પ્રધાનમંત્રી શ્રી નરેન્દ્ર મોદીની અધ્યક્ષતામાં કેન્દ્રીય કેબિનેટે ઇમરજન્સી ક્રેડિટ લાઇન ગેરંટી સ્કીમ (ECLGS) 5.0 ને મંજૂરી આપી છે. આ યોજનાનો હેતુ પશ્ચિમ એશિયાની કટોકટીને ધ્યાનમાં રાખીને ટૂંકા ગાળાની પ્રવાહીતા (લિક્વિડિટી) ની અસમતુલાને દૂર કરવા માટે પાત્ર લેણદારોને લંબાવવામાં આવેલી વધારાની ક્રેડિટ સુવિધા હેઠળ ડિફોલ્ટ થયેલી રકમ માટે, નેશનલ ક્રેડિટ ગેરંટી ટ્રસ્ટી કંપની લિમિટેડ (NCGTC) દ્વારા સભ્ય ધિરાણ આપતી સંસ્થાઓ (MLIs) ને MSMEs માટે 100% અને નોન-MSMEs તેમજ એરલાઇન ક્ષેત્ર માટે 90% નું ક્રેડિટ ગેરંટી કવરેજ પૂરું પાડવાનો છે.

યોજનાની મુખ્ય વિશેષતાઓ:

• પાત્ર લેણદારો: MSMEs અને નોન-MSMEs કે જેમની પાસે હાલની વર્કિંગ કેપિટલ લિમિટ છે અને શિડ્યુલ્ડ પેસેન્જર એરલાઇન્સ કે જેઓ 31 માર્ચ 2026 સુધીમાં બાકી ક્રેડિટ સુવિધાઓ ધરાવે છે, પરંતુ શરત એ છે કે તેમના ખાતા સ્ટાન્ડર્ડ (સામાન્ય) હોય.
• ગેરંટી કવરેજ: MSMEs માટે 100% અને નોન-MSMEs તેમજ એરલાઇન ક્ષેત્ર માટે 90%.
• ગેરંટી ફી: શૂન્ય.
• સહાયની માત્રા: ચોથા ક્વાર્ટર (Q4) નાણાકીય વર્ષ 26 દરમિયાન ઉપયોગમાં લેવાયેલી પીક વર્કિંગ કેપિટલના 20% સુધીની વધારાની ક્રેડિટ (₹100 કરોડની મર્યાદામાં). એરલાઇન્સ માટે 100% સુધી (ચોક્કસ વિશિષ્ટ શરતો સંતોષવાને આધીન, લેણદાર દીઠ ₹1,500 કરોડની મર્યાદામાં).
• લોનની મુદત:
  • MSMEs/નોન-MSMEs માટે (એરલાઇન ક્ષેત્ર સિવાય): પ્રથમ વિતરણની તારીખથી 5 વર્ષ, જેમાં 1 વર્ષના મોરેટોરિયમનો સમાવેશ થાય છે.
  • એરલાઇન ક્ષેત્ર માટે: પ્રથમ વિતરણની તારીખથી 7 વર્ષ, જેમાં 2 વર્ષના મોરેટોરિયમનો સમાવેશ થાય છે.
• ગેરંટી કવરની મુદત: ગેરંટી કવરનો મહત્તમ સમયગાળો લોનની મુદતની સાથે જ સમાપ્ત થશે (સહ-ટર્મિનસ રહેશે).
• યોજનાનો સમયગાળો: આ યોજના NCGTC દ્વારા આ માર્ગદર્શિકા બહાર પાડવાની તારીખથી લઈને 31.03.2027 સુધીના સમયગાળા દરમિયાન મંજૂર કરાયેલી તમામ લોન પર લાગુ થશે.

અસરો:

આ યોજનાનો ઉદ્દેશ્ય વ્યવસાયોને પશ્ચિમ એશિયાના સંઘર્ષમાંથી ઉદ્ભવતા પડકારોને પાર કરવામાં સક્ષમ બનાવવાનો છે. વધુમાં, આનાથી વ્યવસાયોને તેમની કામગીરી જાળવી રાખવા, નોકરીઓનું રક્ષણ કરવા અને સપ્લાય ચેઈનને ચાલુ રાખવામાં મદદ મળશે તેવી અપેક્ષા છે. પ્રસ્તાવિત ક્રેડિટ ગેરંટી યોજના વ્યવસાયોને, ખાસ કરીને MSMEs અને એરલાઇન ક્ષેત્રને, તેમની વધારાની વર્કિંગ કેપિટલની જરૂરિયાતો બેંકો અને નાણાકીય સંસ્થાઓ દ્વારા પૂરી પાડવામાં આવે તે સુનિશ્ચિત કરવા માટેનું એક મોટું પગલું છે. સમયસર પ્રવાહીતા પૂરી પાડીને, આ યોજના વ્યવસાયોને ટકાવી રાખશે અને નોકરી ગુમાવતા અટકાવશે. તે અવિરત સ્થાનિક ઉત્પાદનને પણ પ્રોત્સાહન આપશે અને ઇકોસિસ્ટમની સ્થિતિસ્થાપકતા જાળવી રાખશે.

SM/IJ/JD