ইনফোর্মেসন অমসুং ব্রোদকাস্তিং মন্ত্রালয়না ঙসি ন্যু দিল্লীদা রাজ্যশিং অমসুং য়ুনিয়ন তেরিতোরিশিংগী ইনফোর্মেসন অমসুং পব্লিক রিলেসন বিভাগকি সেক্রেতরিশিংগা লোয়ননা নেস্নেল কনফরেন্স অমা পাংথোকখ্রে। কনফরেন্স অসিদা কেন্দ্র অমসুং রাজ্যশিংগী মকোক থোঙবা ওফিসিএলশিং পুনশিন্দুনা মরুওইবা ইনিসিয়েতিবশিংগী মতাংদা খন্ননবা অমসুং ইনফোর্মেসন, ব্রোদকাস্তিং, মীদিয়া অমসুং ক্রিয়েতিব ইকোনোমীগী লমদা কোওর্ডিনেসন মপাঙ্গল কনখৎহনখি।

ইনফোর্মেসন অমসুং ব্রোদকাস্তিং মন্ত্রালয়গী সেক্রেতরি শ্রী চঞ্চল কুমারনা কনফরেন্স অসিগী চেয়রমেন ওইখি অমসুং খন্ন-নৈনবদা শরুক য়ারিবা রাজ্য/য়ু.তি. ইকায় খুম্নজরবা প্রধান মন্ত্রিগী মীত্‍‌য়েংদা পল্লদুনা, মদুগী মখাদা ভারতকি শোফৎ পাৱর অমসুং ক্রিয়েতিব ইকোনোমী অসি সপ্তধারা, নেস্নেল প্রোগ্রেশকি স্ত্রীম ৭কি মরক্তা থম্লি, সেক্রেতরিনা ভারতকি পাক চাওরবা ক্রিয়েতিব পোতেনসিয়েল অসি শিজিন্ননবা অমসুং মীয়ামগী পাও ফাওনবদা মপাঙ্গল কনখৎহন্নবা কেন্দ্র অমসুং রাজ্যশিংগী মরক্তা হেন্না মপাঙ্গল কনবা অমসুং হেন্না স্ত্রকচরেল কোওপরেসনগী মথৌ তাবা অদু ফোঙদোকখি। মহাক্না হায়খি মদুদি কলচর, ক্রিয়েতিবিতি অমসুং কমর্স য়াওবা ক্রিয়েতিব ইকোনোমী অসিনা থবক ফংহনবা, শেল থাদবগী পুক্নিং চিংশিনবা অমসুং ভারতকি মালেমগী ওইবা ইনফ্লুএন্স হেনগৎহনবগী পোতেন্সিয়েল লৈরি।

রাজ্যশিং অমসুং য়ুনিয়ন তেরিতোরিশিংগী তোপ তোপ্পা পাঙ্গলশিং ফোঙদোক্লদুনা সেক্রেতরিনা হায়খি মদুদি ক্রিয়েতিব ইকোনোমীগী চাওখত্‍‌পাগী মোদেল অমত্তাা লৈবা য়ারোয়। মহাক্না অকনবা ৱাফম থমখি মদুদি রাজ্য অমসুং য়ুনিয়ন তেরিতোরি খুদিংমক্কি কলচরেল ওইবা পাঙ্গল-থৌনাশিং, ইনেসতিত্যুস্নেল কেপেবিলিতিশিং অমসুং রিজনেল তেলেন্ত অসি লিভর তৌদুনা মসিগী ক্রিয়েতিব পোতেন্সিয়েল অসি রিএল তাইম ওইনা লৌগদবনি।

মহাক্না কেন্দ্র-রাজ্যগী মতেং পিনবা হেনগৎহন্নবগী লমশিংসু ফোঙদোকখি, মদুগী মনুংদা ইনফ্রাস্ত্রকচর, ইজ ওফ দুইং বিজিনেশ, কেপাসিতি বিল্দিং, রিজনেল কন্তেন্ত অমসুং ক্রিয়েতিব ইকোসিস্তেমশিং য়াওরি। ৱেবস ২০২৭, ৱেবস বাজার, ৱেবএক্স অমসুং ক্রিয়েৎ ইন ইন্দিয়া চেলেঞ্জশিংগুম্বা নেস্নেল প্লেৎফোর্মশিংনা লৈবাক শিনবা থুংনা লৈরিবা ক্রিয়েতরশিং অমসুং স্তার্ত-অপশিংদা কৈথেলশিং, ইনভেস্তরশিং, তেক্নোলোজি অমসুং মালেমগী পার্ত্নরশিপশিংদা হেন্না খুদোংচাবা ফংহনবা ঙমগনি।

শরুক য়ারিবা রাজ্য অমসুং য়ু.তি.গী ওফিসিএলশিংনা তোঙান তোঙানবা ইনিসিয়েতিবশিং ইমপ্লিমেন্ত তৌবগী মতাংদা মখোয়গী এক্সপরিয়েন্স অমসুং অৱাবশিং অদু ফোঙদোকখি অমসুং মন্ত্রালয়গা লোয়ননা কোওর্ডিনেসন অমসুং এঙ্গেজমেন্ত মখা তানা চেৎশিলহন্নবগী পাম্বৈশিং খন্নখি। রাজ্যগী থাক্তা কেপাসিতি বিল্দিংগী মথৌ তাবা অদুসু ফোঙদোকখি, রাজ্যশিংনা হেন্না পাও ফাওনবা, এঙ্গেজমেন্ত অমসুং চাং নায়না কনফরেন্স তৌবগী খুত্থাংদা মন্ত্রালয়দগী হেন্না মতেং পাংনবা হোত্‍‌নখি। ওফিসিএলশিংনা মন্ত্রালয় অসিগা হেন্না নক্ননা পুন্না থবক তৌমিন্ননবা অমসুং ওরেঞ্জ ইকোনোমী মপাঙ্গল কনখৎহনবদা এক্তিব ওইনা শরুক য়াবগী অপাম্বা অদুসু ফোঙদোকখি।

কনফরেন্স অসিগী মনুংদা মরুওইবা হীরম কয়াগী মতাংদা খন্ন-নৈনখি, মদুগী মনুংদা রাজ্য সরকারশিংনা কেবল ওপরেতরশিংগীদমক্তা রাইৎ ওফ ৱে (আর.ও.দব্ল্যু.) মেকানিজম ইমপ্লিমেন্ত তৌবা; ৱেবস ২০২৭কি রোদমেপ; ৱেবস বাজার অমসুং মার্কেৎ এক্সেশ মপাঙ্গল কনখৎহনবা; পব্লিক সর্ভিস ব্রোদকাস্তিং ইনফ্রাস্ত্রকচর পাকথোক চাওথোকহনবা; ৱেবস ও.তি.তি.গী প্লেৎফোর্মদা য়ুজরনা শেম্বা ক্রিয়েতিব কন্তেন্তশিং প্রমোত তৌবা; ইন্দিয়ন সিনে হব (আই.সি.ঐচ.) অমসুং ফিল্ম ফেসিলিতেসন ওফিশ (এফ.এফ.ও.)গী পোর্তেলশিংগী লম্বি অনিগী ইন্তিগ্রেসন; অমসুং ফিল্ম সুতিং অমসুং লাইব ইভেন্তশিংগী অয়াবা পিনবগীদমক সিঙ্গল-ৱিন্দো আই.সি.ঐচ. পোর্তেল এদোপ তৌই৷

কনফরেন্স অসিনা কন্তেনত কো-প্রদক্সন, স্তেত-স্পেসিফিক প্রোগ্রামিং অমসুং পব্লিক আওতরিচ হেনগৎহনবগী খুত্থাংদা পব্লিক সর্ভিস ব্রোদকাস্তিং মপাঙ্গল কনখৎহনবগী মতাংদসু খন্ন-নৈনখি; লাইব ইভেন্ত সেক্তার প্রমোত তৌবা; আই.আই.এম.সি.গী ত্রেনিং ফেসিলিতিশিংগী খুত্থাংদা দি.আই.পি.আর.গী ওফিসরশিংগী কেপাসিতি বিল্দিং; প্রেশ সর্ভিশ পোর্তেলগী খুত্থাংদা প্রেশ অমসুং রেজিস্ত্রেসন ওফ পেরিয়োদিকেল্স (পি.আর.পি.) এক্ত, ২০২৩গী মখাদা দিজিতেল ফ্রেমৱার্ক্তা ত্রাঞ্জিসন তৌবা; অমসুং সমগ্র শিক্ষা ফ্রেমৱার্ককি মখাদা রাজ্য সরকারশিংদা লাইরিক সপ্লাই তৌবগী খুত্থাংদা লাইব্রেরিশিং মপাঙ্গল কনখৎহনবা।

কনফরেন্স অসিনা পব্লিক সর্ভিস ব্রোদকাস্তিং, লাইব ইভেন্ত সেক্তর, দি.আই.পি.আর.গী ওফিসরশিংগী কেপাসিতি বিল্দিং, মীদিয়া & পব্লিকেসন সেক্তরদা দিজিতেল ত্রান্সফোর্মেসন অমসুং পব্লিক আওতরিচকি থৌরাংশিংগা মরি লৈনবা ৱাফম কয়া অমসু খন্নখি।

সেক্রেতরিনা পি.আই.বি.গী রিজনেল ওফিশশিং, রাজ্যগী ইনফোর্মেসন অমসুং পব্লিক রিলেসন দিপার্তমেন্তশিং, অমসুং দুরদর্সন অমসুং অকাশৱানীগী রিজনেল য়ুনিৎশিংগী মরক্তা রাজ্যগী অকক্নবা কন্তেনত অমসুং আওতরিচকিদমক হেন্না নক্না কোওর্ডিনেসন তৌনবা হায়খি। মহাক্না অমুক হন্না হায়খি মদুদি মন্ত্রালয় অসিনা ক্রিয়েতিব ইকোনোমী মপাঙ্গল কনখৎহন্নবা অমসুং মীয়ামগী পাও ফাওনবদা অহোঙবা পুরক্নবা অনৌবা ৱাখল্লোনশিং, রাজ্যনা লুচিংবা ইনিসিয়েতিবশিং অমসুং পার্ত্নরশিপ মোদেলশিংদা হাংদুনা লৈরি।

কনফরেন্স অসিদা ইনফোর্মেসন & ব্রোদকাস্তিং মন্ত্রালয়গী মকোক থোঙবা ওফিসিএলশিংগা লোয়ননা লৈবাক শিনবা থুংনা লৈরিবা রাজ্যশিং অমসুং য়ুনিয়ন তেরিতোরিশিংগী মীহুৎশিংগা লোয়ননা আই. &পি.আর. সেক্রতরীশিং শরুক য়াদুনা কেন্দ্র অমদি রীজ্যশিংগী মরক্তা নক্ননা তেংবাং পীনবা অমদি ৱাশক্নবা উবা ফংখি৷

***