সোসিয়েলজস্তিস অমসুং এম্পাৱরমেন্ত মন্ত্রালয়না রাজ্য অমসুং য়ুনিয়ন তেরিতরীশিংদা দিব্যাংজন (পি.দবল্যু.দি.শিং)গীদমক্তা কোবিদ-১৯গী তেস্ত তৌনবগীদমক্তা অমসুং ক্বরেন্তাইন ফেসিলিতীশিংগা লোইননা হোসপিতালশিং অমসুং হেল্থ সেন্তরশিংদা লায়েংনবগীদমক্তা সেন্তরশিংদা পীরিবা খুদোংচাবশিং অদুগী মতুং ইন্না তঙাইফদবা ফিজিকেল এসেসিবিলিতীগী ফীচরশিং ফংহন্নবা হায়খ্রে। রাজ্য অমসুং য়ু.তি.শিংগী চীফ সেক্রেতরীশিংদা ইরকখিবা চিথী অমদা সোসিয়েল জস্তিস অমসুং এম্পাৱরমেন্তকী মখাদা দিপার্তমেন্ত ওফ এম্পাৱরমেন্ত ওফ পরসন্স ৱিথ দিসএবিলিতীস (দি.ই.পি.দবল্যু.দি.)গী সেক্রেতরী, শ্রীমতি শকুন্তলা দি. গাম্লিননা লাইচৎ অসিনা শোকহল্লিবশিং অসি লাকশিন্নবগীদমক্তা মদিকেলগা মরী লৈনবা থবকশিং পাংথোক্নবগীদমক্ত মথৌ তাবগী মতুং ইন্না হোলদিং কেপাসিতী হেনগৎহন্নবগীদমক্তা কোবিদ-১৯গী সেন্তর কয়া অমা কন্তেনমেন্ত য়ুনিৎশিং, আইসোলেশন ত্রিৎমেন্ত সেন্তরশিং অমসুং তেস্তিং লেবশিং ওইহনখ্রে। হৌজিক ওইরিবা চিরবা তাঞ্জা অসিনা দিব্যাংজনশিংদা মখোয়গী ইম্যুনিতী, মখোয়দা ই-পাউ খঙবা নত্রগা লৌশিনবা ঙমবগী পাঙ্গল ৱাৎপা/শোনবা অসিদা নত্তনা কোবিদকা মরি লৈনবা ফেসিলিতীশিংদা মখোয়গী ফিজিকেল এনভাইরনমেন্ত অমসুং ইকো-সিস্তেমদা পীরিবা এসেসিবিলিতী ফীচরশিং ফংদবনা মরম ওইরগা মখোয়দা হেন্না খুদোংথিনীংঙাই ওই।

দি.ই.পি.দবল্যু.দি.না লাইনা ফংবা য়াবা ফোর্মেৎশিংদা ওইনা ই-পাউশিং শন্দোক্নবগী মতাংদা গাইদলাইনশিং ফোংখ্রে, মসিদা পর্সন্স ৱিথ দিসএবিলিতীস (পি.দবল্যু.দি.শিং)গীদমক্তা লায়েংনবগী অহেনবা খুদোংচাবা অমসুং মখোয়বু ঙাকশেন্নবা, পি.দবল্যু.দি.শিংগী মশা-মউ ফনা হিংনবা অমসুং লু-নান্নবা, এতেনদেন্তশিং, লেঙ্গ্বেজ ইন্তর্প্রিতরগুম্বা কেয়র গিবরশিং অমসুং এসেসিবল সর্বিস প্রোভাইদরশিং ফংহন্নবগী প্রোভিজনশিং। মসিগী মথক্তা, কোবিদ-১৯গী তেস্ত তৌনবগীদমক্তা অমসুং ক্বরেন্তাইন ফেসিলিতীশিংগা লোইননা হোসপিতালশিং অমসুং হেল্থ সেন্তরশিংদা লায়েংনবগীদমক্তা সেন্তরশিংদা পীরিবা খুদোংচাবশিং অদুগী মতুং ইন্না তঙাইফদবা ফিজিকেল এসেসিবিলিতীগী ফীচরশিং ফংহনবা হায়বসি তঙাইফদে।

রাজ্য/য়ু.তি.শিংদা তঙাইফদবা ফিজিকেল এসেসিবিলিতীগী ফীচরশিং ফংহন্নবা অথুবা মতমদা থবক থৌরমশিং পাইখৎনবা হায়রকখ্রে, মসিনা মরু ওইনা লাইচৎ অসিগী মতম অসিদা পি.দবল্যু.দি.শিং, লেংবা-ওৎপা নীংথিনা ঙমজদবা মীওইশিং অমসুং এতেন্দেন্তশিং/কেয়র গিবরশিংগী মখা পোনবশিংদা মখা তানা অৱাবা পীররোই। তঙাইফদবা এসেসিবিলিতীগী ফীচরশিং অদুদি:

১. ওপরেৎ তৌবগী অমসুং কন্ত্রোল তৌবগী মেকানিজমশিং অমসুং সেল্ফ-ওপরেতেদ দিভাইসশিং (সেনিতাইজর দিসপেন্সরশিং, গ্লব কেসশিং, সাপোনশিং, ৱাশ বেসিনশিং) অসি মরু ওইনা হ্বীলচেবর শিজিন্নবা পি.দবল্যু.দি.শিংগীদমক্তা মখোয়না কোম্না লাম্ব ফংবা মফমশিংদা থম্বা।

২. গ্রাফিকেল ওইবা অমসুং য়াম্না চম্বা, স্তেন্দার্ৎ রিক্বায়রমেন্তকী মতুং ইন্না ময়েক শেংবা সাইনশিং উৎপা।

৩.  রেম্পশিংদা (ঙমবগী চাং ১:১২) রেলিংশিংগা লোইননা পীবা

৪. রিসেপসন্দ, তেস্ত তৌফমশিং অমসুং ফারমসীশিংদা এসেসিবল ওইবা অনেম্বা কাউন্তর য়ামদ্রবদা অমা (০১) থম্বা।

৫. মীয়ামদা খঙহন্নবগীদমক্তা ওইবা মরু ওইবা পাউশিংগী ওদিও এনাউন্সমেন্তশিং অমসুং কেপ্সন য়াওবা ভিদিওশিং।

৬.  পি.দবল্যু.দি.শিংদা মতেং পাংনবগীদমক্তা লিফ্তশিংদা এসেসিবিলিতী লৈহনবা নত্ত্রগা য়ামদ্রবদা লিফ্ত অমদা লিফ্তমেন থম্বা।

৭. এসেসিবল তোইলেৎশিং য়াওবা পি.দবল্যু.দি.শিংগীদমক্তা মফমশিং/ কাশিং/ ৱার্দশিং রিজর্ব তৌবা।

৮. মরু ওইনা ৱাখল তাদবা অমসুং কোক্কী লাইনা লৈরবা কোবিদ-১৯গী পেসেন্তশিংগী এতেন্দেন্তশিংগীদমক্তা ভেস্তিব্যুলর কেবিনশিংগীদমক্তা খুদোংচাবা পীবা। 

****