ভারতকী উপ-রাস্ত্রপতি, শ্রী এম. ভেনকৈয়া নাইদুনা ঙসি য়ুনিভর্সিতী অমসুং এজুকেশনগা মরি লৈনবা ইনস্তিত্যুশনশিংদা লোকদাউন তৌরিঙৈ মনুং অসিগী তৌগদবা একাদেমিক কেলেন্দরগী থবক থৌরমশিং মখা তানা চৎথবদা অপনবা লৈতনবাতেক্নোলোজীগী কান্নবা অদু মপুং ফানা লৌনবা হায়খ্রে।

উপ-রাস্ত্রপতিনা দিল্লী, হাইদ্রাবাদ, পোন্দিচেরী, পঞ্জাব, মখনলাল চতুর্বেদি য়ুনিভর্সিতীশিংগী ভাইস চানসেলর অমসুং ইন্দিয়ান ইন্সতিত্যুৎ ওফ পব্লিক এদমিনস্ত্রেশনগী দাইরেক্তরগা লোইননা ভিদিও কনফরেন্সকী খুথাংদা ৱারী ৱাতাই শানবা মতমদা, হৌজিক লৈরিবা ফিভম অসিনা হান্নগী মতৌগুম হঞ্জিল্লকপদা মতম খরা চংখিগনি হায়বদু মহাক্না উবা ফংখি অমসুং কোবিদ-১৯ লাইচৎনা মরম ওইরগা থোকহনবা অকাইবা অপনবশিং অসিবু ঙম্নবগীদমক্তা মখোয়না করম্বা পোরম নত্রগা পাম্বৈ লৌখৎকদগে হায়বগী মতাংদা হংখ্রে।

আই.আই.পি.এ.গী প্রসিদেন্ত অমসুং য়ুনিভর্সিতী অহুমগী চানসেলরশু ওইরিবা উপ-রাস্ত্রপতিনা ইনস্তিত্যুশনশিংদা মহৈরোইশিংগা পাউ ফাওদোক্নদুনা, কোলাবোরেতিব লর্নিং অমসুং সেল্ফ লর্নিং অসিবু শৌগৎকদবনি হায়খ্রে। মহাক্না মহৈরোই খুদিংমক্কী ওইনা ইনতরেক্তিব লর্নিং সোইদনা ফংহন্নবগীদমক্তা ইনস্তিত্যুশনশিংনা তেক্নোলোজিকেল তুলশিং অদু খ্বাইদগী হেন্না ফগদবা মওংদা শিজিন্ননবা পাম্মি। মহাক্না মখা তানা, তেক্নোলোজী সিজিন্নদুনা লোকদাউন মনুংদা তাকপী তম্বীবগী থওং অসি লেপতনা চৎথনবগীশু হায়খ্রে।

কোরোনা ভাইরসনা থোকহল্লিবা অৱাবা অসিনা মরম ওইরগা মীপুম খুদিংমক্তা অনৌবা পাম্বৈশিং থিনবগীদমক্তা ইনশিনবগী মওং অমা উবা ফংই, তাকপী তম্বীবগী থবক থওংশিং অসিবু অপনবা লৈতনা চৎথনবগীদমক্তা মথৌ তাবা খোংথাংশিং লৌখৎপগীদমক্তা শ্রী নাইদুনা য়ুনিভর্সিতীশিংবু থাগৎপা ফোংদোকখি। মহাক্না ফোংদোকখি মদুদি ওনলাইন কোর্সশিংনা ফেস-তু-ফেস লর্নিংগী মহুৎ হায়না, ‘মসিনা খুদোংথিরবা মতম অসি লান্থোখরবা মতুংদা চৎনবী ওইরকপা য়াই” হায়নশু হায়খি।

উপ-রাস্ত্রপতিনা য়ুনিভর্সিতীশিং অমসুং এজুকেশনগা মরি লৈনবা ইনস্তিত্যুশনশিংনা হোস্তেলদা লৈরিবা মহৈরোইশিংগী হকচাং শোক্তনবা চেকশিন থৌরাং লৌনবা হাইখি। মহাকনা মখোয়দা সোসিয়েল দিস্তেন্সিং ইন্নবা অমসুং সরকার অমসুং হেল্থ এক্সপর্তশিংনা পীরক্লিবা আইসোলেশনদা লৈবগী পাউতাকশিংবুশু য়াম্না চেকশিন্না ইনবীয়ু হায়নশু হায়রক্লি।

শ্রী নাইদুনা মহৈরোইশিংদা লোকদাউন মতমসিদা অফবা চিঞ্জাক চাবগী হৈনবি, নোংমগী শোয়দনা হকচাং শাজেল তৌবা অমসুং তুমিন্না রফমজিন্দুনা লৈবগী পুন্সি মহিং অদু থাদোকপা, মরু ওইনা মহৌশাগা লোইনদুনা লৈমিন্নবগী তঙাইফদবগী মতাংদশু হায়খি।

শ্রী নাইদুনা য়ুনিভর্সিতীশিংদা মহৈরোইশিংনা মখোয়গী মতমশিং অদু মরম চানা শিজিন্ননবা অমসুং মখোয়না পীরিবা ই-লর্নিংগী মেতরিয়েলশিং অদুগী খুদোংচাবা লৌবগী মতাংদা তাকপীনবা হায়রকখ্রে। মহাক্না মহৈরোয়শিংদা মোবাইল ফোনদা মতম য়াম্না মাংহনদনবা অমসুং লোকদাউন মতমশিদা অনৌবা লোন অমা তমশিন্নবশু হায়খি। অসিদা নত্তনা, মখোয়না ইমুংগী মনুংগী মীওইশিংগশু চপ চানা মতম খাইদোক্তুনা লৈমিন্নগদবনি হায়নশু হায়খি।

উপ-রাস্ত্রপতিনামহৈরোয়শিংদা মখোয়-মখোয়না লৈরিবা মফমশিং অদুদা এন.জি.ও.শিংনা পাংথোকপা সোসিএল সর্ভিসশিংদা শরুক য়ানবগী পাওতাকশু পীখি। মহাক্না প্রজাশিংগী মফমদা সরকারনা মতম-মতমগী মতুং ইন্না পীরিবা গাইদলাইনশিং অসি য়াম্না চেকসিন্না পাংথোক্নবসু নীংশিংখি।

উপ-রাস্ত্রপতিগী সেক্রেতরি, দা.আই.ভি. সুব্বারাওশু য়াওখি।