গৃহ মন্ত্রালয়না লৈবাক পুম্বদা নোংজুগী ফীভম ইচঙ থৌনা য়েংশিল্লি। প্রধান মন্ত্রী শ্রী নরেন্দ্র মোদীগী লুচিংবা মখাদা অমসুং কেন্দ্রগী গৃহ মন্ত্রী শ্রী অমিত সাহগী লমজিং মখাদা গৃহ মন্ত্রালয়না অকনবা নোংনা পীরিবা শিংনবশিং লাকশিন্নবগীদমক নোংজুনা শোকহল্লবা স্তেত অমসুং য়ুনিয়ন তেরিতরীশিংদা মথৌ তাবা মতেঙ পুম্নমক পীরি।

জুলাই, ২০২৬ মনুংদা, লৈবাক অসিনা নগালেন্দ, অরুনাচল প্রদেশ, ৱেস্ত বেঙ্গল, অসাম, গুজরাত, মহারাস্ত্র, দদার অমসুং নগর হবেলী, দামন, জম্মু অমসুং কাস্মির অসিনচিংবা স্তেতশিংগী মফম খরদা অকনবা নোং অমসুং চীং নিংখায়বগী ফীভমশিং মায়োক্নরি।

মিনিস্ত্রী ওফ হোম এফ্যার্স ইন্তিগ্রেতেদ কন্ত্রোল রুম (ICR-ER) না ইন্দিয়া মেতিওরোলোজিকেল দিপার্তমেন্ত (IMD), সেন্ত্রেল ৱাতর কম্মিসন (CWC) অমসুং ইন্দিয়ন নেস্নেল সেন্তর ফোর ওসীন ইনফোর্মেসন সর্ভিসেস (INCOIS) য়াওনা অতৈ সেন্ত্রেল এজেন্সীশিংগা লোয়ননা স্তেত ইমর্জেন্সী ওপরেসন সেন্তরশিং অমসুং দিস্ত্রিক্ত ইমর্জেন্সী ওপরেসন সেন্তরশিংতা মতম চানা চেকশিনৱা পীননবা থবক তৌমিন্নরি। স্তেত./য়ু.তি. অমসুং দিস্ত্রিক্তশিংদা মতম চানা চেকশিনৱা পীবগী মথক্তা কন্ত্রোল রুম্না পুং কুনমরি চুপ্না মী কনবগী থবক য়েংশিল্লি।

নেস্নেল দিজাস্তর রেসপোন্স ফোর্স (NDRF) না খুদোংথিবা নংলবা মীওইশিংগী পুন্সি কন্নবগীদমক রেস্ক্যু অমসুং রীলিফ ওপরেসন পুম্নমক্তা স্তেত লৈঙাক্কী এজেন্সী, স্তেত পুলিস, অমসুং SDRF কা পুন্না থবক তৌমিন্নরি। NDRF না রেসপোন্স মতম হন্থহন্নবগীদমক খুদোংথিনিংঙাই ওইবা মফমশিংদা মাঙজৌননা তীমশিং থমখ্রে। হৌখিবা চয়োল অসিদা, খুদোংথিবা নংলিবা স্তেত/য়ু.তি. পুম্নমক্তা NDRF তীমশিংনা মীচম ৫২ কনখ্রে অমসুং মীওই ২২০৬ শাফগদবা মফমদা পুথোকখ্রে

MHA গা খুৎশম্নদুনা, মিনিস্ত্রী ওফ দিফেন্স (MoD) নসু পন্দুনা লৈরিবা মীওইশিং কন্নবগীদমক, মী অমসুং পোৎলমশিং পুথোক পুশিন তৌনবা অমসুং রিলীফ মচাকশিং য়েন্থোক্নবা রেস্ক্যু এজেন্সীশিংদা মতেঙ পীনবগীদমক মন্ত্রালয়গী মচাক মথুমশিং খ্বায়দগী তেনবা মতমগী মনুংদা শীজিন্নরি।

লৈবাক পুম্বদা নোংজু মমাঙগী ইচাও অমসুং হীতৱেবকীদমক শেম শাননবা য়েংশিন মীফম অমা মে ১০, ২০২৬ তা কেন্দ্রগী গৃহ মন্ত্রী শ্রী অমিত সাহনা পাঙথোকখি। মতুং তারকপদা জম্মু অমসুং কাস্মিরদা থোক্লিবা অকনবা নোংজু, ক্লাউদবর্স্ত, ইচাও অমসুং চীং নিংখায়বগীদমক শেম শারিবশিং য়েংশিন্নবা জুন ৩, ২০২৬ তা অতোপ্পা মীফম অমা MHA পাঙথোকখি। চাদ ধাম য়াত্রা লম্বী পরিংদা শেম শাবগী থবক থৌরাংশিংসু MHA চাং নাইনা য়েংশিল্লি।

কেন্দ্রগী গৃহ মন্ত্রী শ্রী অমিত সাহগী পাউতাক মখাদা, ইন্তর-মিনিস্তরিএল সেন্ত্রেল তীমশিংনা শোকপগী চাং য়েংশিন্নবা অমসুং NDRF তগী স্তেতশিংদা মথৌ তাবা শেলগী তেংবাং ফংহন্নবগীদমক জুলাই ০৭ দগী ১০, ২০২৬ ফাওবদা অরুনাচল প্রদেশ অমসুং অসামগী শোক্লিবা মফমশিংদা চৎলুরে। অতোপ্পা ইন্তর-মিনিস্তরিএল সেন্ত্রেল তীম অমসু নোং লেপ্তনা চুবা অমসুং ইচাওনা শোকহনবগী অমসুং অমাঙ অতা থোকপগী চাং য়েংশিন্নবগীদমক জুলাই ২৫, ২০২৬ তগী অসামগী শোক্লিবা মফমশিংদা চৎকদৌরি।

হন্দক চুরিবা নোংজু অসিনা স্তেত খরগী মীওইশিংদা খুদোংথিবা নংহল্লবসু, মপুং ওইনা মসিনা হান্না পানরম্বা নোংজুগী চাং হন্থবগী ফীভম চাদা ৩০ দগী চাদা ১৫ দা হন্থহল্লে।

******