সরকারনা লাইব ইভেন্ত সেক্তর অসি শেন্মিৎলোন চাউখৎহনবা য়াবা, থবক পীবা, তুরিজম অমসুং কলচরদা খুমাং চাউশিনহনবা য়াবা মরুওইবা দ্রাইভর অমা ওইনা মশক খঙলে।

সেক্তর অসিনা তুং কোইনা চাউখৎনবা অমসুং ২০৩০ ফাওবদা ভারতপু লাইব ইভেন্তশিংগী মালেমগী মফম অমা ওইহন্নবা, জুলাই ২০২৫দা লাইব ইভেন্তস দিবেলপমেন্ত সেল (এল.ই.দি.সি.) অসি জুলাই ২০২৫ তা লিংখৎখি। মসি কেন্দ্রগী মন্ত্রালয় অমসুং দিপার্তমেন্তশিং, রাজ্য সরকারশিং, ইন্দস্ত্রী এসোসিএসনশিং অমসুং অতোপ্পা স্তেকহোল্দরশিংগী মীহুৎশিং য়াওনা ইনফোর্মেসন অমসুং ব্রোদকাস্তিং মন্ত্রালয়গী সেক্রেতরীনা লুচিংদুনা চৎলি।

26.08.2025, 16.10.2025, 04.02.2026 অমসুং 30.04.2026 দা এল.ই.দি.সি.গী মীফম মরি পাংথোকখ্রে অমসুং ইনফ্রাস্ত্রকচর মপাঙ্গল কনখৎহন্নবা, রেগ্যুলেতরী প্রোসেসশিং লাইথোকহন্নবা, ইজ ওফ দুইং বিজিনেস প্রমোৎ তৌনবা অমসুং লাইব ইভেন্ত সেক্তরগীদমক মপাঙ্গল লৈরবা ইকোসিস্তেম অমা শেমগৎনবা থৌরাং কয়া পায়খৎখ্রে।

মরুওইবা ফলশিং মখাদা পীরি:

সেক্তর অসি চাউখৎহন্নবা অপুনবা থৌরাং অমা থম্লিবা এক্সিক্যুসন ফ্রেমৱার্ক অমা শেমদুনা স্তেকহোল্দর পুম্নমক্তা শন্দোকখ্রে।

ভারত সিনে হব (আই.সি.ঐচ.) পোর্তেলদা লাইব ইভেন্তকী অয়াবা পীনবগী ওনলাইন সিস্তেম অমা শেমগৎখ্রে অমসুং মথৌ তৌহনখ্রে। মসিনা এপ্লিকেসন, কোওর্দিনেসন, এপ্রুবেল, পেমেন্ত অমসুং ইন্সপেক্সনশিং কোনশিন্দুনা মতম চানা প্রোসেসিং তৌবা, রিএল তাইম ত্রেক তৌবা, থেংথবগী চাং হেনগৎহনবা, ইন্তিগ্রেতেদ দিজিতেল পেমেন্তশিং অমসুং দিজিতেল ওদিৎ ত্রেলশিং য়াওবা সিঙ্গল দিজিতেল ৱার্কফ্লো অমা ফংহল্লি।

রাজ্য/য়ু.তি. ২৯না আই.সি.ঐচ. পোর্তেলদা লাইব ইভেন্তকী অয়াবা পীনবগীদমক্তা মখোয়গী নোদেল ওফিসরশিং খনখ্রে।

এল.ই.দি.সি.না "মোদেল একজিক্যুতিব ওর্দর ফোর স্ত্রিমলাইনিং লাইসেন্সিং এন্দ পর্মিসন ফোর লাইভ ইভেন্তস ইন ইন্দিয়া, ২০২৬" শেমখ্রে অমসুং রাজ্য অমসুং য়ুনিয়ন তেরিতোরী পুম্নমক্তা ১৩.০৩.২০২৬দা শন্দোকখ্রে। হৌজিক্কী ওইনা, রাজ্য/য়ুনিয়ন তেরিতোরী ৩না মখোয়-মখোয়গী রাজ্যদা মসি ইমপ্লিমেন্ত তৌখ্রে।

আর্কিওলোজিকেল সর্ভে ওব ইন্দিয়ানা ঙাকশেল পীরিবা মোন্যুমেন্তশিংদা লাইব ইভেন্তশিং পাংথোক্নবগীদমক স্তেন্দর্দ ওপরেতিং প্রোসিদ্যুর অমা শেমখ্রে অমসুং মসিগীদমক্তা হেরিতেজ সাইৎ ২২৪গী লিস্ত অমা শেয়র তৌখ্রে।

গ্রীনফিল্দ ভেন্যু দিবেলপমেন্ত পোলিসীগী ৱারোল অমা শেমখ্রে অমসুং রাজ্য সরকারশিং, স্পোর্তস ওথোরিতীশিং অমসুং ইন্দস্ত্রী স্তেকহোল্দরশিংদা পীখ্রে।

স্কিলিং কম্মিতী অমা শেমখ্রে। ইন্দিয়ন ইন্সতিত্যুৎ ওফ মাস কম্ম্যুনিকেসননা, মীদিয়া অমসুং এন্তর্তেন্মেন্ত স্কিলস কাউন্সিল অমসুং ইভেন্ত অমসুং এন্তর্তেন্মেন্ত মেনেজমেন্ত এসোসিএসনগা খুৎশম্নদুনা, হৌজিক লৈরিবা প্রোগ্রামশিংদা সর্তিফিকেৎ অমসুং অতেনবা মতমগী কোর্সশিং অমসুং ইলেক্তিব মোদ্যুলশিংগা মরী লৈনবা শেম-শাবগী থবক পায়খৎলে।

LEDCনা ভিজা অমসুং FRROগী খুদোংচাবশিং, ক্রীড়া অমসুং হেরিতেজ ভেন্যুশিং শীজিন্নবা, ম্যুজিক লাইসেন্সিং লাইথোকপা, নুমিদাং পুং ১০গী মতুং ফাওবা থৌরমশিং পাংথোকগী অয়াবা পীবা, তেক্সেসন অমসুং ফাইনান্সিংদা মতেং পীনবা মরী লৈনবা ইসুশিং মশক খঙদোকখ্রে অমসুং মরী লৈনবা মন্ত্রালয়শিং অমসুং দিপার্তমেন্তশিংগা মখোয়না খন্ননবগীদমক শরুক য়াখ্রে।

এল.ই.দি.সি.গী রিকমেন্দেসনগী মতুং ইন্না, রিজর্ব বেঙ্ক ওফ ইন্দিয়ানা ২০২৬গী জনুৱারী ১৫দা নোতিফাই তৌখিবা ফোরেন এক্সচেঞ্জ মেনেজমেন্ত রিগুলেসন, ২০২৬গী মখাদা সর্ভিসশিং ইম্পোর্ত তৌনবগীদমক য়ু.এস.দি. ৫০০,০০০ অমসুং মসিগী মথক্তা এদভান্স রেমিতেন্সকীদমক বেঙ্ক গেরেন্তী পীবগী তঙাইফদবা অসি লৌথোকখ্রে। রিগুলেসন অসি 01.10.2026দগী চৎনবা হৌগনি।

ৱারোল অসি ইনফোর্মেসন অমসুং ব্রোদকাস্তিং অমসুং পার্লিয়ামেন্তরী এফিয়র্সকী রাজ্য মন্ত্রী, দা. এল. মুরুগাননা ঙসি লোক সভাদা পাঙথোকখিবা অনস্তার্রদ ক্বেসন অমগী অইবা পাউখুম ওইনা পীখিবনি।

***