ভারত সরকারনা রাজ্যশিং/য়ু.তি.শিংগা খুৎশম্নদুনা কোবিদ-১৯গী লায়চত্তগী ঙাকথোক্নবা, হেন্না মখা তানা শন্দোকপা থীংনবা অমসুং লাকশিন্নবা হায়দুনা পুন্না থৌদরাং কয়া অমা লৌখৎলি। থৌরাংশিং অসি অৱাংবা থাক্তা চাং নাইনা শেন্নদুনা য়েংশিল্লি।  

ইকাইখুম্ননীংঙাই ওইরবা ভারতকী প্রধান মন্ত্রী শ্রী নরেন্দ্র মোদীনা ঙসি লৈবাক অসিগী মীয়ামদা হায়খিবা ৱাফম অমদা মখাদা পীরিবা ৱারোল তরেৎ অসিগী মতুং ইন্না প্রজা মীয়াম্না মতেং পাংবীয়ু হায়না ফোংদোকখি।

ক. য়ুম য়ুমশিংদা লৈবা অহলশিংবু, মরু ওইনা য়াম্না কুইনদগী লায়না অমা নারক্তুনা লৈবশিং, নীংথিনা অমসুং চেকশিন্না য়েংশিনবীদুনা থম্বীবা। 

খ. লোকদাউনগী কাংলোনশিংবু মপুং ফানা ইন্দুনা চৎপা অমসুং সোসিএল দিস্তেনশিং তৌবা। য়ুমদা শাবা মায় কুপ্নবা মাস্ক শোইদনা শিজিন্নবা।

গ. অয়ুশ মন্ত্রালয়না তাকপগী মতুং ইন্না লুম্বু লুম্বু শাবা ঈশিং “করহা” শিজিন্নদুনা ইম্যুনিতী কলহনবা। 

ঘ. কোরোনাগী লায়চৎ শন্দোকপা থীংবদা মতেং পাংনবা আরোগ্যা সেতু মোবাইল এপ দাউনলোদ তৌবা। 

ঙ. লায়রবা ইমুংশিংদা মখোইগী চান-থক্নবা ফংহনবদা মতেং পাংবা।

চ. নহাক্কী কারবারদা নত্ত্রগা ইন্দস্ত্রীদা থবক তৌরিবা মীওইশিংবু মখোইগী হিংনবগী লম্বী থদৎপীদনা নুংশিনা মতেং পাংবীবা।

ছ. ঐখোইগী লৈবাক্কী কোরোনাগা লান্থেংনরিবা মীওইশিংবু – দোক্তরশিং, নর্সশিং, লম তু লু-নান্না লৈহল্লিবা থৌমীশিং অমসুং পুলিস্কী মীওইশিংবু ইকাই খুম্নবা।  

হকশেল অমসুং য়াইফ-য়ুম্বাল মন্ত্রালয়না রাজ্যশিং/য়ু.তি.শিংগা খুৎশম্নদুনা লমদম অসিগী হকশেল ফগৎহন্নবা পোৎলমশিং হেন্না ফগৎহন্নবা থৌরাং কয়া অমা লেপ্তনা অমসুং অকনবা মওংদা চত্থরি। হৌজিক ফাওবদা আইসোলেসন বেদ ১,০৬,৭১৯ অমসুং আই.সি.য়ু. ১২,০২৪ লৈবা কোবিদ-১৯ খক্কী ওইবা অনা লায়েংশং পুন্না ৬০২ হাংদোকখরে।  

ভারত সরকারগী ওইবা প্রিন্সিপাল সাইন্তিফিক এদভাইজরগী ওফিসনা মী য়াম্না কুংনা তাবা রাজ্যশিংদা কোবিদ-১৯গী লায়ওংদগী ঙাকথোক্নবা চৎন কাংলোন অমসু পুথোকখরে। চৎনা কাংলোন অসিনা মরু ওইনা পান্দম থম্লিবা অসি মীপুম খরনা পুন্না শিজিন্নবা অমাংশঙ, খুৎ-শা চামফম অমসুং ইরুজফমশিংদা হেন্না মিৎয়েং চংদুনা শেল চংদবা অমসুং য়াম্না চম্বা মওংদা লু-নান্না অমসুং হকচাং ফনা লৈনবা লৌখৎকদবা থৌদাংশিংদনি।

ঙরাংদগী হৌজিকফাওবদা কোবিদ-১৯গী অনৌবা কেস মশিং ১২১১ অমসুং মী শীবগী মশিং ৩১ হেনগৎলে। মীওই ১০৩৬তি লায়ওং অসিদগী মায় পাক্না ফগৎলক্তুনা য়ুমদশু হনখরে।  

কোবিদ-১৯গী মরী লৈনবা অচুম্বা অমসুং খ্বাইদগী অনৌবা তেক্নিকেল ইস্যুশিং, চৎনা কাংলোনশিং অমসুং পাউতাক কয়া খংনবগীদমক চাং নাইনা https://www.mohfw.gov.in/ অসিদা চংবীয়ু।

কোবিদ-১৯গী মরী লৈনবা তেক্নিকেল ওইবা খঙনীংবশীংগী ওইনা technicalquery.covid19[at]gov[dot]in অসিদা ইমেল তৌবীয়ু অমসুং অতোপ্পা খঙনীংবশীংগী ওইনা ncov2019[at]gov[dot]in অসিদা ইমেল তৌবীয়ু।

করিগুম্বা কোবিদ-১৯গী মতাংদা খঙবীনীংবা লৈরবদি হকশেল অমসুং য়াইফ-য়ুম্বাল মন্ত্রালয়গী হেল্পলাইন নম্বরঃ +৯১-১১-২৩৯৭৮০৪৬ নত্ত্রগা ১০৭৫ (তোল-ফ্রী)দা ফোন তৌবীয়ু। রাজ্যশিং/য়ু.তি.শিংগী ওইবা কোবিদ-১৯গী হেল্পলাইন নম্বরশিং অসি https://www.mohfw.gov.in/pdf/coronvavirushelplinenumber.pdfদা ফংগনি।