অকাশৱানিগী চহি ৯০ সুরকপগী থৌরম পাঙথোক্লদুনা অমসুং ২০২৭তা ভারত্তা রেদিও ব্রোদকাস্তিংগী চহি তরাগী খুজিং অমা লোয়রবা মতুংদা অকাশৱানিনা ঙসি অকাশৱানি অমসুং ভারতকি লিজেন্দরি ম্যুজিসিয়নশিংগী মরক্তা লেংদবা মরি অদু নিংশিংবা কত্থোক্লবা ফোতো গেল্লরি অমা ওইরিবা ‘স্বর প্রেরনা ৱীথিকা’ শঙ্গাখ্রে। গেল্লরি অসি পদ্ম বিভুসন পন্দিত হরিপ্রশাদ চৌরাসিয়ানা ন্যু দিল্লীগী অকাশৱানি ভৱন ওদিতোরিয়মদা লৈবা অকাশৱানি রঙ্গ ভবন ওদিতোরিয়মদা শঙ্গাখি।

मुख्य अतिथि पंडित हरिप्रसाद चौरसिया द्वारा

"स्वर प्रेरणा वीथिका"
ब्राडकास्टिंग हाउस, आकाशवाणी भवन, नई दिल्ली स्थित संगीत विभूतियों की फोटो गैलरी का लोकार्पण किया गया .

स्थान: रंग भवन सभागार, आकाशवाणी भवन, नई दिल्ली@MIB_India @airnewsalerts @MinOfCultureGoI pic.twitter.com/6KSlIZd1HS

— Akashvani आकाशवाणी (@AkashvaniAIR) July 1, 2026

চাওরাক্না চহি তরাগী খুজিং অনিগী মমাঙদগী অকাশৱানিনা লৈবাক শিনবা থুংনা লিজেন্দরি আর্তিস্তশিংগী পরফোমেন্সশিং অদু তৌদুনা তারিবা মীওই লাখ কয়াদা য়ৌহনদুনা ভারতকি ইনাক খুল্লবা ম্যুজিকেল হেরিতেজ অসি ঙাক্তুনা থম্লি অমসুং য়োকখত্তুনা জাতি অসিগী মকোক থোঙবা পব্লিক সর্ভিস ব্রোদকাস্তর ওইনা থবক তৌরি। লেংদবা লিগেসি অসিবু ইকায় খুম্নবা উৎপা ওইনা খনখিবা স্বর প্রেরনা ৱীথিকানা অকাশবানিগা য়াম্না নক্না মরি লৈনবা অমসুং লৈবাক অসিগী খ্বাইদগী ৱাংবা সিভিলিয়ন ইকায় খুম্নবা ফংখিবা মমিং লৈরবা আর্তিস্তশিংবু ইকায় খুম্নরি। ইনিসিয়েতিবা অসিনা ভারতকি ম্যুজিক্তা মখোয়গী মমল য়ামলবা থৌদাং অদু ঙাক্তুনা থমবাগা লোয়ননা তুংগী মীরোলশিংগী আর্তিস্তশিং অমসুং ইশৈ-নোংমাইবু নুংশিবশিংদা ইথিল পিদুনা থম্নবা হোৎনরি।

খোঙথাং অসিগী অহানবা তাঙ্কক্তা মমিং লৈরবা ম্যুজিক লুমিনরি ২০গী মীতমশিং মায়খুম হাংদোকখি। গেল্লরি অসিদা ভারত রত্না মনা ফংলবা বিদুসি এম.এশ. শববুলক্সমী (কর্নাতিক ভোকেল), পন্দিত রবি শঙ্কর (সিতার), বিদুসি লতা মাঙ্গেশকর (প্লেবেক শিংহ), উস্তাদ বিশমীল্লাহ খান (সেহনাই), পন্দিত ভিমসেন জোশি (হিন্দুস্তানি ক্লাসিকেল ভোকেল) অমসুং দোকক্তর ভুপেন হাজরিকা (ফোক মীউজিক)। মসিনা পদ্ম বিভুসন মনা ফংলবশিং পন্দিত হরিপ্রশাদ চৌরাসিয়া (বাসী), উস্তাদ অমজাদ আলি খান (সারোদ) অমসুং উস্তাদ অল্লাওদ্দিন খান (সারোদ)গা লোয়ননা পদ্ম ভুসন মনা ফংলবশিং য়াওনা উস্তাদ হাফিজ আলি খান (সারোদ), পন্দিত বিরজু মহারাজ (কথক), উস্তাদ অহমদ জান থিরকৱা (তাবলা), পন্দিত ক্র্ইশ্নরাও শঙ্কর পন্দিত  (হিন্দুস্তানি ভোকেল), বিদুসি শান্নো খুরানা (ভোকেল), পন্দিত দেবু চৌধুরি (সিতার), বিদুসি শরন রানি বক্লিৱাল (সারোদ), উস্তাদ শাবরি খান (শরঙ্গি), পন্দিত রাজন মীশ্রা অমসুং পন্দিত সাজন মীশ্রা (হিন্দুস্তানি ভোকেল), উস্তাদ অশাদ আলি খান (রুদ্র ৱীনা) অমসুং উস্তাদ মুস্তাক হুসেন খান (হিন্দুস্তানি ভোকেল)।

থৌরম অসিদা ৱা ঙাংলদুনা প্রসার ভারতিগী চিফ এগজিক্যুতিব ওফিসর শ্রী গৌরব দ্বিবেদিনা হায়খি মদুদি স্বর প্রেরনা ৱীথিকা শঙ্গাবা অসিনা অকাশৱানিনা মখোয়গী চাওরবা থৌদাংশিংনা লৈবাক অসিগী মকোক থোঙবা কলচরেল ইন্সতিত্যুসন অমা ওইনা লিংখৎপদা মতেং পাংখিবা লিজেন্দরি আর্তিস্তশিংবু থাগৎপা ফোঙদোকপগী অহানবা তাঙ্কক্নি। মহাক্না হায়খি মদুদি মতুং তারকপা তাঙ্ককশিংদা হেন্না মমিং লৈরবা আর্তিস্তশিংগী মীতমগী গেল্লরি অসিদা হাপচিল্লগনি অমসুং লৈবাক শিনবা থুংনা লৈরিবা অকাশৱানি সেন্তরশিংদা মমিং লৈরবা মফম অদুগী ম্যুজিসিয়নশিংদা কত্থোক্লবা মান্নবা গেল্লরিশিংসু শেমগৎকনি।

ভারতকি ম্যুজিক্তা অকাশৱানিগী লেংদবা ৱাশক অদুদা অকনবা ৱাফম থম্লদুনা মহাক্না হায়খি মদুদি পব্লিক ব্রোদকাস্তর অসিনা মীরোল কয়াগী আর্তিস্তশিংদা মখোয়গী তেলেন্ত অদু উৎনবা প্লেৎফোর্ম অমা পিদুনা তোঙান তোঙানবা ম্যুজিকেল ত্রেদিসনশিং লেপ্তনা য়োকখৎলি অমসুং মসিগা লোয়ননা অতাবা মীওইশিংগী তোঙান তোঙানবা পামজবশিং অদু য়েংশিল্লি। মহাক্না মখা তানা হায়খিবদা অকাশৱানিগী কত্থোক্লবা দিজিতেল চেনেলশিং, হিন্দুস্তানি ক্লাসিকেল ম্যুজিক্কিদমক ‘রাগম্’ অমসুং ভক্তিগী ম্যুজিক্কিদমক ‘আরাধনা’ অসি য়ুত্যুব, ন্যুজ-ওন-এয়র এপতা নত্তনা ৱেবস ও.তি.তি. প্লেৎফোর্মদা ফংলে। মহাক্না থোইদোক্না হায়খি মদুদি অকাশৱানিগী আর্তিস্তশিংনা ভারতকি ইনাক খুল্লবা ম্যুজিকেল হেরিতেজ অসি লৈবাক শিনবা থুংনা অমসুং মালেম শিনবা থুংনা ওদিওদা য়ৌহনবদা মরু ওইবা থৌদাং লৌরি।

মীফম অদুদা ৱা ঙাংলদুনা পদ্ম বিভুসন পন্দিত হরিপ্রশাদ চৌরাসিয়ানা থৌরম অসিবু “য়ুমদা হল্লকপা” হায়না ফোঙদোকখি, অকাশৱানিগা লোয়ননা মহাক্কি ম্যুজিকেল খোঙচৎ অসি মসিগী অঙাংশিংগী প্রোগ্রামগী খুত্থাংদা হৌখিবনি হায়না নিংশিংখি। অকাশৱানিবু কলাকারশিংগী মীরোল কয়া য়োকখৎলক্লিবা ইমুং অমনি হায়না পল্লদুনা মহাক্না মসিগী ইনাক খুল্লবা কলচরেল ত্রেদিসন অসি মখা তানা চত্থগনি অমসুং ইন্সতিত্যুসন অসিনা লৈবাক শিনবা থুংনা তারিবা মীওইশিংগী নুংশিবা অমসুং থৱায়না তাজবা অদু ফংদুনা অদুম্মক লৈগনি হায়বগী থাজবা ফোঙদোকখি।

থৌরম অসি মখা তানা হেন্না মশক থোকহনখি মদুদি পন্দিত হরিপ্রশাদ চৌরাসিয়াগী খ্বাইদগী মমিং চৎপা সিস্যশিং। মৈহার ঘারানাগী মকোক থোঙবা এক্সপোনেন্ত অমা ওইরিবা পন্দিত কুলকরনি অসি মালেমগী ওইনা থাগৎপা য়াবা বাশী খোংবা অমনি, নেস্নেল অমসুং ইন্তর্নেস্নেল ওনর কয়া অমা ফংলবা, অমসুং অকাশবানিগী মকোক থোঙবা গ্রেদা আর্তিস্ত অমনি। মহাক্কি ইকায় খুম্নজরবা গুরুগী মমাঙদা পিখিবা মহাক্কি থৱাই য়াওবা পরফোমেন্স অদু মীয়াম্না য়াম্না থাগৎপা ফোঙদোকখি।

স্বর প্রেরনা ৱীথিকা শঙ্গাবা অসিনা ভারতকি ইনাক খুল্লবা ম্যুজিকেল হেরিতেজ অসি ঙাক্তুনা থম্নবা অমসুং মখোয়গী থৌদাংশিংনা লৈবাক অসিগী পব্লিক সর্ভিস ব্রোদকাস্তিং ত্রেদিসন অসি লিজেন্দরি আর্তিস্তশিংবু ইকায় খুম্নবা উৎনবা অকাশৱানিনা মখা তানা হোৎনরিবা অসিগী অতোপ্পা মরুওইবা মায়লন্তোন অমনি।

***