57th International Film Festival of India 2026
20 – 28 Nov 2026

NFDC না 57শুবা IFFI বু মীপুম খুদিংমক্তা ফংহন্নবা অমসুং পুম্নমক শরুক য়াহন্নবগীদমক স্বয়মগা খুৎশম্নখ্রে


খুৎশম্নবা অসিনা ফেস্তিবেল পাঙথোকফমশিংগী একসেসিবিলিতী ওদিত তৌবা, ভোলুন্তিয়রশিংবু সেন্সিতাইজ তৌবা অমসুং পুম্নমক্কী ওইবা সিনেমাতিক ওইবা মহাও পীনবগীদমক ইন্তরেক্তিব সিমুলেসন জোন অমা থম্বদা মীৎয়েং চংগনি

খোঙথাং অসিনা নাৎকী ওইবা থৌরমশিংদা এক্সেসিবিলিতী অমসুং পুম্নমক্কী ওইবা অনৌবা থাক অমা থম্নবা পান্দম থম্লি

থাগৎখিবা: 20 NOV 2026 12:12PMby PIB Imphalরিলিজ আই.দি.: 2339121Views: 16

নেস্নেল ফিল্ম দিভেলপমেন্ত কোর্পোরেসন (NFDC) না 57শুবা ইন্তরনেস্নেল ফিল্ম ফেস্তিবেল ওফ ইন্দিয়া (IFFI) বু নাম্ম-শোইরবশিং অমসুং চৎথোক-চৎশিন তৌবদা অৱাবা লৈবশিং য়াওনা সিনেমা য়েংবা লাকপা মীপুম খুদিংমক্কীদমক হেন্না লাইহন্নবা অমসুং পুম্নমকপু শরুক য়াহন্নবগীদমক Svayam গা খুৎশম্নখ্রে। মসি 55শুবা IFFI অমসুং 18শুবা মুম্বাই ইন্তরনেস্নেল ফিল্ম ফেস্তিবেল (MIFF) দা খুৎশম্নরবা মতুংদা লূপ অনি অসিগী মরক্তা অহুমশুবা ওইনা মপাং ওইমিন্নবনি।

এক্সেসিবিলিতী পার্তনর ওইনা, Svayam না ফেস্তিবেল পাঙথোকফমশিংদা থেংনবা য়াবা খুদোংচাদবশিং খঙদোক্নবা অমসুং লাক্লিবা মীওইশিংনা হেন্না শাফনা, নুংঙাইনা অমসুং মরোমদোম চৎথোক-চৎশিন তৌবা ঙম্নবা লৌখৎকদবা খোঙথাংশিং খঙদোক্নবা এক্সেসিবিলিতী ওদিতশিং পাঙথোক্লি।

খুৎশম্নরিবা অসিনা নাম্ম-শোইরবা অমসুং এক্সেসিবিলিতীগী মতাংদা ফেস্তিবেল ভোলুন্তিয়রশিংবু ৱাখল তাহন্নবা ৱার্কসোপশিংসু য়াওরি। সেসনশিং অসিনা ইকাই খুম্নবগা লোয়ননা ৱারী শান্নবা, পুম্নমকপু মতেং পাংবা অমসুং তোঙান-তোঙানবা একসেসিবিলিতীগী তঙাইফদবশিং লৈবা মীওইশিংবু মতেং পাংনবগী থবক ওইনা পাঙথোকপা য়াবা পাম্বৈশিংদা মীৎয়েং চংগনি।

একসেসিবিলিতী সিমুলেসন জোন অমনা ফেস্তিবেলদা লাক্লিবা মীওইশিং অমসুং স্তেকহোল্দরশিংদা নাম্ম-শোইবা অমসুং চৎথোক-চৎশিন তৌবদা অৱাবা লৈবশিংনা নুমিৎ খুদিংগী থেংনরিবা খুদোংচাদবশিং খঙনবগী ইন্তরেক্তিব ওইবা খুদোংচাবা অমা পীগনি। খোঙথাং অসিনা মীয়ামগী ওইবা মফমশিং অসি পুম্নমক্তা লাইহনবগী মরু ওইবা অদুগী মতাংদা হেন্না ৱাখল তাহনবা, নুংশি-চান্নবা অমসুং খঙমিন্নবা হেনগৎহন্নবা পান্দম থম্লি।

খুৎশম্নরিবা অসিগী মরমদা ৱা ঙাংলদুনা, Svayam গী মেনেজিং দিরেক্তর, মিস স্মিনু জিন্দলনা হায়খি, “একসেসিবিলিতী হায়বসি শুপ্নগী রেম্প শাবা নত্ত্রগা অপনবা লৈতবা মফম শেম্বা খক্তা নত্তে; মসি মীওই খুদিংমক্না খুন্নাইদা মান্ননা শরুক য়াবগী ইকাই খুম্নবা, মনীং তম্বা অমসুং খুদোংচাবা ফংহনবনি। সিনেমা হায়বসি মীয়াম্বু পুনশিনহনবা, ঙমখৈশিং লান্থোকহনবা অমসুং মীওইবগী তোঙান-তোঙানবা মহাওশিংবু হরাও তয়াম্বগা লোয়ননা উৎপা শক্তি লৈরবা পাম্বৈ অমনি। মরম অদুনা ফিল্ম ফেস্তিবেলশিং অসি মীপুম খুদিংমকপু চপ মান্ননা তরাম্না ওকপা অমসুং পুম্নমক্কী ওইহনবা হায়বসি য়াম্না মরু ওই। 57শুবা IFFI গীদমক NFDC গা খুৎশম্নবা অসিনা ইনক্লুসিব ঐবা হায়বসিবু ফেস্তিবেলগী মহাওগী মরু ওইবা শরুক অমা ওইহন্নবগী মরু ওইবা খোঙথাং অমনি। চহি হেল্লকপনা, মতম খরগী ওইনা শোকপনা নত্ত্রগা মতম চুপ্পগী ওইনা শোয়-নাইবনা মরম ওইদুনা চৎথোক-চৎশিন তৌবদা অৱাবা লৈবনা সিনেমাগী হরাওবা ফংবদা অপনবা ওইদবা IFFI অমা ঐখোয়না ওইহন্নবা হোৎনরি।”

খোঙথাং অসিগী মরু ওইবা অদু ফোঙদোক্লদুনা, NFDC গী মেনেজিং দিরেক্তর, শ্রী ধীরাজ সিংহনা হায়খি, “ইন্তরনেস্নেল ফিল্ম ফেস্তিবেল ওফ ইন্দিয়ানা মালেম পুম্বগী ওইবা সিনেমাগী লোলবু হরাও তয়াম্বগা লোয়ননা পাঙথোকই, অমসুং থৌরম অসি মীপুম খুদিংমক্কীদমক তশেংনা হাংদোকনবা য়াম্না মরু ওই। Svayam গা খুৎশম্নবা অসি 57শুবা IFFI বু সিনেমা য়েংবা লাকপা মীপুম খুদিংমক্কীদমক হেন্না লাইহন্নবা, পুম্নমকপু কোনশিনবা অমসুং তরাম্না ওকপগী মরু ওইবা খোঙথাং অমনি। এক্সেসিবিলিতীগী মফমশিং অমসুং ত্রেনিং পীরবা অমদি ৱাখল তারবা ভোলুন্তিয়রশিংগী খুত্থাংদা, মীপুম খুদিংমক্না ইকাই খুম্নবা, নুংঙাইবা অমসুং মনিং তৌজবগা লোয়ননা ফেস্তিবেল অসিদা শরুক য়াবা ঙমগদবা অকোয়বা ফীভম অমা শেমগৎনবা ঐখোয়না পান্দম থম্লি। খোঙথাং অসিনা ভারত্তা পুম্নমকপু কোনশিনবা নাৎ অমসুং সিনেমাগী ওইবা থৌরমশিংগী মতাংদা অর্থ লৈবা অনৌবা থাক অমা থমগনি হায়না ঐখোয়না আশা তৌরি।”

খুৎশম্নবা অসিনা ভারতকী খ্বাইদগী মরু ওইবা ফিল্ম ফেস্তিবেল অসিবু সিনেমাগী খুত্থাংদা পুম্নমকপু কোনশিনবা থৌরম অমা ওইহন্নবগী মাইকৈদা অমুক হন্না থাংজিনবা খোঙথাং অমা ওইরি, মসিনা নাম্ম-শোইরবশিং অমসুং চৎথোক-চৎশিন তৌবদা অৱাবা লৈবশিংনা ইকাই খুম্নবা অমসুং মনীং তম্বগা লোয়ননা শরুক য়াবা, শম্নবা অমসুং ৱারী শানবগী শক্তি অদু ফংবা ঙমহল্লি।

***


Great films resonate through passionate voices. Share your love for cinema with #IFFI2026 and #StoriesWithoutBorders. Tag us @pibindia on Instagram and @PIB_India on X, and we will help amplify your festival moments!

For accredited journalists, critics, bloggers, and vloggers seeking 1-on-1 interviews with filmmakers and festival juries, write to us at:
iffi.mediadesk@pib.gov.in with the subject line: Take One with PIB.


Official Release ID: 2339121
•
Media Centre: Goa
•
Festival Dates: Nov 20 – 28, 2026