PIB Headquarters

কোভিদ-১৯ গী মতাংদা পি আই বীগী নুমিৎ খুদিংগী বুল্লেতিন

Posted On: 22 APR 2020 6:45PM by PIB Imphal

(প্রেস রিলিজশিং অসিদা হৌখিবা পুং ২৪দা থোকখিবা কোভি-১৯গা মরী লৈনবশিং,ফিল্ড ওফিসশিংদগী ফংবা পাউশিং, সোসিয়েল মেদিয়াগী থবকশিং অমসুং পি আই বীগী ফেক চেকশিং য়াওরি )

 

হেল্থ অমসুং ফেমিলি ৱেলফিয়ার মিনিস্ত্রিদগী কোভিদ-১৯গী অনৌবা পাউ

হৌজিক অনাবা ফবগী চাং চাদা ১৯.৩৬ য়ৌদুনা মীওই ৩৮৭০ অনাবা ফরে । ঙরাংদগী অনৌবা কেস ১৩৮৩ হেনগৎখি । লৈবাক অসিদা অপুনবা কোভিদ-১৯ কেস ১৯,৯৮৪ য়ৌরে । হৌখিবা পুং ২৪দা মীওই ৫০ শিখি । ইপিদেমিক দিজিজ এক্ত, ১৮৯৭ গী মখাদা দোক্তরশিং অশোই-অঙাম থোকহন্দনবা কেবিনেতনা ওর্দিনান্স অমা চৎনহল্লে । রেপিৎ এন্তিবোদি তেস্ত পাংথোক্নবগী মতাংদা আই সি এম আরনা রাজ্যশিংদা প্রোতোগোল অমা পীরে । এন আই সিগী খুৎথাংদা নম্বর ১৯২১গী খুৎথাংদা ভারত সরকারনা মীয়ামদগী তেলিফোনদগী সর্ভে অমা পাংথোক্লগনি । মসি অশেংবা সর্ভে অমনি । কোভিদ-১৯ লাইওংগী মতাংদা পাউখুম পীনবা মীয়াম্না শরুক য়ানবা হায়জরি ।

অকুপ্পা মরোলগীদমক:

 

কোভিদ-১৯গী অথিংবদগী লৌউ-শিংউ অমসুং উমংগী পোৎলমশিং, লাইরিক য়োনবা দুকানশিং অমসুং ইলেকত্রিক ফেন য়োনবা দুকানশিং সরকারনা কোমথোক্লে

অহেনবা থবক খর কোমথোক্নবা শেমদোক্লবা চৎন-কাংলোনশিংগী হোম এফেয়ার্স মিনিস্ত্রিনা ওর্দর অমা থোক্লে কোমথোকপদা য়াওরিবশিং অসি লাইচৎ লৈরিবা মফমশিং য়াওরোই হায়রিবা মফমশিং অসিদা হায়রিবা থবকশিং অসি পাংথোকপা য়ারোই

অকুপ্পা মরোলগীদমক:

 

কোভিদ-১৯গী অথিংবা অসিদগী সহরদা লৈবা য়ুমদা অহলশিং সেবা তৌরিবশিং, প্রিপেদ মোবাইল রিচার্জ তৌফমশিং , ফুদ প্রোসেসিং য়ুনিতশিং কোমথোক্লে

কোভিদ-১৯গী লৈবাক শীনবা থুংনা অথিংবা থম্লিবা অসিদগী অহেনবা থবক খর কোমথোক্নবা শেমদোক্লবা চৎন-কাংলোনশিংগী হোম এফেয়ার্স মিনিস্ত্রিনা ওর্দর অমা থোক্লে । মসিগী মতাংদা ৱাহং খর হংনরকপা থেংনখি । হৌজিক হোম এফেয়ার্স মিনিস্ত্রিনা ৱাফমশিং শেংদোক্লি অমসুং কোমথোকপা অসিদা অকক্নবা থবক খর য়াওহল্লে ।

অকুপ্পা মরোলগীদমক:

 

আই এম এগী দোক্তরশিং অমসুং মীহুৎশিংগা য়ুনিয়ন হোম মিনিস্তরগা ৱারি শানখি; কোভিদ-১৯গী মায়োক্ত লান্থেংনরিবা অসিদা মখোয়গী সেকুরিতি পীগনি হায়না থাজবা পীখি

কোভিদ-১৯ থেংননবা দোক্তরশিংনা লৌরবা থৌদাং হোম মিনিস্তরনা থাগৎখি অমসুং মসি থেংনবদা দোক্তরশিংনা মখা তানা থবক তৌগনি হায়বগী থাজবা ফোংদোকখি । দোক্তরশিংনা কৎথোকপদগী মীয়াম কোভিদ-১৯ দগী কনবা ঙম্লিবনি হায়না মহাক্না ইকায়খুম্নবা উৎখি ।

অকুপ্পা মরোলগীদমক:

 

ঈ দান তৌবা মীওইশিং থিদুনা ঈ মরাং কাইনা থম্লি অমসুং লৌখৎনবা অমসুং থিন্নবা মোবাইল ব্লদ কল্লেক্সনগী খুদোংচাবশিং ফংহল্লি

ভি সি অমদা য়ুনিয়ন হেল্থ মিনিস্তর দোক্তর হর্স ভরধন্না ভারত শীনবা থুংনা লৈরিবা রেদ ক্রোর লান্মীশিং থাগৎখি। ঈ দান তৌবা মীওইশিং থিদুনা ঈ মরাং কাইনা থম্লি অমসুং লৌখৎনবা অমসুং থিন্নবা মোবাইল ব্লদ কল্লেক্সনগী খুদোংচাবশিং ফংহল্লি হায়না মহাক্না মখোয়দা ফোংদোকখি । কোরোনা অনাবা মীওইশিং লায়েংনবা প্লাজমা লৌনবা কোভিদ-১৯ নাবদগী ফরবা মীওইশিং ঈ দান তৌনবা মখোয়গা পাউ ফাওন্নবা মহাক্না আই আই আর সি এস তা খঙহনখি ।

অকুপ্পা মরোলগীদমক:

 

প্রধান মন্ত্রীনা মালেম ইমা থাগৎলি

ইন্তরনেসনেল আর্থ দে লাকপদা প্রধান মন্ত্রী নরেন্দ্র মোদীনা মালেম ইমা থাগৎলি প্রধান মন্ত্রীনা হায়খি মালেম ইমাগী অন্তর্জাতিগী নুমিৎ অসিদা, ঐখোয় পুম্নমক্না মরাং কায়না ঙাক শেনবীরিবা অমদি মিনুংশিং পীনবীরিবা অসিগীদমক ঐখোয়গী প্লানেৎ অসিবু তৌবীমল খঙবা ফোংদোকচরি ঐখোয়না লু-নানবা, মশা-মউ ফবা অমসুং হেন্না চাউখৎপা প্লানেৎ অমগী মায়কৈদা থবক তৌনবা ৱাশক্লসি কোবিদ-১৯ মায়থিবা পীনবা মাং থানা থবক তৌরিবা মীওই পুম্নমক্কী মফমদা য়াইফ-পাউজেল পীজরি

অকুপ্পা মরোলগীদমক:

 

লৈবাক অসিগী রাজ্যশিং শীনবা থুংনা রেলৱেজ মিনিস্ত্রিনা রেলৱেগী তোঙান-তোঙানবা চাকশঙশিংদগী নোংমদা চাক পুখম লাখ ২.৬ ফংহল্লি

লৈবাক অসিগী রাজ্যশিং শীনবা থুংনা রেলৱেজ মিনিস্ত্রিনা রেলৱেগী তোঙান-তোঙানবা চাকশঙশিংদগী নোংমদা চাক পুখম লাখ ২.৬ ফংহল্লি নোংমদা চাক পুখম লাখ ২.৬ ফংহল্লিবা অসি মাংজৌননা লৈরবা চাকশঙশিংনা থোঙবা ঙম্বা চাং অদুদা য়ুম্ফম ওইবনি । দরকার ওইবা হেনগৎলকলবদি, অহেনবা চাক পীবা ঙম্নবা অসিগুম্বা মফমশিং শেমগৎকনি । হায়রিবা চাক পুখম অমগী মমল অসি শুপ্নগী লুপা ১৫ খক্তনি ।

অকুপ্পা মরোলগীদমক:

 

ভারতকী হিথাংফমশিংদা সমুদ্রদা চৎথোক-চৎশিন তৌরিবা মীওইশিংগী সাইন-ওন অমসুং সাইন-ওফকী এস ও পি পীরে

ভারতকী হিথাংফমশিংদা সমুদ্রদা চৎথোক-চৎশিন তৌরিবা মীওইশিংগী সাইন-ওন অমসুং সাইন-ওফকী এস ও পি পীবদা সিপ্পিং(ইন-চার্জ)গী রাজ্য মন্ত্রী মনসুখ মন্দাবিয়ানা তরাম্না ওক্লি । মসিনা সমুদ্রগী হিথাংফমশিংদা হিরোইশিং হোংদোক-হোংজিন তৌবা য়াহনবগীদমক মহাক্না হোম মিনিস্তর তুইত অমদা থাগৎখি । মহাক্না হায়খি মসিনা হিরোই লিশিং কয়ানা থেংনরিবা অৱাবশিং কোকহল্লগনি ।

অকুপ্পা মরোলগীদমক:

 

প্রিন্ত অমসুং ইলেকত্রোনিক মেদিয়াদা চেকশিনৱা

লৈবাক্কী মফম কয়াদা কোভিদ-১৯গী ই-পাউ লৌরিবা পাউমীশিং, কেমেরামেনশিং, ফোতোগ্রাফরশিং য়াওনা মেদিয়াগী মীওইশিংনা লাইচৎ লৈবা মফমশিংদা মখোয়গী মথৌ পাংথোকপা মতমদা হকশেলগী চেকশিন-থৌরাং লৌখৎনবা ইনফোরমেসন অমসুং ব্রোর্দকাস্তিং মিনিস্ত্রিনা চেকশিনৱা পীরি । মখোয়গী ফিল্ড স্তাফ অমসুং ওফিস স্তাফশিংগী দরকার ওইবা চেকশিন-থৌরাং লৌগৎনবা মেদিয়া হাওসশিংদা মিনিস্ত্রিনা হায়জখি ।

অকুপ্পা মরোলগীদমক:

 

মিনিস্ত্রিশিং থিংজিন্নবা সরকারগী য়াথং অমতা লৈতে, শেমজিনবা পাউনি হায়না পি আই বী ফেক চেকনা হায়রি; সরকারনা পুথোকপা ‘সে নমস্তে’ কৌবা ভিদিও কনফরেন্সিং এপ্প অমতা লৈতে

অকুপ্পা মরোলগীদমক:

 

ভি সিগী খুৎথাংদা ধরমেন্দ্র প্রধান্না এল পি জি দিস্ত্রিবিউতর ১০০০ হেনবগা ৱারি শানখি; লায়রবশিং খুদোংচাবা ফংনবা লেম্না উজৱালা রিফিলশিং মশিং হেনগৎহন্নবা মখোয়দা খঙহনখি

পেত্রোলিয়ম অমসুং নেচরেল গ্যসকী য়ুনিয়ন মিনিস্তর ধরমেন্দ্র প্রধাননা ভি সিগী খুৎথাংদা লৈবাক শীনবা থুংনা লৈরিবা এল পি জি দিস্ত্রিবিউতর ১০০০ হেনবগা ৱারি শানখি । অথিংবা মনুংদা থোংজিলদা এল জি পি সিলিন্দরশিং য়ৌহনবগীদমক মখোয়গী থবকশিং থাগৎলদুনা মহাক্না হায়খি প্রধান মন্ত্রী গরিব কলয়ান অন্ন য়োজনাগী মখাদা লায়রবশিং খুদোংচাবা ফংনবা লেম্না উজৱালা রিফিল সিলিন্দর অহুম ফংহন্নবা থবক পায়খৎকদবনি ।

অকুপ্পা মরোলগীদমক:

 

প্রসিদেন্তগী লৈফমদা কোভিদ-১৯ পোজিতিব কেস অমা থেংনবগী মতাংদা ই-পাউ

প্রসিদেন্তগী লৈফমদা কোভিদ-১৯ পোজিতিব কেস অমা থেংনবগী মতাংদা মেদিয়াগী পাউশিং অমসুং থাজনরিবা অসিগী মতাংদা অচুম্বা ৱাফমশিং ফোংলে ।

অকুপ্পা মরোলগীদমক:

 

হেন্না শংবা , হেন্না নানবা গর্হ অমা শেমগৎনবা ভাইস প্রসিদেন্তনা হায়রি

হেন্না শংবা , হেন্না নানবা গর্হ অমা শেমগৎনবা ভাইস প্রসিদেন্ত এম ভেনকিয়া নাইদুনা মীয়ামদা তকশিল্লদুনা হায়রি মদুদি অকোয়বগী ফিবম ঙাকশেনবা অসি খুদিংমক্কী তঙাইফদ্রবা মথৌনি । মালেমগী নুমিৎ লাকপদা মীয়ামদা পীবা পাউজেল অমদা মহাক্না হায়খি, মালেম ইমা ঙাকশেনবগী মরুওইবা অদু ঐখোয় খঙজিনসি । কোভিদ-১৯ লাইচৎ লাকপা অসিদা ঐখোয়গী চাউখৎ-থৌরাং অমসুং শেন-থুমগী লাল্লোংশিং অমুক হন্না য়েংশিনবা মথৌ তারে । 

অকুপ্পা মরোলগীদমক:

 

কোভিদ-১৯না চানবা ফংহনবদা অকাইবা পীরক্কদবগী মতাংদা পাংথোকখিবা জি-২০ এগ্রিকলচর মিনিস্তরশিংগী মীফমদা নরেন্দ্র সিংহ তোমার শরুক য়াখি

কোভিদ-১৯না চানবা ফংহনবদা অকাইবা পীরক্কদবগী মতাংদা পাংথোকখিবা জি-২০ এগ্রিকলচর মিনিস্তরশিংগী মীফমদা নরেন্দ্র সিংহ তোমার শরুক য়াখি । অথিংবা মনুংদা ভারত সরকারনা লৌউ-শিংউগী থবকশিং কোমথোক্লিবা অমসুং মীয়াম থাপ্না লৈহন্দুনা অমসুং লু-নানবা মওংদা তঙাইফদবা লৌউ-শিংউগী পোৎথোকশিং পুথোক্নবা পায়খৎলিবা থবকশিংগী মতাংদা মহাক্না পাউদমখি ।

অকুপ্পা মরোলগীদমক:

 

কোভিদ-১৯গী অথিংবা মনুংদা লৈবাক শীনবা থুংনা তঙাইফদবা পোৎলমশিং ফংহন্নবা সরকারনা মতম চানা খুৎথিংজিল্লি

কোভিদ-১৯গী অথিংবা মনুংদা হোলসেল কৈথেলশিং মী চিনবা হন্থহন্নবা অমসুং পোৎলমশিং ফংহন্নবা এগ্রিকলচর মিনিস্ত্রিনা থবক কয়া পায়খৎলে । ই-নাম পোরতেলদা অনৌবা মোদুল অনি হায়বদি ৱেয়ারহাওস ত্রেদিং মোদুল অমসুং ফারমর প্রদুসর ওর্গনাইজেসন মোদুল হাপচিল্লে ।

অকুপ্পা মরোলগীদমক:

 

 কোভিদ-১৯ লাকশিন্নবা থবকশিং মওং-মরিল তাহন্নবা লৈবাক অসিদা কেমিকেলশিং, হিদাকশিং, হারশিং ফংহনবগী থবক ফগৎহল্লে

কেমিকেলস অমসুং ফরতিলাইজরগী য়ুনিয়ন মিনিস্তর দি ভি সাদানন্দা গৌরানা হায়খি কোভিদ-১৯ লাকশিন্নবা থবকশিং মওং-মরিল তাহন্নবা লৈবাক অসিদা কেমিকেলশিং, হিদাকশিং, হারশিং মরাংকাইনা ফংহনবগী থবক মিনিস্ত্রিনা পায়খৎলে ।

অকুপ্পা মরোলগীদমক:

 

লাইচৎ মনুংদা তঙাইফদবা থবকশিং শুবা য়ানবা স্কিল ইন্দিয়ানা সরতিফাইদ প্লম্বর ৯০০ পীরে

কোভিদ-১৯গী অৱাবা মনুংদা প্লম্বিংগুম্বা তঙাইফদবা থবকশিং দরকার ওইবা অদু খঙলদুনা , স্কিল দিবলপমেন্ত অমসুং ওন্ত্রেপ্রেনিউয়রসিপ মিনিস্ত্রিগী মখাদা ইন্দিয়ান প্লম্বিং স্কিলস কাউন্সিলনা লৈবাক শীনবা থুংনা থবক শুনবা থৌরাং তৌদুনা লৈরবা প্লম্বর ৯০০গী দেতাবেজ অমা শেম্লে ।

অকুপ্পা মরোলগীদমক:

 

কোরোনাভাইরস লাইচৎনা মরম ওইদুনা ২০২০গী ওক্তোবর ১৫ ফাওবা হোতেলশিং/রেসতুরান্তশিং থিংনবা তুরিজম মিনিস্ত্রিনা চেরোল অমতা থোকখিদে

অকুপ্পা মরোলগীদমক

কোভিদ-১৯ লাইচৎ মনুংদা স্তাফশিং অশোই-অঙাম থোক্তনবা নোর্থ দি এম সিনা থবক কয়া পায়খৎলে

নোর্থ দিল্লি মিনিউসিপাল কোরপোরেসন্না কোভিদ-১৯ লাইচৎ মনুংদা মসিগী স্তাফশিং অশোই-অঙাম থবক কয়া পায়খৎলে । কোরোপোরেসন অসিনা লাইচৎ লৈবা মফমশিংগী ৱাংমদা দোক্কিং স্তেসনশিং শেমগৎলে । হায়রিবা দোক্কিং স্তেসনশিং অসিদগী সেনিতেসন, ইঞ্জিনিয়ারিং, হকশেল অমসুং দিপার্তমেন্তগী স্তাফশিং থবকশিং হৌহনগনি । মখোয়গী চুনবা পি পি ই কিতশিং পীনবা মখোয়না মফম অদুদা পাউ পীগদবনি ।

অকুপ্পা মরোলগীদমক:

 

“ইন্দিয়া কোভিদ-১৯ ইমর্জেন্সি রেসপোন্স এন্দ হেল্থ সিস্তেম প্রিপিয়রনেস পেকেজ”গী লুপা ক্রোর ১৫,০০০ কাইথোকপা মন্ত্রীমন্দলনা অয়াবা পীরে

ইন্দিয়া কোভিদ-১৯ ইমর্জেন্সি রেসপোন্স এন্দ হেল্থ সিস্তেম প্রিপিয়রনেস পেকেজ”গী লুপা ক্রোর ১৫,০০০ কাইথোকপা কেন্দ্রগী মন্ত্রীমন্দলনা অয়াবা পীরে । ফন্দ অসি তাঙ্কক অহুম থোক্না শীজিন্নগনি । কোভিদ-১৯ ইমর্জেন্সি রেসপোন্সকী লুপা ক্রোর ৭,৭৭৪ খাক্লে অমসুং অতৈনা মেদিয়ম তার্মগী চহি ৪ চংনা মতেং পাংবদা শীজিন্নগনি ।

অকুপ্পা মরোলগীদমক:

 

কোভিদ-১৯ লাইচৎ মনুংদা ফ্রেদ ত্রাফিক্কী য়াইফ থৌরাংশিং ভারত রেলৱেজনা লাউথোক্লে

২০২০গী মার্চ ২৪গী ২০২০গী এপ্রিল ৩০ ফাওবগী মনুংদা অহাংবা কন্তেনরশিং অমসুং ফ্লেত ৱাগোনশিং পুবগী হাওলেজ চার্জ লৌররোই । কস্তমরশিংনা মখোয়না অপাম্বশিং রেজিস্তার তৌবা য়ারগনি অমসুং পোৎ থমফমদা মশা লাকপগী মহুৎতা ইলেকত্রোনিক ওইনা রেলৱেজ রিসিফ লৌবা য়ারগনি । করিগুম্বা কস্তমরনা ইলেকত্রোনিক রিসিব ফংদ্রবদি , মখোয়না রেলৱেজ ইনভোইস পীদনবা অতোপ্পা পাম্বৈ অমনা পোৎ লৌবা য়াগনি । খ্বাইদগী য়ামদবা ত্রেন লোদশিং ৱাগোন ৫৭দগী হৌজিক ৪২দা হন্থরে ।অরাপ্পগা মরি লৈনবা মিনি রেক , তু পোইন্ত রেক অসি কোমথোক্লে ।

অকুপ্পা মরোলগীদমক:

 

নুমিৎ ১৫দা পি এম জি কে ৱাইগী মখাদা কোভিদ-১৯গী ক্লেম লাখ ৬.০৬ য়াওনা ক্লেম লাখ ১০.০২ ই পি এফ ওনা পীখ্রে

পি এম জি কে ৱাই পেকেজগী মখাদা কোভিদকী ক্লেম লুপা ক্রোর ১৯৫৪ য়াওনা অপুনবা লুপা ক্রোর ৩৬০০.৮৫ য়েন্থোকখ্রে । অথিংবা মনুংদা মখোয়গী স্তাফকী শরুক অহুম থোকপগী শরুক অমা খক থবক শুবা য়ারবসু ,অখন্নবা য়াম্না য়াংবা সোফৱায়র শীজিন্নদুনা থবক য়াংনা পাংথোকখি ।

অকুপ্পা মরোলগীদমক:

 

ই-লারনিংগী মচাক পীনিংবশিং কৌনবা বিদ্যাধন ২.০ নেসনেল প্রোগ্রাম ঐচ আর দি মিনিস্তরনা হৌদোক্লে

রামেস পোখ্রিয়াল নিসানকনা ই-লারনিংগী মচাক পীনিংবশিং কৌনবা বিদ্যাধন ২.০ নেসনেল প্রোগ্রাম হৌদোকলে । কোভিদ-১৯না ওইরক্লিবা ফিবম অসিদা স্কুলশিং অমসুং অৱাংবা থাক্কী ইজুকেসনগী মহৈরোইশিংগী ই-লারনিংগী মচাকশিং দরকার ওইবা হেনগৎলকপদগী থৌরম অসি হৌদোকপনি অমসুং মসিনা লাইরিক তম্বদা দিজিতেল ইজুকেসন অথুবদা পুনশিনবা ঙমহনগনি ।

অকুপ্পা মরোলগীদমক:

 

কোভিদ-১৯না মরম ওইদুনা ত্রাইফেদনা পায়খৎলিবা থবকশিং

কোভিদ-১৯গী অথিংবা মনুংদা ত্রাইবেলশিংগী য়াইফনবা পায়খৎলিবা থবকশিং অহুম থোক্না খাইদোক্লে- মীয়ামদা খঙহনবা অমসুং পাউ পীবা; লনাই ঙাকথোক্নবা হকশেলগী থৌরাংশিং; এন তি এফ পি লৈবা ।

অকুপ্পা মরোলগীদমক:

 

দি এস তিনা মতেং পাংলিবা এন জি ও নেতৱার্কশিংনা মীয়ামগা লোয়ননা কোভিদ-১৯ থেংনরি

সাইন্স অমসুং তেক্নোলোজি দিপার্তমেন্তগী সাইন্স ফোর ইকুইতি ইমপ্বারমেন্ত এন্দ দিবলপমেন্ত(সিদ)না মতেং পাংলিবা ভারতকী রাজ্য ২২দা লৈরিবা এন জি ওশিংনা রাজ্যশিংদা সরকারনা কোভিদ-১৯ লাকশিন্নবা পায়খৎলিবা থবকশিংদা মতেং পাংলি ।

অকুপ্পা মরোলগীদমক:

 

কোভিদ-১৯ লাইচৎ মনুংদা স্তাফশিং অশোই-অঙাম থোক্তনবা নোর্থ দি এম সিনা থবক কয়া পায়খৎলে

নোর্থ দিল্লি মিনিউসিপাল কোরপোরেসন্না কোভিদ-১৯ লাইচৎ মনুংদা মসিগী স্তাফশিং অশোই-অঙাম থবক কয়া পায়খৎলে । কোরোপোরেসন অসিনা লাইচৎ লৈবা মফমশিংগী ৱাংমদা দোক্কিং স্তেসনশিং শেমগৎলে । হায়রিবা দোক্কিং স্তেসনশিং অসিদগী সেনিতেসন, ইঞ্জিনিয়ারিং, হকশেল অমসুং দিপার্তমেন্তগী স্তাফশিং থবকশিং হৌহনগনি । মখোয়গী চুনবা পি পি ই কিতশিং পীনবা মখোয়না মফম অদুদা পাউ পীগদবনি ।

অকুপ্পা মরোলগীদমক:

 

পি আই বী ফিল্ড ওফিসশিংদগী পীরকপশিং

  • মহারাস্ত্রা : রাজ্য অসিদা ঙরাং অনৌবা কেস ৫৫২ থেংনদুনা অপুনবা কেস ৫২১৮ য়ৌরে । মুম্বাইদা অনৌবা কেস ৩৫৫ থেংনদুনা অপুনবা কেস ৩৪৪৫ য়ৌরে । হৌজিক ফাওবদা মীওই ৭৭৯ অনাবা ফরে ।
  • গুজরাত : রাজ্য অসিদা অনৌবা কেস ১১২ থেংনদুনা অপুনবা কেস ২১৭৮ য়ৌরে । হৌজিক ফাওবদা মীওই ১৩৯ অনাবা ফরে অমসুং মীওই ৯০ শিখ্রে । কেস য়াম্না লৈবা ভারতকী রাজ্যশিংগী মনুংদা গুজরাতনা অনিশুবদা লৈরি।  
  • রাজাস্থান : রাজ্য অসিদা ঙসি অনৌবা কেস ৬৪ থেংনদুনা অপুনবা কেস ১৭৯৯ য়ৌরে ।
  • চান্দিগর : লাইচৎ অসিনা মরম ওইদুনা থিংজিন্দুনা থম্লিবা মফমশিংদা থোংজিলদা চানবা পোৎলমশিং ফংহন্নবা থবক পায়খৎলে ।
  • পঞ্জাব : কোভিদ-১৯গী অথিংবা মরক্ত ইরাই লাইনা গেহু লৈবা য়ানবা রাইস সেল্লরশিং নিংথম লৌরোক্কী সব মন্দি য়ার্দ ওইনা ওন্থোক্লে ।
  • হরিয়ানা : ইন্দস্ত্রি অমসুং অতৈ ফার্মশিংনা পোরতেল “saralharyana.gov.in” দগী থবক হৌনবা পাস লৌবা য়াগনি । রাজ্য মনুংদা গারি চৎথোক-চৎশিন তৌনবা ই-পাস “covidpass.egovernments.org/requester-dashboard” দগী লৌবা য়াগনি ।
  • হিমাচল প্রদেস : হৌজিক চৎথরিবা কারফিয়ু ২০২০গী মে ৩ ফাওবা চৎথখিগনি হায়না সি এমনা হায়খি । রাজ্য অসিদা এন-৯৫ মাক্স পীরকপগীদমক সি এমনা ভারতকী প্রসিদেন্ত থাগৎখি ।
  • জে অমসুং কে : ঙসি অনৌবা কেস ২৭ থেংনখি । শ্রীনগর অমসুং জম্মুদা লান্মীনা কোভিদ-১৯গী হোস্পিতাল অনি লিংখৎলে অমসুং মসিনা লাইচৎ অসি থেংনবদা লৈঙাক্ত মপুংফানা মতেং পাংগনি হায়রি।
  • অরুনাচল প্রদেস : রাজ্য অসিদা মীওই ১২,৩৬৬ লেম্না চাক থোংনবা গ্যাস ফংলে । আই এ এফকী চোপ্পরশিংনা চাংলাং জিলাদা হিদাক-লাংথকশিং অমসুং তঙাইফদবা পোৎলমশিং হোনখি।
  • অসাম : রাজ্য অদুগী লনাই স্কুলশিংনা এপ্রিল থাগী ফি চাদা ৫০ হন্থনা লৌনবা হেল্থ মিনিস্তর হিমান্তা বিস্বানা তুইত তৌখি । পি এম জি কে ৱাইগী মখাদা মীওই ৮,৫১,৬৪২ দা লুপা ৫০০ পীখ্রে ।
  • মিজোরম : মিজোরম-ত্রিপুরা ঙমখৈদা মীওই খরনা মামিৎতা মথৌ পাংথোকলিবা পুলিসকী মীওই অনি ফুরকপা অদু থিজিন্নবা দি জি পিনা য়াথং পীখ্রে ।
  • নাগালেন্দ : অফবা পি পি ইশিং লৈনবা কম্মিতি অনি লিংখৎলে হায়না রাজ্যগী হকশেল মন্ত্রীনা হায়খি ।          
  • সিক্কিম : ২০২০ গী এপ্রিল ২৩ দগী পি এম জি কে ৱাইগী মখাদা মীয়ামদা চেং অমসুং হৱাই য়েন্থোক্কনি হায়রি ।
  • ত্রিপুরা : খোৱাই জিলা লৈঙাক্না চেক্কোনদা থবক শুবা শিন্মী ১৫৭দা কোভিদ-১৯ গী পেকেজ মখাদা লুপা ১০০০ পীখি ।
  • কেরলা : রাজ্য সরকারগী থবক তৌরিবা মীওইশিংদগী থা ৫ নুমিৎ ৬ গী তোলোব কক্নবা সরকারনা ৱারেপ লৌরে। রাজ্য অসিগী অপুনবা কেস ৪২৬; একতিব কেস ১১৭ নি ।
  • তামিলনাদু : কোভিদ-১৯ থেংনবদা লৈখিবা মীওইশিংগী ইমুংদা লুপা লাখ ৫০ অমসং থবক পীগন হায়না সি এমনা লাউথোক্লে । কোভিদনা শিহনখিবা দোক্তর ফুম্বদা অপনবা পীখিবা মীওই ৬৯ ফারে ।
  • পুদুচেরি : হৌজিক ফাওবদা অপুনবা কেস ১৫৯৬, একতিব কেস ৯৪০; শিখিবা ১৮; দিসচার্জ ৬৩৫ নি ।
  • করনাতাকা : ঙসি অনৌবা কেস ৭ থেংনদুনা অপুনবা কেস ৪২৫ য়ৌরে । হৌজিক ফাওবদা মীওই ১২৯ দিসচার্জ তৌখ্রে।
  • অন্ধ্র প্রদেস : হৌখিবা পুং ২৪দা অনৌবা কেস ৫৬ থেংনদুনা হৌজিক অপুনবা কেস ৮১৩ য়ৌরে । শিখিবা ২৪, দিসচার্জ তৌখিবা ১২০; একতিব কেস ৬৬৯ য়ৌরে ।
  • তেলাঙ্গানা : হৌজিক ফাওবদা অপুনবা কেস ৯২৮ য়ৌরে ।

 

Fact Check on #Covid19



(Release ID: 1617326) Visitor Counter : 26