উপ-রাস্ত্রপতিগী লোইশঙ
রাজ্য সভাগী চেয়র্মেন অমসুং লোক সভাগী স্পিকরনা কোবিদকী অমসুং পার্লিয়মেন্তরী কমিতীশিংগী মীফমগী মতাংদা খন্নখ্রে
Posted On:
07 MAY 2020 5:12PM by PIB Imphal
ভারতকী উপ-রাস্ত্রপতি অমসুং রাজ্য সভাগী চেয়র্মেন শ্রী এম. ভেনকৈয় নাইদুনা লোক সভাগী স্পিকর শ্রী ওম বিরলাগা লোইননা মীফম অমা কৌদুনা লৈবাক অসিদা কোবিদ-১৯ লাইনাগী মরমদা, পার্লিয়মেন্তকী মীহুৎশিংনা লৌরিবা থৌদাং অমসুং পার্লিয়মেন্তকী কমিতিগী মীফমশিং পাংথোকপদা খুদোংচানবগী মতাংদা খন্নখ্রে।
প্রিসাইদিং ওফিসর অনীনা পার্লিয়মেন্তকী মীহুৎশিংনা য়াইফ-থৌরাংগী থবক থৌরম কয়া পাইখৎলিবা অমসুং সরকার অমসুং সিবিল সোসাইতী অনীনা লৌখৎলিবা মীওইবা জাতীগী ওইবা থবক থৌরমশিংদা শৌগৎপগা লোইননা কোরোনা ভাইরস লান্থেংদা মীৎকুপ নাহুমশিংনা হোৎনরিবশিং অসিদা অপেনবা ফোংদোকখি। এম.পি.শিংনা মখোয়-মখোয়না মীহুৎ ওইদুনা লাক্লিবা প্রজাশিংগীদমক লেপ্লিবা অসিবুসু থাগৎপা ফোংদোকখি।
শ্রী নাইদু অমসুং শ্রী বিরলানা হৌজিক ওইরিবা ফিবম অমসুং চত্থোক-চৎশিন্দা অথিংবা লৈরিবা অসিদা পার্লিয়মেন্তকী কমিতিশিংগী অথুবদা মীফম পাংথোকপা কোম্নবগী মতাংদা মীফম অদুদা খন্নখি। করিগুম্বা ফিবম অসিনা মহৌশাগী কমিতিগী মীফম মতম খরগী মতুংদা পাংথোকপদা খুদোংচাদ্রবদি অতোপ্পা উপাই থিদুনা পাংথোকপা য়ানবা হোৎনবগী তঙাইফদবসু পন্নখি।
মসিগী মতুংদা, হাউজ অনীমক্কী সেক্রেতরী জেনরেলশিংদা পার্লিয়মেন্তকী হাউজ অনীগী হৌজিক লোইরিবা রুল্স ওব বিজিনেসকী য়েংলগা পার্লিয়মেন্তরী কমিতীশিংগী মীফম ভিদিও কনফরেন্সিংগী খুথাংদা পাংথোকপগী অমাং-অতোং, তোঙান-তোঙানবা লৈবাকশিংদা ভর্চুএল ওইবা মীফম পাংথোক্লিবশিং অমসুং হায়রিবা মীফমগী মওং অসিদা অশোই অঙাম য়াওদনা পাংথোকপা য়ানবা হোৎনবদা চংগদবা মতম খংদোক্নবা পাউতাক পীখি। পার্লিয়মেন্তকী মকোক থোংবা ওফিসিএল অনীনা পীখৎলকপা পাউআ হীরম অসিগী মতাংদা প্রিসাইদিং ওফিসর অনীগী ৱারেপ লৌবগী য়ুম্ফম ওইগনি।
****
(Release ID: 1622068)
Visitor Counter : 143
Read this release in:
English
,
Urdu
,
Marathi
,
Hindi
,
Assamese
,
Bengali
,
Punjabi
,
Gujarati
,
Odia
,
Tamil
,
Telugu
,
Kannada
,
Kannada
,
Malayalam