থাগৎখিবা:
29 SEP 2026 7:46PM by PIB Imphal
নহা ওইরিবা ক্রিয়েতরশিংদা আর্তিফিসিএল ইন্তিলিজেন্স অসি ইনোবেসন অমসুং এমপাৱর্মেন্তকি খুত্লাই অমা ওইনা শিজিন্ননবা তকশিল্লদুনা ইনফোর্মেসন অমসুং ব্রোদকাস্তিং অমসুং পার্লিয়ামেন্তরি এফেয়র্সকি রাজ্য মন্ত্রী দা.এল.মুরুগন্না হায়খি, “তুংলমচৎ অসিদা ওইরোয়দবদি: এ.আই. ভর্সেস ক্রিয়েতরশিং৷ মসিদা ওইগদবদিঃ ক্রিয়েতরশিংদা থৌনাগা লোয়ননা শেমগৎপা এ.আই৷ “থৌনাগা লোয়ননা শেমগত্পা। থৌদাংগা লোয়ননা শেমগত্পা। পান্দমগা লোয়ননা শেমগত্পা” হায়না ফোংদোক্লদুনা মহাক্না অকনবা ৱাফম থমখি মদুদি “তেক্নোলোজি অসি য়াম্না থুনা হোঙলক্লি। কন্সতিত্যুস্নেল ভেল্যুশিং অসিদি লেংদনা লৈরি।”
ঙসি ন্যু দিল্লীদা পাংথোকখিবা “কো-ক্রিএতিং ইম্পেক্ত: ইন্দিয়াগী দিজিতেল লিদরশিপ অমসুং ওরেঞ্জ ইকোনোমি” হায়বা য়ুত্যুব ইম্পেক্ত সমিৎ ২০২৬তা ৱা ঙাংলদুনা মন্ত্রীনা ইকোনোমীক গ্রোথ, ইমপ্লোয়মেন্ত অমসুং গ্লোবেল কলচরেল আওতরিচ থৌগৎপদা ভারতকি দিজিতেল অমসুং ক্রিয়েতিব ইকোনোমিগী থৌদাং হেনগৎলক্লিবা অদু ফোঙদোকখি। সমিৎ অসিনা পোলিশি মেকরশিং, তেক্নোলোজিগী লুচিংবশিং, ক্রিয়েতরশিং, ওন্তরপ্রিনরশিং অমসুং ইনোবেতরশিং পুনশিনখি অমসুং দোক্তর এল. মুরুগনগী মরুওইবা ৱাফম থমখি৷
ক্রিয়েতর ইকোনোমিনা গ্রোথ অমসুং ইমপ্লোয়মেন্ত থৌগত্পা
সমিৎ অসিদা ফোংখিবা য়ুত্যুব ইম্পেক্ত রিপোর্তকি মতুং ইন্না য়ুত্যুবকি ক্রিয়েতিব ইকোসিস্তেমনা ২০২৫দা ভারতকি জি.দি.পি.দা লুপা করোর ১৮,০০০ হেন্না কন্ত্রীব্য়ুৎ তৌখি অমসুং লৈবাক শিনবা থুংনা ফুল তাইম ইক্বিভেলেন্ত ওইবা থবক লাখ ৯.৬ সপোর্ত তৌখি।
মন্ত্রীনা থোইদোক্না ফোংদোকখি মদুদি ভারত্তা পুথোকপা কন্তেন্ত অসিনা মসিগী ৱাচ তাইমগী চাদা ১৫ হেননা ভারতকি মপান্দা লৈবা ওদিয়েন্সশিংদগী ফঙই, অদুগা ভারতকি য়ুত্যুব চেনেল ১৮,০০০ হেনবনা সবসক্রাইবর মিলিয়ন অমা হেনখ্রে।
দিজিতেল ইন্দিয়াদগী ক্রিয়েতিব ইন্দিয়া ফাওবা
দিজিতেল পেমেন্তশিং, দিজিতেল পব্লিক ইনফ্রাস্ত্রকচর, শ্তারতঅপশিং, আর্তিফিসিএল ইন্তিলিজেন্স, মমল হোঙবা কনেক্তিবিতি অমসুং দিজিতেল এজুকেসনগী খুত্থাংদা ভারতকি দিজিতেল ত্রান্সফোর্মেসনগী মতাঙদা দা. মুরুগন্না হায়লাইত তৌখি৷ মহাক্না কঞ্জুমরদগী ক্রিয়েতরদা, য়ুজরদগী ইনোবেতরদা অমসুং কন্তেন্ত কঞ্জুমসন্দগী ইন্তেলেকচুএল-প্রোপর্তি ক্রিয়েসন্দা চঙশিনবগী মথৌ তাবদা অকনবা ৱাফম থমখি।
মহাক্না হায়খি দিজিতেল তেক্নোলোজিনা খুদোংচাবশিংগী জিওগ্রাফিদা অহোঙবা পুরক্লে, মসিনা জিলা, লোল অমসুং খুন্নাই খুদিংমকতগী তেলেন্তশিং মালেমগী ওইবা ওদিওদা য়ৌবা ঙমহল্লে।
ওরেঞ্জ ইকোনোমি মপাঙ্গল কনখৎহনবা
প্রধান মন্ত্রী শ্রী নরেন্দ্র মোদীগী “ভারত্তা শেমগত্পা, মালেমগীদমক শেমগত্পা” হায়বা ৱাখল্লোন অদু পল্লদুনা মন্ত্রীনা ওরেঞ্জ ইকোনোমিগী য়ুম্বী অহুম কন্তেন্ত, ক্রিয়েতিবিতি অমসুং কলচরগী মতাঙদা পনখি।
মহাক্না হায়খি ক্রিয়েতিবিতি অসি এনতারতেনমেন্তকি মথকতা শাংদোকই অমসুং মসিনা থবক, ললোন-ইতিক, ইন্তেলেকচুএল প্রোপর্তি, এক্সপোর্ত অমসুং কলচরেল ইনফ্লুএন্স পুথোকপা ঙম্মী।
এ.আই.না ক্রিয়েতরশিংবু শক্তি পিনবা, মহুৎ শিনবা নত্তবা
দোক্তর মুরুগন্না হায়খি মদুদি এ.আই.না ক্রিয়েতরশিংদা ইবা, অর্থ হন্দোকপা, ইদিতিং তৌবা, এনিমেসন, কম্পোজিসন, দিজাইন অমসুং দিস্ত্রিব্যুসন্দা মতেং পাংবা ঙমগনি, অদুগা মিওইবগী ইমাজিনেসন্দা ক্রিয়েতিবিতিগী মরু ওইবা মচাক অমা ওইদুনা লৈরি।
মহাক্না অমুক হন্না হায়খি মদুদি এ.আই.না ক্রিয়েতরশিংবু মখোয়গী মহুৎ শিনবদগী হেন্না শক্তি পিগদবনি, অদুগা থোরক্লিবা তেক্নোলোজিশিং অসি খুদোংচাবা য়াবা, দায়ৎবা লৈবা অমসুং ইথিল পিবা মথৌ তাবা অদুদা অকনবা ৱাফম থমখি।
সমিৎ অসিদা ইন্দিয়ন ইন্সতিত্যুত ওফ ক্রিয়েতিব তেক্নোলোজিজ (আই.আই.সি.তি.)গা খুৎশম্নদুনা শেমখিবা “এ.আই.না শেমগত্পা” ফিল্মশিং ফোঙবা অদুসু য়াওখি।
ক্রিয়েতিব তেলেন্তকিদমক সরকারগী থৌরাংশিং
মন্ত্রীনা ৱেব্স, আই.আই.সি.তি., ক্রিয়েত ইন ইন্দিয়া চেলেঞ্জজ, জেম্স ওফ ইন্দিয়া, ৱেব্স বাজার, মায়ৱেব্স অমসুং ক্রিয়েতর’গী কোর্নর য়াওনা ক্রিয়েতিব তেলেন্ত খঙদোকপা, চাওখৎহনবা অমসুং কৈথেলশিংগা শম্নহন্নবা লম্বিশিং মপাঙ্গল কনখৎহন্নবা পায়খৎলিবা থবকশিংগী মতাঙদা পনখি।
মহাক্না সেকেন্দরি স্কুল ১৫,০০০ অমসুং কোলেজ ৫০০দা এ.ভি.জি.সি.গী কন্তেন্ত-ক্রিয়েতর লেবোরেতরিশিংগীদমক য়ুনিয়ন বজেৎ ২০২৬–২৭গী প্রোভিজন অদুসু ফোঙদোকখি। মহাক্না দোইদোক্না ফোংদোকখি মদুদি ইন্দস্ত্রি অসিনা ২০৩০ ফাওবদা চাওরাক্না প্রোফেস্নেল মিলিয়ন ২ মথৌ তাগনি হায়না পানরি।
দিজিতেলগী যুগ অসিদা কন্সতিত্যুস্নেল ভেল্যুশিং
“তেক্নোলোজি য়াম্না থুনা হোঙলক্লি, কন্সতিত্যুস্নেল ভেল্যুশিং অসি লেংদনা লৈরি” হায়না অকনবা ৱাফম থম্লদুনা দা. মুরুগন্না জস্তিস, লিবর্তী, ইক্বেলিতি অমসুং প্রেতর্নিতীগা মরি লৈনবগী মতাংদা ফোংদোকখি৷
আর্তিকল ১৯ অমসুং মরম চাবা কন্সতিত্যুস্নেলগী ওইবা অথিংবশিংগী মখাদা ৱা ঙাঙবগী অমসুং ৱা ঙাঙবগী নীংতমবা অদু পল্লদুনা মহাক্না অকনবা ৱাফম থমখি মদুদি শেমগৎপগী নীংতমবা অসি থৌদাংগা লোয়ননা চৎকদবনি।
মহাক্না আর্তিকল ৫১এগী মখাদা ফন্দামেন্তেল দ্যুতিশিংসু পনখি, দিজিতেলগী মতম অসিদা দায়ৎবা লৈনা শেমগত্পা, সেয়র তৌবা, ভেরিফিকেসন অমসুং ইনোবেসন তৌনবা হায়খি।
ভারতকি ৱারিশিং মালেমদা পুখত্পা
দোক্তর মুরুগন্না অকনবা ৱাফম থমখি মদুদি ভারতকি কলচরেল হেরিতেজ অসি শিনেমা, ম্যুজিক, গেমিং, এনিমেসন, দিজিতেলদা ৱারি লিবা, দিজাইন, ক্রাফ অমসুং লিঢ়েচরগী খুত্থাংদা অনৌবা ওদিওদা য়ৌহনবা ঙম্মী।
নহা ওইরিবা ক্রিয়েতরশিংদা ৱা ঙাংলদুনা মহাক্না হায়খি মদুদি মখোয়গী লোল, কলচর অমসুং ৱারিশিং অসি মালেমগী ওইবা য়াই অমসুং ভারতকি মখল-মখা কয়াদা থাজবা থমদুনা শেমগৎনবা তকশিনখি।
মন্ত্রীনা হায়খি মদুদি ভারতকি দিজিতেল ইকোনোমিগী তুংগী ফিবম অসি তেক্নোলোজিগা লোয়ননা লৈবাক অসিনা করি শেমগত্লিবগে হায়বদুগী মখা পোল্লি, মসিদা থবক ফংহনবা, ইনতেলেকচুএল প্রোপরতি, মালেমগী ওইবা খুদোংচাবশিং অমসুং ভিকসিত ভারত ২০৪৭কি মায়কৈদা ইনক্লুশিব গ্রোথকি মরুওইবা অদু ফোঙদোকখি।
সমিৎ অসিনা ভিকসিত ভারত ২০৪৭ মাংলোমদা পুখত্পাদা ভারতকি দিজিতেল অমসুং ক্রিয়েতিব ইনদস্ত্রিশিংগী থৌদাং হেনগৎলক্লিবা অদু ফোঙদোকখি, মন্ত্রীনা মীপুম খুদিংমক য়াওবা অমসুং মালেমগী ওইনা চাংদম্নবা য়াবা ক্রিয়েতিব ইকোসিস্তেম অমা শেমগৎনবা পুন্না হোত্নমিন্ননবা হায়খি। য়ুত্যুব ইন্দিয়াগী কন্ত্রী মেনেজিং দিরেক্তর শ্রীমতি গুঞ্জন শোনি; শ্রীমতি লেশলি মিলর, ভাইস প্রসিদেন্ত, গ্লোবেল গবর্নমেন্ত এফেয়র্স অমসুং পব্লিক পোলিশি, য়ুত্যুব; অমসুং ইনফোর্মেসন অমসুং ব্রোদকাস্তিং মন্ত্রালয়গী জোইন্ত সেক্রেতরী শ্রী সেন্থিল রাজানশু শরুক য়াখি।
মহেশ কুয়ামর/ অপ্রাজিতা প্রিয়াদর্শিনি
*****