મંત્રીમંડળ સચિવાલય
વીડિયો કોન્ફરન્સ માધ્યમથી કેબિનેટ સચિવે તમામ રાજ્યોના મુખ્ય સચિવો/ડીજીપી સાથે બેઠક યોજી
Posted On:
01 APR 2020 3:14PM by PIB Ahmedabad
કેબિનેટ સચિવે આજે તમામ રાજ્યોના મુખ્ય સચિવો/ડીજીપી સાથે વીડિયો કોન્ફરન્સના માધ્યમથી એક બેઠક યોજી હતી.
- તમામ રાજ્યોને તબલઘી જમાતમાં ભાગ લેનારાઓના સક્રિય સંપર્ક તપાસની ગંભીરતા અંગે અવગત કરાવવામાં આવ્યા હતા કારણ કે તેના લીધે કોવિડ-19ની અટકાયતના પ્રયાસોમાં મોટા જોખમનો વધારો થયો છે. રાજ્યોને યુદ્ધના ધોરણે તમામ સંપર્ક તપાસ પ્રક્રિયાને પૂરી કરવા જણાવવામાં આવ્યું હતું.
- એવું જાણવા મળ્યું છે કે વિદેશીઓ કે જેમણે તબલઘી જમાતમાં ભાગ લીધો હતો તેમણે વિઝાના નિયમોનું ઉલ્લંઘન કર્યું છે. રાજ્યોને આ કાર્યક્રમના આયોજક વિરુદ્ધ અને આવેલા વિદેશીઓ વિરુદ્ધ વિઝાના નિયમોનું ઉલ્લંઘન કરવા બદલ કડક પગલા લેવા જણાવવામાં આવ્યું છે.
- રાજ્યોને આગામી અઠવાડિયા સુધીમાં પ્રધાનમંત્રી ગરીબ કલ્યાણ યોજનાનું અમલીકરણ કરવાની સુચના આપવામાં આવી છે. તેના લીધે લાભાર્થીઓને મોટી રકમનું હસ્તાંતરણ કરવામાં આવશે. તેનું આયોજન થોડા-થોડા સમયે થતુ રહેવું જોઈએ કે જેથી કરીને સામાજિક અંતરની ખાતરી કરી શકાય.
- એ બાબત નોંધવામાં આવી હતી કે સમગ્ર દેશમાં લૉકડાઉન અસરકારક રીતે અમલમાં મુકવામાં આવી રહ્યું છે. રાજ્યોને એ બાબતની ખાતરી કરવા જણાવવામાં આવ્યું હતું કે માલસામાનની આંતર-રાજ્ય હેરફેર કરવા માટે સામાજિક અંતર જાળવી રાખીને કોઇપણ પ્રકારના અવરોધ વિના પરવાનગી આપવી જોઈએ.
- જરૂરી સામાનના ઉત્પાદનની પણ ખાતરી કરવી જોઈએ. એ બાબતની પણ ખાતરી કરવી જોઈએ કે આ પ્રકારના માલસામાનની પુરવઠા શ્રુંખલા જળવાઈ રહે.
GP/RP
******
(Release ID: 1609987)
Visitor Counter : 281
Read this release in:
English
,
हिन्दी
,
Marathi
,
Bengali
,
Assamese
,
Manipuri
,
Punjabi
,
Odia
,
Tamil
,
Telugu
,
Kannada
,
Malayalam