প্রধান মন্ত্রী শ্রী নরেন্দ্র মোদীনা ময়াই তাংবল লৌদুনা ফমখিবা কেন্দ্রগী মন্ত্রী-মন্দলনা ইমর্জেন্সী ক্রেদিৎ লাইন গেরেন্তী স্কিম (ই.সি.এল.জি.এস.) ৫.০ অয়াবা পীখ্রে। স্কিম অসিগী পান্দমদি নোংচুপ এসিয়াদা থোক্লিবা লান অসি য়েংলগা শোর্ত-তর্ম লিক্বিদিতী মিসমেৎচশিং থেংনবা ঙম্নবা ইলিজিবল বোরোৱরশিংদা এদিস্নেল ক্রেদিৎ ফেসিলিতী পীবগী মখাদা দিফোল্ত ওইবা শেনফমগীদমক নেস্নেল ক্রেদিৎ গেরেন্তী ত্রস্তী কম্পনী লিমিতেদ (এন.সি.জি.তি.সি.)গী খুত্থাংদা মেম্বর লেন্দিং ইন্সতিত্যুসনশিং (এম.এল.আই.)না এম.এস.এম.ই.শিংগীদমক্তা ১০০%গী ক্রেদিৎ গেরেন্তী কোভরেজ  অমসুং এম.এস.এম.ই. নত্তবশিংগীদমক্তা ৯০%গী ক্রেদিৎ গেরেন্তী কোভরেজ অমসুং এয়রলাইন্স সেক্তরদা পীবনি।

স্কিম অসিগী মরু ওইবা ফীচরশিং:

• ইলিজিবল ওইবা বোরোৱরশিং: এম.এস.এম.ই. অমসুং নন-এম.এস.এম.ই.শিং অসি হৌজিক লৈরিবা ৱার্কিং কেপিতেল লিমিৎশিং অমসুং মার্চ ৩১, ২০২৬ ফাওবদা ক্রেদিৎ ফেসিলিতীশিং লৈরবা সিদ্যুল পেসেঞ্জর এয়রলাইনশিং, মখোয়গী একাউন্তশিং অদু স্তেন্দর্দ ওইরবা।
• গেরেন্তী কোভরেজ: এম.এস.এম.ই.শিংগীদমক ১০০% অমসুং নন-এম.এস.এম.ই.শিংগীদমক ৯০% লোয়ননা এয়রলাইন্স সেক্তরগীদমক।
• গেরেন্তী ফী: নিল।
• সপ্পোর্তকী ক্বান্তম: এফ.ৱাই. ২৬কী মরিশুবা ক্বাতরদা শীজিন্নখিবা খ্বাইদগী ৱাংবা ৱর্কিং কেপিতেলগী ২০% ফাওবগী অহেনবা ক্রেদিৎ (করোর ১০০দা কেপ তৌখিবা) । এয়রলাইন্সকীদমক্তা ১০০% ফাওবা (অখন্নবা কন্দিসন খরা থুংহনবগী মতুং ইন্না বোরোৱর অমদা লুপা করোর ১,৫০০গী লিমিৎ) ।
• লোনগী মতম:

• এম.এস.এম.ই.শিং/নন-এম.এস.এম.ই.শিং (এয়রলাইন্স সেক্তর নত্তনা) গীদমক: চহি ১গী মোরাতোরিয়ম য়াওনা অহানবা দিসবর্সমেন্তগী তাংদগী চহি ৫ ফাওবা।
• এয়রলাইন্স সেক্তরগীদমক: চহি ২গী মোরাতোরিয়ম য়াওনা অহানবা দিসবর্সমেন্ত তৌখিবা তাংদগী চহি ৭ ফাওবা।

• গেরেন্তী কোভরগী মতম: গেরেন্তী কোভরগী খ্বাইদগী শাংবা মতম অসি লোনগী মতমগা মান্নগদবনি।
• স্কিম অসিগী মতম: স্কিম অসি এন.সি.জি.তি.সি.না লমজিং-লমতাক পীবা নুমিৎতগী ৩১.০৩.২০২৭ ফাওবগী মনুংদা অয়াবা পীরবা লোন পুম্নমক্তা চৎনগনি।

কান্নবা:

স্কিম অসিনা বিজিনেসশিংবু নোংচুপ এসিয়াগী কনফ্লিক্তকী মতুং ইন্না লাক্লিবা শিংনবশিং অসি মায়োক্নবদা মতেং পাংনবা পান্দম থম্লি। মসিগী মথক্তা, মসিনা বিজিনেসশিংবু মখোয়গী ওপরেসনশিং লেপ্তনা থম্নবা, থবকশিং ঙাকথোক্নবা অমসুং সপ্লাই চেনশিং লেংদনা থম্নবা মতেং পাংগনি হায়না পানরি। প্রোপোজ তৌরিবা ক্রেদিৎ গেরেন্তী স্কিম অসি বিজিনেসশিং, মরুওইনা এম.এস.এম.ই.শিং অমসুং এয়রলাইন সেক্তরদা মখোয়গী অহেনবা ৱর্কিং কেপিতেলগী মথৌ তাবশিং বেঙ্কশিং অমসুং এফ.আই.শিংনা ফংহনবদা মতেং পাংনবা মরুওইবা খোংথাং অমনি। মতম চানা লিক্বিদিতী ফংহন্দুনা, স্কিম অসিনা বিজিনেসশিং অসিবু ঙাকথোক্কনি অমসুং থবক মাংহনবদগী ঙাকথোক্কনি। মসিনা অকায়বা লৈতবা দোমেস্তিক প্রদক্সনসু প্রোমোৎ তৌগনি অমসুং ইকোসিস্তেমগী রেজিলিয়েন্স ঙাক্তুনা থমগনি।

***