نئی دہلی،  12 اپریل 2020،   ملک میں کووڈ۔ 19 کا مقابلہ کرنے کے لئے اجتماعی کاوشوں کے ذریعے ، حکومت ہند ریاستوں / مرکز کے زیر انتظام خطوں کے ساتھ مل کر کووڈ۔ 19 کی روک تھام، کنٹرول اور انتظام کے لئے متعدد اقدامات اٹھا رہی ہے۔ اعلی سطح پر ان کا باقاعدگی سے جائزہ لیا جارہا ہے اور نگرانی کی جارہی ہے۔

فوری طور پر ملک کے تمام سرکاری اور نجی میڈیکل کالجوں میں کووڈ۔ 19 ٹیسٹ کی صلاحیت کو بڑھانے کے لئے ، یہ ہدایت کی گئی ہے کہ وہ اس ذمہ داری کو پورے ملک کے نامور اداروں میں یکساں طور پر تقسیم کریں۔ ان اداروں سے توقع کی جاتی ہے کہ وہ اپنے مختص شدہ علاقے میں میڈیکل کالجوں کے سرپرستوں کی حیثیت سے خدمات انجام دیں گے اور متعلقہ ریاستوں میں کووڈ۔ 19 ٹیسٹ کی سہولیات کے قیام کو سہل بنائیں گے۔ ان تمام اداروں کو متعلقہ ریاستی حکومتوں کے ساتھ قریبی اشتراک اور ہم آہنگی کے ساتھ کام کرنے کی ہدایت کی گئی ہے۔

کل سے ملک میں کوویڈ 19 تصدیق شدہ کیسوں میں 909 کیسوں کا اضافہ درج کیا گیا ہے۔ صحت یاب ہونے کے بعد 716 افراد  کو اسپتالوں سے چھٹی دی گئی ہے اور آج تک مجموعی طور پر 273 اموات کی اطلاع ملی ہے۔

حکومت پرائمری میڈیکل انفراسٹرکچر کی گنجائش اور صلاحیت بڑھانے پر بھی توجہ دے رہی ہے جس میں وقف شدہ اسپتال، آئسولیشن  بستر ، آئی سی یو بیڈ ، اورکوارنٹائن کی سہولیات شامل ہیں۔ 12 فروری 2020 تک، جبکہ 8356 معاملات کے لئے بستروں کی ضرورت 1671 (اعتدال والے اور سنگین / سنگین علامات کے ساتھ تصدیق شدہ 20 فیصدمعاملات) کا تخمینہ لگایا گیا ہے ،ملک بھر کے 601 وقف شدہ اسپتال کووڈ۔ 19 میں بستروں کی موجودہ دستیابی105980ہے ۔ ملک بھر میں وقف شدہ اسپتالوں میں آئسولیشن بستروں کی تعداد کو مزید بڑھایا جارہا ہے۔

ملک بھر میں تیزی سے کووڈ۔ 19 مریضوں کے انتظام کے لئےوقف اسپتال قائم کیے گئے ہیں۔ سرکاری اسپتالوں کے ساتھ ساتھ، نجی شعبے کے مختلف اسپتالوں ، پبلک سیکٹر یونٹ ، فوجی اسپتالوں ، ہندوستانی ریلوے ان کوششوں میں ااپنا تعاون  دے رہے ہیں۔ آرڈیننس فیکٹری بورڈ نے دور دراز علاقوں میں طبی بنیادی ڈھانچے کو بڑھانے کے لئے خصوصی خیمے تیار کیے ہیں۔

تیاری کی کوششوں کے ایک حصے کے طور پر ، صحت کے عملے کی تربیت بھی قومی اہمیت کے حامل اداروں جیسے ایمس ، نم ہنس کے ذریعہ توجہ کا مرکز ہے۔ ان اداروں کے ذریعہ وینٹیلیٹر مینجمنٹ ، کلینیکل مینجمنٹ ، انفیکشن سے بچاؤ کنٹرول ، بائیو میڈیکل ویسٹ مینجمنٹ ، اور وبائی امراض کے لئے آن لائن ٹریننگ ماڈیولز اور ویبینرز کا اہتمام کیا گیا ہے۔ فرنٹ لائن میڈیکل ورکرز کی تیاری کے لئے  ، ماک ڈرل کا بھی اہتمام کیا جارہا ہے۔

کووڈ۔ 19 سے متعلق تکنیکی مسائل، رہنما خطوط اور مشوروں سے متعلق مستند اور تازہ ترین معلومات کے  لئے براہ کرم باقاعدگی سے رابطہ کریں: https://www.mohfw.gov.in/۔

کووڈ۔ 19 سے متعلق تکنیکی سوالات تکنیکی technicalquery.covid19[at]gov[dot]in پر تکنیکی دریافت کو ncovid19[at]gov[dot]in اور دیگر سوالات پر ای میل کیے جاسکتے ہیں۔

کووڈ۔ 19 سے متعلق کوئی سوالات ہونے کی صورت میں ، براہ کرم وزارت صحت اور خاندانی بہبود کی ہیلپ لائن نمبر پر رابطہ کریں: +91-11-23978046یا 1075 (ٹول فری) کووڈ۔ 19 پر ریاستوں / مرکز کے زیر انتظام علاقوں کی ہیلپ لائن نمبروں کی فہرست بھی https://www.mohfw.gov.in/pdf/coronvavirushelplinenumber.pdf پر دستیاب ہے۔

۔۔۔۔۔۔۔۔۔۔۔

م ن۔  ش ت۔ن ا۔

U-1657