কোবিদ-১৯দগী মীওই ১৪,১৮৩ নাবা ফখ্রে

মচা খায়না, মখা তানা থোরক্তনবা অমসুং লৈরিবা ফিভম অসিদগী হেঞ্জিল্লক্তনবগী খোংথাংগা লোইননা ভারত সরকারনা রাজ্য/য়ু.তি.শিংগা লোইননা কোবিদ-১৯ ঙাকথোক্ননবা, নমথনবা অমসুং লাকশিন্ননবা খোংথাং কয়ামরুম অমা লৌখৎখ্রে। মসিবু চাং নাইনা য়েংশিল্লি অমসুং অৱাংবা থাক্তা মোনিতর তৌরি।

কেনদ্রগী হকশেল অমসুং য়াইফ-য়ুম্বালগী মন্ত্রী দা. হর্শ বর্ধন্না গুজরাতকী উপ মুখ্য মন্ত্রী অমসুং হকশেল মন্ত্রী, শ্রী নীতিন ভাই পতেল অমসুং মহারাস্ত্রগী হকশেল মন্ত্রী শ্রী রাজেশ তোপেগা লোইননা য়াওরিবা কেন্দ্র অমসুং রাজ্যগী সেনিয়র ওফিসিয়েলশিংগা  লোইননা রাজ্যগী হকশেল অমসুং য়াইফ-য়ুম্বাল মন্ত্রী শ্রী আশ্বিনী কুমার চৌবে য়াওনা রাজ্য অনিমক্তা কোবিদ-১৯ লাকশিন্নবগীদমক লৈরিবা ফিভম, পাইখৎলিবা থবক থৌরমশিং অমসুং লৌখৎলিবা চেকশিন থৌরাংশিং অদুবু হন্না য়েংশিন্নবগী মীফম অমা পাংথোকখি।

দা. হর্শ বর্ধন্না কোবিদকী নত্তবা তঙাইফদনা মথৌ তাবা সর্বিসশিং হিক্তোক্লোইদবনি হায়বগী মতাংদা মরু ওইনা পনখি। মসিদা নত্তনা রাজ্যশিংনা সেবিয়র এক্যুৎ রেসপিরেতরী ইনফেক্সন্স (এস.এ.আর.আই.)/ইনফ্লুয়েঞ্জা লাইক ইলনেস (আই.এল.আই.)গী স্ক্রীনিং অমসুং তেস্তিং তৌবা তঙাইফদনা মথৌ তাই, মসিনা নৌনা থোরক্লিবা হোৎস্পোৎশিং খঙদোকপা অমসুং মখোয়বু লাকশিন্নবগীদমক্তা মতিক চেকশিন থৌরাংশিং মতম চানা লৌখৎপদা মতেং পাংগনি। কোবিদ-১৯ রিপোর্ত তৌবগী মায়োক্তা লৈবা স্তিগমা লৈহন্দনবগীদমক্তা এগ্রেসিব ওইবা বিহেবিয়র চেঞ্জ কম্যুনিকেসন এক্সর্সাইজ অসি তঙাইফদনা মথৌ তাই, মসিনা মতম চানা রিপোর্ত তৌবা, ক্লিনিকেল মেনেজমেন্ত অমসুং শাথিবগী চাং হন্থহনবদা চাউরবা মতেং ওইগনি হায়না মহাক্না হায়খি।

হৌজিক ফাওবগী ওইনা,  মীওই ১৪,১৮৩দি লাইনা অসিদগী নাবা ফখ্রে। হৌখিবা পুং ২৪গী মনুংদা, পেসেন্ত ১৪৫৭ লাইনা অসিদগী নাবা ফবা থেংনখ্রে। মসিনা অপুনবগী ওইনা অনাবা ফগৎলকপগী চাং অসি ২৮.৭২% য়ৌরে। কনফর্ম ওইবা কেসকী অপুনবা মশিং অসি হৌজিক ৪৯,৩৯১ য়ৌরে। ঙরাংদগী ভারত্তা কোবিদ-১৯গী কনফর্ম ওইরবা কেসশিংগী মশিংদা ২৯৫৮ হেগৎলকখ্রে হায়রি।

কোবিদ-১৯গা মরী লৈনবা তেক্নিকেল ইসুশিং, গাইলাইনশিং & এদভাইজরীশিংগী ওইবা তশেংবা & অপদেৎ তৌরবা ই-পাউশিংগীদমক্তা চাং নাইনা https://www.mohfw.gov.in/ অমসুং @MoHFW_INDIAদা য়েংবীয়ু।

কোবিদ-১৯গা মরী লৈনবা তেক্নিকেলগী ওইবা ৱাহং-পাউহংশিং লৈরবদি technicalquery.covid19[at]gov[dot]inদা  ই-মেল তৌবীয়ু অমসুং অতৈ অতোপ্পা ৱাহং-পাউহংশিংগী ওইনা ncov2019[at]gov[dot]in অমসুং @CovidIndiaSevaদা ই-মেল তৌবীয়ু।

কোবিদ-১৯গা মরী লৈনবা ৱাহংশিং হংনীংবা লৈরবদি, হকশেল অমসুং য়াইফ-য়ুম্বালগী মন্ত্রালয়গী হেল্পলাইন নম্বর : +91-11-23978046 or 1075 (তোল-ফ্রী) অসিদা কোল তৌবীয়ু। কোবিদ-২৯গী ওইবা রাজ্য/ য়ু.তি.শিংগী হেল্প।ইন নম্বরশিংগী লিস্ত অসি https://www.mohfw.gov.in/pdf/coronvavirushelplinenumber.pdfতশু ফংবীগনি।

****