PIB Headquarters
নুমিৎ খুদিংগী ফোংবা পি আই বীগী কোভিদ-১৯ বুল্লেতিন
Posted On:
16 APR 2020 7:02PM by PIB Imphal
হেল্থ অমসুং ফেমিলি ৱেলফিয়ার মিনিস্ত্রিদগী কোভিদ-১৯ গী অনৌবা পাউ
ঙসি ফাওবদা লৈবাক অসিদা কোভিদ-১৯ গী কেস ১২,৩৮০ লৈরে অমসুং মীওই ৪১৪ শিরে । অনাবা ফরবা মতুংদা মীওই ১৪৮৯ ময়ুমদা হনখ্রে। ভারতকী কোভিদ-১৯গী কেস ফেতালিতি রেত (সি এফ আর) অসি চাদা ৩.৩ নি। অনাবা মীওই ফবগী চাং অসি হৌজিক ফাওবদা চাদা ১২.০২ ওইরি। হৌজিক জিলা ৩২৫ কেস অমতা থেংনদ্রি। লাইচৎ মনুংদা হৌজিক লৈরিবা হকশেলগী থবকশিং অসিনা অমুক্ত ওইখিদ্রিবা দরকার ওইরকপা মতমদা থেংনবা ঙম্নবা হেল্থ অমসুং ফেমিলি ৱেলফিয়ার মিনিস্ত্রিশিংনা রাজ্যশিং অমসুং য়ুতিশিংদা অকুপ্পা চৎন-কাংলোনশিং পীখ্রে।
অথিংবা মনুংদা রিনিউয়েল থিগদবা হেল্থ অমসুং মোতোর(থার্দ পার্তি) ইন্সুরেন্স য়াওরিবশিং মে ১৫ ফাওবা প্রেমিয়ম পীবা য়ারগনি
কোভিদ-১৯গী অথিংবা মনুংদা রিনিউয়েল পীগদবা হেল্থ অমসুং মোতোর(থার্দ পার্তি) ইন্সুরেন্স য়াওরিবশিংগী অৱাবা কোক্নবা হায়রিবা পোলিসি য়াওরিবা মীওইশিং অসিনা মে ১৫ ফাওবা প্রেমিয়ম পীবা য়ানবা কেন্দ্র সরকারনা নোতিস থোক্লে। হায়রিবা অহেনবা মতম অসিদা মখা তানা কভর তৌগনি অমসুং অৱাবা লৈতনা ক্লেমশিং পেমেন্ত ফংহনগনি ।
২শুবা জি-২০ ফাইনান্স মিনিস্তরশিং অমসুং সেন্ত্রেল বেঙ্ক গভর্নরশিংগী মীফমদা শ্রীমতি নিরমালা সিতারমন শরুক য়াখি
তুংকোইনা চৎনগদবা মওংদা শেন-থুমগী ফিবম লেংদনা লৈহন্দুনা মীয়ামগী পুন্সি অমসুং হিংনবা লম্বীশিং ফংহনবদা ফাইনান্স মিনিস্তরশিং অমসুং সেন্ত্রেল বেঙ্ক গভর্নরশিংগী থৌদাংগী মতাংদা ঙসি ফাইনান্স মিনিস্তরনা মীৎয়েং চংখি । খুন্নাইগী লায়রবা কাংলুপশিং য়াইফনবা মতম চানা য়াংনা ভারত সরকারনা পায়খৎলিবা থবকশিং মহাক্না জি-২০ গী ফাইনান্স মিনিস্তরশিংদা পাউদমখি। মহাক্না হায়খি চয়োল অমগী মনুংদা, ভারতনা মীওই মিল্লিয়ন ৩২০ হেনবদা য়ু এস দি বিল্লিয়ন ৩.৯ য়েন্থোকখি ।
অতেনবা মতমগী মনুংদা ব্লক দ্রগশিং ফংহনবা/পুথোকপা হেনগৎহন্নবা ইনভাইরোনমেন্ত ইম্পেক এসেসমেন্ত (ই আই এ) নোতিফিকেসন ২০০৬ চাউনা শেমদোক্লে
কোভিদ-১৯ লাকপদা থেংনরিবা ফিবম অসি লাকশিন্নবা অমসুং হিদাক কয়া পুথোকপা নৎত্রগা ফংহনবা হেনগৎহন্নবা ইনভাইরোনমেন্ত, ফোরেস্ত অমসুং ক্লাইমেত চেঞ্জ মিনিস্ত্রিনা ই আই এ নোতিফিকেসন ২০০৬ শেমদোক্লে। ব্লক দ্রগকশিং অমসুং ইন্তরমেদিয়েতশিংগা মরি লৈনবা থবকশিং নৎত্রগা প্রোজেকশিংনা থেংনরিবা অৱাবশিং কোকহন্নবা হৌজিক লৈরিবা কেতেগোরি ‘এ’ অসি ‘বি ২’ কেতেগোরিদা রি-কেতেগোরাইজ তৌরে।
“ঐখোয়না ঙমগনি অমসুং মসিগী ভাইরস অসি ঐখোয়না মাইথিবা পীগনি”- দোক্তর হর্স ভরধন
হেল্থ অমসুং ফেমিলি ৱেলফিয়ারগী য়ুনিয়ন মিনিস্তর দোক্তর হর্স ভরধন্না ভিদিও কনফরেন্সকী খুৎথাংদা ভারত্ত কোভিদ-১৯ লাকশিন্নবা পায়খৎলিবা থবকশিংগী মতাংদা ৱাল্ড হেল্থ ওর্গনাইজেসনগী সেনিয়র ওফিসিয়েলশিং অমসুং ফিল্ড ওফিসারশিং অমসুং কেন্দ্র অমসুং রাজ্য সরকারশিংগী হকশেলগী মীওইশিংগা ৱারি শানখি।
মার্চ ২০২০গী খুৎশুমলগী ইলেকত্রোনিক চাল্লান কম রিতর্ন (ই সি আর) ফাইল তৌবগী মতম ২০২০গী এপ্রিল ১৫ ফাওবা শাংদোক্লে
কোভিদ-১৯ শন্দোরকপা থিংনবা ২০২০গী মার্চ ২৪গী অহিংদগী কেন্দ্র সরকারনা অথিংবা লাউথোকখিবা অমসুং কোভিদ-১৯না ওইহল্লিবা ফিবম অসি য়েংদুনা ২০২০গী মার্চতা মখোয়গী শিন্মিশিংদা খুৎশুমল পীগদবা ইমপ্লোয়রশিংগী ওইনা মার্চ ২০২০গী খুৎশুমলগী ইলেকত্রোনিক চাল্লান কম রিতর্ন (ই সি আর) ফাইল তৌবগী মতম ২০২০গী এপ্রিল ১৫ ফাওবা শাংদোক্লে।
কোভিদ-১৯ থেংননবা কান্তোমেন্ত বোর্দশিংনা পায়খৎলিবা থবকশিং দিফেন্স মিনিস্তরনা অমুক হন্না য়েংশিনখ্রে
কোভিদ-১৯ শন্দোরকপা থিংনবা লৈবাক অসিদা লৈরিবা কান্তোমেন্ত বোর্দ ৩২না পায়খৎলিবা থবকশিং দিফেন্স মিনিস্তর রাজনাথ সিংহনা অমুক হেন্না য়েংশিনখ্রে । রাজনাথ সিংহনা হায়খি মরুওইবা মীচম মীয়াম লৈবা মফমশিংদা কান্তোমেন্ত বোর্দশিংনা খ্বাইদগী ফবা সেনিতেসন অমসুং লু-নানবা অমসুং হিদাক কাপথোকপগী থবক পায়খৎকদবনি। নোংমগী শুরগা হিংলবশিং/অতোপ্পা মফমশিংদগী লাকপা শিন্মীশিংদা চানবা অমসুং লৈফম পীনবা থবক পায়খৎকদবনি ।
এগ্রিকলচর মিনিস্তরনা চেয়র লৌদুনা কালেন লৌরোক ২০২০গী নেসনেল কনফরেন্স পাংথোকখ্রে
এগ্রিলকচর অমসুং ফার্মরস ৱেলফিসারগী মিনিস্তর নরেন্দ্র সিংহ তোমারনা হায়খী রাজ্যশিংনা কালেন লৌরোক্কী পান্দম ফংনবা মীৎয়েং থমগদবনি অমসুং মিসনগী মওংদা লৌমীশিংগী শেন্থোক শরুক অনিদা হেনগৎহনগদবনি। কালেন লৌরোক ২০২০গী নেসনেল কনফরেন্সতা ৱা ঙাংবদা মহাক্না হায়খি , রাজ্যশিংনা থেংনরিবা খুদোংচাদবশিং ভারত সরকারনা কোকহনগনি । কালেন লৌরোক ২০২০গী নেসনেল কনফরেন্স অসিগী পান্দমদি অথিংবা ফিবম অসি য়েংলগা কালেন লৌরোক্কী থৌরাং তৌনবা তোঙান-তোঙানবা ৱাফমশিং রাজ্যশিংগা খন্নবনি।
অথিংবা মনুংদা লৌউ-শিংউ অমসুং মরি লৈনবা থবকশিং পুক্নিং থৌগৎনবা এগ্রিকলচর, কোওপরেসন অমসুং ফার্মরস ৱেলফিয়ার্স দিপার্তমেন্তনা পায়খৎলিবা থবকশিংগী অনৌবা পাউ
ওল ইন্দিয়া এগ্রি ত্রান্সপোর্ত কোল সেন্তর হৌদোক্লে; পি এম এফ বি ৱাইগী মখাদা রাজ্য ১২গী লৌমীশিংদা লুপা ক্রোর ২৪২৪গী ইন্সুরেস ক্লেমশিং পীখ্রে; কে সি সিগী মখাদা লুপা ক্রোর ১৭,৮০০গী লোনগী শেনফমগী এপ্লিকেসন লাখ ১৮.২৬ অয়াবা পীখ্রে।
লৈবাক অসিদা হার শুংবা, পুথোক-পুশিন তৌবা অমসুং ফংহনবগী মতাংদা ফরতিলাইজর মিনিস্ত্রিনা কুপ্না য়েংশিল্লি
কোভিদ-১৯ লাইচৎ লাকপদগী ওইরিবা ফিবম অসি য়েংলগা, কেমিকেলস অমসুং ফরতিলাইজর মিনিস্তর দি ভি সাদানন্দা গৌরা অমসুং রাজ্য মন্ত্রী মানসুখ মান্দাবিয়া অমসুং ফরতিলাইজর দিপার্তমেন্তগী সেক্রেতরি ছবিলেন্দ্র রাহুলনা লৈবাক অসিদা হার শুংবা, পুথোক-পুশিন তৌবা অমসুং ফংহনবগী মতাংদা কুপ্না য়েংশিল্লি । ভারত শীনবা থুংনা লৌমীশিংদা হার ফংহন্নবা অৱাংবা থাক্ত দিপার্তমেন্তনা থবক পায়খৎলি ।হার শুংবা অমসুং ফংহনবদা লাকপা ৱাথোকশিং দিপার্তমেন্তনা চপচাবা অশেংবা মতমদা য়েংশিল্লি।
কোরোনা লাইচৎকী য়েংলগা রামজান থা মনুংদা পুকচেল শেংনা অথিংবা, কার্ফিয়ু অমসুং মীয়াম থাপ্না লৈবা ঙাক্না চৎনবা রাজ্যশিংগী ৱাকফ বোর্দশিংদা মুক্তার অববাস নাগবীনা খঙহনখি
ঙসি মাইনোরিতি এফেয়ার্স মিনিস্তর অমসুং সেন্ত্রেল ৱাকফ কাউন্সিলগী চেয়রমেন মুক্তার অববাস নাগবীনা রাজ্য ৩০গী ৱাকফ বোর্দশিংগী ওফিসিয়েলশিংগা ৱারি শানখি অমসুং কোরোনা লাইচৎকী য়েংলগা এপ্রিল ২৪দগী হৌগদৌরিবা রামজান থা মনুংদা পুকচেল শেংনা অথিংবা, কার্ফিয়ু অমসুং মীয়াম থাপ্না লৈবা ঙাক্না চৎনবা রাজ্যশিংগী ৱাকফ বোর্দশিংদা মুক্তার অববাস নাগবীনা খঙহনখি । লৈবাক শীনবা থুংনা লৈরিবা স্তেৎ ৱাকফ বোর্দশিংগী মখাদা রেজিস্তার তৌরবা মোক্স, ইদিগাহ, ইমামবারা, দরগহ অমসুং লাইনিংগী লুপ লাখ ৭ হেন্না লৈরি । সেন্ত্রেল ৱাকফ কাউন্সিল অসি ভারতকী স্তেৎ ৱাকফ বোর্দশিং য়েংশিন্নবা বোদি অমনি।
এগ্রিকলচরগী রাজ্য মন্ত্রী কাইলাস চৌধুরিনা পুসা দিকন্তামিনেসন অমসুং সেনিতাইজিং তন্নেল হাংদোকখ্রে
আই সি এ আর-নিউ দিল্লিগী এগ্রিকলচরেল ইঞ্জিনিয়ারিং দিবিজন্না পুথোকপা পুসা দিকন্তামিনেসন অমসুং সেনিতাইজিং তন্নেল ঙসি এগ্রিলকচর অমসুং ফার্মরস ৱেলফিসারগী রাজ্য মন্ত্রী কাইলাস চৌধুরিনা হাংদোকখ্রে ।
ঐচ আর দি মিনিস্তরনা স্কুলশিংগী এন সি ই আর তিগী অতোপ্পা একাদেমিক কেলেন্দর অমা ফোংলে
কোভিদ-১৯না মহৈরোয়শিং মখোয়গী য়ুমদা লৈরিঙৈদা মখোয়গী মমা-মপা অমসুং ওজাশিংগা লোয়ননা লাইরিক লাইশু তম্নবা এম ঐচ আর দিগী লমজিং মখাদা এন সি ই আর তিগী অতোপ্পা একাদেমিক কেলেন্দর অমা ফোংলে ।
মহৈরোয়শিং অশোই-অঙাম থোকহন্দনবা অমসুং লাইরিক ফজনা তম্নবা কোলেজশিংদা এ আই সি তি ইনা খঙহনখ্রে
কোভিদ-১৯ লাইচৎ মনুংদা অশোই-অঙাম থোকহন্দনবা চেকশিন-থৌরাংশিং পায়খৎনবা কোলেজশিং অমসুং ইন্সতিতুসনশিংদা এ আই সি তি ইনা খঙহনখ্রে । মসিগী অৱাবা তারবা মতম অসিদা অথিংবা লৌথোক্ত্রি ফাওবা অমসুং মহৌশাগী পুন্সিদা হল্লক্ত্রি ফাওবা কোলেজশিং অমসুং ইন্সতিতুসনশিংনা ফিশিং পীনবা তকশিল্লোইদবনি ।
এস এস সিনা পরিখাগী মতম লাউথোকপা
হৌজিক থম্লিবা অথিংবা অসি য়েংলগা, কেন্দিদেৎশিংনা লৈবাক্কী মফম কয়াদগী চৎথোক-চৎশিন তৌবা দরকার ওইবা মরম্না, পরিখা খুদিংমক্কী মতম অমুক হেন্না লেপ্নবা এস এস সিনা ৱারেপ লৌরে । হায়রিবা পরিখাশিং অসিগী অনৌনা লেপ্লবা মতম অদু কম্মিসনগী ৱেবসাইত অমসুং মসিগী রিজনেল /সব-রিজনেল ওফিসশিংদা নোতিস থোক্কনি । অতোপ্পা পরিখাশিংগী মতম য়েংলগা কম্মিসন্না চহিগী ওইনা থোকপা পরিখাশিংগী মতম অমুক হন্না য়েংশিনগনি । এস এস সিগী ওফিসারশিং অমসুং স্তাফ মেম্বরশিংগী নোংমগী তোলোব পি এম-কিয়ারস ফন্দদা মতেং পাংনবা ৱারেপ লৌখি ।
কোভিদ-১৯গী অথিংবা থম্লিবা মনুংদা অহলশিং অমসুং মখোয় শেবা তৌরিবশিংদা চেকশিনৱা পীরি
খুঙ্গংগী মফমশিংদা কোভিদ-১৯ শন্দোরকপা থিংনবা লৈবাক্কী মফম কয়াদা গ্রাম পঞ্জয়তশিংনা অকনবা থবকশিং পায়খৎলি
নুমিৎ খুদিংগী মীয়ামগী মফমশিং হিদাক কাপথোকপা; লায়রবশিং অমসুং শিন্মীশিংগী লৈফম অমসুং ক্বারেনতাইন সেন্তরশিং শেমগৎপা; পি পি ই পীবা; লায়রবশিং চানবা অমসুং শেনগী মতেং পীবা অমসুং লায়না অসিগী মতাংদা মীয়ামদা ৱাখল তাহনবা য়াওনা জিলা অমসুং খুঙ্গংগী থাক্ত তোঙান-তোঙানবা থবক কয়া পায়খৎলি ।
কোভিদ-১৯ শন্দোরকপদা অকক্নবা মফমগী লাল্লোংশিং পায়খৎপা অমসুং ৱারেপ লৌবদা ইন্তেগ্রেতেদ জিওস্পসিয়েল প্লেতফোর্মনা মতেং পাংলি
কোভিদ-১৯ লাইচৎ মনুংদা ৱারেপ লৌবদা মতেং পাংনবা অমসুং খুন্নাই অমসুং শেন-থুমদা পীরবা চৈথেং থেংননবা অকক্নবা মফমশিংগী লাল্লোং শেম্বদা মতেং পাংনবা হৌজিক ফংলিবা জিওস্পসিয়েল দেতাসেতশিং, থবকশিং অমসুং এনালাইতিক তুলশিংদগী সাইন্স অমসুং তেক্নোলোজি দিপার্তমেন্তনা ইন্তেগ্রেতেদ জিওস্পসিয়েল প্লেতফোর্ম অমা শেম্লে ।
দি আর দি ওনা পি পি ই চাংয়েং তৌবগী থবক দি আর দি ই গ্বালিয়রদগী ইনমাস দিল্লিদা হোংলে
মতম থিন্থবা তোক্নবা অমসুং অমসুং পি পি ইশিং অমসুং মাক্সশিং অথুবদা ফংহন্নবা দি আর দি ওনা চাংয়েং তৌনবা দি আর দি ই গ্বালিয়রদা পাংথোক্লম্বা থবকশিং অদু ইন্সতিতুৎ ওফ নিউক্লিয়র মেদিসিন অমসুং এল্লাইদ সাইন্সেস(ইনমাস) দিল্লিদা হোংলে
https://pib.gov.in/PressReleseDetail.aspx?PRID=1615019
“দেখো অপনা দেস” ৱেবিনার সেরিজগী মখাদা ঙসি তুরিজম মিনিস্ত্রিনা মসিগী অনিশুবা ৱেবিনার পাংথোক্লি
ভারতমচাশিং মখোয় মশাগী লৈবাক্কী মরমদা খঙবা হেনগৎনবা অমসুং তুরিজম ইন্দস্ত্রিগী মরি লৈনবশিং , মহৈরোয়শিং অমসুং মীয়াম তুরিজমগী লমদা লৌশিং হেনগৎনবা “দেখো অপনা দেস” হায়রিবা পান্দম অসিগী মখাদা হৌজিক তুরিজম মিনিস্ত্রিনা ৱেবিনার সেরিজ অমা চৎথরি ।
https://pib.gov.in/PressReleseDetail.aspx?PRID=1615015
পৱার সি পি এস য়ু এন তি পি সিনা মসিগী হোস্পিতাল ৪৫ কোভিদ-১৯ লায়েংবদা শীজিন্নরি
পি এস য়ু অসিনা দিল্লি অমসুং ওদিসাদা লৈবা হোস্পিতাল অনি কোভিদ-১৯ থেংননবা রাজ্য সরকারশিংদা শীন্নরে । পি এস য়ু অসিনা কোভিদ-১৯ থেংন্নবা আইসোলেসন ফম্মুং ১৬৮ শেম্লে , গিয়র ১২২ হেন্না ফংহল্লে ।
https://pib.gov.in/PressReleseDetail.aspx?PRID=1614995
জুম মীতিং প্লেতফোর্ম চেকশিন্না শীজিন্ননবা এম ঐচ এনা চেকশিনৱা পীরি
লনাই মীওইশিংনা জুম মীতিং প্লেতফোর্ম চেকশিন্না শীজিন্ননবা হোম এফেয়ার্স মিনিস্ত্রিগী সাইবর কোওর্দিনেসন সেন্তরনা চেকশিনৱা পীরি । মসিগী প্লেতফোর্ম অসি সরকারগী ওফিসারশিং/ ওফিসিয়েলশিংনা ওফিসকী থবক্কী শীজিন্ননবা নত্তে হায়রি ।
https://pib.gov.in/PressReleseDetail.aspx?PRID=1615008
পি আই বী ফিল্ড ওফিসশিংদগী ফংবা পাউ
- অরুনাচল প্রদেস : পি এম জ এক এ ৱাইগী মখাদা রাজ্য অসিনা কেন্দ্র সরকারদগী চেং এম তি ১২,৩৬১ ফংলে ।
- অসাম : অথিংবা মনুংদা ক্লাস তৌখিদবা অদু মেনখৎনবা গৌহাতি য়ুনিভর্সিতিনা য়ুনিভর্সিতি মশাগী অমসুং এফিলিয়িতেদ কোলেজশিংগী কালেন ছুতি থাররোই ।
- মনিপুর : রাজ্যগী মপান্দা পন্দুনা লৈরিবা মীওই ৩৭৭১দা লুপা ২০০০ পীরে । লেমহৌরিবা মীওই ১১,০০০দা নুমিৎ ২-৩গী মনুংদা পীরগনি হায়না সি এমনা হায়রি ।
- নাগালেন্দ : রাজ্য অসিদা থবক মফমশিংদা তঙাইফদনা থরমেল স্ক্রিন্নিং তৌবা অমসুং সেনিতাইজর ফংহন্নবা সরকারনা থবক পায়খৎলে।
- ত্রিপুরা : অনিশুবা অনাবা মীওইগা য়াম্না নক্নবা মীওই ১৬ তেস্ত তৌবদা নেগেতিব ওইরে ।
- মহারাস্ত্রা : কোভিদ-১৯ কেস ৩০০০ হেনবা ভারতকী অহানবা রাজ্য মহারাস্ত্রানা ওইরে । ঙসি অনৌবা কেস ১৬৫ থেংনদুনা অপুনবা কেস ৩০৮১ য়ৌরে।
- গুজরাত : অহেনবা মীওই ১০৫ পোজিতিব ওইবদগী রাজ্য অসিগী অপুনবা কোভিদ-১৯ কেস ৮৭১ য়ৌরে । রাজ্য অসিদা শিখিবা মশিং ৩৬ য়ৌরে।
- রাজাস্থান : রাজ্য অসিদা অনৌবা কেস ১৮ থেংনরে । মসিগী থারগা রাজ্য অসিগী অপুনবা কেস ১০২৩ য়ৌরে।
- মৈধ্য প্রদেস : ইন্দোর খক্তদা মীওই ৪২ পোজিতিব ওইদুনা রাজ্য অসিগী অপুনবা কোভিদ-১৯ কেস ৯৮০ য়ৌরে । রাজ্য অসিদা হৌজিক ফাওবদা মীওই ৫৫ শিরে।
- গৱা : এপ্রিল ৪দগী রাজ্য অসিদা হৌজিক ফাওবদা অনৌবা কেস অমতা থেংনদ্রি । নোর্থ গৱাগী কেস ৭কী মনুংদা কেস ৫ অনাবা ফরে অমসুং কেস অনি হৌজিক লায়েংলি।
- কেরলা : রাজ্য অসিদা এপ্রিল ২০দগী লৌউবা, কোইয়র, কাজু, হেন্দিক্রাফ অমসুং বিরিগী থবকশিং কোমথোক্লগনি । ঙরাং অনৌবা কেস অমা থেংনখি । কেস ৩৮৭গী মনুংদা কেস ২১৮ অনাবা ফরে ।
- তামিলনাদু : ঙসি তুরুচি হোস্পিতালদগী কোভিদ অনাবা মীওই ৩২ দিসচার্জ তৌখি । অপুনবা কেস ১২৪২ য়ৌরে; মসিগী মনুংদা কেস ১১১৩ দিল্লিগী মফম অমদগী লৌনরকপনি ; মীওই ১২ শিরে; মীওই ১১৮ দিসচার্জ তৌখ্রে ।
- করনাতাকা : মেদিয়াদা ঙসি অনৌবা কেস ৩৪ অমসুং মীওই অমা শিবগী পাউ লৈখি। রাজ্য অসিদা হৌজিক ফাওবদা অপুনবা কেস ৩১৩; ১৩ শিখ্রে; একতিব কেস ১৮৭ অমসুং অনাবা ফখিবা ৮০ নি ।
- অন্ধ্র প্রদেস : ঙসি অনৌবা কেস ৯ থেংনখি । অপুনবা কেস ৫৩৪; দিসচার্জ ২০; শিখিবা ১৪; একতিব কেস ৫০০ নি । রাজ্য অসিনা কন্ত্রেক ওইনা দোক্তরশিং থবক লৌনবা নোতিস থোক্লে ।
- তেলাঙ্গানা : লায়রবশিংদা চানবা ফংহননবা তেলাঙ্গানা হায় কোর্তনা রাজ্য সরকারদা খঙহনখ্রে । মেদিকেলগী স্তাফশিং ফুবা মীওইশিং অকনবা চৈরাক পীনবা কোর্তনা রাজ্য সরকারদা খঙহনখি । হৌজিক ফাওবদা অপুনবা কেস ৬৫০; একতিব কেস ৫১৪; শিখিবা ১৮; দিসচার্জ ১১৮ নি।
- জম্মু অমসুং কাস্মির : ঙসি অনৌবা কেস ১৪ থেংনখি , অপুনবা কেস ৩১৪ য়ৌরে।
Fact Check on #Covid19
(Release ID: 1615203)
Visitor Counter : 314
Read this release in:
English
,
Urdu
,
Hindi
,
Marathi
,
Assamese
,
Bengali
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam