প্রধানমন্ত্রীগী লোইশঙ
প্রধান মন্ত্রী শ্রী নরেন্দ্র মোদীনা লৈবাক মীয়ামদা ৱা ঙাংখ্রে
নুপীশিংনা পুম্নমক কোকপীবা য়াই, অদুবু মখোয়গী ইজৎপু ইকাই খুম্নদবা অদুদি কৈদৌনুংদা কাওথোকপা ঙমলোই: পি.এম.
পার্লিয়ামেন্ততা নারী শক্তি বন্দন আধিনিয়ম অমেন্দমেন্ত থিংখিবা পার্তীশিংনা নুপীশিংগী শক্তিবু লাইনা লৌরি: পি.এম.
নারী শক্তি বন্দন আধিনিয়ম অমেন্দমেন্ত অসি ২১শুবা চহিচাগী নুপীশিংদা শক্তি পীনবা 'মহায়াজ্ঞ' অমনি: পি.এম.
নারী শক্তি বন্দন আধিনিয়মবু দাইনাস্তিক পার্তীশিংনা য়ানীংদবা ফোংদোকপগী মরুওইবা মরম অমদি মখোয়গী অকিবা অসিনি: পি.এম.
লৈবাক অসিগী ১০০% নারী শক্তিগী য়াইফ-মঙ্গোল অসি ঐখোয়না ফংলি: পি.এম.
নুপীশিংগী রিজার্বেসনগী লম্বীদা লৈরিবা খুদোংচাদবা খুদিংমক ঐখোয়না লৌথোক্কনি: পি.এম.
নুপীশিংগী হকশিং মুনদুনা, মীওইশিং অসিনা তেবলশিং থিনখি; মসিনা নুপীশিংগী ইকাই খুম্নবা, মখোয়গী মশাগী ইকাই খুম্নবদা লান্দারকপা অমনি: পি.এম.
নুপীশিংগী রিজার্বেসনগী মায়োক্তা লৈবশিংগীদমক, বিরোধিবু মখোয়না তৌখিবা পাপ অদুগী চৈরাক ফংলগনি: পি.এম.
থাগৎখিবা:
18 APR 2026 11:39PM by PIB Imphal
ভারতকী মমাশিং, ইচে-ইচলশিং অমসুং মচানুপীশিংদা মরী লৈনবা য়াম্না মরুওইবা ৱাফম অমদা লৈবাক মীয়ামদা ৱা ঙাংলদুনা, প্রধান মন্ত্রীনা নুপীশিংগী খোংজেল তপথরকপগী মতাংদা মহাক্কী থম্মোয় শোক্না নুংঙাইতবা ফোংদোকখি। সরকারনা মপুং ফানা অমসুং থম্মোয় শেংনা হোৎনরবসু, নারী শক্তি বন্দন আধিনিয়ম অমেন্দমেন্ত পাস তৌবা ঙমখিদে, মসিনা নুপীশিংগী অশেংবা মঙলানশিংবু থুগাইখি হায়না মহাক্না পনখি। শ্রী মোদীনা হায়খি, "মসিগুম্বা নুংঙাইতবা থৌদোক অসিগীদমক্তা লৈবাক অসিগী ইমা অমসুং ইচে-ইচল পুম্নমক্কী মফমদা ঐহাক্না থম্মোয় শেংনা নুংঙাইতবা ফোংদোকচরি।"
নেস্নেল ইন্তরেস্ত অসি খ্বাইদগী মরু ওই হায়না পল্লদুনা, প্রধান মন্ত্রীনা লৈবাক অসিগী য়াইফ-থৌরাংদগী পার্তিসনগী কান্নবশিংবু মরুওইনা লৌবগীদমক অখন্নবা পোলিতিকেল ফ্রেক্সনশিংবু অকনবা মওংদা য়ানিংদবা ফোঙদোকখি।
লৈবাক শীনবা থুংনা উরিবা অৱাবা অদু পল্লদুনা প্রধান মন্ত্রীনা হায়খি মদুদি বিল অসি মাইথিবা পীরকপা অসি নুপীশিংগী মশাগী ইকাই খুম্নবা অদুদা হকথেংননা শোকপা অমনি, নুপী ইলেক্তোরেৎশিংনা মখোয়গী মতম ৱাখলদা পুম্নমক্তা ইদুনা লৈহৌগদবা ইকাইবা পীবা অমনি। শ্রী মোদীনা হায়খি, "নুপীশিংনা অতৈ পুম্নমক কাওথোকখ্রবসু মখোয়গী ইজৎপু ইকাইবা পীবা অসি মখোয়না কৈদৌঙৈদা কাওথোকপা তৌরোই।"
প্রধান মন্ত্রীনা হায়খি মদুদি ভারতকী নুপীশিংনা ফত্তবা ৱাখল্লোনশিং অদু খঙই অমসুং তুংলমচৎতা অশোয়বা পোলিতিসিয়নশিং অদু শাথীনা পাউখুম পীরগনি। নারী শক্তি বন্দন আধিনিয়ম অমেন্দমেন্তকী ত্রান্সফোর্মেতিব ভিজনগী মতাংদা পল্লদুনা প্রধান মন্ত্রীনা হায়খি মদুদি আইন অসি মতম শাংনা লৈরম্বা হকশিং পীনবা অমসুং মীয়ামগী শরুক তঙ্খাইগীদমক অনৌবা খুদোংচাবশিং শেমগৎনবা হোৎনখিবা অচৌবা থবক অমনি। মহাক্না হায়খি মদুদি বিল অসিনা সিস্তেমিক ওইবা অথিংবশিং লৌথোক্নবা অমসুং মখোয়গী পাক চাউবা নত্ত্রগা জিওগ্রাফীগী খেন্নবা লৈতনা রাজ্য পুম্নমক্কী পোলিতিকেল পাৱরবু চপ মান্ননা হেনগৎহন্নবা পান্দম থম্লি। শ্রী মোদীনা হায়খি, "অহোংবা অসি ভারতকী চাউখৎ-থৌরাংগী খোঙচৎতা নুপীশিংবু চপ মান্নবা কো-ত্রাভেলর ওইহন্নবা থম্মোয় শেংনা হোৎনবা খোঙথাং অমনি।"
প্রধান মন্ত্রীনা হায়খি মদুদি ভারতকী নাগরিকশিংনা রাজনিতীগী ফত্তবা মওং অসিবু মপুআ ফানা খঙলে অমসুং মসিগী মখাদা লৈরিবা মরমশিং অদু মপুং ফানা খঙলে। শ্রী মোদীনা হায়খি, "নুপীশিংগী হকশিং হুরানবদা শীজিন্নরিবা ফত্তবা রাজনিতীগী পেতর্ন অসি লৈবাক অসিনা হৌজিক মপুং ফানা খঙলে।"
প্রধান মন্ত্রীনা ফোংদোকখি মদুদি দাইনাস্তিক পার্তীশিংনা মখোয়গী ইমুংগী মপান্দা লৈবা নুপীশিংনা মখোয়গী লোকেলাইজ ওইবা লুচিংবশিংদা খুদোংথীবা পীরক্কনি হায়বগী থাজবা লৈ। মহাক্না হায়খি মদুদি হৌজিক পঞ্চায়ৎশিংদা থবক তৌরিবা নুপী লিশিং কয়া অসিনা দাইনাস্তিক পোলিতিসিয়নশিংগী চাউনা লৈরিবা ইনসেক্যুরিতীদা হকথেংননা শিংনরি।
দিলিমিতেসনগী মতাংদা অরানবা ৱারোলশিং অদু মুত্থৎলদুনা, প্রধান মন্ত্রীনা হায়খি মদুদি সরকারনা রাজ্য অমত্তনা রিপ্রজেন্তেসন মাংহন্দনবা ময়েক শেংনা থাজবা পীখি, মরমদি রাজ্য খুদিংমক্না মখোয়গী সিৎশিং অদু চপ মান্নবা, অচুম্বা চাং অমদা হেনগৎলগনি। রিজনেল গ্রোথকী মাংখিবা খুদোংচাবশিং অদু পল্লদুনা প্রধান মন্ত্রীনা হায়খি মদুদি অমেন্দমেন্ত অসিনা তামিল নাদু, বেঙ্গল অমসুং উত্তর প্রদেশকুম্বা রাজ্যশিংদা পার্লিয়ামেন্তরী সিৎশিং য়াম্না হেনগৎহনগনি।
মমাংদা মায়োক্নখিবা ত্রান্সফোর্মেতিব ইনিসিয়েতিবশিংগী পরিং অমা পল্লদুনা, প্রধান মন্ত্রীনা হায়খি মদুদি জন ধন-আধার-মোবাইল ত্রিনিতী, দিজিতেল পেমেন্ত, জি.এস.তি. অমসুং ত্রিপল তলাক্কী মায়োক্তা চৎনরিবা আইন অসিসু মায়োক্নখি। সি.এ.এ. লো অসিগী মতাংদা মমাংদা অৱা-অনা কয়া থোকখি অমসুং মাওইস্ত হিংসা মুত্থৎনবা হোৎনবদা লেপ্পা লৈতনা খুদোংচাদবা কয়া থেংনখি হায়না মহাক্না ফোংদোকখি।
ভারতকী পুৱারীগী ওইবা চাউখৎ-থৌরাংদা থেংথবগী মতাংদা প্রধান মন্ত্রীনা হায়খি মদুদি তঙাইফদবা ৱারেপশিং লৌবদা থিন্থবগী লাল্লোং অসিনা নীংতম্লবা মতুংদা অতোপ্পা লৈবাকশিংনা ভারতপু নমথদুনা থম্বদা মতেং পাংলি। মহাক্না হায়খি মদুদি চহি ৪০ অসি ঙমখৈগী ৱাথোকশিং লোইশিন্নবা, ও.বি.সি. রিজার্বেসন অমসুং লান্মীশিংগীদমক ৱান রেঙ্ক ৱান পেন্সন স্কিম য়াওনা মরুওইবা নেস্নেল রিজোলুসনশিং থিন্থহনবদা মাংহনখ্রে।
প্রধান মন্ত্রীনা হায়খি মদুদি ভারত মচাশিংগী মীরোল কয়া অসি অসিগুম্বা ৱারেপ লৌদবা অমসুং ফত্তবশিং অসিনা মরম ওইদুনা অৱাবা কয়া মায়োক্নখি। মহাক্না অকনবা ৱাফম থমখি মদুদি হৌজিক চত্থরিবা রাজনিতীগী লান অসি লেজিস্লেসনগী শরুক অমা খক্তদা নত্তে, অদুবু য়াম্না নেগেতিব ওইবা, রিফোর্মগী মায়োক্তা লৈবা ৱাখল্লোনগী মায়োক্তা পাক চাউনা লান অমা চত্থরি। শ্রী মোদীনা হায়খি, "ঐহাক্না থাজৈ মদুদি লৈবাক অসিগী ইচে-ইচল অমসুং ইচানুপী পুম্নমক্না মসিগী তেক্সিক মেন্তেলিতি অসিদা মতিক চাবা পাউখুম পীরগনি।"
বিল অসি মাইপাকপা ঙমদবনা সরকারগী অশোইবা উৎলি হায়না ফোংদোক্লিবা অদু অরানবনি হায়না ফোংদোক্লদুনা প্রধান মন্ত্রীনা অমুক হন্না ফোংদোকখি মদুদি করিগুম্বা মখোয়না বিল অসিবু শৌগৎলবদি মহাক্না ওপোজিসনবু এদভর্তাইজমেন্তকী খুত্থাংদা মপুং ফানা ক্রেদিৎ পীরমগদবনি। শ্রী মোদীনা হায়খি, "মসিগী ইসু অসি রাজনিতীগী ক্রেদিৎ লৌনবা নত্তে; মসি হকশিং ফংনবগীনি।"
নুপীশিংগী শক্তি লৈহন্নবা মহাক্কী অচেৎপা ফিরেপ অদু অমুক হন্না ফোংদোক্লদুনা, প্রধান মন্ত্রীনা নুপী মিলিয়ন কয়াগী অৱাবদা শরুক য়াখি। পার্লিয়ামেন্তরী মশিং য়াম্না ফংদ্রবসু মহাক্কী ৱারেপ অসি অদুমক লেংদনা লৈগনি হায়না মহাক্না থাজবা পীখি। মহাক্না লেজিস্লেসন অসিগী লম্বীদা লাক্কদৌরিবা খুদোংচাদবা খুদিংমক মুত্থৎলগনি হায়না থাজবা পীখি। মহাক্না হায়খি মদুদি লৈবাক অসিগী নুপী ১০০%গী য়াইফ-মঙ্গোলগা লোয়ননা সরকারনা মাইপাক্কনি। লৈবাক অসিগী মীশিং তঙ্খাই অমগী মঙলান অমসুং লৈবাক অসিগী তুংলমচৎকীদমক্তা ঐখোয়না ৱারেপ অসি মপুং ফাহনগদবনি হায়না শ্রী মোদীনা অকনবা ৱাফম থমখি।
***
(রিলিজ আই.দি.: 2253524)
ভিজিতর কাউন্তর : 6
রিলিজ অসি মসিদা পাবীয়ু:
Malayalam
,
English
,
Urdu
,
Marathi
,
हिन्दी
,
Assamese
,
Bengali
,
Punjabi
,
Gujarati
,
Odia
,
Tamil
,
Telugu
,
Kannada