ସାମାଜିକ ନ୍ୟାୟ ଓ ସଶକ୍ତିକରଣ ମନ୍ତ୍ରଣାଳୟ
କୋଭିଡ ହସ୍ପିଟାଲ ଓ ସଙ୍ଗରୋଧ କେନ୍ଦ୍ରରେ ଦିବ୍ୟାଙ୍ଗଜନଙ୍କ ପାଇଁ ସ୍ୱତନ୍ତ୍ର ବ୍ୟବସ୍ଥା କରିବା ଲାଗି ରାଜ୍ୟମାନଙ୍କୁ କେନ୍ଦ୍ର ସରକାରଙ୍କ ପତ୍ର
Posted On:
29 APR 2020 5:00PM by PIB Bhubaneshwar
ଦିବ୍ୟାଙ୍ଗଜନଙ୍କ ନିମନ୍ତେ ଆବଶ୍ୟକ ରହଣି, ସଙ୍ଗରୋଧ କେନ୍ଦ୍ର ସୁବିଧା ସହ ଅନ୍ୟାନ୍ୟ ମୌଳିକ ସୁବିଧା ଯୋଗାଇବା ପାଇଁ କେନ୍ଦ୍ର ସାମାଜିକ ନ୍ୟାୟ ଓ ସଶକ୍ତିକରଣ ମନ୍ତ୍ରଣାଳୟ ସମସ୍ତ ରାଜ୍ୟ ଓ କେନ୍ଦ୍ରଶାସିତ ଅଞ୍ଚଳଗୁଡିକୁ ପତ୍ର ଲେଖିଛନ୍ତି । ଏଥିରେ କୋଭିଡ-19 ପରୀକ୍ଷା ମଧ୍ୟ ଅନ୍ତର୍ଭୁକ୍ତ । ସମସ୍ତ ରାଜ୍ୟ ଓ କେନ୍ଦ୍ରଶାସିତ ଅଞ୍ଚଳର ମୁଖ୍ୟ ଶାସନ ସଚିବମାନଙ୍କୁ ଲେଖିଥିବା ପତ୍ରରେ ସାମାଜିକ ନ୍ୟାୟ ଓ ସଶକ୍ତିକରଣ ମନ୍ତ୍ରଣାଳୟ ଅନ୍ତର୍ଗତ ଦିବ୍ୟାଙ୍ଗ ସଶକ୍ତିକରଣ ବିଭାଗ ସଚିବ ଶ୍ରୀମତୀ ଶକୁନ୍ତଳା ଡି.ଗାମଲିନ ଲେଖିଛନ୍ତି ଯେ, ମହାମାରୀର ପ୍ରକୋପକୁ ହ୍ରାସ କରିବା ପାଇଁ ଅଧିକାଂଶ କୋଭିଡ-19 କେନ୍ଦ୍ରରେ ଏକାନ୍ତବାସ, ସଙ୍ଗରୋଧ କେନ୍ଦ୍ର, ସାମ୍ପୁଲ ପରୀକ୍ଷାଗାର ଓ ଅନ୍ୟାନ୍ୟ ଆନୁଷଙ୍ଗିକ ଚିକିତ୍ସା ସୁଯୋଗ ରହିଛି । ଦିବ୍ୟାଙ୍ଗମାନଙ୍କ ରୋଗ ପ୍ରତିରୋଧକ ଶକ୍ତି ଆବଶ୍ୟକତା ଠାରୁ କମ, ସ୍ଵଳ୍ପ ବୁଝିବା ଶକ୍ତି ଏବଂ ସେମାନଙ୍କ ଆବଶ୍ୟକତା ଅନୁସାରେ କୋଭିଡ-19 ହସ୍ପିଟାଲରେ ଆନୁଷଙ୍ଗିକ ବ୍ୟବସ୍ଥାର ଅଭାବ ସେମାନଙ୍କୁ ଆହୁରି ଅସୁବିଧାରେ ପକାଇବାର ସୁଯୋଗ ରହିଛି ।
ଦିବ୍ୟାଙ୍ଗଜନ ସଶକ୍ତିକରଣ ବିଭାଗ ଏ ସଂକ୍ରାନ୍ତରେ ନିର୍ଦ୍ଦେଶାବଳୀ ଜାରି କରିଥିବା ନିୟମାବଳୀ ଅନୁସାରେ ଭାବର ଆଦାନ ପ୍ରଦାନ, ଦିବ୍ୟାଙ୍ଗଜନ ଓ ସେମାନଙ୍କ ସହାୟକଙ୍କ ପାଇଁ ନିରାପତ୍ତା, ସ୍ୱାସ୍ଥ୍ୟ ଓ ପରିମଳ ବ୍ୟବସ୍ଥା ଏବଂ ଠାରରେ ବୁଝାଇବାକୁ ଚେଷ୍ଟା କରୁଥିବା ବ୍ୟକ୍ତି ଅନ୍ତର୍ଭୁକ୍ତ । କୋଭିଡ-19 କେନ୍ଦ୍ରଗୁଡିକରେ ଏଗୁଡ଼ିକର ସୁବିଧା ସୁନିଶ୍ଚିତ କରାଇବା ଆବଶ୍ୟକ ।
ରାଜ୍ୟ ଓ କେନ୍ଦ୍ରଶାସିତ ଅଞ୍ଚଳଗୁଡିକୁ ଦିବ୍ୟାଙ୍ଗଜନଙ୍କ ପାଇଁ ଉଦ୍ଦିଷ୍ଟ ଆବଶ୍ୟକତା ପ୍ରତି ବିଶେଷକରି ମହାମାରୀ କାଳରେ ଅଧିକ ଯତ୍ନବାନ ହେବାକୁ ପରାମର୍ଶ ଦିଆଯାଇଛି । ମୌଳିକ ଆବଶ୍ୟକତାଗୁଡିକ ମଧ୍ୟରେ ନିମ୍ନୋକ୍ତ ବିଷୟଗୁଡିକ ଅନ୍ତର୍ଭୁକ୍ତ –
- ଚକଲଗା ଗାଡି ବ୍ୟବହାର କରୁଥିବା ଦିବ୍ୟାଙ୍ଗଙ୍କ ହାତ ପାହାନ୍ତାରେ ସାନିଟାଇଜର, ଗ୍ଳୋଭ, ସାବୁନ, ୱାସ ବେସିନ ରହିବା ଆବଶ୍ୟକ
- ସରଳ ଓ ରେଖାଙ୍କିତ ପଦ୍ଧତିରେ ବିଭିନ୍ନ ଆବଶ୍ୟକ ସାମଗ୍ରୀର ଚିତ୍ର ରହିବା ଆବଶ୍ୟକ
- ରେଲିଙ୍ଗ ସହ ରାମ୍ପ ବ୍ୟବସ୍ଥା
- କମ ଉଚ୍ଚତା ବିଶିଷ୍ଟ ରିସେପ୍ସନ, ଟେଷ୍ଟିଙ୍ଗ ଓ ଫର୍ମାସୀ କାଉଣ୍ଟର
- ଡାକବାଜି ଯନ୍ତ୍ର ଯୋଗେ ବିଭିନ୍ନ ସୂଚନା ପ୍ରଦାନ
- ଦିବ୍ୟାଙ୍ଗମାନଙ୍କୁ ସହାୟତା କରିବା ପାଇଁ ଅନ୍ତତଃ ଗୋଟିଏ ଲିଫ୍ଟରେ ଲିଫ୍ଟମେନ ନିଯୁକ୍ତି
- ବିଶେଷକରି ରୁମ ସହିତ ଯୋଡିହୋଇ ରହିଥିବା ଶୌଚାଳୟ ବ୍ୟବସ୍ଥା
- ମାନସିକ ରୋଗଗ୍ରସ୍ତ ବ୍ୟକ୍ତି ଯଦି କୋଭିଡ-19 ଦ୍ଵାରା ଆକ୍ରାନ୍ତ ହୋଇଥିବେ, ତେବେ ତାଙ୍କ ସହାୟକଙ୍କ ପାଇଁ ରୋଗୀ ପ୍ରକୋଷ୍ଠ ସଂଲଗ୍ନ କ୍ୟାବିନ ବ୍ୟବସ୍ଥା
**********
(Release ID: 1619354)
Visitor Counter : 187
Read this release in:
English
,
Urdu
,
Marathi
,
Hindi
,
Assamese
,
Bengali
,
Manipuri
,
Punjabi
,
Gujarati
,
Tamil
,
Telugu
,
Kannada
,
Malayalam