রেলৱে মন্ত্রালয়

ইন্দিয়ন রেলৱেজনা য়াম্না খোংজেল য়াংনা পি.পি.ই. ওভর্ওল পুথোক্লগনি

রেলৱেজনা রেলৱেগী দোক্তরশিং অমসুং পেরামেদিকশিংগীদমক নুমিৎ খুদিংগী প্রোতেক্তিব ওভর্ওল পুথোক্লগনি

মতমগী মথৌ তাবা অদু য়েংদুনা রেলৱেনা ফ্রন্ত লাইন্দা লৈরিবা অতোপ্পা মেদিকেল প্রোফেস্নেলশিংদা ওভর্ওল চাদা ৫০ সপ্লাই তৌনবা খন্নরি

জগধারীদা লৈরিবা রেলৱে ৱার্কশোপতা অহানবা ওইনা অসিগুম্লবা ওভর্ওল থৌরাং তৌরি। চাউরাক্না রেলৱে ৱার্কশোপ ১৭তসু অথুবা মতমদা পুথোকপগী থবক হৌরগনি

Posted On: 07 APR 2020 12:45PM by PIB Imphal

ইন্দিয়ন রেলৱেজনা মিশন মোদ অমদা মখোয়গী ৱার্কশোপশিংদা পি.পি.ই. ওভর্ওল পুথোকপা হৌরে। জগধারী ৱার্কশোপনা পুথোকপা ওভর্ওল অমা হন্দক্তা দি.আর.দি.ও.গী লেব অমনা অয়াবা পীরক্লে। অয়াবা পীরবা দিজাইন অমসুং মেতরিয়েলদা য়ুম্ফম ওইরগা তোঙান-তোঙানবা জোনশিংগী মখাদা লৈরিবা অতোপ্পা ৱার্কশোপশিংনা প্রোতেক্তিব ওভর্ওল অসি পুথোক্লগনি। রেলৱেগী হোস্পিতালশিংদা কোবিদ-১৯ নারবা মীওইশিং য়েংশিনবগী থবক তৌরিবা রেলৱেগী ফ্রন্তলাইন দোক্তরশিং অমসুং পেরামেদিকশিংদা মসিগী পি.পি.ই. ওভর্ওল অসিদগী কান্নবা ফংলগনি।

রেলৱেগী দোক্তরশিং অমসুং পেরামেদিকশিংগীদমক নুমিৎ খুদিংগী অসিগুম্লবা প্রোতেক্তিব ওভর্ওল ১০০০ পুথোক্কনি। চাউরাক্না ৱার্কশোপ ১৭না এক্সর্সাইজ অসিদা থৌদাং লৌগনি। 

রেলৱেনা লৈবাক অসিগী অতোপ্পা মেদিকেল প্রোফেস্নেলশিংদা ইনোবেতিব পি.পি.ই. গার্মেন্তকী চাদা ৫০ সপ্লাই তৌনবা খন্নরি।

ওভর্ওল পুম্নমক্কী মেতরিয়েল পঞ্জাবতা অচৌবা তেক্সতাইল ইন্দস্ত্রী কয়াগা নক্ননা লৈরিবা জগধারীদগী মপুং ওইনা লৈরি।

লাক্কদৌরিবা নুমিৎ খরা অসিদা প্রদক্সন ফেসিলিতী মখা তানা হেঙ্গৎহল্লগনি। ইন্দিয়ন রেলৱেজনা মসিগী ওভর্ওল অমসুং ইনোবেসন দিবেলপ তৌরিবা অসি কোবিদকী মায়োক্তা শোক্নরিবা লান্দা শরুক য়ারিবা সরকারগী অতোপ্পা এজেন্সীশিংনা তরাম্না ওক্লি।  

মসি খঙজিনবা য়াই মদুদি রেলৱেনা মনুংদা হোৎনরিবা অসি ভারত সরকারদা হায়খিবা অমদা য়ুম্ফম ওইরি অমদি ইন্দেন্তকী থোংদা ঐচ.এল.এল.দসু খঙহনখ্রে।

অসুক য়াম্না তেনখ্রবা মতমদা পি.পি.ই. পুথোকপা অসি অতোপ্পশিংগীদমক তুং ইল্লক্নবা বেঞ্চমার্ক অমা সেৎ তৌরি অমদি মসিনা ফ্রন্ত লাইন্দা লৈরিবা মখোয়শিং অদুগীদমক মথৌ তাবা ঙাকথোক্নবা ফিজোল পুথোকপদা ইনোৎ পীরগনি। 

 



(Release ID: 1613209) Visitor Counter : 139


Read this release in: English , Urdu , Hindi , Marathi , Assamese , Bengali , Punjabi , Gujarati , Odia , Tamil , Telugu , Kannada , Malayalam