লৈবাক অসিদা কোবিদ-১৯দগী ঙাকথোক্নবা, য়েংশিন্নবা অমসুং শিল্লাংনবগীদমক রাজ্য/য়ুনিয়ন তেরিতোরীশিংগা লোইননা ভারত সরকারনা তোঙান তোঙানবা খোংথাং কয়া পায়খৎলি। মসিবু চাং নাইনা অৱাংবা থাক্তা মোনিতর তৌরি।

হকশেল অমসুং য়াইফ-য়ুম্বাল মন্ত্রালয়না ক্লস্তর কন্তাইনমেন্ত অমসুং আউৎমেন্ত কন্তাইমেন্তকীদমক্তা গাইদলাইন থাদোক্লি। সর্বিলেন্স, মোনিতরিং ক্বরেন্তাইন ফেসিলিতীশিং, চিংননীংঙাই ওইবা অনাবশিং খঙদোকপা অমসুং মখোয়গা শোক্ন-শম্নরুবশিং ক্বরেন্তাইন হোমদা থম্বা, মীয়ামদা অনৌবা ই-পাউ ফংহনবা, হীৎ মেপশিং শিজিন্নদুনা প্রিদেক্তিব এনলাইতিক্স তৌবা, এম্বুলেন্সশিং অমসুং দিইনফেক্সন সর্বিসশিংগী রিয়েল তাইম ত্রেকিং, দোক্তর অমসুং হেল্থকেয়র প্রোফেস্নরশিংদা ভর্চুএল ত্রেনিং পীবা অমসুং তোঙান তোঙানবা জিলাশিংদা তেলি-কাউন্সেলিংগীদমক্তা তেক্নোলোজীদা য়ুম্ফম ওইবা খোংথাংশিং পাইখৎলি।

মন্ত্রালয়না কোবিদ-১৯ মেনেজমেন্তকীদমক্তা অপদেৎ ওইরবা ত্রেনিং রিসোর্স মেতরিয়েল অমসুং ভিদিও মেতরিয়েল ফোংলে। মদু মসিদগী ফংবীগনিঃ https://www.mohfw.gov.in/

কোবিদ-১৯গী চিংনবা/কনফার্ম তৌরবশিংগী মতাংদা চুনবা মেনেজমেন্তা গাইদেন্স দোক্যুমেন্ত অমসু থাদোকখ্রে। মদু মখাগী অসিদা য়েংবীবা য়াগনিঃ

https://www.mohfw.gov.in/pdf/FinalGuidanceonMangaementofCovidcasesversion2.pdf.

কোবিদ-১৯গী অনাবশিংদা কেয়র ফংহন্নবগীদমক চুনবা কোবিদ-১৯ দেদিকেতেদ ফেসিলিতীগী মশক খঙদোক্নবগীদমক মরু ওইবশিং লেপথোকপা অমসুং ৱারেপ লৌনবগীদমক মেকানিজম অমা ওইনা কোবিদ-১৯ কেসশিংগী তোঙান তোঙানবা কাংলুপশিংগীদমক্তা মখল অহুমগী ফেসিলিতীশিং শেমগনি।

১. কোবিদ কেয়র সেন্তর (সি.সি.সি):

ক) অপীকপা নত্ত্রগা য়াম্না পীকপা কেস নত্ত্রগা কোবিদকী চিংনবা কেস

খ) মেকশিফ ফেসিলিতীশিং। মখোয়শিং অসি পব্লিক অমসুং প্রাইবেৎ অনিমক্কী হোস্তেলশিং, হোতেলশিং, স্কুলশিং, স্তেদিয়মশিং, লোজশিং অসিনচিংবদা শেম্বা য়াই।

গ) করিগুম্বা মথৌ তারবদি, হৌজিক্কী ক্বরেন্তাইন ফেসিলিতীশিং অসিসু কোবিদ কেয়র সেন্তরশিংদা হোংদোকপা য়াগনি।

ঘ) তঙাইফদবা মওংদা অমা নত্ত্রগা অমদগী হেনবা দেদিকেতেদ কোবিদ হেল্থ সেন্তরশিং অমসুং য়ামদ্রবদা দিদিকেতেদ কোবিদ হোস্পিতাল অমবু রিফরেল পর্পোজদা মেপ তৌগনি।

২. দেদিকেতেদ কোবিদ হেল্থ সেন্তর (দি.সি.ঐচ.সি.):

ক) ক্লিনিকেলগী ওইনা এসাইন তৌরবা অসিগুম্বা কেস খুদিংমক্তা য়েংশিনবীবগী খুদোংচাবা ফংহনগনি।

খ) মসি মপুং ফাবা হোস্পিতাল অমা ওইবা তাই নত্ত্রগা তোঙান্না এন্ত্রী/এগজিৎ/জোনিং থম্লবা তোঙানবা ব্লোক অমা ওইগদবনি।

গ) হায়রিবা হোস্পিতালশিং অসিদা শোইদ্রবা ওক্সিজেন সপোর্তকা লোইনবা ফমুংশিং লৈগদবনি।

৩. দেদিকেতেদ কোবিদ হোস্পিতাল (দি.সি.ঐচ.):

ক) মসিদা মরু ওইনা ক্লিনিক্কী ওইনা অরুবা ওইনা লৌরবশিং অদুদা শেন্নবীবগী খুদোংচাবা ফংহনগনি।

খ) মসি মপুং ফাবা হোস্পিতাল অমা ওইবা তাই নত্ত্রগা তোঙান্না এন্ত্রী/এগজিৎ থম্লবা তোঙানবা ব্লোক অমা ওইগদবনি।

গ) মসিদা শোইদ্রবা ওক্সিজেন সপোর্তকা লোইননা মপুং ফানা ইকুইপ তৌরবা আই.সি.য়ু., ভেন্তিলেতর অমসুং ফমুংশিং লৈগদবনি।

হৌজিক ফাওবদা, কনফার্ম কেস ৪৪২১ অমসুং শিখিবা মশিং ১১৭ রিপোর্ত তৌখ্রে। মীওই ৩২৬না নাবা ফদুনা দিসচার্জ তৌখ্রে।

কোবিদ-১৯গা মরী লৈনবা তেক্নিকেল ইসুশিং, গাইদলাইনশিং অমসুং এদভাইজরীশিংগী প্রমান লৈরবা অমদি অপদেৎ ওইবা ই-পাউগীদমক চংবীয়ুঃ https://www.mohfw.gov.in/.

কোবিদ-১৯গা মরী লৈনবা তেক্নিকেলগী ৱাহংশিংগীদমক technicalquery.covid19[at]gov[dot]inদা অমসুং অতৈ ৱাহংশিংগীদমক ncov2019[at]gov[dot]inদা চংবীয়ু।

কোবিদ-১৯গী মতাংদা করিগুম্বা মখল অমা হেক্তগী ৱাহং লৈরগদি হকশেল অমসুং য়াইফ-য়ুম্বাল মন্ত্রালয়গী হেল্পলাইন নম্বর +91-11-23978046 নত্ত্রগা 1075 (তোল-ফ্রী)দা চানবীদুনা কোল তৌবীরকউ। কোবিদ-১৯গী মতাংদা রাজ্যশিং/য়ুনিয়ন তেরিতেরীশিংগী হেল্পলাইন নম্বরশিংগী লিস্ত মখাগী অসিদগী ফংবীগনিঃ https://www.mohfw.gov.in/pdf/coronvavirushelplinenumber.pdf