ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀଙ୍କ ଅଧ୍ୟକ୍ଷତାରେ ଅନୁଷ୍ଠିତ କେନ୍ଦ୍ର କ୍ୟାବିନେଟ୍ ଜରୁରୀକାଳୀନ କ୍ରେଡିଟ୍ ଲାଇନ ଗ୍ୟାରେଣ୍ଟି ଯୋଜନା (ଇସିଏଲଜିଏସ) ୫.୦କୁ ମଞ୍ଜୁରୀ ଦେଇଛି । ପଶ୍ଚିମ ଏସିଆ ସଙ୍କଟକୁ ଦୃଷ୍ଟିରେ ରଖି ଯେକୌଣସି ସ୍ୱଳ୍ପକାଳୀନ ଆର୍ଥିକ ଅଭାବକୁ ଭରଣା କରିବା ପାଇଁ ଯୋଗ୍ୟ ଋଣଗ୍ରହୀତାଙ୍କ ନିମନ୍ତେ ଅତିରିକ୍ତ ଋଣ ସୁବିଧା ଅଧୀନରେ ଡିଫଲ୍ଟ ପରିମାଣ ପାଇଁ ନେସନାଲ୍ କ୍ରେଡିଟ୍ ଗ୍ୟାରେଣ୍ଟି ଟ୍ରଷ୍ଟି କମ୍ପାନୀ ଲିମିଟେଡ୍ (ଏନସିଜିଟିସି) ଦ୍ୱାରା ସଦସ୍ୟ ଋଣ ପ୍ରଦାନକାରୀ ସଂସ୍ଥା (ଏମଏଲଆଇ)ଗୁଡ଼ିକୁ ଋଣ ଗ୍ୟାରେଣ୍ଟି ସୁରକ୍ଷା ପ୍ରଦାନ କରିବା ଏହି ଯୋଜନାର ଉଦ୍ଦେଶ୍ୟ । ଏହି ଗ୍ୟାରେଣ୍ଟି ଫଳରେ ଏମଏସଏମଇ ପାଇଁ ୧୦୦% ଏବଂ ଅଣ-ଏମଏସଏମଇ ଏବଂ ବିମାନ କ୍ଷେତ୍ର ପାଇଁ ୯୦% ଋଣ ଯୋଗାଣ ସମ୍ଭବ ହୋଇପାରିବ ।

ଯୋଜନାର ପ୍ରମୁଖ ବୈଶିଷ୍ଟ୍ୟ: 

ଯୋଗ୍ୟ ଋଣଗ୍ରହିତା ଆକାଉଣ୍ଟ ମାନକ ବା ଷ୍ଟାଣ୍ଡାର୍ଡ ସ୍ଥିତିରେ ଥିଲେ, ୩୧ ମାର୍ଚ୍ଚ ୨୦୨୬ ସୁଦ୍ଧା କାର୍ଯ୍ୟଶୀଳ ପୁଞ୍ଜି ସୀମା ଥିବା ଏମଏସଏମଇ ଓ ଅଣ-ଏମଏସଏମଇ ଏବଂ ଅନୁସୂଚିତ ଯାତ୍ରୀ ବିମାନ କମ୍ପାନୀଗୁଡ଼ିକ ପାଖରେ ବକେୟା ଋଣ ସୁବିଧା ଅଛି ।

ଗ୍ୟାରେଣ୍ଟି କଭରେଜ୍: ଏମଏସଏମଇ ପାଇଁ ୧୦୦% ଏବଂ ଅଣ- ଏମଏସଏମଇ ଏବଂ ବିମାନ କ୍ଷେତ୍ର ପାଇଁ ୯୦%।

ଗ୍ୟାରେଣ୍ଟି ଶୁଳ୍କ: ଶୂନ୍ୟ।

ସହାୟତାର ପରିମାଣ: ଆର୍ଥିକ ବର୍ଷ ୨୦୨୬ର ଚତୁର୍ଥ ତ୍ରୈମାସରେ ବ୍ୟବହୃତ ସର୍ବାଧିକ କାର୍ଯ୍ୟକାରୀ ପୁଞ୍ଜିର ୨୦% ପର୍ଯ୍ୟନ୍ତ ଅତିରିକ୍ତ ଋଣ (୧୦୦ କୋଟି ଟଙ୍କା ପର୍ଯ୍ୟନ୍ତ ସୀମିତ)। ବିମାନ କମ୍ପାନୀଗୁଡ଼ିକ ପାଇଁ ୧୦୦% ପର୍ଯ୍ୟନ୍ତ (ପ୍ରତି ଋଣଗ୍ରହୀତା ପାଇଁ ୧୫୦୦ କୋଟି ଟଙ୍କା ପର୍ଯ୍ୟନ୍ତ ସୀମିତ, କିଛି ନିର୍ଦ୍ଦିଷ୍ଟ ସର୍ତ୍ତ ପୂରଣ କରିବା ଉପରେ ନିର୍ଭର କରେ)।

ଋଣ ଅବଧି

ଏମଏସଏମଇ/ଅଣଏମଏସଏମଇ ପାଇଁ (ଏୟାରଲାଇନ୍ କ୍ଷେତ୍ରକୁ ଛାଡ଼ି): ପ୍ରଥମ ଋଣ ପ୍ରଦାନ ତାରିଖରୁ ୫ ବର୍ଷ, ଯେଉଁଥିରେ ୧ ବର୍ଷର ମହଲତ ମଧ୍ୟ ସାମିଲ ରହିଛି ।

ଏୟାରଲାଇନ୍‌ କ୍ଷେତ୍ର: ପ୍ରଥମ ବିତରଣ ତାରିଖଠାରୁ ୭ ବର୍ଷ, ଯେଉଁଥିରେ ୨ ବର୍ଷର ମହଲତ ମଧ୍ୟ ଅନ୍ତର୍ଭୁକ୍ତ ।

ଗ୍ୟାରେଣ୍ଟିର ଅବଧି: ଗ୍ୟାରେଣ୍ଟିର ସର୍ବାଧିକ ଅବଧି ଋଣର ଅବଧି ସହିତ ସହ-ଶେଷ ହେବ।

ଯୋଜନାର ଅବଧି: ଏହି ଯୋଜନା ଏନସିଜିଟିସି ଦ୍ୱାରା ଏହି ମାର୍ଗଦର୍ଶିକା ଜାରି ହେବା ତାରିଖଠାରୁ ୩୧ ମାର୍ଚ୍ଚ ୨୦୨୭ ପର୍ଯ୍ୟନ୍ତ ମଞ୍ଜୁର ହୋଇଥିବା ସମସ୍ତ ଋଣ ପାଇଁ ପ୍ରଯୁଜ୍ୟ ହେବ।

ପ୍ରଭାବ:

ଏହି ଯୋଜନାର ଲକ୍ଷ୍ୟ ହେଉଛି ପଶ୍ଚିମ ଏସିଆ ସଂଘର୍ଷ କାରଣରୁ ସୃଷ୍ଟି ହୋଇଥିବା ଆହ୍ୱାନଗୁଡ଼ିକର ମୁକାବିଲା କରିବା ପାଇଁ ବ୍ୟବସାୟଗୁଡ଼ିକୁ ସକ୍ଷମ କରିବା। ଏହା ସହିତ, ଏହା ବ୍ୟବସାୟଗୁଡ଼ିକୁ ସେମାନଙ୍କର କାର୍ଯ୍ୟକ୍ଷମତା ବଜାୟ ରଖିବା, ଚାକିରି ସୁରକ୍ଷା ଦେବା ଏବଂ ଯୋଗାଣ ଶୃଙ୍ଖଳ ବଜାୟ ରଖିବାରେ ସାହାଯ୍ୟ କରିବ ବୋଲି ଆଶା କରାଯାଉଛି। ପ୍ରସ୍ତାବିତ କ୍ରେଡିଟ୍ ଗ୍ୟାରେଣ୍ଟି ଯୋଜନା ହେଉଛି, ବ୍ୟାଙ୍କ ଓ ଆର୍ଥିକ ସଂସ୍ଥାଗୁଡ଼ିକ ମାଧ୍ୟମରେ ବ୍ୟବସାୟଗୁଡ଼ିକୁ, ବିଶେଷକରି ଏମଏସଏମଇ ଓ ଏୟାରଲାଇନ୍ସ କ୍ଷେତ୍ରକୁ ସେମାନଙ୍କର ଅତିରିକ୍ତ କାର୍ଯ୍ୟକାରୀ ପୁଞ୍ଜି ଆବଶ୍ୟକତାକୁ ପୂରଣ କରିବା ପାଇଁ ସାହାଯ୍ୟ କରିବା ଦିଗରେ ଏକ ପ୍ରମୁଖ ପଦକ୍ଷେପ। ସମୟୋଚିତ ପୁଞ୍ଜି ପ୍ରଦାନ କରି, ଏହି ଯୋଜନା ବ୍ୟବସାୟଗୁଡ଼ିକୁ ବଜାୟ ରଖିବ ଏବଂ ଚାକିରି ହାନିକୁ ରୋକିବ । ଏହା ନିରନ୍ତର ଘରୋଇ ଉତ୍ପାଦନକୁ ମଧ୍ୟ ପ୍ରୋତ୍ସାହିତ କରିବ ଏବଂ ପରିବେଶର ସ୍ଥିରତା ବଜାୟ ରଖିବ।

******

PS