭଳି ସ୍ଥିତି ଉତ୍ପନ୍ନ ହୋଇଥିଲା ।
ରାଜ୍ୟ ଓ କେନ୍ଦ୍ରଶାସିତ କ୍ଷେତ୍ରମାନଙ୍କ ପକ୍ଷରୁ ସନ୍ତୋଷବ୍ୟକ୍ତ କରାଯାଇଛି ଯେ 450ଟି ଶ୍ରମିକ ସ୍ୱତନ୍ତ୍ର ଟ୍ରେନ ଯୋଗେ ବେଶ ସଫଳତାର ସହ ବାହାର ରାଜ୍ୟରେ ଅଟକି ରହିଥିବା ପ୍ରବାସୀ ଶ୍ରମିକମାନଙ୍କୁ ନିଜ ନିଜ ରାଜ୍ୟରେ ପହଞ୍ଚାଯାଇଛି । ଏପର୍ଯ୍ୟନ୍ତ ଲକ୍ଷାଧିକ ଶ୍ରମିକଙ୍କୁ ନିଜ ରାଜ୍ୟକୁ ଅଣାଯାଇସାରିଛି ।
ଆଜିର ସମୀକ୍ଷା ବୈଠକରେ କେନ୍ଦ୍ର ସରକାରଙ୍କ ଦୁଇ ମନ୍ତ୍ରଣାଳୟ ତଥା ରାଜ୍ୟ ଓ କେନ୍ଦ୍ର ଶାସିତ କ୍ଷେତ୍ରର ନୋଡାଲ ଅଧିକାରୀମାନେ ଅନେକ ପ୍ରସଙ୍ଗରେ ଆଲୋଚନା କରିଛନ୍ତି । ଉତ୍ପନ୍ନ ସମସ୍ୟାର କିଭଳି ସମାଧାନ କରାଯାଇ ପାରିବ ସେ ସଂପର୍କରେ ମଧ୍ୟ ଏଥିରେ ଆଲୋଚନା କରାଯାଇଥିଲା । ସେମାନଙ୍କୁ ନିଜ ରାଜ୍ୟକୁ ଫେରାଇ ଅଣାଯିବା ସକାଶେ ପର୍ଯ୍ୟାପ୍ତ ସଂଖ୍ୟକ ଟ୍ରେନର ବ୍ୟବସ୍ଥା କରାଯାଉଛି ବୋଲି ପ୍ରବାସୀ ଶ୍ରମିକମାନଙ୍କ ମନରେ ବିଶ୍ୱାସ ସୃଷ୍ଟି କରାଯିବା ଉପରେ ଗୁରୁତ୍ୱାରୋପ କରାଯାଇଥିଲା । ଆଗ୍ରହୀ ଶ୍ରମିକମାନଙ୍କୁ ତୁରନ୍ତ ଫେରାଇ ନେବାଲାଗି ପ୍ରତିଦିନ ଶତାଧିକ ଟ୍ରେନର ବ୍ୟବସ୍ଥା କରାଯାଉଛି ବୋଲି ରେଳବାଇ ପକ୍ଷରୁ ସୂଚନା ଦିଆଯାଇଛି ।
***************
(Release ID: 1623026)
Visitor Counter : 140
Read this release in:
Bengali
,
English
,
Urdu
,
Marathi
,
Hindi
,
Manipuri
,
Assamese
,
Punjabi
,
Gujarati
,
Tamil
,
Telugu
,
Kannada
,
Malayalam