57th International Film Festival of India 2026
20 – 28 Nov 2026

BAN PYNROI ÏA KA LAWEI JONG KI NONGSHNA PHLIM: WANRAH KA CMOT ÏA 100 NGUT KI SAMLA DON SAP SHA KA TAMASA JONG KA IFFI KABA 57

Ha ka: 19 NOV 2026 11:29AMby PIB ShillongRelease ID: 2338399Views: 10

Goa, 19 Naiwieng 2026

Ha man la kawei pa kawei ka phlim kaba poi sha ki paidbah lyngba ki screen ne jingpyni dur ba heh, ka don ka kynhun jong ki briew kiba don sap ha ki kam bapher bapher, kiba noh synñiang ban pynwandur ïa ka jingïathuhkhana, nangta ki jingsawa lyngba ki jingrwai bad ki jingkynud lem bad ka dur ka dar jong ka phlim. Da kaba ithuh ïa kine ki sap bapher bapher, ka Creative Minds of Tomorrow (CMOT), kaba dei ka sienjam jong ka Tnad Information & Broadcasting bad kaba pyntreikam da ka National Film Development Corporation (NFDC), ka la wanphai biang ha ka sien kaba hynriew ha ka tamasa kaba 57 jong ka International Film Festival of India (IFFI) kaba long ha Goa, ha ryngkat ki 100 ngut ki samla ba don sap na kylleng ki bynta jong ka Ri India.

Ka kynhun jong ki nongïashim bynta jong u snem 2026 ka kynthup naduh ki samla kiba thrang ban long ki nongshna phlim na ki 13 tylli ki bynta bapher bapher kiba ïadei bad ka kam shna phlim kiba kynthup naduh kaba pynïaid bad pynwandur ïa ki phlim (Direction), ka rukom ak (Acting), ka Cinematography, ka Editing bad ka jingbuh kyntien (Subtitling), kaba Thoh Script (Scriptwriting), kaba ïarap ban rwai, kaba shna ïa ki jingrwai (Music Composition), ka Sound Recording, kaba suh bad pynwandur ïa ki jaiñ (Costume Design), ka jingpynshna bad pynitynnad ïa u shniuh (Hair and Makeup), ka Art Direction, ka Animation, ka Visual Effects (VFX), ka Augmented Reality (AR), ka Virtual Reality (VR), bad ka Voice-over bad Dubbing. Da kaba pynïasoh lang ïa ki nongïashim bynta na ki liang bapher bapher jong ka kam shna phlim, kane ka sienjam ka buh ruh ïa ka jingïatreilang kaban long kum ka nongrim kaba kongsan jong ka jingshemphang ha ka liang ka kam shna phlim.

Ka rukom jied ïa ki nongïashim bynta ka dei kaba la pynïasoh lang bad ki jingsngewthuh ha ka liang ka jingpule kaba ïadei bad ka kam shna phlim bad ruh ka jingshemphang na ki kam ba la leh hapoh ka karkhana shna phlim. Ka kynhun kaba la aiti ban jied (Selection Jury) kaba don haduh 13 ngut ki dkhot, kiba dei ki nonghikai na ka seng jong ka Film and Television Institute of India (FTII), ka la bishar ïa ki aplikeshon jong ki nongthep kyrteng ha ki rukom treikam bapher bapher. Hadien kata, ka Grand Jury kaba don 12 ngut ki dkhot, kiba dei ki briew kiba la kham paw ha ka kam shna phlim, ka shim ïa ka bynta kaba bud ban jied ïa ki nongïashim bynta kiba dei hok ban ïoh bynta. Nangta, ka Great Grand Jury pat kaba don san ngut ki dkhot, kiba dei ruh ki riewshemphang ha ka kam shna phlim, ka bishar ïa ka jingeh jong ka jingpynmih phlim bad ka jingai ïa ki khusnam.

Kawei na ki bynta ba kongsan jong kane ka prokram ka dei ka 48-Hour Filmmaking Challenge (Ka Jingeh ban shna phlim hapoh 48 kynta), kaba la pynlong da ka FTII, Pune, ha ka jingïatreilang bad ka NFDC. Ki nongïashim bynta na ki rukom treikam bapher bapher kin ïatreilang ban pyrkhat ïa ka phang bad ban shna ïa ki phlim lyngkot (short film) hapoh ka por ba la buh jong ka 48 kynta. Da ka jingkyrshan jong ki nongai jinghikai kiba la tbit bad ruh ka jingïalam na ki tnat treikam, kane ka jingïakhun ka ailad ïa ki nongïashim bynta ban ïoh ïa ka jingshemphang kaba kham jan bad ka jingïatreilang kum ka kynhun shna phlim hapoh ki kyndon treikam katkum ka por ba la buh kumba long ha ki karkhana shna phlim. Yn pyni kyrpang ruh ïa ki phlim kiba la dep shna hapoh ka tamasa jong ka IFFI bad yn sa bishar da ka kynhun ki nongbishar (jury) kaba kynthup ïa ki riewpawkhmat ha ka kam shna phlim, ha kaba yn ai ruh ïa ka khusnam ban ithuh ïa ka jinglah bad ka jingtrei bha jong ki nongïashimbynta ha ki kyrdan bapher bapher.

Ka CMOT Talent Camp kan pynïasoh ruh ïa ki nongïashim bynta bad ki karkhana jong ki lad pathai khubor bad ki jingpynbyrngia kiba heh, da kaba pynïakynduh ïa ki bad ki Production Houses, ki Studio, ki Music Labels, ki rynsan jong ki OTT, ki nongpathai (Broadcaster) bad kiwei pat ki nongïashim bynta. Kane kan ai lad ïa ki samla ba kin wanrah ïa ki jingmut jong ki bad ruh ban pyni ïa kiei kiba ki la shna bad thaw hi dalade, bad kin ïohlad ruh ban ïakren bad ki nongmihkhmat jong ki karkhana shna phlim bad ban wad ïa ki lad ïohkam na ka bynta ka lashai.

Naduh ba la seng ïa ka ha u snem 2021, ka CMOT ka la nangroi bad kylla long ka rynsan kaba pynïasoh ïa ki samla don sap kiba mih bad wan shakhmat ban donlang hapoh ki karkhana jong ki lad pathai bad ruh ki jingpynbyrngia (media and entertainment). Ki samla kiba la ju ïashim bynta mynshwa ha kane ka prokram ruh ki la ïoh ban trei ha ki production kiba la pynmih ha ki Ri ka pyrthei bad ki ïoh ruh ïa ka jingithuh ha ki rynsan bad ki tamasa kiba kynthup naduh ka Cannes, ka Berlinale, ka Toronto International Film Festival bad ka International Emmy Awards.

Katba ka ïoh ka kot jong ka India ha ka liang ki sap bathymmai ka la nang kiew bad nangroi, ka jingpynroi bad pynbha ïa ki sap jong ki khynnah, la ka long ha ka jingnang jingstad bad ki jingmutdur thymmai ha ki liang bapher bapher jong ka kam shna phlim ka la nang donkam shuh shuh. Lyngba ka jingpynïasoh lang ïa ki jinghikai, ka jingïatreilang bad ka jingïadei bad ki nongtrei hapoh ka karkhana, ka CMOT ka thmu ban thaw ïa ki lad ban plie ïa ki samla ba donsap ba kin pynkylla katkum ka jinglah jong ki sha ki lad ïohkam ïohjam bad ruh ka jingnangroi bad kiew shaphrang.

Na ka bynta ki 100 ngut pat ki nongïashim bynta kiba la wan poi sha Goa, ka IFFI kan ym long tang kum ka rynsan kaban pyni ïa ki phlim na kylleng ka pyrthei hynrei kan long ruh ka lad kaba kordor ïa ki ban ïatreilang, ban nang ban tip bad ïatreilang bad ruh ba kin sdang ïa ka jingïaid lynti j ban long kum kita ki nongwanrah jingkylla bad ki nongpynwandur ïa ka lawei jong ka kam shna phlim ha ka Ri India.

 

*****


Great films resonate through passionate voices. Share your love for cinema with #IFFI2026 and #StoriesWithoutBorders. Tag us @pibindia on Instagram and @PIB_India on X, and we will help amplify your festival moments!

For accredited journalists, critics, bloggers, and vloggers seeking 1-on-1 interviews with filmmakers and festival juries, write to us at:
iffi.mediadesk@pib.gov.in with the subject line: Take One with PIB.


Official Release ID: 2338399
•
Media Centre: Goa
•
Festival Dates: Nov 20 – 28, 2026