ভারতকী সিনেমাগী মগুন লৈরবা হেরিতেজ অসি ঙাক-শেন্দুনা থম্নবা অমসুং মালেমগী থাক্তা প্রমোৎ তৌনবগী মায়কৈদা খোংজেল য়াংনা চংশিল্লকপগা লোইননা ইনফোর্মেসন অমসুং ব্রোদকাস্তিং মন্ত্রালয় (এম.আই.বি.) গী মখাদা থবক তৌরিবা নেস্নেল ফিল্ম দিবেলপমেন্ত কোরপোরেসন  - নেস্নেল ফিল্ম আর্কাইব ওফ ইন্দিয়া (এন.এফ.দি.সি.-এন.এফ.এ.আই.) না শক্নাইরবা ফিল্মমেকর রিতিক ঘাতাক্কী মপুংফাবা ফিচর ফিল্মোগ্রাফি 4 K দা মায় পাক্না রিস্তোর তৌখ্রে। ভিজনরী দিরেক্তরগী মপোক কুমওন লাকপদা, এন.এফ.দি.সি.-এন.এফ.এ.আই.না ব্রিতিশ ফিল্ম ইন্সতিত্যুৎ (বি.এফ.আই.) গা খুৎশম্নদুনা ইং ২০২৬গী জুনদগী হৌদুনা লন্দনদা লৈবা মমিং লৈরবা বি.এফ.আই. সাউথবেঙ্কতা লেন্দমার্ক রেত্রোস্পেক্টিভী অমা উৎকনি। মসিগী মপুং ফাবা শক্তম অসিনা মালেমগী মীয়ামদা ঘাতাক্কী রেদিকেল স্তোরিতেলিং অমসুং অঙকপা এস্থেতিক ভিজনবু মহাক্কী খ্বাইদগী ফবা, অশেংবা ভিজুএল ফোর্মদা থেংনবগী খুদোংচাবা পীগনি।

ঘাতককী ফিল্মশিং অমুক হন্না শেমগৎপগী প্রোজেক্ত অসি নেস্নেল ফিল্ম হেরিতেজকী খ্বাইদগী শিংথানিংঙাই ওইবা থবকশিংগী মনুংদা অমনি। ইন্তর্নেস্নেল কোলাবোরেসন অসিগী ইন্সতিত্যুস্নেলগী ওইবা মরুওইবা অদু পল্লদুনা, এন.এফ.দি.সি.গী মেনেজিং দাইরেক্তর, শ্রী প্রকাশ মাগদুমনা হায়খি, "ভারতনা মালেমদা খ্বাইদগী মঙাল লৈবা সিনেমেটিক লেগেসি অমা লৈরি, অমসুং এন.এফ.দি.সি.-এন.এফ.এ.আই.না এন.এফ.ঐচ.এম.গী মখাদা খ্বাইদগী ৱাংবা গ্লোবেল স্তেন্দর্দশিংদা এসেতশিং অসি অমুক হন্না শেমগৎনবা অমসুং ঙাক-শেনবগীদমক থৌদাং লৌরি। ঐখোয়না শ্রী রিতৱিক ঘাতককী মপোক কুমওনগী চহি ১০০শুবা কুমওন পাংথোকপা অসিদা, লন্দন্দা বি.এফ.আই.গা লোইননা রেত্রোস্পেক্টিভী অসিগীদমক তেংবাং পীনবদা ঐখোয়না নুংঙাইবা ফাওই। মসিনা মালেমগী ফিল্ম কম্ম্যুনিতীদা শ্রী ঘাতকজীগী হৈশিংবা অমসুং ভারতকী আর্কাইবকী মাইপাকপশিং মশক খঙদোক্নবা অফবা প্লেৎফোর্ম অমা পীরি।"

নেস্নেল ফিল্ম হেরিতেজ মিসন (এন.এফ.ঐচ.এম.) গী মখাদা মসিগী অচৌবা আর্কাইবকী মায় পাকপা অসি পুরকখি। মসিনা লৈবাক অসিগী ওদিওভিজুএল লেগেসি ঙাক-শেনবগীদমক MIBগী ফ্লেগশিপ ইনিসিয়েতিবনি। চহী কয়াদগী এন.এফ.দি.সি.-এন.এফ.এ.আই.না চেকশিন্না ঙাক-শেন্দুনা থম্বা তোঙান তোঙানবা ওরিজিনেল ফিল্ম ইলিমেন্তশিং শীজিন্নদুনা অমসুং ৱেস্ত বেঙ্গল স্তেত ফিল্ম আর্কাইবতগী ফংলিবা মমল য়াম্লবা রিসোর্সশিং শীজিন্নদুনা 4K রিস্তোরেসনশিং অসি পাংথোকখি। ভিজুএল ওথেন্তিসিতি অমসুং মেস্ত্রোগী ওরিজিনেল সিনেমেতিক ভিজনবু মপুং ফানা ঙাক্না চৎনবগীদমক, মচুগী গ্রেদিং প্রোসেস অসি নেস্নেল এৱার্দ ফংলবা ভারতকী সিনেমেতোগ্রাফর শ্রী অভিক মুখোপাধ্যায়না হকথেংননা য়েংশিনখি। মহাক্না এন.এফ.ঐচ.এম.গী রিস্ত্রোবেসন প্রোজেক্ত অসিবু থাগৎপা ফোংদোকখি। মহাক্না হায়খি, "ঐহাক্না ঘাতক রিস্ত্রোবেসনগী শরুক অমা ওইবদা য়াম্না চাউথোকচৈ অমসুং নুংঙাইবা ফাওই মরমদি মহাক অসি লৈবাক অসিগী অমসুং মালেমগী থাক্তা খ্বাইদগী ওরিজিনেল ফিল্মমেকরশিংগী মনুংদা অমনি।" সিনেমেতোগ্রাফর অমা ওইনা, মসিনা ঐঙোন্দা মহাক্কী ফজরবা খোংজং অদু কুপ্না য়েংশিন্নবগী খুদোংচাবা অমা পীখি। অসিগুম্বা কন্না হোৎনজবা অদুবু অফবা থবক অমগীদমক ঐনা তীম পুম্নমকপু থাগৎচরি।"

লন্দনগী রেত্রোস্পেক্টিb অসিনা ঘাতাক্কী কেরিয়রগী মতম কয়াদা মহাক্কী ক্রিএতিব য়ুনিভর্সকা মরী লৈনবা খুদোংচাবা অমা পীরগনি। পাক চাউবা প্রোগ্রাম অসিদা মহাক্কী মরুওইবা ৱারী ৱারীগী ফিচর ৮, হায়বদি নাগরিক, অজন্ত্রিক, বারী থেকি পালিএ, মেঘে ঢাকা তার, কোমল গান্ধার, সুবর্নরেখা, তিতাস এক্তি নাদির নাম, অমসুং জুক্তি তককো অর গপ্পোগী নৌনা শেমদোক্লবা ৪কে প্রজেন্তেসনশিং য়াওরি। মাস্তরপীসশিং অসি মপুং ফাহন্নবগীদমক, শোকেস অসিদা মহাক্কী পুৱারীগী ওইবা মরু ওইবা অতেনবা ফোর্মেৎকী থবকশিং, দোকুমেন্তরীশিং, অমসুং বিহার কে দর্শানিয়া স্তান, মুসাফির, ফিয়ার, রেন্দেব্যুজ, নাগরিক সনরক্ষন, সাইন্তিস্ত ওফ তুমোর, য়হ কিউন, মাই লেনিন, পুরুলিয়র ছাউ, দর্বার গতি পদ্মা, হেরর প্রজাপতি, চিন্মুল, রামকিংকর বাইজ, রৌঙ্গর গোলম, অমসুং বগলর বঙ্গ দর্শন য়াওনা অরোইবা থবকশিংসু উৎকনি।

এন.এফ.দি.সি.-এন.এফ.আই.আই. অমসুং বি.এফ.আই.গী মরক্তা লৈরিবা পার্তনরশিপ অসিনা ভারতকী সিনেমেটিক এসেৎশিংবু মালেমগী থাক্কী থাক্তা অমুক হন্না শেমগৎনবা লেপ্তনা হোৎনরিবা অদু মপাঙ্গল কনখৎহল্লি। নেস্নেল ফিল্ম হেরিতেজ মিসনগী মখাদা অসিগুম্বা পাক-শন্না রিস্ত্রোবেতিব অমসুং প্রমোস্নেল ইনিসিয়েতিবশিং শৌগৎতুনা, ভারত সরকারনা মসিগী মাস্তরপিসশিং অসি জিওগ্রাফীকেল বোন্দরীশিংদগী হেন্দুনা লাক্কদৌরিবা দিকেদশিংদা মালেমগী মীয়াম্বু ইথিল পীরগনি হায়না থাজবা পীরি।

(NFDC-NFAI) গী মতাংদা

নেস্নেল ফিল্ম দিবেলপমেন্ত কোরপোরেসন - নেস্নেল ফিল্ম আর্কাইব ওফ ইন্দিয়া (এন.এফ.দি.সি. -এন.এফ.এ.আই.) অসি লৈবাক অসিগী সিনেমাগী হেরিতেজ অসি ঙাক-শেন্দুনা থম্নবা, দোকুমেন্ত তৌনবা অমসুং প্রমোৎ তৌনবা থাদোকপা ভারতকী প্রিমিয়র ইন্সতিত্যুসন অমনি। মসিগী পান্দমদি মালেমগী সিনেমাগী রিপ্রজেন্তেতিব কোলেক্সন অমা ঙাক্তুনা থম্বগা লোয়ননা তুংগী চারোন-শুরোনগীদমক পুৱারীগী, কলচরগী অমসুং আর্তিস্তিক্কী ওইবা মরুওইবা ফিল্মশিং থিদোকপা, ফংহনবা, ঙাক-শেন্দুনা থম্বা অমসুং অমুক হন্না শেমগৎপনি।

ইং 1969দগী ইন্তর্নেস্নেল ফেদরেসন ওফ ফিল্ম আর্কাইব (এফ.আই.এ.এফ.) গী মেম্বর অমা ওইরিবা এন.এফ.দি.সি.এন.এফ.আই.না ভারতকী ফিল্ম হিস্তরীগী মরুওইবা রিপোজিতোরি অমা ওইনা মথৌ তৌরি। মসিগী রিসর্স অমসুং দোক্যুমেন্তেসন সেক্সন অসিদা ফিল্মগা মরী লৈনবা মেতরিএলশিংগী ক্লেক্সন য়াম্না লৈ, মসিগী মনুংদা ফোতোগ্রাফ লাখ ২, ফিল্ম পোস্তর ৪০,০০০, ঈশৈ লাইরিক ২৪,০০০, অমসুং প্রেস ক্লিপ্পিং লাখ ২.২৮ য়াওরি, মসিদগী অয়াম্বদি কঞ্জার্বেসন অমসুং রিসর্সকী পান্দমদা দিজিতেলাইজ তৌখ্রে।

নেস্নেল ফিল্ম হেরিতেজ মিসন (এন.এফ.ঐচ.এম.) গী মতাংদা

ফিল্ম ঙাকশেনবগী থবকশিং মপাঙ্গল কনখৎহন্নবা ভারত সরকারনা ২০১৫দা নেস্নেল ফিল্ম হেরিতেজ মিসন (এন.এফ.ঐচ.এম.) হৌদোকখি। মসিগী মিসন অসিগী মখাদা, NFDC–NFAI না 2K অমসুং 4K দিজিতেলাইজেসন অমসুং ময়েক লারবা ভারতকী ফিল্মশিং অমুক হন্না শেমগৎপা, ফিল্ম রিলশিংগী কন্দিসন এসেসমেন্ত তৌবা, আর্কাইব ভোল্তশিং শেমগৎপা অমসুং ত্রেনিং অমসুং ৱার্কশোপশিংগী খুত্থাংদা ইন্সতিত্যুস্নেল কেপাসিতী শেমগৎপা পায়খৎলি।

খোঙথাংশিং অসিগী খুত্থাংদা, এন.এফ.দি.সি./এন.এফ.এ.আই.না ভারতকী সিনেমেটিক লেগেসী অসিবু ঙাক-শেন্দুনা থম্বদা অমসুং ক্লাসিক ফিল্মশিং অসি হৌজিক্কী অমসুং তুংগী চারোন-শুরোনগীদমক ফংহনবদা মরুওইবা থৌদাং অমা লৌরি।

 ***