Ka Kynhun Myntri jong ka sorkar pdeng ba la pyniaid da u Myntri Rangbah duh ka ri u Narendra Modi ka la mynjur ia ka Emergency Credit Line Guarantee Scheme (ECLGS) 5.0. Ka skhim ka thmu ban ai ka jingpynthikna ia ka ram kaba 100% na ka bynta ki MSME bad 90% na ka bynta ki bym dei ki MSME bad kumjuh ruh ia ka kam pynher liengsuin, sha ki Member Lending Institution (MLI) lyngba ka National Credit Guarantee Trustee Company Limited (NCGTC) na ka bynta ka pisa kaba sah hapoh ka jingai ram ba la pynjlan sha ki nongshim ram kiba dei hok ban iarap haba don kano kano ka jingeh ha ka jingpynmih pisa ha ka por kaba lyngkot ha kaba iadei bad ka jingeh ha West Asia.

Ki bynta ba kongsan jong ka skhim:

• Ki nongshim ram kiba lah ban shim ram: Ki MSME bad ki bym dei ki MSME kiba don ïa ki kyndon kiba iadei bad ka pisa treikam ba la don lypa bad ki liengsuiñ kit nongleit nongwan ba la buh por kiba don ïa ki lad jingïarap ba dang sahteng, naduh ka 31 tarik Lber, 2026, tang lada ki jingkheiñ jong ki, ki long kiba biang.
• Ka jingpynthikna: 100% na ka bynta ki MSME bad 90% na ka bynta ki bym dei ki MSME bad kumjuh ruh ha ka kam pynher liengsuiñ.
• Ka bai pynthikna: Ym don.
• Ka jingheh jong ka jingkyrshan: Ka jingai ram shuh shuh haduh 20% na ka pisa treikam ba la pyndonkam ha ka Q4 FY 26 (la buh pud haduh T.100 klur). Na ka bynta ki kompeni liengsuiñ haduh 100% (la buh kyndon haduh T.1,500 klur na ka bynta uwei u nongshim ram, katkum ka jingpynbiang ïa ki katto katne ki kyndon ba kyrpang).
• Ka samoi jong ka ram:

• Na ka bynta ki MSME/Ki bym dei ki MSME (lait noh ka kam pynher liengsuiñ): 5 snem naduh ka tarik ba la ai pisa nyngkong kynthup ïa ka jingpynsangeh kaba 1 snem.
• Na ka bynta ka kam pynher liengsuiñ: 7 snem naduh ka tarik ba la ai pisa nyngkong kynthup ïa ka jingpynsangeh kaba 2 snem.

• Ka samoi jong ka jingpynthikna ban ai jingiarap: Ka por ba bun tam jong ka jingai jingiarap kan long ka por ba kut ka ram.
• Ka samoi jong ka skhim: Ka skhim kan treikam na ka bynta baroh ki ram ba la mynjur ha ka samoi naduh ka tarik ba la pynmih ia kine ki kyndon da ka NCGTC haduh ka 31.03.2027.

Ka jingktah:

Ka skhim ka thmu ban plie lad ia ki kam khaii ban iaineh hapdeng ki jingeh kiba mih na ka jingiakynad ha West Asia. Nalor kata, la khmih lynti ba kane kan iarap ia ki kam ban pynneh ia ka jingtreikam jong ki, ban iada ia ki kam, bad ban pynneh ia ki jingpynpoi mar. Ka skhim ai ram ba la tyrwa ban wanrah kadei ka sienjam kaba kongsan ban iarap ia ki kam khaii, khamtam ia ki MSME bad ka kam pynher liengsuin, ban pynthikna ba ki jingdonkam jong ki ha ka pisa treikam ba ki donkam shuh shuh, la pynbiang da ki Bank & FI. Da kaba ai lad ban pynmih pisa ha ka por kaba biang, ka skhim kan pynneh pynsah ia ki kam bad kan iada na ka jingduh kam. Kan kyntiew ruh ia ka jingpynmih mar hapoh ka ri khlem jingthut bad kan pynneh ia ka jingskhem jong ka kam.

***