প্রধানমন্ত্রীগী লোইশঙ
প্রধান মন্ত্রী অমসুং নিংথৌ লৈবাক বহরেনগী নিংথৌগী মরক্তা তেলিফোন্দা ৱারী শানখ্রে
Posted On:
06 APR 2020 8:34PM by PIB Imphal
প্রধান মন্ত্রী শ্রী নরেন্দ্র মোদীনা ঙসি নিংথৌ লৈবাক বহরেনগী নিংথৌ হমাদ বিন ইসা অল খালিফাগা লোইননা তেলিফোন্দা ৱারী শানখ্রে।
লুচিংবা অনিমক্না লোজিস্তিক্স চেন অমসুং ফাইনান্সিয়েল মার্কেৎ য়াওনা হৌজিক চত্থরিবা কোবিদ-১৯ হেল্থ ক্রাইসিস অমসুং মসিগী ওইরক্লিবা ফিভমশিংদা খন্ন-নৈনখি।
নিংথৌনা প্রধান মন্ত্রীগী মফমদা হৌজিক ওইরিবা হেল্থ ক্রাইসিস অসিগী মনুংদা বহরেনদা লৈরিবা চাউখ্রবা ইন্দিয়ন কম্ম্যুনিতীগী য়াইফনবগীদমক মহাক মশামক্না পুক্নিং চংবগী ৱাফম থাজবা পীখি। বহরেনগী ওথোরিতীশিংনা মতম পুম্নমক্তা ইন্দিয়ন দাইস্পোরাশিংবু য়েংশিনবীরিবা অমসুং ইকায় খুম্নবীরিবা অদুগীদমক প্রধান মন্ত্রীনা থমোয় শেংনা থাগৎপা ফোংদোকখি।
লুচিংবশিংনা ৱাফম অসিদা য়ানবা পুরকখি মদুদি মখোয়গী ওফিসিয়েলশিংনা চাং নাইনা পাউ ফাওনগনি অমদি কোবিদ-১৯গী শিংনরকপশিং থেংননবগীদমক অমনা অমদা পীবা য়াবা তেংবাং পুম্নমক পীনগনি।
প্রধান মন্ত্রীনা নিংথৌগী মফমদা ফোংদোকখি মদুদি ভারতনা বহরেনবু মসিগী মখাতাবা য়ুমলোন্নবগী মরুওইবা শরুক অমগুম লৌরি। প্রধান মন্ত্রীনা মমাং চহিদা মহাক্কী নিংথৌ লৈবাক্কীম খোংচৎ অদু নৌহৌনা নীংশিংখি।
(Release ID: 1611913)
Visitor Counter : 185
Read this release in:
English
,
Urdu
,
Marathi
,
Hindi
,
Assamese
,
Bengali
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam