ইন্দিয়ন কোস্ত গার্দ (আই.সি.জি.)না মেরিনরশিং, মরু ওইনা ঙামীশিংগী কাংলুপ, হিথাংফমশিং অমসুং অতোপ্পা এজেন্সীশিংদা লৌখৎকদবা চেকশিং থৌরাংশিংগী মতাংদা তাকপীনবা অহেনবা কম্যুনিতী ইন্তরেক্সন প্রোগ্রামশিং পাইখত্তুনা হকথেংননা কোরোনাভাইরস (কোবিদ-১৯) শন্দোরকপদগী থিংনবা সরকারনা হোৎনরিবশিং অসিদা লিংজেল মান্ননা লেপ্লি। আই.সি.জি. য়ুনিৎশিংনা লাইরবা অমসুং অতোপ্পা মফমদগী লাকপা শিন্মীশিং অদুগী মশা মশাগী মফমশিংদা রেশন/চানা থক্নবশিং য়েন্থোকপদা মফম অদুগী এদ্মিনিস্ত্রেশনশিংদসু মতেং পাংলি। মসিগী মথক্তা, আই.সি.জি.না কোবিদ-১৯গী লান্মীশিংনা হোৎনরিবশিং অদুবু থাগৎপা ফোংদোক্নবা মিনিস্ত্রী ওফ দিফেন্স (এম.ও.দি.)না পাইখৎলকপা খোংথাং অসিদা মমাং থাদুনা থবক তৌরি।

আই.সি.জি.নসু জহাজশিং মৈ থান্দুনা অমসুং করোনাগী পেসেন্তশিং লায়েংলিবা হোসপিতালশিংদা লৈনাশিং চাইথদুনা ‘ভারতনা কোবিদ-১৯গী লান্মীশিংবু থাগৎচরি’ হায়না পাইখৎখিবা থবক অসিদা হকথেংননা শরুক য়ারি। জহাজশিংনা অন্দমান অমসুং নিকোবর আইলেন্দশিং অমসুং লক্সাদীপ অমসুং মিনিকোই আইলেন্দশিংগী নাইতোম তাবা মফমশিং অমসুং অরাপ্পা মফমদা লৈবা আইলেন্দ তেরিতোরীশিং য়াওনা লৈবাক অসিগী কোস্তলাইন পুম্বা শিনথুংনা লৈবা মফম ২৫দা মেগী ০৩, ২০২০দা জহাজশিং অদু মৈ থান্দুনা কোবিদ-১৯গী লান্মীশিংনা হোৎনরিবা অদুগী থাগৎপা ফোংদোক্কনি। মসিগী মথক্তা আই.সি.জি.গী হেলিকোপ্তরশিংনা কোবিদ-১৯গী হোসপিতালশিং লৈবা মফম মঙাদা লৈনাশিং চাইথগনি।

পাইখৎলিবা থবক অসিদা অপুনবা আই.সি.জি.গী জহাজ ৪৬ অমসুং হেলিকোপ্তর ১০না শরুক য়াগনি। আই.সি.জি.গী জহাজ অমসুং হেলিকোপ্তরনা শরুক য়াগদৌরিবা মফমশিং অদুদি:

আই.সি.জি. জহাজ অমসুং এয়র্ক্রাফশিংনা লেপ্তনা সমুদ্রদা চেকশিন্না ঙাকশেন্দুনা লৈরি অমসুং ভারতকী সবকোন্তিনেন্ত অসিগী অকোইবদা অশোই অঙাম য়াওদবা অমসুং খুদোংথিনীংঙাই ওইদবা সমুদ্র অমা ওইহন্নবা থৱাই-হকচাং য়াওনা শেন্নরি। মখোয়না কোস্তেল সর্ভীলেন্স রেদার নেৎৱার্ক্কী খুথাংদা ঐখোয়গী সমুদ্র খোংবানগী পুং ২৪ ইলেক্ত্রোনিক সর্ভীলেন্স নীথিনা তৌরি।

****