പശ്ചിമേഷ്യയിലെ മാറിക്കൊണ്ടിരിക്കുന്ന സാഹചര്യങ്ങളെക്കുറിച്ച് മാധ്യമങ്ങളെ അറിയിക്കുന്നതിനുള്ള തുടർച്ചയായ ശ്രമങ്ങളുടെ ഭാഗമായി, ഇന്ത്യാ ഗവണ്മെൻ്റ് ഇന്ന് നാഷണൽ മീഡിയ സെൻ്ററിൽ ഒരു വാര്‍ത്താ സമ്മേളനം വിളിച്ചുചേർത്തു. പെട്രോളിയം-പ്രകൃതി വാതക മന്ത്രാലയം, തുറമുഖ-ഷിപ്പിംഗ്-ജലപാതാ മന്ത്രാലയം, വിദേശകാര്യ മന്ത്രാലയം എന്നിവയുടെ പ്രതിനിധികൾ ഇന്ധന ലഭ്യത, സമുദ്ര പ്രവർത്തനങ്ങൾ, ഈ മേഖലയിലെ ഇന്ത്യൻ പൗരന്മാർക്ക് നല്കുന്ന പിന്തുണ, പ്രധാന മേഖലകളിൽ സ്ഥിരത നിലനിർത്തുന്നതിനായി സ്വീകരിച്ചുവരുന്ന നടപടികൾ എന്നിവ സംബന്ധിച്ച ഏറ്റവും പുതിയ വിവരങ്ങൾ പങ്കുവെച്ചു. വാണിജ്യ, വ്യവസായ മന്ത്രാലയത്തിന് കീഴിലുള്ള വ്യവസായ, ആഭ്യന്തര വ്യാപാര പ്രോത്സാഹന വകുപ്പും പുതിയ വിവരങ്ങൾ പങ്കിട്ടു.

വ്യവസായ പ്രവർത്തനങ്ങളും വിവിധ മേഖലകളിലെ പുതിയ വിവരങ്ങളും:

പശ്ചിമേഷ്യയിലെ മാറുന്ന സാഹചര്യങ്ങൾക്കിടയിലും വ്യവസായ പ്രവർത്തനങ്ങളുടെ തുടർച്ച ഉറപ്പാക്കുന്നതിനും, വിതരണ ശൃംഖലയുടെ സ്ഥിരത നിലനിർത്തുന്നതിനും, പ്രധാന ഉത്‌പാദന മേഖലകളെ പിന്തുണയ്ക്കുന്നതിനുമായി വ്യവസായ, ആഭ്യന്തര വ്യാപാര പ്രോത്സാഹന വകുപ്പ് (DPIIT) നിരവധി നിയന്ത്രണ-സഹായ നടപടികൾ സജീവമായി നടപ്പിലാക്കി വരുന്നു.

വ്യവസായ മേഖല നേരിടുന്ന പ്രവർത്തനപരമായ വെല്ലുവിളികൾ പരിഹരിക്കുന്നതോടൊപ്പം, ഇന്ധനത്തിൻ്റെയും അവശ്യ അസംസ്‌കൃത വസ്തുക്കളുടേയും തടസ്സമില്ലാത്ത ലഭ്യത ഉറപ്പാക്കുകയുമാണ് ഈ നടപടികൾ ലക്ഷ്യമിടുന്നത്. DPIIT ബന്ധപ്പെട്ട പങ്കാളികളുമായി നിരന്തരം സമ്പർക്കം പുലർത്തുന്നുണ്ട്, ഇവിടെ വിവരിച്ചിരിക്കുന്ന പ്രവർത്തനങ്ങൾ ഇന്നുവരെ സ്വീകരിച്ചിട്ടുള്ള നടപടികളെ പ്രതിനിധീകരിക്കുന്നു.

ഇന്ധനം, ഗ്യാസ് എന്നിവയുടെ ലഭ്യത ഉറപ്പാക്കുന്നതിനുള്ള സഹായ നടപടികൾ

നിലവിലുള്ള പ്രതിസന്ധികൾക്കിടയിലും ഇന്ധനത്തിൻ്റെയും ഗ്യാസിൻ്റെയും തടസ്സമില്ലാത്ത ലഭ്യത ഉറപ്പാക്കുന്നതിനായി പെട്രോളിയം ആൻഡ് എക്‌സ്‌പ്ലോസീവ്‌സ് സേഫ്റ്റി ഓർഗനൈസേഷൻ (PESO) സഹായകരവും സുരക്ഷാ അധിഷ്ഠിതവുമായ നിരവധി നടപടികൾ സ്വീകരിച്ചിട്ടുണ്ട്:

• കംപ്രസ്ഡ് നാച്ചുറൽ ഗ്യാസ് (സിഎൻജി), കംപ്രസ്ഡ് ബയോ ഗ്യാസ് (സിബിജി) ഡിസ്പെൻസിംഗ് സ്റ്റേഷനുകൾക്കായി PESO-യ്ക്ക് ലഭിച്ച 467 അപേക്ഷകളും 2026 മാർച്ച് 25 മുതൽ ഏപ്രിൽ 21 വരെ മുൻഗണനാടിസ്ഥാനത്തിൽ തീർപ്പാക്കി. ഇതിൽ 157 കേസുകളിൽ അന്തിമ ലൈസൻസുകൾ അനുവദിക്കുകയും, സിഎൻജി/സിബിജി ഡിസ്പെൻസിംഗ് സ്റ്റേഷനുകളുടെ നിർമ്മാണത്തിനായി 38 മുൻകൂർ അനുമതികൾ നല്കുകയും ചെയ്തു.

• 2026 മാർച്ച് മുതൽ, 41 ബയോ ഗ്യാസ് സിലിണ്ടർ ഫില്ലിംഗ് ആൻഡ് സ്റ്റോറേജ് പ്ലാൻ്റുകൾക്ക് അനുമതി നല്കുകയും, തുടർന്ന് 14 പ്ലാൻ്റുകൾക്ക് ലൈസൻസ് അനുവദിക്കുകയും ചെയ്തു.

• മണ്ണെണ്ണ സംഭരിക്കുന്നതിൽ താൽക്കാലിക ഇളവുകൾ അനുവദിച്ചു, ഇതിലൂടെ 2,500 ലിറ്റർ വരെ മണ്ണെണ്ണ സംഭരിക്കാൻ അനുമതി നല്കി (12.03.2026). കൂടാതെ, ഉപഭോക്താക്കളിലേക്കുള്ള വിതരണം തടസ്സമില്ലാതെ തുടരുന്നുവെന്ന് ഉറപ്പാക്കുന്നതിനായി പൊതുവിതരണ സമ്പ്രദായത്തിലെ മണ്ണെണ്ണ ഒരു തവണത്തേക്ക് മാത്രം 5,000 ലിറ്റർ വരെ സംഭരിക്കാനുള്ള ഇളവും നല്കി (13.03.2026).

• ആഭ്യന്തര ലഭ്യത സംരക്ഷിക്കുന്നതിനായി, 2026 മാർച്ച് 18-ന് അമോണിയം നൈട്രേറ്റിന് സമ്പൂർണ്ണ കയറ്റുമതി നിരോധനം ഏർപ്പെടുത്തി.

• വികേന്ദ്രീകൃത എൽഎൻജി വിതരണം പ്രോത്സാഹിപ്പിക്കുന്നതിനും തടസ്സങ്ങളുണ്ടാകുമ്പോൾ ഇന്ധന ലഭ്യത വർദ്ധിപ്പിക്കുന്നതിനുമായി ക്രയോജനിക് സിലിണ്ടറുകളിൽ എൽഎൻജി നിറയ്ക്കാൻ അനുവദിക്കുന്ന മാർഗ്ഗനിർദ്ദേശങ്ങൾ പുറപ്പെടുവിച്ചു.

• അടിസ്ഥാന സൗകര്യ വികസനം വേഗത്തിലാക്കുന്നതിനായി, സിഎൻജി സ്റ്റേഷനുകളുടേയും ഡീകംപ്രഷൻ യൂണിറ്റുകളുടേയും അപേക്ഷകൾ സമയബന്ധിതമായി (10 ദിവസത്തിനുള്ളിൽ) തീർപ്പാക്കുന്നതിന് 2026 മാർച്ച് 20-ന് PESO നിർദ്ദേശം നല്കി.

• പെട്ടെന്നുണ്ടായ വിതരണ തടസ്സങ്ങൾ പരിഹരിക്കുന്നതിനായി, 2026 മാർച്ച് 14-ന് പോർബന്തർ ജെട്ടിയിൽ എൽപിജി ഇറക്കുന്നതിന് അനുമതി നല്കി.

• സുതാര്യത വർദ്ധിപ്പിക്കുന്നതിനായി, പിഡിഎസ് മണ്ണെണ്ണ, ഡീസൽ വിതരണം എന്നിവയ്ക്കായി PESO അംഗീകരിച്ച കണ്ടെയ്‌നർ നിർമ്മാതാക്കളുടെ പട്ടികയും അവയുടെ ശേഷിയും 2026 ഏപ്രിൽ ഒന്നിന് വെബ്‌സൈറ്റിൽ അപ്‌ലോഡ് ചെയ്തു.

• ഡിസ്പെൻസിംഗ് സ്റ്റേഷനുകൾ അതിവേഗം കമ്മീഷൻ ചെയ്യുന്നതിനായി, സിഎൻജി/സിബിജി കംപ്രസ്സറുകൾക്കായുള്ള അംഗീകാര ആവശ്യകതകളിൽ നിന്ന് ആറുമാസത്തെ താൽക്കാലിക ഇളവ് 2026 ഏപ്രിൽ ഒന്നിന് പുറപ്പെടുവിച്ചു.

ബദൽ ഇന്ധനങ്ങൾ പ്രോത്സാഹിപ്പിക്കുന്നതിനായി താഴെ പറയുന്ന ദീർഘകാല പദ്ധതികൾ നടപ്പിലാക്കി:

• ഭൂമി ലഭ്യതക്കുറവ് പരിഹരിക്കുന്നതിനും ഗ്യാസ് വിതരണ അടിസ്ഥാന സൗകര്യങ്ങൾ വിപുലീകരിക്കുന്നതിനുമായി സിഎൻജി/സിബിജി സ്റ്റേഷനുകളിൽ ഡിസ്ട്രിക്റ്റ് പ്രഷർ റെഗുലേറ്റിംഗ് സ്കിഡുകൾ സ്ഥാപിക്കുന്നതിനുള്ള മാർഗ്ഗനിർദ്ദേശങ്ങൾ 2026 മാർച്ച് 25-ന് പുറപ്പെടുവിച്ചു.

• പൈപ്പ്‌ലൈൻ സൗകര്യമില്ലാത്തതോ അല്ലെങ്കിൽ വിദൂരമായതോ ആയ പ്രദേശങ്ങളിൽ പ്രകൃതിവാതക വിതരണം സുഗമമാക്കുന്നതിനായി, ക്രയോജനിക് സിലിണ്ടറുകളിൽ ദ്രവീകൃത പ്രകൃതിവാതകം (എൽഎൻജി) നിറയ്ക്കാൻ അനുമതി നല്കിക്കൊണ്ടുള്ള മാർഗ്ഗനിർദ്ദേശങ്ങൾ 2026 മാർച്ച് 25-ന് പുറപ്പെടുവിച്ചു.

• ഡൈമെഥൈൽ ഈഥർ (ഡിഎംഇ) ബദൽ വ്യവസായ ഇന്ധനമായി ഉപയോഗിക്കുന്നത് പ്രോത്സാഹിപ്പിക്കുന്നതിൻ്റെ ഭാഗമായി, പ്രോട്ടോടൈപ്പ് പരീക്ഷണങ്ങൾ വിജയകരമായി പൂർത്തിയാക്കിയതിനെത്തുടർന്ന് ഡിഎംഇ ജംബോ സിലിണ്ടറുകൾക്കായി 25.03.2026 നും (കോമ്പിനേഷൻ വാൽവുകൾക്ക്) 27.03.2026 നും (പ്രഷർ റിലീഫ് വാൽവുകൾക്ക്‌) അനുമതി നല്കി.

• പ്രവർത്തന സമയം വർദ്ധിപ്പിക്കുന്നതിലൂടെ ഉത്പാദന ശേഷി കൂട്ടുന്നതിനായി, പ്രത്യേകിച്ച് എൽപിജി ബോട്ട്‌ലിംഗ് പ്ലാൻ്റുകൾക്ക് രാത്രികാലങ്ങളിൽ പ്രവർത്തിക്കാൻ അനുമതി നല്കുന്ന മാർഗ്ഗനിർദ്ദേശങ്ങൾ 2026 ഏപ്രിൽ രണ്ടിന് പുറപ്പെടുവിച്ചു.

• ദഹേജ് ടെർമിനലിൽ 5 എംഎംടിപിഎ അധിക റീ-ഗ്യാസിഫിക്കേഷൻ ശേഷി കൂടി തുടങ്ങുന്നതിനുള്ള അനുമതി 2026 മാർച്ച് 30-ന് പെട്രോനെറ്റ് എൽഎൻജി-ക്ക് നല്കി. ഇതോടെ ആകെ ശേഷി 22.5 എംഎംടിപിഎ ആയി വർദ്ധിക്കുകയും സിജിഡി ശൃംഖലകൾക്കുള്ള പ്രകൃതിവാതകത്തിൻ്റെ ലഭ്യത മെച്ചപ്പെടുകയും ചെയ്തു.

എണ്ണ ഉപഭോഗം കുറയ്ക്കുന്നതിനുള്ള നടപടികൾ (ബോയിലറുകൾ)

2025-ലെ ബോയിലർ ആക്ടിൻ്റെ വകുപ്പ് 38, ഉപ വകുപ്പ് (3) പ്രകാരം 2026 ഏപ്രിൽ 7-ന് സംസ്ഥാന ഗവണ്മെൻ്റുകൾക്കായി താഴെ പറയുന്ന നിർദ്ദേശങ്ങൾ അടങ്ങിയ ഒരു ഉപദേശക കുറിപ്പ് പുറപ്പെടുവിച്ചു:

• പവർ പ്ലാൻ്റുകളിലേയും മറ്റ് ഉയർന്ന ശേഷിയുള്ള ബോയിലറുകളിലേയും (≥100 TPH) ബോയിലർ സർട്ടിഫിക്കറ്റുകൾക്ക് മൂന്ന് മാസത്തെ താൽക്കാലിക കാലാവധി നീട്ടി നല്കി. പ്രവർത്തന മാനദണ്ഡങ്ങളുടെ പരിശോധനയ്ക്കും അംഗീകൃത ഉദ്യോഗസ്ഥരുടെ തൃപ്തികരമായ ബാഹ്യ പരിശോധനയ്ക്കും വിധേയമായാണ് ഇത് അനുവദിക്കുന്നത്.

• റിഫൈനറികൾ, പെട്രോകെമിക്കൽസ്, രാസവള പ്ലാൻ്റുകൾ എന്നിവയുൾപ്പെടെയുള്ള പ്രധാന എണ്ണ, വാതക യൂണിറ്റുകളിലെ ഉയർന്ന ശേഷിയുള്ള ബോയിലറുകളുടെ സർട്ടിഫിക്കറ്റുകൾക്കും മൂന്ന് മാസത്തെ താൽക്കാലിക കാലാവധി നീട്ടി നല്കിയിട്ടുണ്ട്. നിർദ്ദിഷ്ട സുരക്ഷാ മുൻകരുതലുകൾക്കും മാനദണ്ഡങ്ങളുടെ പരിശോധനയ്ക്കും തൃപ്തികരമായ ബാഹ്യ പരിശോധനയ്ക്കും ഇത് വിധേയമാണ്.

• വ്യവസായ മേഖലകളിൽ ബദൽ ഇന്ധനങ്ങൾ സ്വീകരിക്കുന്നതിനും ഉപയോഗിക്കുന്നതിനും പ്രോത്സാഹനം നല്കിക്കൊണ്ട് ഇന്ധന ഉപയോഗത്തിൽ വൈവിധ്യവൽക്കരണം പ്രോത്സാഹിപ്പിക്കുക.

കുക്ക്‌ടോപ്പ് / ഇൻഡക്ഷൻ കുക്ക്‌ടോപ്പ് മേഖല

• ഇൻഡക്ഷൻ കുക്ക്‌ടോപ്പ് മേഖലയിലെ ആവശ്യകതയും വിതരണവും തമ്മിലുള്ള വെല്ലുവിളികൾ പരിഹരിക്കുന്നതിനും വിതരണവും വിലയും സ്ഥിരപ്പെടുത്തുന്നതിന് ആവശ്യമായ അടിയന്തര നടപടികൾ വിലയിരുത്തുന്നതിനുമായി വാണിജ്യ വകുപ്പിൻ്റെയും ഊർജ്ജ മന്ത്രാലയത്തിൻ്റെയും ഏകോപനത്തോടെ DPIIT ബന്ധപ്പെട്ട പങ്കാളികളുമായി ചർച്ചകൾ നടത്തി.

• നിർമ്മാതാക്കൾക്ക് മുൻ നിശ്ചയിച്ച സമയപരിധിക്കുള്ളിൽ മാനദണ്ഡങ്ങൾ പാലിക്കുന്നതിലുള്ള ബുദ്ധിമുട്ട് കണക്കിലെടുത്ത്, ഇൻഡക്ഷൻ കുക്ക്‌ടോപ്പുകൾക്കായുള്ള നിർബന്ധിത ഊർജ്ജക്ഷമതാ, ഗുണനിലവാര നിയന്ത്രണ ഉത്തരവ് (ക്യുസിഒ) എന്നിവയുടെ സമയപരിധി നീട്ടി നല്കി. ഇതുമായി ബന്ധപ്പെട്ട ഭേദഗതികളും ഇ-ഗസറ്റ് വിജ്ഞാപനങ്ങളും 2026 ഏപ്രിൽ 6-ന് പുറപ്പെടുവിച്ചു.

പെയിൻ്റ്  വ്യവസായം

മന്ത്രാലയങ്ങൾ തമ്മിലുള്ള കൂടിയാലോചനകളുടെയും സംയുക്ത പ്രവർത്തക ഗ്രൂപ്പ് യോഗത്തിൻ്റെയും അടിസ്ഥാനത്തിൽ, ഇനിപ്പറയുന്ന നടപടികൾ സ്വീകരിച്ചു:

• അസംസ്കൃത വസ്തുക്കളുടെ ക്ഷാമം ലഘൂകരിക്കുന്നതിനായി 01.04.2026 ലെ വിജ്ഞാപനത്തിലൂടെ HDPE, LLDPE, PPCP (HSN 3901, 3907) എന്നിവയിൽ അടിസ്ഥാന കസ്റ്റംസ് തീരുവ (BCD) പൂജ്യമായി കുറച്ചു.

• 08.04.2026 ലെ പെട്രോളിയം പ്രകൃതി വാതക മന്ത്രാലയ ഉത്തരവ് പ്രകാരം, വ്യാവസായിക എൽപിജിയുടെ വിഹിതം 2026 മാർച്ചിന് മുമ്പുള്ള ബൾക്ക് ഗാർഹിക ഇതര എൽപിജി ഉപഭോഗത്തിൻ്റെ 50% ൽ നിന്ന് 70% ആയി വർദ്ധിപ്പിച്ചു.

• 08.04.2026 ലെ കത്തിൽ DPIIT പെയിൻ്റ് വ്യവസായത്തിലെ അസംസ്കൃത വസ്തുക്കളുടെ ആവശ്യകതകൾ പെട്രോളിയം പ്രകൃതി വാതക മന്ത്രാലയത്തെ  അറിയിച്ചു, തുടർന്ന് ഐഒസിഎല്ലിനോട് (മഥുര, വഡോദര) പ്രതിദിനം  0.2 ടിഎംടി പ്രൊപിലീന് തുല്യമായ ബ്യൂട്ടൈൽ അക്രിലേറ്റ് വിതരണം ചെയ്യാൻ പെട്രോളിയം പ്രകൃതി വാതക മന്ത്രാലയം നിർദ്ദേശിച്ചു. പെട്രോളിയം പ്രകൃതി വാതക മന്ത്രാലയത്തിൻ്റെ അഭ്യർത്ഥന പ്രകാരം, DPIIT 13.04.2026 ന് പോളിപ്രൊപ്പിലിൻ കോപോളിമറിൻ്റെയും ആവശ്യകതയ്ക്കനുസരിച്ച് നൽകി.

• കൂടാതെ, പെയിൻ്റ് വ്യവസായത്തിനായുള്ള പെട്രോകെമിക്കൽ അസംസ്കൃത വസ്തുക്കളുടെയും പാക്കേജിംഗ് അസംസ്കൃത വസ്തുക്കളുടെയും വ്യവസായം തിരിച്ചുള്ള വിഹിതം DPIIT 16.04.2026 ലെ കത്തിലൂടെ അറിയിച്ചു.

• ആഭ്യന്തര ലഭ്യത വർദ്ധിപ്പിക്കുക എന്ന ലക്ഷ്യത്തോടെ, 2026 ഏപ്രിൽ 10 ന് ബ്യൂട്ടൈൽ അക്രിലേറ്റിൻ്റെ ഗുണനിലവാര നിയന്ത്രണ ഉത്തരവ് (ക്യുസിഒ) ഡിസിപിസി, 2026 ജൂലൈ 10 വരെയുള്ള കാലയളവിലേക്ക് ഇളവ് ചെയ്തു.

പേപ്പർ വ്യവസായം

നിർണ്ണായക രാസവസ്തുക്കളുടെ ക്ഷാമം പരിഹരിക്കുന്നതിനായി, അസംസ്കൃത വസ്തുക്കളുടെ വിതരണത്തിൽ സ്ഥിരത ഉറപ്പാക്കിക്കൊണ്ട്, സ്റ്റൈറീൻ, മെഥനോൾ, എബിഎസ് എന്നിവയുടെ അടിസ്ഥാന കസ്റ്റംസ് തീരുവ 01.04.2026 ന് പൂജ്യമായി കുറച്ചു.

 ടയർ വ്യവസായം

• നിർണ്ണായക രാസവസ്തുക്കളുടെ ക്ഷാമം പരിഹരിക്കുന്നതിനായി, പോളിബ്യൂട്ടാഡൈഈൻ, സ്റ്റൈറൈൻ ബ്യൂട്ടാഡീൻ റബ്ബർ, ടയർ നിർമ്മാണത്തിൽ അസംസ്കൃത വസ്തുക്കളായി ഉപയോഗിക്കുന്ന റെസിനുകൾ തുടങ്ങിയ രാസവസ്തുക്കളുടെയും ലായകങ്ങളുടെയും അടിസ്ഥാന കസ്റ്റംസ് തീരുവ പൂജ്യമായി കുറച്ചു.

• 2026 മാർച്ചിൽ, ടയറുകൾക്കുള്ള RoDTEP നിരക്ക് അതിൻ്റെ യഥാർത്ഥ നിലയിലേക്ക് (~1.3%) പുനഃസ്ഥാപിച്ചു. 2026 ഫെബ്രുവരിയിൽ ഇത് 50% കുറച്ചുകൊണ്ട് ~0.6–0.7% ആയി കുറച്ചിരുന്നു 

 ഗ്ലാസ് വ്യവസായം

തടസ്സമില്ലാത്ത ചൂള പ്രവർത്തനങ്ങളുടെ ആവശ്യകത തിരിച്ചറിഞ്ഞുകൊണ്ട്:

• മുൻ ആറ് മാസത്തെ ശരാശരി ഉപഭോഗത്തിൻ്റെ 80% പിഎൻജി അനുവദിക്കുന്നത് 09.03.2026 ന് പെട്രോളിയം പ്രകൃതി വാതക മന്ത്രാലയം  അനുമതി നൽകി.

• 08.04.2026 ലെ പെട്രോളിയം പ്രകൃതി വാതക മന്ത്രാലയം ഉത്തരവ് പ്രകാരം, വ്യാവസായിക എൽപിജിയുടെ വിഹിതം 2026 മാർച്ചിന് മുമ്പുള്ള അവരുടെ ബൾക്ക് ഗാർഹിക ഇതര എൽപിജി ഉപഭോഗത്തിൻ്റെ 50% ൽ നിന്ന് 70% ആയി ഉയർത്തി.

തുകൽ, പാദരക്ഷാ മേഖല

• 01.04.2026 ന് പുറപ്പെടുവിച്ച 12/2026 നമ്പർ കസ്റ്റംസ് വിജ്ഞാപനത്തിലൂടെ EVA, PVC, PU, SBS തുടങ്ങിയ നിർണായക ഘടകങ്ങൾക്ക് അടിസ്ഥാന കസ്റ്റംസ് തീരുവയിൽ ഇളവുകൾ നീട്ടി.

• വ്യവസായ പങ്കാളികൾ ഉന്നയിച്ച പിവിസി പേസ്റ്റ് റെസിൻ്റെ (39041010 ൽ താഴെ) വില വർദ്ധനവും വിതരണക്ഷാമവും സംബന്ധിച്ച പ്രശ്നങ്ങൾ പരിഹരിക്കുന്നതിനായി, 21.04.2026 ന് ആൻ്റി-ഡമ്പിംഗ് ഡ്യൂട്ടി (ADD) കുറയ്ക്കുന്നതിനുള്ള പരിഗണനയ്ക്കായി ഈ വിഷയം ഡയറക്ടറേറ്റ് ജനറൽ ഓഫ് ട്രേഡ് റെമഡീസിന് (DGTR) കൈമാറി.

സെറാമിക് മേഖല

• മോർബിയിൽ, ~80% സെറാമിക് യൂണിറ്റുകൾ പ്രൊപ്പെയ്ൻ/എൽപിജി ഉപയോഗിക്കുന്നു. അതേസമയം ~20% പേർ മാത്രമാണ് ഗുജറാത്ത് ഗ്യാസ് വിതരണം ചെയ്യുന്ന പൈപ്പ് വഴിയുള്ള പ്രകൃതിവാതകം ഉപയോഗിക്കുന്നത്. 09.03.2026-ന്, നിലവിലുള്ള വാതക ഉപയോക്താക്കൾക്ക് (~20% യൂണിറ്റുകൾ) വിതരണ തുടർച്ച ഉറപ്പാക്കിക്കൊണ്ട്, കഴിഞ്ഞ ആറ് മാസത്തെ ശരാശരി ഉപഭോഗത്തിൻ്റെ 80% പിഎൻജി അനുവദിക്കുന്നതായി പെട്രോളിയം, പ്രകൃതിവാതക മന്ത്രാലയം അറിയിച്ചു.

• ഗുജറാത്ത് സ്റ്റേറ്റ് പെട്രോളിയം കോർപ്പറേഷൻ, വ്യവസായ പങ്കാളികളുമായി കൂടിയാലോചിച്ച്, പൈപ്പ് വഴിയുള്ള വാതക വിതരണം ഇതുവരെ ഇല്ലാത്ത ശേഷിക്കുന്ന ~80% യൂണിറ്റുകൾക്ക് വിതരണ ക്രമീകരണങ്ങൾ സൗകര്യമൊരുക്കി. എല്ലാ ഉപയോക്താക്കൾക്കും, അതായത് നിലവിലുള്ളതും പുതിയതുമായ ഉപയോക്താക്കൾക്കായി, വാതക വിലനിർണ്ണയ അസമത്വo യുക്തിസഹമാക്കി പ്രശ്നം പരിഹരിച്ചു.

ഊർജ്ജ വിതരണവും ഇന്ധന ലഭ്യതയും

ഹോർമുസ് കടലിടുക്കിലെ നിലവിലുള്ള സാഹചര്യത്തിൻ്റെ പശ്ചാത്തലത്തിൽ, രാജ്യത്തുടനീളം പെട്രോളിയം ഉൽപ്പന്നങ്ങളുടെയും എൽപിജിയുടെയും തടസ്സമില്ലാത്ത ലഭ്യത ഉറപ്പാക്കാൻ പെട്രോളിയം, പ്രകൃതിവാതക മന്ത്രാലയം നടപടികൾ സ്വീകരിക്കുന്നു. മന്ത്രാലയം ഇപ്രകാരം അറിയിച്ചു.

പൊതുജനങ്ങൾക്കുള്ള നിർദ്ദേശങ്ങളും പൗര അവബോധവും 

• പെട്രോൾ, ഡീസൽ, എൽപിജി എന്നിവയുടെ ലഭ്യത ഉറപ്പാക്കാൻ ഗവണ്മെൻ്റ് എല്ലാ ശ്രമങ്ങളും നടത്തുന്നതിനാൽ, പെട്രോൾ, ഡീസൽ, എൽപിജി എന്നിവയുടെ ലഭ്യത സംബന്ധിച്ച് പരിഭ്രാന്തി ഒഴിവാക്കണമെന്ന് പൗരന്മാരോട് അറിയിക്കുന്നു.

• കിംവദന്തികൾ സൂക്ഷിക്കുക, ശരിയായ വിവരങ്ങൾക്ക് ഔദ്യോഗിക ഉറവിടങ്ങളെ ആശ്രയിക്കുക.

• എൽപിജി ഉപഭോക്താക്കൾ ഡിജിറ്റൽ ബുക്കിംഗ് പ്ലാറ്റ്‌ഫോമുകൾ ഉപയോഗിക്കാനും വിതരണ കേന്ദ്രങ്ങൾ സന്ദർശിക്കുന്നത് ഒഴിവാക്കാനും അഭ്യർത്ഥിക്കുന്നു.

• പിഎൻജി, ഇലക്ട്രിക് അല്ലെങ്കിൽ ഇൻഡക്ഷൻ കുക്ക്‌ടോപ്പുകൾ പോലുള്ള ഇതര ഇന്ധനങ്ങൾ ഉപയോഗിക്കാൻ പൗരന്മാരെ പ്രോത്സാഹിപ്പിക്കുന്നു.

• നിലവിലെ സാഹചര്യത്തിൽ ദൈനംദിന ഉപയോഗത്തിൽ ഊർജ്ജം സംരക്ഷിക്കുന്നതിന് ആവശ്യമായ ശ്രമങ്ങൾ നടത്താൻ എല്ലാ പൗരന്മാരോടും അഭ്യർത്ഥിക്കുന്നു.

ഗവൺമെൻ്റ് തയ്യാറെടുപ്പും വിതരണ പരിപാലന നടപടികളും:

• നിലവിൽ ഭൗമ രാഷ്ട്രീയ സാഹചര്യം പ്രതിസന്ധി നേരിടുന്നെങ്കിലും, ഗാർഹിക എൽപിജി, ഗാർഹിക പിഎൻജി, സിഎൻജി (ഗതാഗതം) എന്നിവയുടെ 100% വിതരണം ഉറപ്പാക്കാൻ ഗവണ്മെൻ്റ് ശ്രമിച്ചു വരുന്നു.

• വാണിജ്യ എൽപിജി വിതരണത്തിൽ, ആശുപത്രികൾ, വിദ്യാഭ്യാസ സ്ഥാപനങ്ങൾ എന്നിവയ്ക്ക് മുൻഗണന നൽകിയിട്ടുണ്ട്. ഇതിനുപുറമെ, ഫാർമ, സ്റ്റീൽ, ഓട്ടോമൊബൈൽ, വിത്ത്, കൃഷി മുതലായ മേഖലകൾക്കും മുൻഗണന നൽകിയിട്ടുണ്ട്. കൂടാതെ, 2026 മാർച്ച് 2, 3 തീയതികളിലെ ശരാശരി ദൈനംദിന വിതരണത്തെ അടിസ്ഥാനമാക്കി കുടിയേറ്റ തൊഴിലാളികൾക്കുള്ള 5 കിലോഗ്രാം എഫ്‌ടിഎൽ വിതരണം ഇരട്ടിയാക്കിയിട്ടുണ്ട്.

• എണ്ണ സംസ്കരണ ശാലകളിലെ ഉൽപ്പാദനം വർദ്ധിപ്പിക്കുക, നഗരപ്രദേശങ്ങളിൽ ബുക്കിംഗ് ഇടവേള 21 ൽ നിന്ന് 25 ദിവസമായും ഗ്രാമപ്രദേശങ്ങളിൽ 45 ദിവസമായും വർദ്ധിപ്പിക്കുക, വിതരണത്തിനായി നിർദിഷ്ട മേഖലകൾക്ക് മുൻഗണന നൽകുക എന്നിവയുൾപ്പെടെ വിതരണത്തിൻ്റെയും ആവശ്യകതയുടെയും കാര്യത്തിൽ ഗവണ്മെൻ്റ് ഇതിനകം നിരവധി യുക്തിസഹ നടപടികൾ സ്വീകരിച്ചിട്ടുണ്ട്.

• എൽപിജി ആവശ്യകതയിലെ സമ്മർദ്ദം ലഘൂകരിക്കുന്നതിന് മണ്ണെണ്ണ, കൽക്കരി തുടങ്ങിയ ഇതര ഇന്ധനങ്ങൾ ലഭ്യമാക്കിയിട്ടുണ്ട്.

• ചെറുകിട, ഇടത്തരം ഉപഭോക്താക്കൾക്ക് വിതരണം ചെയ്യുന്നതിനായി സംസ്ഥാനങ്ങൾക്ക് അധിക കൽക്കരി അനുവദിക്കാൻ കൽക്കരി മന്ത്രാലയം കോൾ ഇന്ത്യയോടും സിംഗരേണി കൊളിയറീസിനോടും നിർദ്ദേശിച്ചു.

• ഗാർഹിക, വാണിജ്യ ഉപഭോക്താക്കൾക്ക് പുതിയ പിഎൻജി കണക്ഷനുകൾക്ക് സൗകര്യമൊരുക്കാൻ സംസ്ഥാനങ്ങളോട് നിർദ്ദേശിച്ചിട്ടുണ്ട്.

സംസ്ഥാനങ്ങൾ/കേന്ദ്രഭരണ പ്രദേശങ്ങൾ, സ്ഥാപന സംവിധാനങ്ങൾ എന്നിവയുമായി നടത്തുന്ന ഏകോപിത ശ്രമങ്ങൾ:

• 1955 ലെ അവശ്യവസ്തു നിയമവും 2000 ലെ എൽപിജി നിയന്ത്രണ ഉത്തരവും പ്രകാരം വിതരണം നിരീക്ഷിക്കാനും പൂഴ്ത്തിവയ്പ്പിനും കരിഞ്ചന്തയ്ക്കും എതിരെ നടപടിയെടുക്കാനും സംസ്ഥാന ഗവണ്മെൻ്റുകൾക്ക് അധികാരം നൽകിയിട്ടുണ്ട്.

• പെട്രോൾ, ഡീസൽ, എൽപിജി എന്നിവയുൾപ്പെടെയുള്ള അവശ്യവസ്തുക്കളുടെ വിതരണ സ്ഥിതി നിരീക്ഷിക്കുന്നതിലും നിയന്ത്രിക്കുന്നതിലും സംസ്ഥാന/കേന്ദ്രഭരണ പ്രദേശ ഗവണ്മെൻ്റുകൾ പ്രാഥമിക പങ്ക് വഹിക്കേണ്ടതുണ്ട്. എല്ലാ സംസ്ഥാന/കേന്ദ്രഭരണ പ്രദേശങ്ങളോടും ഇത് സംബന്ധിച്ച് കത്തുകളിലൂടെയും വീഡിയോ സന്ദേശങ്ങളിലൂടെയും ഇന്ത്യാ ഗവണ്മെൻ്റ് ആവർത്തിച്ചു വ്യക്തമാക്കിയിട്ടുണ്ട്.

• പൗരന്മാർക്ക് ആവശ്യത്തിനുള്ള ഇന്ധന ലഭ്യത സംബന്ധിച്ച് ഉറപ്പുനൽകുന്നതിന് മുൻകൈയെടുത്ത് പൊതുജനങ്ങളെ അറിയിക്കേണ്ടതിൻ്റെ ആവശ്യകത ഇന്ത്യാ ഗവണ്മെൻ്റ്  27.03.2026, 02.04.2026 എന്നീ ദിവസങ്ങളിലെ കത്തുകളിലൂടെ ഊന്നിപ്പറഞ്ഞിട്ടുണ്ട്. സംസ്ഥാന/കേന്ദ്രഭരണ പ്രദേശങ്ങളുമായി പതിവായി അവലോകന യോഗങ്ങൾ നടക്കുന്നുണ്ട്. ഈ സാഹചര്യത്തിൽ, 02.04.2026 നും (പെട്രോളിയം പ്രകൃതി വാതക മന്ത്രാലയ സെക്രട്ടറി അധ്യക്ഷത വഹിച്ചു) 06.04.2026 ( പെട്രോളിയം പ്രകൃതി വാതക മന്ത്രാലയ സെക്രട്ടറിയും ഐ ആൻഡ് ബി, ഉപഭോക്തൃ കാര്യ സെക്രട്ടറിമാരും അധ്യക്ഷത വഹിച്ചു) യോഗങ്ങൾ വിളിച്ചുചേർത്തു, അതിൽ താഴെപ്പറയുന്ന കാര്യങ്ങൾക്ക് ഊന്നൽ നൽകി:

• ദിവസേന പത്രസമ്മേളനങ്ങൾ നടത്തുകയും പതിവായി പൊതുജനങ്ങൾക്ക് നിർദേശങ്ങൾ നൽകുകയും ചെയ്യുക 

• സമൂഹ മാധ്യമങ്ങളിലെ വ്യാജ വാർത്തകൾ / തെറ്റായ വിവരങ്ങൾ എന്നിവ സജീവമായി നിരീക്ഷിക്കുകയും പ്രതിരോധിക്കുകയും ചെയ്യുക.

• ജില്ലാ ഭരണകൂടങ്ങളുടെ ദിവസേനയുള്ള പരിശോധന നടപടികൾ ശക്തമാക്കുകയും എണ്ണ വിപണന കമ്പനികളുമായി ഏകോപിപ്പിച്ച് റെയ്ഡുകളും പരിശോധനകളും തുടരുകയും ചെയ്യുക.

• സംസ്ഥാനങ്ങളിലും കേന്ദ്രഭരണ പ്രദേശങ്ങളിലുമായി വാണിജ്യ എൽ‌പി‌ജി വിതരണ ഉത്തരവുകൾ പുറപ്പെടുവിക്കുക.

• സംസ്ഥാനങ്ങൾക്കും കേന്ദ്രഭരണ പ്രദേശങ്ങൾക്കും അനുവദിച്ചിട്ടുള്ള അധിക മണ്ണെണ്ണക്കായി മണ്ണെണ്ണ വിഹിത അനുമതി ഉത്തരവുകൾ പുറപ്പെടുവിക്കുക.

• പി‌എൻ‌ജിയും ഇതര ഇന്ധനങ്ങളും പ്രോത്സാഹിപ്പിക്കുക.

 • എൽ‌പി‌ജി വിതരണത്തിന്, പ്രത്യേകിച്ച് ഗാർഹിക ആവശ്യങ്ങൾക്കായി മുൻഗണന നൽകുകയും വിതരണ സ്ഥിരത ഉറപ്പാക്കുന്നതിന് 5 കിലോഗ്രാം എഫ്‌ടി‌എൽ സിലിണ്ടറുകളുടെ വിതരണം പ്രോത്സാഹിപ്പിക്കുകയും ചെയ്യുക.

• പൂഴ്ത്തിവയ്പ്പും കരിഞ്ചന്തയും തടയുന്നതിനായി എല്ലാ സംസ്ഥാനങ്ങളും കേന്ദ്ര ഭരണ പ്രദേശങ്ങളും കൺട്രോൾ റൂമുകളും ജില്ലാ നിരീക്ഷണ കമ്മിറ്റികളും സ്ഥാപിച്ചിട്ടുണ്ട്.

• പല സംസ്ഥാനങ്ങളും കേന്ദ്രഭരണ പ്രദേശങ്ങളും പത്രക്കുറിപ്പുകൾ പുറപ്പെടുവിക്കുകയും നടപ്പിലാക്കുകയും ചെയ്യുന്നു.

പരിശോധന, നിരീക്ഷണ നടപടികൾ

• എൽ‌പി‌ജിയുടെ പൂഴ്ത്തിവയ്പ്പും കരിഞ്ചന്തയും തടയുന്നതിനായി രാജ്യത്തുടനീളം പരിശോധന നടപടികൾ തുടരുന്നു. ഇന്നലെ 3200 ൽ അധികം റെയ്ഡുകൾ നടത്തി. രാജ്യത്തുടനീളമായി ഏകദേശം 285 സിലിണ്ടറുകൾ പിടിച്ചെടുത്തു.

• പൊതുമേഖല എണ്ണ വിപണന കമ്പനികൾ അപ്രതീക്ഷിത പരിശോധനകൾ തുടർന്നും ശക്തമാക്കുകയും 290 എൽ‌പി‌ജി വിതരണക്കാർക്ക് പിഴ ചുമത്തുകയും ഇന്നലെ വരെ 68 എൽ‌പി‌ജി വിതരണ കേന്ദ്രങ്ങളുടെ പ്രവർത്തനം താൽക്കാലികമായി റദ്ദാക്കുകയും ചെയ്തു.

എൽ‌പി‌ജി വിതരണം

ആഭ്യന്തര എൽ‌പി‌ജി വിതരണ നില:

• നിലവിലുള്ള ഭൗമരാഷ്ട്രീയ സാഹചര്യം എൽ‌പി‌ജി വിതരണത്തെ ബാധിക്കുന്നു.

• വീടുകളിലേക്കുള്ള എൽപിജി വിതരണത്തിന് മുൻഗണന നൽകിയിട്ടുണ്ട്.

• എൽപിജി വിതരണ കേന്ദ്രങ്ങൾ ക്ഷാമം റിപ്പോർട്ട് ചെയ്തിട്ടില്ല.

• വ്യവസായ അടിസ്ഥാനത്തിലുള്ള ഓൺലൈൻ എൽപിജി ബുക്കിംഗുകൾ ഇന്നലെ ഏകദേശം 98% ആയി വർദ്ധിച്ചു.

• വഴിതിരിച്ചുവിടൽ തടയുന്നതിനായി ഡെലിവറി ഓതൻ്റിക്കേഷൻ കോഡ് (ഡിഎസി) അടിസ്ഥാനമാക്കിയുള്ള വിതരണം ഏകദേശം 94% ആയി വർദ്ധിച്ചു.

• ഉപഭോക്താവിൻ്റെ രജിസ്റ്റർ ചെയ്ത മൊബൈൽ നമ്പറിൽ ഡിഎസി ലഭിക്കും. 21.04.2026 ന് 51 ലക്ഷത്തിലധികം ഗാർഹിക എൽ‌പി‌ജി സിലിണ്ടറുകൾ വിതരണം ചെയ്തു.     

വാണിജ്യ എൽപിജി വിതരണവും വിഹിത വിതരണ നടപടികളും:

• മൊത്തം വാണിജ്യ എൽപിജി വിഹിതം പ്രതിസന്ധിക്ക് മുമ്പുള്ള നിലവാരത്തിൻ്റെ ഏകദേശം 70% ആയി വർദ്ധിപ്പിച്ചു. ഇതിൽ പരിഷ്കരണവുമായി ബന്ധപ്പെട്ട 10% വിഹിതവും ഉൾപ്പെടുന്നു.

• കുടിയേറ്റ തൊഴിലാളികൾക്ക് വിതരണം ചെയ്യുന്നതിനായി ഓരോ സംസ്ഥാനത്തിനും ദൈനംദിന അടിസ്ഥാനത്തിൽ നൽകുന്ന 5 കിലോഗ്രാം എഫ്ടിഎൽ സിലിണ്ടറുകളുടെ എണ്ണം 2026 മാർച്ച് 2 മുതൽ 3 വരെയുള്ള കാലയളവിലെ പ്രതിദിന ശരാശരി വിതരണത്തിൻ്റെ (സിലിണ്ടറുകളുടെ എണ്ണം) ഇരട്ടിയാക്കുന്നതായി 06.04.2026 ലെ കത്തിലൂടെ ഇന്ത്യാ ഗവണ്മെൻ്റ് അറിയിച്ചിട്ടുണ്ട്. 21.03.2026 ലെ കത്തിൽ സൂചിപ്പിച്ചിരിക്കുന്ന 20% പരിധിക്ക് മുകളിലാണിത്. എണ്ണ വിപണന കമ്പനികളുടെ സഹായത്തോടെ അതാത് സംസ്ഥാനത്തെ കുടിയേറ്റ തൊഴിലാളികൾക്ക് മാത്രം വിതരണം ചെയ്യുന്നതിനായി ഈ 5 കിലോഗ്രാം എഫ്ടിഎൽ സിലിണ്ടറുകൾ സംസ്ഥാന ഗവണ്മെൻ്റുകളുടെ കൈവശം ലഭ്യമാക്കും.

• 2026 ഏപ്രിൽ 3 മുതൽ, 5 കിലോഗ്രാം എഫ്ടിഎൽ സിലിണ്ടറുകൾ സംബന്ധിച്ച് പൊതുമേഖലാ സ്ഥാപനങ്ങൾ 7800-ലധികം ബോധവൽക്കരണ ക്യാമ്പുകൾ സംഘടിപ്പിച്ചിട്ടുണ്ട്. ഇതിലൂടെ 1,17,000- എണ്ണത്തിൽ കൂടുതൽ 5 കിലോഗ്രാം എഫ്ടിഎൽ സിലിണ്ടറുകൾ വിറ്റു. ഇന്നലെ, ഏകദേശം 350 ക്യാമ്പുകളിലൂടെ 5 കിലോഗ്രാം എഫ്ടിഎൽ 8112 എണ്ണം വിറ്റു.

• 2026 ഏപ്രിൽ 21-ന് ടർബെയിൽ (നവി മുംബൈ) ഐ‌ഒ‌സി‌എൽ സംഘടിപ്പിച്ച 5 കിലോഗ്രാം എഫ്‌ടി‌എൽ അവബോധ ക്യാമ്പുകളിലൊന്നിൽ, മികച്ച പ്രതികരണം ദൃശ്യമായി. ഏകദേശം 410 - 5 കിലോഗ്രാം എഫ്‌ടി‌എൽ സിലിണ്ടറുകൾ വിറ്റു.

• 21.04.2026 ന് ഏകദേശം 80,000 എണ്ണം 5 കിലോഗ്രാം എഫ്‌ടി‌എൽ സിലിണ്ടറുകൾ വിറ്റു.

• 2026 മാർച്ച് 23 മുതൽ, 20.08 ലക്ഷത്തിലധികം 5 കിലോ എഫ്‌ടി‌എൽ സിലിണ്ടറുകൾ വിറ്റു.

• സംസ്ഥാനങ്ങളിലും കേന്ദ്ര ഭരണ പ്രദേശങ്ങളിലും വാണിജ്യ എൽ‌പി‌ജി വിതരണം ആസൂത്രണം ചെയ്യുന്നതിനായി ഐ‌ഒ‌സി‌എൽ, എച്ച്‌പി‌സി‌എൽ, ബി‌പി‌സി‌എൽ എന്നിവയുടെ എക്സിക്യൂട്ടീവ് ഡയറക്ടർമാർ അംഗങ്ങളായ മൂന്നംഗ സമിതി സംസ്ഥാന അധികൃതരുമായും വ്യവസായ സ്ഥാപനങ്ങളുമായും ഏകോപനത്തോടെ പ്രവർത്തിക്കുന്നു.

• ഏപ്രിൽ മാസത്തിൽ (21.04.26 വരെ) ആകെ 1,31,879 മെട്രിക് ടൺ (19 കിലോഗ്രാം എൽപിജി സിലിണ്ടറുകളുടെ 69.4 ലക്ഷത്തിലധികം) വാണിജ്യ എൽപിജി വിറ്റഴിച്ചു.

• 21.04.2026 ന് 8199 മെട്രിക് ടൺ വാണിജ്യ എൽപിജി (4.3 ലക്ഷത്തിൽ കൂടുതൽ - 19 കിലോഗ്രാം സിലിണ്ടറുകൾക്ക് തുല്യം) വിറ്റു.

പ്രകൃതിവാതക വിതരണവും പിഎൻജി വിപുലീകരണ സംരംഭങ്ങളും

• ഗാർഹിക പിഎൻജി, സിഎൻജി -ഗതാഗതം എന്നിവ ഉൾപ്പെടെ 100% വിതരണത്തിന് ഉപഭോക്താക്കൾക്ക് മുൻഗണന നൽകിയിട്ടുണ്ട്.

• വളം പ്ലാൻ്റുകൾക്കുള്ള മൊത്തത്തിലുള്ള വാതക വിഹിതം അവരുടെ ആറ് മാസത്തെ ശരാശരി ഉപഭോഗത്തിൻ്റെ ഏകദേശം 95% ആയി വർദ്ധിപ്പിച്ചിട്ടുണ്ട്.

• കൂടാതെ, സിജിഡി ശൃംഖലകൾ വഴിയുള്ള വിതരണം ഉൾപ്പെടെ മറ്റ് വ്യാവസായിക, വാണിജ്യ മേഖലകളിലേക്കുള്ള വാതക വിതരണം 80% വരെ വർദ്ധിപ്പിച്ചിട്ടുണ്ട്.

• വാണിജ്യ എൽപിജിയുടെ ലഭ്യതയെക്കുറിച്ചുള്ള ആശങ്കകൾ പരിഹരിക്കുന്നതിന്, എല്ലാ സിജിഡി സ്ഥാപനങ്ങളുടെ പരിധിയിലുള്ള ഹോട്ടലുകൾ, റെസ്റ്റോറൻ്റുകൾ, കാൻ്റീനുകൾ തുടങ്ങിയ വാണിജ്യ സ്ഥാപനങ്ങൾക്ക് പിഎൻജി കണക്ഷനുകൾക്ക് മുൻഗണന നൽകാൻ നിർദ്ദേശം നൽകിയിട്ടുണ്ട്.

• ഐജിഎൽ, എംജിഎൽ, ഗെയിൽ, ബിപിസിഎൽ എന്നിവയുൾപ്പെടെയുള്ള  സിജിഡി കമ്പനികൾ ഗാർഹിക, വാണിജ്യ പിഎൻജി കണക്ഷനുകൾക്ക് ഇളവുകൾ വാഗ്ദാനം ചെയ്യുന്നു.

• സിജിഡി ശൃംഖലകളുടെ വിപുലീകരണത്തിന് ആവശ്യമായ അനുമതി നടപടികൾ വേഗത്തിൽ നൽകാൻ സംസ്ഥാനങ്ങൾ/ കേന്ദ്ര ഭരണ പ്രദേശങ്ങളോടും കേന്ദ്ര മന്ത്രാലയങ്ങളോടും അഭ്യർത്ഥിച്ചിട്ടുണ്ട്.

• എൽപിജിയിൽ നിന്ന് പിഎൻജിയിലേക്കുള്ള ദീർഘകാല പരിവർത്തനത്തിന് വേണ്ടിയുള്ള ശ്രമങ്ങൾ നടത്തുന്ന പക്ഷം, എല്ലാ സംസ്ഥാനങ്ങൾക്കും/യുടി കൾക്കും വാണിജ്യ എൽപിജിയുടെ 10% അധികമായി അനുവദിക്കുമെന്ന് 18.03.2026 ലെ കത്തിലൂടെ ഇന്ത്യാ ഗവണ്മെൻ്റ് വാഗ്ദാനം ചെയ്തിട്ടുണ്ട്.

• പിഎൻജി വിപുലീകരണ പരിഷ്കാരങ്ങളുമായി ബന്ധപ്പെട്ട് 22 സംസ്ഥാനങ്ങൾക്കും/കേന്ദ്രഭരണ പ്രദേശങ്ങൾക്കും അധിക വാണിജ്യ എൽപിജി വിഹിതം ലഭിക്കുന്നു.

• സിജിഡി അടിസ്ഥാന സൗകര്യങ്ങളുമായി ബന്ധപ്പെട്ട അപേക്ഷകൾ മുൻഗണനാക്രമത്തിൽ നടപ്പിലാക്കുന്നതിനായി 3 മാസത്തേക്ക് 'കുറഞ്ഞ സമയപരിധികളോടെ സിജിഡി അടിസ്ഥാന സൗകര്യങ്ങൾക്കായുള്ള ദ്രുത അംഗീകാര ചട്ടക്കൂട്' എന്ന ഒരു പ്രത്യേക പദ്ധതി ആരംഭിച്ചതായി റോഡ് ഗതാഗത, ഹൈവേ മന്ത്രാലയം 24.03.26 ലെ കത്തിലൂടെ അറിയിച്ചു.

• 1955 ലെ അവശ്യവസ്തു നിയമപ്രകാരം, പ്രകൃതിവാതക, പെട്രോളിയം ഉൽപ്പന്നങ്ങളുടെ വിതരണം (പൈപ്പ്‌ലൈനുകളുടെയും മറ്റ് സൗകര്യങ്ങളുടെയും സ്ഥാപിക്കൽ, നിർമ്മാണം, പ്രവർത്തനം, വിപുലീകരണം എന്നിവയിലൂടെ) ഉത്തരവ് 2026, ഇന്ത്യാ ഗവണ്മെൻ്റ്  24.03.2026 ലെ ഗസറ്റിൽ വിജ്ഞാപനം ചെയ്തിട്ടുണ്ട്. രാജ്യത്തുടനീളം പൈപ്പ്‌ലൈനുകൾ സ്ഥാപിക്കുന്നതിനും വികസിപ്പിക്കുന്നതിനും, അനുമതി, ഭൂമി ലഭ്യത എന്നിവയിലെ കാലതാമസം പരിഹരിക്കുന്നതിനും, ജനവാസ മേഖലകളിൽ ഉൾപ്പെടെ പ്രകൃതിവാതക അടിസ്ഥാന സൗകര്യങ്ങളുടെ വേഗത്തിലുള്ള വികസനം സാധ്യമാക്കുന്നതിനും ഈ ഉത്തരവ് കാര്യക്ഷമവും സമയബന്ധിതവുമായ ഒരു ചട്ടക്കൂട് നൽകുന്നു. പിഎൻജി ശൃംഖലകളുടെ വളർച്ച ത്വരിതപ്പെടുത്തുകയും, എല്ലാ കോണിലും കണക്ടിവിറ്റി വർദ്ധിപ്പിക്കുകയും, ശുദ്ധമായ ഇന്ധനങ്ങളിലേക്കുള്ള പരിവർത്തനത്തെ പിന്തുണയ്ക്കുകയും ചെയ്യുന്നു. അതുവഴി ഊർജ്ജ സുരക്ഷ ശക്തിപ്പെടുത്തുകയും ഇന്ത്യയുടെ വാതക അധിഷ്ഠിത സമ്പദ്‌ വ്യവസ്ഥയെ നയിക്കുകയും ചെയ്യുമെന്ന് പ്രതീക്ഷിക്കുന്നു.

• ഡി-പി‌എൻ‌ജി കണക്ഷനുകൾ വേഗത്തിലാക്കാൻ സി‌ജി‌ഡി സ്ഥാപനങ്ങൾക്ക് പി‌എൻ‌ജി‌ആർ‌ബി നിർദ്ദേശം നൽകി. കൂടാതെ, പി‌എൻ‌ജി വിപുലീകരണത്തിൽ ആക്കം നിലനിർത്തുന്നതിനായി ദേശീയ പി‌എൻ‌ജി യജ്ഞം 2.0 പരിപാടി 30.06.2026 വരെ നീട്ടിയിട്ടുണ്ട്.

• കൂടുതൽ ശുദ്ധവും സുരക്ഷിതവും സ്വാശ്രയവുമായ ഊർജ്ജ ഭാവിയെ പ്രോത്സാഹിപ്പിക്കുന്നതിനായി, ഇന്ത്യാ ഗവണ്മെൻ്റ് ഒരു മാതൃകാ കരട് സംസ്ഥാന സിബിജി നയം വികസിപ്പിച്ചെടുത്തിട്ടുണ്ട്. സിബിജി വികസനത്തിനായി നിക്ഷേപകർക്ക് അനുയോജ്യമായതും നിർവഹണ സജ്ജവുമായ ഒരു ആവാസവ്യവസ്ഥ സൃഷ്ടിക്കാൻ സംസ്ഥാനങ്ങളെ പ്രാപ്തമാക്കുന്നതിന് സമഗ്രമായ ഒരു മാർഗ്ഗനിർദ്ദേശ ചട്ടക്കൂട് സൃഷ്ടിക്കുക എന്നതാണ് ഈ മാതൃകാ നയത്തിൻ്റെ ലക്ഷ്യം. ഈ നയം തിരഞ്ഞെടുക്കുന്ന സംസ്ഥാനങ്ങൾക്ക്, വാണിജ്യ എൽപിജിയുടെ അധിക വിഹിതത്തിൻ്റെ അടുത്ത ഘട്ടത്തിന് മുൻഗണന നൽകും.

• സിജിഡി ശൃംഖലകൾ / അടിസ്ഥാന സൗകര്യങ്ങൾ എന്നിവ 15 ദിവസത്തിനുള്ളിൽ സ്ഥാപിക്കുന്നതിനോ പ്രവർത്തിക്കുന്നതിനോ അനുമതി നൽകുന്നതിന് എസ്‌പിസിബി/പിസിസികൾക്ക് ആവശ്യമായ നിർദ്ദേശങ്ങൾ നൽകാൻ 07.04.2026 ലെ ഉത്തരവ് പ്രകാരം, കേന്ദ്ര വനം പരിസ്ഥിതി മന്ത്രാലയം, സിപിസിബിയോട് ആവശ്യപ്പെട്ടിട്ടുണ്ട്.

• 2026 മാർച്ച് മുതൽ ഏകദേശം 5.10 ലക്ഷം പിഎൻജി കണക്ഷനുകൾ നൽകി. കൂടാതെ, ഏകദേശം 2.56 ലക്ഷം ഉപഭോക്താക്കൾ പുതിയ കണക്ഷനുകൾക്കായി രജിസ്റ്റർ ചെയ്തിട്ടുണ്ട്.

• 21.04.2026 വരെ, ഏകദേശം 40,600 പിഎൻജി ഉപഭോക്താക്കൾ MYPNGD.in വെബ്സൈറ്റ് വഴി അവരുടെ എൽപിജി കണക്ഷനുകൾ ഉപേക്ഷിച്ചു.

അസംസ്കൃത ഇന്ധനത്തിൻ്റെ തൽസ്ഥിതിയും റിഫൈനറി പ്രവർത്തനങ്ങളും

• മതിയായ സംസ്കൃത ഇന്ധന ലഭ്യതയോടെ എല്ലാ എണ്ണ ശുദ്ധീകരണശാലകളും ഉയർന്ന ശേഷിയിൽ പ്രവർത്തിക്കുന്നു. പെട്രോളിൻ്റെയും ഡീസലിൻ്റെയും ആവശ്യത്തിനുള്ള സംഭരണമുണ്ട്.

• ആഭ്യന്തര ഉപഭോഗത്തെ പിന്തുണയ്ക്കുന്നതിനായി റിഫൈനറികളിൽ നിന്നുള്ള ആഭ്യന്തര എൽപിജി ഉത്പാദനം വർദ്ധിപ്പിച്ചിട്ടുണ്ട്.

• 01.04.2026 ലെ ഉത്തരവ് പ്രകാരം, ഫാർമസ്യൂട്ടിക്കൽസ് വകുപ്പ്, ഭക്ഷ്യ-പൊതുവിതരണ വകുപ്പ്, കെമിക്കൽസ് പെട്രോ കെമിക്കൽസ് വകുപ്പ് തുടങ്ങിയ നിർണായക മേഖലകൾക്ക് പ്രവർത്തിക്കാൻ ഏറ്റവും മിനിമം ആവശ്യമായ C3 & C4 സംയുക്തങ്ങൾ ലഭ്യമാക്കാൻ ഇന്ത്യയിലെ പെട്രോകെമിക്കൽ കോംപ്ലക്സുകൾ ഉൾപ്പെടെയുള്ള റിഫൈനിംഗ് കമ്പനികൾക്ക് അനുമതി നൽകിയിട്ടുണ്ട്. 

• ഫാർമസ്യൂട്ടിക്കൽസ് വകുപ്പ്, കെമിക്കൽസ് & പെട്രോ കെമിക്കൽസ് വകുപ്പ് (DCPC), വ്യവസായ, ആഭ്യന്തര വ്യാപാര പ്രോത്സാഹന വകുപ്പ് (DPIIT) എന്നിവയിൽ നിന്ന് ലഭിച്ച അഭ്യർത്ഥനകളുടെ അടിസ്ഥാനത്തിൽ, ഫാർമ, കെമിക്കൽ മേഖലയിലെ കമ്പനികൾക്കായി എൽപിജി പൂളിൽ നിന്ന് പ്രതിദിനം 1000 എംടി പ്രൊപിലീൻ അനുവദിച്ചിട്ടുണ്ട്.

• 2026 ഏപ്രിൽ 9 മുതൽ, മുംബൈ, കൊച്ചി, മഥുര റിഫൈനറികൾ കെമിക്കൽ, ഫാർമ വ്യവസായത്തിന് 5600 എംടിയിൽ അധികം പ്രൊപിലീൻ വിറ്റു.

 ഇന്ധനത്തിൻ്റെ ചില്ലറ ലഭ്യതയും വിലനിർണ്ണയ നടപടികളും

• രാജ്യത്തുടനീളമുള്ള ചില്ലറ ഇന്ധന വിൽപ്പന ശാലകൾ സാധാരണ നിലയിൽ പ്രവർത്തിക്കുന്നു.

• പശ്ചിമേഷ്യൻ പ്രതിസന്ധി അസംസ്കൃത എണ്ണ വിലയിൽ അസാധാരണമായ വർദ്ധനയ്ക്ക് കാരണമായി; എന്നിരുന്നാലും, ഉപഭോക്താക്കളെ സംരക്ഷിക്കുന്നതിനായി, ഇന്ത്യാ ഗവണ്മെൻ്റ് പെട്രോളിൻ്റെയും ഡീസലിൻ്റെയും എക്സൈസ് തീരുവ ലിറ്ററിന് ₹10 കുറച്ചു.

• ഇന്ത്യാ ഗവണ്മെൻ്റ് 11.04.2026 ലെ ഗസറ്റ് വിജ്ഞാപനത്തിലൂടെ ഡീസലിൻ്റെ കയറ്റുമതി തീരുവ ലിറ്ററിന് 55.50 രൂപയായും എടിഎഫിന് 42 രൂപയായും വർദ്ധിപ്പിച്ചു. ഈ നടപടി ഈ ഉൽപ്പന്നങ്ങളുടെ ആഭ്യന്തര വിപണി ലഭ്യത ഉറപ്പാക്കുന്നു.

• പെട്രോളിൻ്റെയും ഡീസലിൻ്റെയും ചില്ലറ വിൽപ്പന ശാലകളിൽ വിൽപ്പന വിലയിൽ മാറ്റമില്ല.

മണ്ണെണ്ണ ലഭ്യതയും വിതരണ നടപടികളും

• പതിവ് വിഹിതത്തിന് പുറമേ സംസ്ഥാനങ്ങൾക്കും കേന്ദ്രഭരണ പ്രദേശങ്ങൾക്കും 48,000 കിലോ ലിറ്റർ മണ്ണെണ്ണ അധികമായി അനുവദിച്ചിട്ടുണ്ട്.

• 18 സംസ്ഥാനങ്ങൾ/കേന്ദ്രഭരണ പ്രദേശങ്ങൾ മണ്ണെണ്ണ വിഹിത ഉത്തരവുകൾ പുറപ്പെടുവിച്ചിട്ടുണ്ട്. അതേസമയം ഹിമാചൽ പ്രദേശും ലഡാക്കും ആവശ്യകത അറിയിച്ചിട്ടില്ല.

സമുദ്ര സുരക്ഷയും ഷിപ്പിംഗ് പ്രവർത്തനങ്ങളും

പേർഷ്യൻ ഗൾഫിലെ നിലവിലെ സമുദ്ര സ്ഥിതിയും ഇന്ത്യൻ കപ്പലുകളെയും ജീവനക്കാരെയും സംരക്ഷിക്കുന്നതിനായി സ്വീകരിച്ച നടപടികളും വിശദീകരിച്ചു. ഇതിൽ ഇപ്രകാരം പറഞ്ഞു:

• ഹോർമുസ് കടലിടുക്ക് വഴിയുള്ള യാത്രാ അവകാശത്തിനായി സാൻമാർ ഹെറാൾഡ് കപ്പലിൻ്റെ ക്യാപ്റ്റൻ ഐആർജിസി നാവികസേനയെ പ്രതിനിധീകരിക്കുന്നുവെന്ന് അവകാശപ്പെടുന്ന ഒരു വ്യക്തിക്ക് യുഎസ് ഡോളർ നൽകിയതായും തുടർന്ന് സൈബർ കുറ്റകൃത്യത്തിന് ഇരയായതായും ആരോപണമുണ്ട്. മന്ത്രാലയം കപ്പലിൻ്റെ ഉടമയുമായി ആശയവിനിമയം നടത്തി. അത്തരമൊരു പണമിടപാടും നടത്തിയിട്ടില്ലെന്നും അത്തരമൊരു സംഭവം നടന്നിട്ടില്ലെന്നും സ്ഥിരീകരിച്ചിട്ടുണ്ട്. അതനുസരിച്ച്, ഇതുമായി ബന്ധപ്പെട്ട് പ്രചരിക്കുന്ന റിപ്പോർട്ടുകൾ വ്യാജവും വസ്തുതാപരമായി ശരിയല്ലാത്തതുമാണ്.

• വിദേശകാര്യ മന്ത്രാലയത്തിൻ്റെയും ഇന്ത്യൻ മിഷനുകളുടെയും ഏകോപനത്തോടെ തുറമുഖ, ഷിപ്പിംഗ് ജലപാത മന്ത്രാലയം പേർഷ്യൻ ഉൾക്കടൽ മേഖലയിലെ മാറിക്കൊണ്ടിരിക്കുന്ന സാഹചര്യം സജീവമായി നിരീക്ഷിക്കുന്നു.

• മേഖലയിലെ എല്ലാ ഇന്ത്യൻ നാവികരും സുരക്ഷിതരാണ്, കഴിഞ്ഞ 24 മണിക്കൂറിനുള്ളിൽ ഇന്ത്യൻ പതാക വഹിക്കുന്ന കപ്പലുകൾ ഉൾപ്പെട്ട ഒരു അനിഷ്ട സംഭവവും റിപ്പോർട്ട് ചെയ്തിട്ടില്ല.

• ഇന്ത്യൻ പതാക വാഹക എൽപിജി കപ്പൽ ദേശ് ഗരിമ 2026 ഏപ്രിൽ 18 ന് ഹോർമുസ് കടലിടുക്ക് സുരക്ഷിതമായി കടന്നു. 31 ഇന്ത്യൻ നാവികരെയും വഹിച്ചുകൊണ്ടുള്ള കപ്പൽ ഇന്ന് (2026 ഏപ്രിൽ 22) ഏകദേശം 1800 മണിക്കൂറിൽ മുംബൈയിൽ എത്തുമെന്ന് പ്രതീക്ഷിക്കുന്നു.

ഡിജി ഷിപ്പിംഗ് കൺട്രോൾ റൂം വിവരങ്ങൾ: സജീവമാക്കിയതിനുശേഷം ഡിജി ഷിപ്പിംഗ് കൺട്രോൾ റൂം 7,242 കോളുകളും 15,319 ഇമെയിലുകളും കൈകാര്യം ചെയ്തു. ഇതിൽ കഴിഞ്ഞ 24 മണിക്കൂറിനുള്ളിൽ 156 കോളുകളും 344 ഇമെയിലുകളും ഉൾപ്പെടുന്നു.

തിരികെയെത്തിക്കൽ: ഗൾഫ് മേഖലയിലെ വിവിധ സ്ഥലങ്ങളിൽ നിന്നും കഴിഞ്ഞ 24 മണിക്കൂറിനുള്ളിൽ 25 പേർ ഉൾപ്പെടെ ഇതുവരെ 2,615 ൽ അധികം ഇന്ത്യൻ നാവികരെ സുരക്ഷിതമായി നാട്ടിലേക്ക് തിരികെ എത്തിക്കാൻ ഡിജി ഷിപ്പിംഗ് സൗകര്യമൊരുക്കി.

തുറമുഖ പ്രവർത്തനങ്ങൾ: ഇന്ത്യയിലുടനീളമുള്ള തുറമുഖ പ്രവർത്തനങ്ങൾ സാധാരണഗതിയിൽ തുടരുന്നു. എവിടെയും തിരക്ക് റിപ്പോർട്ട് ചെയ്യപ്പെട്ടില്ല.

മേഖലയിലെ ഇന്ത്യൻ പൗരന്മാരുടെ സുരക്ഷ

മേഖലയിലുടനീളം, ഇന്ത്യൻ മിഷനുകളും പോസ്റ്റുകളും ഇന്ത്യൻ സമൂഹവുമായി അടുത്ത ബന്ധം പുലർത്തുന്നു. അതേസമയം, അവരുടെ സുരക്ഷയ്ക്കും ക്ഷേമത്തിനും ആവശ്യമായ സഹായം നൽകുകയും മാർഗ നിർദേശം നൽകുകയും ചെയ്യുന്നു. വിദേശകാര്യ മന്ത്രാലയം അറിയിച്ചത് ഇപ്രകാരം:

• മികച്ച രീതിയിൽ വിവരങ്ങൾ പങ്കുവയ്ക്കുന്നതിനും ഏകോപിപ്പിക്കുന്നതിനുമായി വിദേശകാര്യ മന്ത്രാലയം സംസ്ഥാന ഗവണ്മെൻ്റുകളുമായും കേന്ദ്രഭരണ പ്രദേശങ്ങളുമായും നിരന്തരം ബന്ധപ്പെട്ടുകൊണ്ടിരിക്കുകയാണ്.

• ഇന്ത്യൻ മിഷനുകളും പോസ്റ്റുകളും 24 മണിക്കൂറും ഹെൽപ്പ് ലൈനുകൾ പ്രവർത്തിക്കുന്നത് തുടരുന്നു. കൂടാതെ ഇന്ത്യൻ പൗരന്മാരെ സജീവമായി സഹായിക്കുന്നു.

• പ്രാദേശിക ഭരണകൂടങ്ങളുടെ മാർഗ്ഗനിർദ്ദേശങ്ങൾ, വിമാന, യാത്രാ സാഹചര്യങ്ങൾ, കോൺസുലാർ സേവനങ്ങൾ എന്നിവയെക്കുറിച്ചുള്ള ഏറ്റവും പുതിയ വിവരങ്ങൾ നിരന്തരം പുറപ്പെടുവിക്കുന്നു. ഇന്ത്യൻ മിഷനുകൾ മേഖലയിലെ താമസക്കാരായ ഇന്ത്യൻ സമൂഹവുമായി സജീവമായി ഇടപഴകുന്നു. ഇന്ത്യൻ സമൂഹങ്ങളുടെ അസോസിയേഷനുകൾ, സംഘടനകൾ, പ്രൊഫഷണൽ ഗ്രൂപ്പുകൾ, ഇന്ത്യൻ കമ്പനികൾ എന്നിവരുമായി, അവരുടെ ആശങ്കകൾ പരിഹരിക്കുന്നതിനായി അംബാസഡർമാർ പതിവായി ആശയവിനിമയം നടത്തുന്നു.

• മേഖലയിലെ ഇന്ത്യൻ നാവികരുടെ ക്ഷേമത്തിന് ഗവണ്മെൻ്റ് ഉയർന്ന മുൻഗണന നൽകുന്നു.

• പ്രാദേശിക അധികൃതരുമായും ഏജൻസികളുമായും ഏകോപനം, കോൺസുലാർ സഹായം നൽകൽ, ഇന്ത്യയിലേക്ക് മടങ്ങാനുള്ള അഭ്യർത്ഥനകൾക്ക് സഹായം എന്നിവയുൾപ്പെടെ മേഖലയിലെ കപ്പലുകളിലെ ഇന്ത്യൻ കപ്പൽ ജീവനക്കാർക്ക് നമ്മളുടെ മിഷനുകൾ എല്ലാ സഹായവും നൽകുന്നു.

• വ്യോമാതിർത്തി തുറന്നിരിക്കുന്ന രാജ്യങ്ങളിൽ നിന്നുള്ള വിമാന സർവീസുകൾ തുടരുന്നു. ഫെബ്രുവരി 28 മുതൽ, ഏകദേശം 11,91,000 യാത്രക്കാർ ഈ മേഖലയിൽ നിന്ന് ഇന്ത്യയിലേക്ക് യാത്ര ചെയ്തിട്ടുണ്ട്.

• യുഎഇയിൽ, പ്രവർത്തനപരവും സുരക്ഷാപരവുമായ പരിഗണനകളുടെ അടിസ്ഥാനത്തിൽ ഇന്ത്യയിലേക്ക് ഷെഡ്യൂൾ ചെയ്യാത്ത വാണിജ്യ വിമാന സർവീസുകൾ, വിമാനക്കമ്പനികൾ പരിമിതമായ എണ്ണത്തിൽ തുടർന്നും നടത്തുന്നു. ഇന്ന് ഏകദേശം 110 വിമാനങ്ങൾ പ്രതീക്ഷിക്കുന്നു.

• സൗദി അറേബ്യയിലെയും ഒമാനിലെയും വിവിധ വിമാനത്താവളങ്ങളിൽ നിന്ന് ഇന്ത്യയിലെ വിവിധ പ്രദേശങ്ങളിലേക്ക് വിമാനങ്ങൾ തുടർന്നും സർവീസ് നടത്തും.

• ഖത്തർ വ്യോമാതിർത്തി ഭാഗികമായി തുറന്നിരിക്കുന്നതിനാൽ, ഖത്തർ എയർവേയ്‌സ് ഇന്ന് ഇന്ത്യയിലേക്ക് വിവിധ വിമാനങ്ങൾ സർവീസ് നടത്തുമെന്ന് പ്രതീക്ഷിക്കുന്നു.

• കുവൈറ്റ് വ്യോമാതിർത്തി അടച്ചിരിക്കുന്നു. കുവൈറ്റിലെ ജസീറ എയർവേയ്‌സും കുവൈറ്റ് എയർവേയ്‌സും സൗദി അറേബ്യയിലെ ദമ്മാം വിമാനത്താവളത്തിൽ നിന്ന് ഇന്ത്യയിലേക്ക് ഷെഡ്യൂൾ ചെയ്യാത്ത വാണിജ്യ വിമാനങ്ങൾ സർവീസ് നടത്തുന്നു. 

• ബഹ്‌റൈൻ വ്യോമാതിർത്തി തുറന്നിരിക്കുന്നു. ഗൾഫ് എയർ ബഹ്‌റൈനിൽ നിന്ന് ഇന്ത്യയിലെ വിവിധ സ്ഥലങ്ങളിലേക്ക് വിമാന സർവീസുകൾ നടത്തുന്നുണ്ട്.

• ഇറാഖ് വ്യോമാതിർത്തി തുറന്നിരിക്കുന്നു, മേഖലയിലെ ലക്ഷ്യസ്ഥാനങ്ങളിലേക്ക് പരിമിതമായ വിമാന സർവീസുകൾ മാത്രമേ ഉള്ളൂ, ഇത് ഇന്ത്യയിലേക്കുള്ള യാത്രയ്ക്ക് ഉപയോഗിക്കാം.

• ചരക്ക്, ചാർട്ടേഡ് വിമാനങ്ങൾക്കായി ഇറാൻ വ്യോമാതിർത്തി ഭാഗികമായി തുറന്നിരിക്കുന്നു. അർമേനിയ, അസർബൈജാൻ വഴി ഇന്ത്യയിലേക്കുള്ള പൗരന്മാരുടെ യാത്രയ്ക്കായി ടെഹ്‌റാനിലെ ഇന്ത്യൻ എംബസി സൗകര്യമൊരുക്കുന്നത് തുടരുന്നു.

• ഇസ്രായേൽ: ഇസ്രായേൽ വ്യോമാതിർത്തി തുറന്നിരിക്കുന്നു, മേഖലയിലെ ലക്ഷ്യസ്ഥാനങ്ങളിലേക്ക് പരിമിതമായ വിമാന സർവീസുകൾ പുനരാരംഭിച്ചിട്ടുണ്ട്, ഇത് ഇന്ത്യയിലേക്കുള്ള യാത്രയ്ക്ക് പൗരൻമാർക്ക് പ്രയോജനപ്പെടുത്താം.

*******