কোবিদ-১৯ থেংননবা পুন্না হোৎনবা অমগী থোংদা, ভারত সরকারনা লৈবাক অসিদা কোবিদ-১৯ ঙাকথোক্নবা অমসুং মেনেজমেন্তকীদমক রাজ্যশিং/য়ুনিয়ন তেরিতোরীশিংগা লোয়ননা তোঙান-তোঙানবা খোংথাং কয়া পায়খৎলি। মসিবু চাং নাইনা অৱাংবা থাক্তা মোনিতর তৌরি।

লৈবাক অসিগী গবর্নমেন্ত অমসুং প্রাইবেৎ মেদিকেল কোলেজশিংদা অথুবা মতমদা কোবিদ-১৯ তেস্তিংগীদমক কেপাসিতী হেঙ্গৎহন্নবা লৈবাক অসিগী তোঙান-তোঙানবা অৱাংবা ইন্সতিত্যুসনশিংবু চপ মান্ননা থৌদাং লৌহন্নবগীদমক পাউতাক পীখ্রে। ইন্সতিত্যুসনশিং অসি মখোয়দা এলোৎ তৌরিবা মফমশিংদা মেদিকেল কোলেজশিংগী মেন্তর ওইনা মথৌ তৌগনি অমদি মরী লৈনবা রাজ্যশিংদা কোবিদ-১৯ তেস্ত তৌবগী খুদোংচাবশিং ফংহনগনি হায়না আশা তৌরি। ইন্সতিত্যুৎ পুম্নমক অসিবু মরী লৈনবা রাজ্য সরকারশিংগা নক্ননা থবক তৌমিন্ননবা পাউতাক পীখ্রে।

লৈবাক অসিদা ঙরাংদগী কোবিদ-১৯ কনফর্ম কেসতা কেস ৯০৯ হেঙ্গৎলকপা উবা ফংলি। ঙসি ফাওবদা মীওই ৭১৬ ফিভম ফগৎলক্লবা মতুং দিসচার্জ তৌখ্রে অমদি মীওই পুন্না ২৭৩ লৈখিদবগী রিপোর্ত তৌরকখ্রে।

সরকারনা প্রাইমরী মেদিকেল ইনফ্রাস্ত্রকচর হেঙ্গৎহনবদসু মিৎয়েং থম্লি মদুদা কত্থোক্লবা হোস্পিতালশিং, আইসোলেসন বেদশিং, আই.সি.য়ু. বেদশিং অমসুং ক্বরেন্তাইনগী খুদোংচাবশিং য়াওরি। লৈবাক পুম্বদা ১২.০৪.২০২০ ফাওবদা কেস ৮৩৫৬কীদমক দরকার ওইরিবা বেদ অসি ১৬৭১ ওইগনি হায়না পানবা মতমদা কত্থোক্লবা কোবিদ-১৯ হোস্পিতাল ৬০১দা হৌজিক লৈরিবা বেদ অসি ১,০৫,৯৮০নি। লৈবাক পুম্বদা কত্থোক্লবা হোস্পিতালশিংদা আইসোলেসন বেদকী মশিং মখা তানা হেঙ্গৎহল্লি।

কোবিদ-১৯ অনাবশিংগী মেনেজমেন্তকীদমক লৈবাক পুম্বদা কত্থোক্লবা হোস্পিতাল খোংজেল য়াংনা লিংখৎলি। সরকারগী হোস্পিতালশিংগা লোয়ননা তোঙান-তোঙানবা প্রাইবেৎ সেক্তর হোস্পিতালশিং, পব্লিক সেক্তর য়ুনিৎশিং, মিলিতরী হো্পিতালশিং, ইন্দিয়ন রেলৱেনা হোৎনরিবশিং অসিদা থৌদাং য়ারি। মনুং হুঞ্জিনবা মফমশিংদা মেদিকেল ইনফ্রাস্কচর হেনগৎহন্নবা ওর্দিনান্স ফেক্তরী বোর্দনা অখন্নবা তেন্তশিং শাদুনা পুথোক্লি।

শেম-শাদুনা হোৎনরিবশিংগী শরুক ওইনা এম্স, নিমহান্সগুম্বা নেস্নেল ইম্পোর্তেন্সকী ইন্সতিত্যুৎশিংগী থোংদা হেল্থ স্তাফশিংবু ত্রেনিং পীনবসু মিৎয়েং থম্লি। মসিগী ইন্সতিত্যুৎশিং অসিনা ভেন্তিলেতর মেনেজমেন্ত, ক্লিনিকেল মেনেজমেন্ত, ইনফেক্সন প্রিবেন্সন কন্ত্রোল, বাইও-মেদিকেল ৱেস্ত মেনেজমেন্ত, অমসুং ইপিদেমিয়োলোজীগীদমক ওনলাইন ত্রেনিং মোদুলশিং অমসুং ৱেবিনিয়রশিং শিল্লি। ফ্রন্তলাইন মেদিকেল ৱার্করশিং শেম শানবা মোক দ্রিলশিংসু শিল্লি। 

কোবিদ-১৯গা মরী লৈনবা তেক্নিকেল ইসুশিং, গাইদলাইনশিং অমসুং এদভাইজরীদা ওথেন্তিক অমসুং অপদেৎ ওইবা ইনফোর্মেশন পুম্নমক্কীদমক চানবীদুনা চাং নাইনা ভিজিৎ তৌবীয়ু  https://www.mohfw.gov.in/.

কোবিদ-১৯গা মরী লৈনবা তেক্নিকেলগী ৱাহংশিং technicalquery.covid19[at]gov[dot]inদা অমসুং অতোপ্পা ৱাহংশিং ncov2019[at]gov[dot]inদা ইমেল তৌবীরকপা য়াগনি।

কোবিদ-১৯দা করিগুম্বা মখল অমা হেক্তগী ৱাহং লৈরগদি হকশেল অমসুং য়াইফ-য়ুম্বাল মন্ত্রালয়গী হেল্পলাইন নম্বর +91-11-23978046 নত্ত্রগা 1075 (তোল-ফ্রী)দা চানবীদুনা কোল তৌবীরকউ। কোবিদ-১৯দা রাজ্যশিং/য়ুনিয়ন তেরিতেরীশিংগী হেল্পলাইন নম্বরশিংগী লিস্ত মখাগী অসিদগী ফংবীগনি https://www.mohfw.gov.in/pdf/coronvavirushelplinenumber.pdf