কোবিদ-১৯ ঙাকথোক্নবা, লাকশিন্নবা অমসুং লায়েংনবা রাজ্যশিং/য়ু.তি.শিংগা লোয়ননা ভারত সরকারনা থবক কয়া পায়খৎলে। হায়রিবা থবকশিং অসি খ্বাইদগী ৱাংবা থাক্তা অমুক হন্না য়েংশিল্লি অমসুং শেন্নরি।

মৈধ্য প্রদেশতা কোবিদ-১৯ লাকশিন্নবা পায়খৎলিবা থবকশিং অমুক হন্না য়েংশিন্নবা ঙসি হকশেল অমসুং য়াইফ-য়ুম্বালগী কেন্দ্র মন্ত্রী দোক্তর হর্শ বর্ধন্না হকশেল অমসুং য়াইফ-য়ুম্বালগী রাজ্য মন্ত্রী শ্রী অশ্বীনি কুমার চৌবে য়াওনা মৈধ্য প্রদেশকী হকশেল মন্ত্রী নরোত্তম মিশ্রাগা লোইননা মীফম অমা পাংথোকখি। মীফম অদুদা কেন্দ্র অমসুং রাজ্য অনিমক্কী সেনিয়র ওফিসিয়েলশিং শরুক য়াখি। শম্নরুবশিং খোঙ্গুল লিবা, য়ুম য়ুমদা চংদুনা কেস থিবগী থবক কনখৎহনবা, কোবিদ নত্তবা লায়নাশিং লায়েংনবগী মতাংদা মীয়ামদা ৱাখল তাহনবগী মতাং য়াওনা তোঙান-তোঙানবা হিরমশিং মীফম অদুদা কুপ্না খন্নখি।

লোইশিনখ্রবা কেসশিংগী আউতকম রেসিও ( রিকভর ভর্সেস দেথ) অসিনা এপ্রিল ১৭দগী হোস্পিতালশিংগী লায়েংবগী ফিবম উৎলি অমসুং ২০২০গী এপ্রিল ১৭গী মমাংদা লৈবাক অসিদা আউতকম রেসিও ৮০:২০ লৈরম্বা অদু ঙসি ৯০: ১০ লৈদুনা লৈবাক অসিদা ফিবম ফগৎলকপা উরে।

হৌজিক ফাওবদা , পুন্না মীওই ১১,৭০৬ অনাবা ফরে।  মসিনা ঐখোয়গী অনাবা ফবগী চাং ২৭.৫২ য়ৌহল্লে। হৌজিক অপুনবা কেস মশিং ৪২,৫৩৩ য়ৌরে। ঙরাংদগী ভারত্তা কোবিদ-১৯ কেস মশিং ২৫৫৩ হেনগৎখি।

রাজ্যশিং/য়ু.তি.শিংনা লায়না লাকশিন্নবা অকনবা থবকশিং পায়খৎলে,মরম অদুনা কেস মশিং য়াম্না নেম্লি হায়না মীফম অদুদা অমুক হন্না থমখি। লায়না অসি মাংজৌননা ঙাকথোকপা অমসুং লাকশিনবগা ইরোইন্না রাজ্যশিংনা মপুংনা লায়েংবগী থবক পায়খৎকদবনি।

অথিংবা কোমথোকপগা লোয়ননা, ঐখোয়না মীগা মীগা থাপ্না লৈনবগী চৎন-কাংলোনশিং ঙাক্কদবনি , চেকশিন্না , মীকুপ-নাহুম শিংনা লৈদুনা খুৎ-শা অমসুং অকোয়বা লু-নান্না থমদুনা কোবিদ-১৯ ঙাকথোক্নবা চেকশিন-থৌরাংশিং ইনগদবনি। মীয়াম তিনবা মফমশিংদা মতম পুম্নমক্ত মাক্স শীজিন্নগদবনি। লায়না লৈতবা মফমশিংগী ৱাংমদা ফাওবদা চেকশিন-থৌরাং ওইনা সরকারনা পীবা কাংলোনশিং ইনগদবনি। তঙাইফদবা পোৎলমশিং লৈবা নৎত্রগা মীয়ামগী মফমশিংদা উনবদা মী চিন্দনবা হোৎনগদবনি।

কোবিদ-১৯গা মরী লৈনবা তেক্নিকেল ওইবা ৱাফমশিং, চৎন-কাংলোনশিং অমসুং চেকশিনৱাশিংগী অচুম্বা অমসুং অনৌবা পাউগীদমক চাংনাইনা https://www.mohfw.gov.inদা চংবীয়ু।

কোবিদ-১৯গা মরী লৈনবা তেক্নিকেল ওইবা ৱাহংশিংগীদমক technicalquery.covid19[at]gov[dot]in দা ইমেল থাবা য়াই অমসুং অতোপ্পা ৱাহংশিংগী ওইনা ncov2019[at]gov[dot]inঅমসুং তুইতশিংগী ওইনা @CovidIndiaSeva শীজিন্নবা য়াগনি।

কোবিদ-১৯গী মতাংদা ৱাহং অমা হেক্ত হংনিংবা লৈরবদি হকশেল অমসুং য়াইফ-য়ুম্বাল মিনিস্ত্রিগী হেল্পলাইন নম্বর : +৯১-১১-২৩৯৭৮০৪৬ নৎত্রগা ১০৭৫ (তোল ফ্রি)দা কোল তৌবীয়ু। কোবিদ-১৯গী মতাংদা রাজ্যশিং/য়ু.তি.শিংগী হেল্পলাইন নম্বরশিং https://www.mohfw.gov.in/pdf/coronvavirushelplinenumber.pdfদা ফংগনি।

****