প্রধানমন্ত্রীগী লোইশঙ
প্রধান মন্ত্রী অমসুং ম্যানমারগী স্তেৎ কাউন্সিলর দো ঔং সান সু চীগী মরক্তা তেলিফোন্দা ৱারী শানখ্রে
Posted On:
30 APR 2020 3:50PM by PIB Imphal
প্রধান মন্ত্রী শ্রী নরেন্দ্র মোদীনা ২০২০গী এপ্রিল ৩০দা রিপব্লিক ওফ দি য়ুনিয়ন ওফ ম্যানমারগী স্তেত কাউন্সিলর দো ঔং সান সু চীগা লোয়ননা তেলিফোন্দা ৱারী শানখ্রে।
লুচিংবশিংনা দোমেস্তিক অমসুং রিজনেলগী ৱাফমদা হৌজিক ওইরিবা কোবিদ-১৯গী হিরমদা খন্ন-নৈনখি অমদি লাইচৎ অসি শন্দোরকপা থিংনবা লৌখৎলিবা খোঙথাংশিংদা অমনা অমদা পাউদমখি।
ভারতকী ‘নাইবরহুদ ফার্সত পোলিসী’গী মরুওইবা য়ুম্বী অমগুম ম্যানমারগী মরুওইবা অদু ফোংদোক্লদুনা প্রধান মন্ত্রী মোদীনা কোবিদ-১৯গী হকশেল অমসুং ইকোনোমিক ইম্পেক্ত হন্থহন্নবগীদমক ম্যানমারদা পীবা য়াবা তেঙবাং পুম্নমক পীনবা ভারতনা থৌরাংলিবা অদু ফোংদোকখি।
প্রধান মন্ত্রীনা হৌজিক ভারত্তা লৈরিবা ম্যানমারগী নাগরিকশিংগীদমক ভারত সরকারনা পীবা য়াবা তেঙবাং পুম্নমক পীগনি হায়না থাজবা পীখি অমদি ম্যানমারদা লৈরিবা ভারতকী নাগরিকশিংদা ম্যানমার ওথোরিতীনা তেঙবাং পীবগীদমক স্তেত কাউন্সিলরবু থাগৎপা ফোংদোকখি।
লুচিংবশিংনা কোবিদ-১৯না ওইহল্লক্লিবা হৌজিক্কী অমসুং তুংগী শিংনবশিং মায়োক্ননবগীদমক মখা তানা পাউ ফাওনবা অমসুং পুন্না থবক তৌমিন্নবদা য়ানখি।
****
(Release ID: 1619665)
Visitor Counter : 166
Read this release in:
English
,
Urdu
,
Marathi
,
Hindi
,
Bengali
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam