ভারত সরকারনা মরুওইবা সেক্তরশিংদা শেম-শারিবা অমসুং নীংথিনা মথৌ পাংথোক্নবা তঙাই ফদবা খোঙথাংশিং লৌখৎলি। নোংচুপ এসিয়াদা ওইরক্লিবা ফীভম অসিগী মতুং ইন্না, মখাদা পীরিবা অপদেৎ অসিনা লমদম অসিদা ইনর্জী সপ্লাই, মেরিতাইম ওপরেসনশিং অমসুং ভারতকী নাগরিকশিংদা মতেং পাংবগী লমদা লৌখৎলিবা খোঙথাংশিংগী অকুপ্পা মরোল পীরি:

ইনর্জী সপ্লাই অমসুং লৈরিবা ফ্যুএল

পেত্রোলিয়ম অমসুং নেচরেল গ্যাস মন্ত্রালয়না স্ত্রেত ওফ হোর্মজ হৌজিক থিংজিল্লিবা অসিগী মতাংদা লৈবাক শিনবা থুংনা পেত্রোলিয়ম প্রদক্তশিং অমসুং এল.পি.জি. অপনবা লৈতনা ফংহন্নবা প্রোএক্তিব ওইনা খোঙথাংশিং লৌখৎলি। মন্ত্রালয়গী মতুং ইন্না:

পব্লিক এদভাইজরী অমসুং সিতিজেন এৱেরনেস

· সরকারনা পেত্রোল, দিজল অমসুং এল.পি.জি. ফংহন্নবা হোৎনবা য়াবা পুম্নমক হোৎনরি অমসুং নাগরিকশিংদা পেত্রোল অমসুং দিজলগী পেনিক বায়িং তৌদনবা অমসুং এল.পি.জি.গী মথৌ তাদনা বুক তৌদনবা খঙহনখ্রে।

· নাগরিকশিংদা অরানবা পাউ শন্দোকপগী মতাংদা চেকশিন্না লৈনবা অমসুং অচুম্বা পাউ ফংনবগীদমক্তা ওফিসিএল সোর্সশিংদা খক্তদা থাজবা থম্নবা খঙহনখ্রে।

· এল.পি.জি.গীদমক্তা, নাগরিকশিংনা এল.পি.জি. সিলিন্দর বুক তৌনবগীদমক দিজিতেল মোদ শীজিন্ননবা অমসুং মথৌ তাদ্রবদি এল.পি.জি. দিস্ত্রিব্যুতরশিংদা চৎতনবা হায়রি।

· নাগরিকশিংদা পি.এন.জি., ইন্দক্সন অমসুং ইলেক্ত্রিক কুকতোপগুম্বা অতোপ্পা ফ্যুলশিং শীজিন্ননবা পুক্নিং থৌগৎলি।

· হৌজিক ওইরিবা ফীভম অসিদা, নাগরিক পুম্নমকপু মখোয়গী নুমিৎ খুদিংগী শীজিন্নবদা ইনর্জী কনবা হোৎননবা হায়রি।

সরকারগী শেম-শাবা অমসুং সপ্লাই মেনেজমেন্তগী খোঙথাংশিং

· লানগী ফিভম অসি লৈরবসু, সরকারনা  হোস্পিতালশিং অমসুং এজুকেস্নেল ইন্সতিত্যুসনশিংবু মরু ওইনা লৌবগা লোয়ননা দোমেস্তিক এল.পি.জি. অমসুং পি.এন.জি. অসি খ্বাইদগী মরু ওইনা লৌখি।

· সরকারনা সপ্লাই অমসুং দিমান্দ অনিমক্তা, রিফাইনরী প্রদক্সন হেনগৎহনবা, অর্বান এরিয়াশিংদা বুকিং ইন্তর্বেল নুমিৎ ২১দগী ২৫দা অমসুং রুরেল এরিয়াশিংদা নুমিৎ ৪৫ ফাওবা হেনগৎহনবা অমসুং সপ্লাইগী সেক্তরশিংদা প্রাইওরিতী পীবা য়াওনা, রেস্নেলাইজেসনগী খোঙথাং কয়া অমা হান্ননা পায়খৎখ্রে।

· এল.পি.জি.গী দিমান্দদা প্রেসর হন্থহন্নবা কেরোসিন অমসুং কোইলাগুম্বা অতোপ্পা ফ্যুএল ওপ্সনশিং পীরি।

· কোল ইন্দিয়া অমসুং সিঙ্গেরেনী কোলিয়রীশিংদা অপীকপা, ময়াই ওইবা অমসুং অতোপ্পা কঞ্জুমরশিংদা কোইলা য়েন্থোক্নবগীদমক্তা কোল মন্ত্রালয়না রাজ্যশিংদা কোইলাগী চাং হেনগৎহন্নবা হান্ননা ওর্দর পীখ্রে।

· দোমেস্তিক অমসুং কম্মর্সিএল কঞ্জ্যুমর অনিমক্কীদমক অনৌবা পি.এন.জি. কনেক্সনশিং অসি লায়থোকহন্নবা রাজ্যশিংদা খঙহনখ্রে।

· ইকুই কুইদ্রিঙৈদা, সেক্রেতরী (এম.ও.পি.এন.জি.)না রাজ্য অমসুং য়ু.তি. পুম্নমক্কী এদিস্নেল চীফ সেক্রেতরীশিং অমসুং প্রিন্সিপল সেক্রেতরীশিং (ফুদ অমসুং সিবিল সপ্লাইজ) গা লোয়ননা ফ্যুএল সপ্লাইগী ফীভম য়েংশিন্নবা মীফম অমা পাংথোকখি অমসুং মতিক চানা ফংহন্নবা লৌখৎলিবা খোঙথাংশিং অদু শন্দোক্না তাকখি। রাজ্যশিংদা মরুওইনা দোমেস্তিক অমসুং তঙাইফদবা মথৌ তাবশিংগীদমক এল.পি.জি. দিস্ত্রিব্যুসনদা মরু ওইনা লৌনবা অমসুং হোর্দিং, দাইভর্সন অমসুং অরানবা পাউশিং শন্দোকপগী মায়োক্তা অকনবা খোঙথাং লৌখৎনবা খঙহনখি। মাইগ্রেন্ত ৱার্করশিংদা এফ.তি.এল. এল.পি.জি.গী সপ্লাই পীবগী মতাংদা পাউদম পীরকপদা, মাইগ্রেন্তশিংদা এফ.তি.এল. এল.পি.জি.গী সপ্লাইদা অকায়বা লৈতে অমসুং সপ্লাই অসি লেপ্পা লৈতে হায়না রাজ্যশিংনা ফোংদোকখি। সেক্রেতরীনা হায়খি মদুদি রাজ্যশিংনা ও.এম.সি.শিংগা লোয়ননা লোকেলগী মথৌ তাবশিংদা য়ুম্ফম ওইরগা কে.জি. ৫গী এফ.তি.এল. এল.পি.জি. সিলিন্দরশিং পান্দম থম্লগা য়েন্থোকপগী থবক তৌবা য়াই।

রাজ্যশিং/য়ু.তি.শিং অমসুং ইন্সতিত্যুস্নেল মেকানিজমশিংগা লোয়ননা পুন্না থবক লৌখৎপা খোঙথাংশিং

· এসেন্সিএল কম্মোদিতীজ এক্ত, ১৯৫৫ অমসুং এল.পি.জি. কন্ত্রোল ওর্দর, ২০০০গী মখাদা রাজ্য সরকারনা হোর্দিং অমসুং ব্লেক মার্কেতিংগী মায়োক্তা থবক লৌখৎনবা শক্তি লৈ। পেত্রোল, দিজল অমসুং এল.পি.জি. য়াওনা তঙাই ফদবা পোৎলমশিংগী সপ্লাইগী ফীভম য়েংশিন্নবা অমসুং রিগুলেৎ তৌবদা রাজ্য/য়ু.তি.না মপুং ওইবা থৌদাং অমা লৌগদবনি। ভারত সরকারনা রাজ্য/য়ু.তি. পুম্নমক্তা চিথী কয়ামরুম থাদুনা অমসুং ভি.সি.শিং পাংথোক্তুনা মসিগী মতাংদা হঞ্জিন-হঞ্জিন খঙহনখিবা লৈখ্রে।

· রাজ্য/য়ু.তি. পুম্নমক্কী চীফ সেক্রেতরীশিং, ফুদ এন্দ সিভিল সপ্লাইগী এ.সি.এস./প্রিন্সিপল সেক্রেতরী/সেক্রেতরী পুম্নমক্তা খঙহনখি –

Ø রাজ্য/দিস্ত্রিক্তকী থাক্তা নুমিৎ খুদিংগী প্রেস ব্রিফিং পাংথোকপা অমসুং মীয়ামদা চাং নাইনা পব্লিক এদভাইজরীশিং থোকপা।

Ø কন্ত্রোল রুমশিং/হেল্পলাইনশিং লিংখৎপা

Ø সোসিএল মীদিয়াদা অরানবা পাউ/লান্না লমজিংগদবা পাউ অদু এক্তিব ওইনা য়েংশিনবা অমসুং থেংনবা।

Ø দিস্ত্রিক্ত এদমিনিস্ত্রেসননা নুমিৎ খুদিংগী এনফোর্সমেন্ত হেনগৎহনবা অমসুং ও.এম.সি.শিংগা লোয়ননা কোওর্দিনেসন তৌদুনা রেদশিং অমসুং ইন্সপেক্সনশিং মখা চত্থবা

Ø মখোয়গী রাজ্য/য়ু.তি.শিংগী মনুংদা কম্মর্সিএল এল.পি.জি. এলোকেসন ওর্দরশিং থোকপা

Ø রাজ্যশিং/য়ু.তি.শিংদা পীরিবা অহেনবা এস.কে.ও.শিংগীদমক এস.কে.ও. এলোইসন ওর্দরশিং থোকপা।

Ø সি.জি.দি.গী পাকথোক চাউথোকপা য়াহনবা, মসিগী মনুংদা আর.ও.দবল্যু/আর.ও.য়ুগী অয়াবা, ২৪x৭ থবক তৌবগী অয়াবা অসিনচিংবা য়াহনবা।

Ø পি.এন.জি. শিজিন্নবা অমসুং অতোপ্পা ফ্যুলশিং প্রোমোৎ তৌবা।

Ø এম.ও.পি.এন.জি.গা কোওর্দিনেৎ তৌনবা সেনিয়র নোদল ওফিসরশিং খল্লগনি।

· অরানবা পাউ লাকশিন্নবা অমসুং প্রজাশিংদা এল.পি.জি. মতিক চানা ফংহন্নবা অমসুং অপনবা লৈতনা দিস্ত্রিব্যুসন তৌবা য়াহন্নবা সোসিএল অমসুং ইলেক্ত্রোনিক মীদিয়াগী খুত্থাংদা মতম চানা পাউ শন্দোকপগা লোয়ননা ভারত সরকারনা ২৭.০৩.২০২৬ অমসুং ০২.০৪.২০২৬দা থোকখিবা ভাইদ লেতরদা রাজ্য/য়ু.তি. পুম্নমক্কী চীফ সেক্রেতরীশিংদা প্রোএক্তিব অমসুং রিগুলর পব্লিক কম্ম্যুনিকেসন হেনগৎহন্নবা, চুনবা সেনিয়র লেবেলদা নুমিৎ খুদিংগী প্রেস ব্রিফিংশিং পাংথোক্নবা অমসুং সোসিএল অমসুং ইলেক্ত্রোনিক মীদিয়াগী খুত্থাংদা অচুম্বা ইনফোর্মেসন মতম চানা শন্দোক্নবা খঙহনখ্রে।

· হৌজিক্কী ওইনা, রাজ্য/য়ু.তি. ২১না প্রেস ব্রিফশিং থাদোক্লি/পাংথোক্লি।

এনফোর্সমেন্ অমসুং মোনিটতরিং এক্সনশিং

· এল.পি.জি.গী হোর্দিং অমসুং ব্লেক মার্কেতিং চেক তৌনবা রাজ্য/য়ু.তি. কয়াদা রেদশিং পাংথোকপা লেপ্তনা চত্থরি। ঙরাং রেদ ৩৭০০ হেন্না পাংথোকখ্রে।

· পি.এস.য়ু. ও.এম.সি.গী ওফিসিএলশিংদা হোর্দিং/ব্লেক মার্কেতিংগী থৌওং অমা হেক্তদগী থিংনবা সপ্রাইজ ইন্সপেক্সনগী পথাপ মপাঙ্গল কনখৎহন্নবা খঙহনখ্রে।

· পি.এস.য়ু. ও.এম.সি.শিংনা হৌজিক ফাওবদা এল.পি.জি. দিস্ত্রিব্যুতরশিপশিংদা শো নোতিস ১০০০ থোকখ্রে। মসিগী মথক্তা, হৌজিক ফাওবদা এল.পি.জি. দিস্ত্রিব্যুতরশিপ ২৭ সস্পেন্দ তৌখ্রে।

এল.পি.জি. সপ্লাই

দোমেস্তিক এল.পি.জি. সপ্লাই স্তেতস:

· হৌজিক ওইরিবা জিওপোলিতিকেলগী ফীভম অসিনা মরম ওইদুনা এল.পি.জি.গী সপ্লাই শোকহল্লি। মসিদা নত্তনা, এল.পি.জি. দিস্ত্রিব্যুতরশিপশিংদা দ্রাই-আউৎকী রিপোর্ত লৈতে।

· ওনলাইন এল.পি.জি. সিলিন্দর বুকিং অসি ইন্দস্ত্রীদা য়ুম্ফম ওইদুনা ঙরাং ৯৫%দা হেনগৎলে।

· দিস্ত্রিব্যুতরগী থাক্তা দাইভর্সন থীংনবা, দেলিভরী ওথেন্তিকেসন কোদ (দি.এ.সি.) দা য়ুম্ফম ওইবা দেলিভরী অসি ঙরাংদগী ৫৩% (ফেব্রুৱারী ২০২৬) দগী ৮৯%দা হেনগৎখ্রে।

· ঙরাং দোমেস্তিক এল.পি.জি. সিলিন্দর লাখ ৫১ রোম ফংহনখ্রে।

কম্মর্সিএল এল.পি.জি. সপ্লাই অমসুং এল্লোকেসনগী খোঙথাংশিং:

· ভারত সরকারনা ০১.০৪.২০২৬গী ভাইদ ওর্দরগী মতুং ইন্না সেন্তর ফোর হাই তেক্নোলোজী (সি.ঐচ.তি.) না লেপ্লিবা অকক্নবা ক্বান্তিতি অমসুং রিফাইনরী সোর্সকী মতুং ইন্না ফার্মাস্যুতিকেল্স দিপার্তমেন্ত, ফুদ অমসুং পব্লিক দিস্ত্রিব্যুসন দিপার্তমেন্ত, কেমিকেল্স অমসুং পেত্রো কেমিকেল‌স দিপার্তমেন্ত অসিনচিংবা মরুওইবা সেক্তরশিংদা সি.৩ অমসুং সি.৪গী স্ত্রিমশিং অখন্নবা মশিং ওইনা ফংহন্নবা ভারত্তা লৈবা পেত্রোকেমিকেল কমপ্লেক্সশিং য়াওনা রিফাইনরিং কম্পনীশিংদা অয়াবা পীখ্রে।

· ভারত সরকারনা অপুনবা কম্মর্সিএল এলোকেসন অসি রিফোর্মদা য়ুম্ফম ওইদুনা ১০% য়াওনা ক্রাইসিসকী মমাংগী লেভেলগী ৭০% ওইহন্নবা ৱারেপ লৌখ্রে।

· ঙরাং, কেজি ৫গী এফ.তি.এল. সিলিন্দর ৭১,০০০ হেন্না য়োন্থোকখ্রে।

· ২০২৬গী মার্চ ২৩দগী হৌরগা কেজি ৫গী এফ.তি.এল. সিলিন্দর চাউরাক্না লাখ ৫.৭ য়োনখ্রে।

· কিলোগ্রাম ৫গী এফ.তি.এল. সিলিন্দরশিং অসি মনাক নকপদা লৈবা এল.পি.জি. দিস্ত্রিব্যুতরশিপশিংদা ফংই অমসুং চৎনবা য়াবা আই.দি. প্রুফ অমা উৎলগা ফংবা য়াই। এদ্রেস প্রুফ মথৌ তাদে।

· আই.ও.সি.এল., ঐচ.পি.সি.এল. অমসুং বি.পি.সি.এল.গী একজিক্যুতিব দাইরেক্তরশিংগী মেম্বর অহুমগী কমিতী অমনা রাজ্যগী ওথোরিতীশিং অমসুং ইন্দস্ত্রী বোদীশিংগা তান্নদুনা রাজ্যশিং/য়ু.তি.শিংদা কম্মর্সিএল এল.পি.জি. য়োনবগী থৌরাং অদু ফাইনেল তৌখ্রে।

· ২০২৬গী মার্চ ১৪দগী হৌরগা কম্মর্সিএল এল.পি.জি.গী অপুনবা মেত্রিক তন ৭২০৪৭ য়োনখ্রে।

নেচরেল গ্যাস সপ্লাই অমসুং পি.এন.জি পাকথোক চাউথোকহনবগী থৌশিলশিং

· কঞ্জ্যুমরশিংবু দি-পি.এন.জি. অমসুং সি.এন.জি.-ত্রান্সপোর্ত্তা ১০০% সপ্লাই তৌদুনা প্রাইওরিতী পীরি।

· গ্রিদতা শম্নরবা ইন্দস্ত্রীএল অমসুং কম্মর্সিএল কঞ্জুমরশিংদা সপ্লাই অসি মখোয়গী চাংচত্তা শিজিন্নবগী ৮০% ওইরি।

· হৌজিক মথৌ তৌরিবা য়ুরিয়া প্লান্তশিংদা সপ্লাই অসি মখোয়গী হৌখিবা থা তরুক্কী চাংচত্তা শিজিন্নখিবা অদুগী চাউরাক্না ৭০-৭৫%দা লেপ্তনা লৈরি। ফংলিবা ইনভেন্তরী অমসুং এল.এন.জি. কার্গোশিং লাকপগী থৌরাং তৌরিবা অসি য়েংলগা, ফর্তিলাইজর প্লান্তশিংদা ফংলিবা গ্যাস সপ্লাই অসি মমাংগী থা তরুক্কী মখোয়গী চাংচত্তা শিজিন্নবগী চাউরাক্না ৯০%দা হেনগৎলগনি। মসি ০৬.০৪.২০২৬দগী চৎনবা হৌগনি। মসিগী মথক্তা, সি.জি.দি.গী নেৎৱার্কশিংগী খুত্থাংদা গ্যাস সপ্লাই য়াওনা অতোপ্পা ইন্দস্ত্রীএল অমসুং কম্মর্সিএল সেক্তরশিংদা গ্যাস সপ্লাই অসি মখা তানা ১০% হেনগৎহনগনি। মসি ০৬.০৪.২০২৬দগী চৎনবা হৌগনি।

· ফর্তিলাইজর প্লান্তশিং য়াওনা ইন্দস্ত্রীএল কঞ্জুমর পুম্নমকপু মখোয়গী অহেনবা মথৌ তাবশিং অদু মফম অদুদা পীবা হায়না পাউতাক পীখ্রে। মসিগা মান্ননা গ্যাস মার্কেতিং কম্পেনীশিংগীসু এরেঞ্জ তৌবা য়াই।

· ভারত সরকারনা সি.জি.দি.গী এন্তিতীশিংদা মখোয়গী গ্যাস পুম্নমক্তা রেস্তোরেন্তশিং, হোতেলশিং অমসুং কেন্তিনশিংগুম্বা কম্মর্সিএল ইস্তাব্লিশমেন্তশিংগীদমক পি.এন.জি. কনেক্সনশিংবু মরু ওইনা লৌনবা পাউতাকসু পীখ্রে, মসিনা কম্মর্সিএল এল.পি.জি. ফংবা ফংদবগী অৱাবা অসি কোকহনবা ঙমগনি।

· আইজিএল, এমজিএল, গেল গ্যাস অমসুং বি.পি.সি.এল.কুম্বা সি.জি.দি. কম্পেনীশিংনা দোমেস্তিক অমসুং কম্মর্সিএল পি.এন.জি. কনেক্সনশিং পীনবা থবক পাইখৎলি।

· ভারত সরকারনা রাজ্যশিং/য়ু.তি.শিং অমসুং কেন্দ্রগী মন্ত্রালয়শিংদা সি.জি.দি. নেৎৱার্ক পাকথোক চাউথোকহনবগী মথৌ তাবা এপ্লিকেসনশিং অয়াবা পীনবা হায়খ্রে।

· ভারত সরকারনা ১৮.০৩.২০২৬গী ভাইদ লেতরগী খুত্থাংদা রাজ্য/য়ু.তি. পুম্নমক্তা রাজ্যশিংদা কম্মর্সিএল এল.পি.জি.গী অহেনবা ১০% এলোকেসন পীরগনি, করিগুম্বা মখোয়না এল.পি.জি.দগী পি.এন.জি.দা লোং-তর্ম ত্রাঞ্জিসন তৌবদা মতেং পাংগনি। পি.এন.জি. পাকথোক চাউথোকহনবগী রিফোর্মগী খোঙথাংশিংগী মখাদা রাজ্য ১২দা অহেনবা কম্মর্সিএল এল.পি.জি. এল্লোকেসন ফংলি। মসিগী মথক্তা, য়ু.তি.১গী এপ্লিকেসন অমা ফংখ্রে অমসুং হৌজিক নৈনরি।

· পি.এন.জি.আর.বি.না ২৩.০৩.২০২৬কী ওর্দরগী মতুং ইন্না সি.জি.দি.গী এন্তিতী পুম্নমকপু নুমিৎ ৫নিগী মনুংদা পি.এন.জি.গী খুত্থাংদা রেসিদেন্সিএল স্কুলশিং অমসুং কোলেজশিং, হোস্তেলশিং, কম্ম্যুনিতী কিচেনশিং, অঙ্গনৱাদি কিচেনশিং অসিনচিংবশিং পাইপলাইন ইনফ্রাস্ত্রকচর ফংলবা মফম খুদিংদা শম্ননবা হোৎননবা খঙহনখ্রে।

· রোদ, ত্রান্সপোর্ত অমসুং হাইৱেজ মন্ত্রালয়না ২৪.০৩.২০২৬কী চেরোল অমদা মখোয়না সি.জি.দি. ইনফ্রাস্ত্রকচরগা মরী লৈনবা এপ্লিকেসনশিং অসি অখন্নবা থৌরাং অমা ওইনা থা অহুমগী ওইনা লৌখৎলগনি হায়না ফোংদোকখ্রে।

· ভারত সরকারনা ২৪.০৩.২০২৬গী গেজেৎকী খুত্থাংদা নেচরেল গ্যাস অমসুং পেত্রোলিয়ম প্রদক্তশিং দিস্ত্রিব্যুসন (থ্রো লেইং, বিল্দিং, ওপরেসন অমসুং এক্সপেন্দিসন ওফ পাইপলাইনশিং অমসুং অতোপ্পা ফেসিলিতীশিং) ওর্দর, ২০২৬ অসি এসেন্সিএল কম্মোদিতিজ এক্ত, ১৯৫৫গী মখাদা নোতিফাই তৌখ্রে। ওর্দর অসিনা লৈবাক শিনবা থুংনা পাইপলাইনশিং থম্নবা অমসুং পাকথোক-চাউথোক্নবগীদমক, অয়াবা পীবদা থেংথবা অমসুং লম ফংহনবদা থেংথবা থেংথবা থেংননবা অমসুং রেসিদেন্সিএল এরিয়াশিং য়াওনা নেচরেল গ্যাস ইনফ্রাস্ত্রকচর হেন্না থুনা চাউখৎহনবদা মতেং পাংনবা, স্ত্রাইমলাইন তৌরবা অমসুং মতম চানা লেপ্লবা ফ্রেমৱার্ক অমা পীরি। মসিনা পি.এন.জি. নেৎৱার্ক গ্রোথ তপথহনগনি, লাস্ত মাইলগী কনেক্তিবিতী হেনগৎহল্লগনি অমসুং ক্লিনর ফ্যুএলদা ওন্থোকপদা মতেং পাংগনি, মসিনা ইনর্জী সেক্যুরিতী মপাঙ্গল কনখৎহল্লগনি অমসুং ভারতকী গ্যাস-বেজ ইকোনোমীদা খুমাং চাউশিলহল্লগনি হায়না পানরি।

· ঙাকশেল মন্ত্রালয়না ২৭.০৩.২০২৬গী চেরোলগী খুত্থাংদা রেসিদেন্সিএল এরিয়া/য়ুনিৎ লাইন ওফ দিফেন্স পুম্নমক্তা পি.এন.জি.গী ইনফ্রাস্ত্রকচর ইনস্তোল তৌবগী থবক অথুবা মতমদা পাংথোক্নবা জুন ৩০, ২০২৬ ফাওবা চৎনবা য়াবা অতেনবা মতমগী পোলিসী মোদিফিকেসন অমা থোকখ্রে।

· পি.এন.জি.আর.বি.না সি.জি.দি. এন্তিতীশিংদা দি-পি.এন.জি. কনেক্সনশিং থুনা পীনবা য়াথং পীখ্রে। মসিগী মথক্তা, নেস্নেল পি.এন.জি. দ্রাইব ২.০ (০১.০১.২০২৬-৩১.০৩.২০২৬) অসি পি.এন.জি. পাকথোক চাউথোকহন্নবা খোঙজেল য়াংশিনহন্নবা ৩০.০৬.২০২৬ ফাওবা হৌজিক শাংদোকখ্রে।

· ২০২৬গী মার্চদগী হৌরগা পি.এন.জি. কনেক্সন লাখ ৩.৫ হেন্না গ্যাসিফাইদ তৌখ্রে। মসিগী মথক্তা, অনৌবা কনেক্সনগীদমক্তা কস্তমর লাখ ৩.৮ হেন্না রেজিস্তর তৌখ্রে।

ক্রুদ পোজিসন অমসুং রিফাইনরী ওপরেসনশিং

· রেফাইনরী পুম্নমক্না অৱাংবা কেপাসিতীদা মথৌ তৌরি, অমসুং অপুনবা ক্রুদ ইনভেন্তরীশিং লৈরি। লৈবাক অসিনা পেট্রোল অমসুং দিজেলগী মতিক চাবা স্তোকশিংসু থম্লি।

· দোমেস্তিক কঞ্জুম্পসন সপোর্ত তৌনবা রিফাইনরীশিংদগী দোমেস্তিক এল.পি.জি. পুথোকপা হেনগৎখ্রে।

লৈরিবা রিতেল ফ্যুএল অমসুং মমলগী খোঙথাংশিং

• লৈবাক শীনবা থুংনা রিতেল আউৎলেৎ খুদিংমক মহৌশাগুম্না মথৌ তৌরি।
• মিদল ইস্তকী ক্রাইসিসনা ক্রুদ প্রাইসশিং অখন্নবা মওংদা হেনগৎহনখ্রে। কঞ্জ্যুমরশিং অসি অসিগুম্বা শাফু অসিদগী ঙাকথোক্নবা, ভারত সরকারনা পেত্রোল অমসুং দিজেলদা এক্সাইস দ্যুতী লিতর অমদা লুপা ১০ হন্থহন্দুনা মসিগী বোর্দর অসিগী শরুক অমা লৌনবা ৱারেপ লৌখ্রে।
• মসিগী মথক্তা, ভারত সরকারনা দিজেলদা লিতর অমদা লুপা ২১.৫ অমসুং এভিয়েসন তুর্বাইন ফ্যুএল (এ.তি.এফ.) দা লিতর অমদা লুপা ২৯.৫গী এক্সপোর্ত লেভি থম্লে।
• অকক্নবা মফম খরদা তোকঙা শন্দোকনা মরম ওইদুনা পেনিক বায়িং তৌবগী থৌওংশিং উবা ফংলে, মসিনা মহৌশাগা মান্নদনা ৱাংনা য়োনবা অমসুং রিতেল আউৎলেৎশিংদা কা হেন্না মী চিনবা উবা ফংলে।
• অদুম ওইনমক, লৈবাক অসিগী পেত্রোল পাম্প পুম্নমক্তা পেত্রোল অমসুং দিজেলগী মতিক চাবা স্তোক লৈ হায়না পাউদমখি।
• পেত্রোল অমসুং দিজেলগী মমলশিং অসি হোংবা লৈতে।
• গবর্নমেন্তনা তোকঙাশিং থাজদনবা মখোয়গী পাউতাক অমুক হন্না পীরি। অরানবা পাউ শন্দোকপা থিংনবা, রাজ্য সরকারশিংদা প্রেস ব্রিফিংগী খুত্থাংদা অচুম্বা পাউ শন্দোক্নবা হায়খ্রে।

লৈরিবা কেরিসিন অমসুং য়েন্থোকপগী খোঙথাংশিং

• রাজ্য/য়ু.তি. পুম্নমক্তা চাং নাইনা এলোকেসন তৌবগী মথক্তা কেরোসিনগী কিলোল কিলোর ৪৮০০০গী অহেনবা এলোকেসন তৌখ্রে।
• ভারত সরকারনা ২৯.০৩.২০২৬গী গেজেৎ নোতিফিকেসনগী খুত্থাংদা পি.দি.এস.এস.কে.ওদা চাকথোংনবা অমসুং মৈ থানবা মরম খক্তগীদমক রাজ্যশিং/.য়ু.তি.শিংদা লেম্না পি.দি.এস. এস.কে.ও.গী দিস্ত্রিব্যুসন তৌরি -
  • অমদা খ্বাইদগী য়াম্বা ওইনা পি.এস.য়ু. ও.এম.সি. সর্ভিস স্তেসন অনি (কম্পেনীনা মপু ওইবা কম্পেনীনা চলাইবা) দা পি.দি.এস.এস.কে.ও. লিতর ৫০০০ ফাওবা থম্নবা অয়াবা পীরি।
  • হায়রিবা পি.এস.য়ু. ও.এম.সি. সর্ভিস স্তেসনশিং অসি জিলা অমমমদা রাজ্য সরকার নৎত্রগা য়ু.তি. এদমিনিস্ত্রেসননা দেজিগনেৎ তৌগনি।
• রাজ্য/য়ু.তি. ১৮না এস.কে.ও.গী এলোকেসন ওর্দরশিং থোকখ্রে। মসিগী মথক্তা, হিমাচল প্রদেশ অমসুং লদাখনা রাজ্য/য়ু.তি.দা এস.কে.ও.গী মথৌ তাবা লৈতে হায়না ফোংদোকখ্রে।

মেরিতাইম সেফতী অমসুং শিপ্পিং ওপরেসনশিং

লমদম অসিদা থবক তৌরিবা ভারতকী জহাজশিং অমসুং সমুদ্রগী মীওইশিংবু ঙাকথোক্নবা পোর্তস, শিপ্পিং অমসুং ৱাতরৱেজ মন্ত্রালয়না দরকার ওইবা থৌরাংশিং লৌখৎলি। মন্ত্রালয়না হায়খি মদুদি:

· পোর্তস, শিপ্পিং অমসুং ৱাতরৱেজ মন্ত্রালয়না মেরিতাইম ত্রেদকী কন্তিন্যুতী লৈহন্দুনা, শিপ্পিং মুভমেন্তশিং, পোর্ত ওপরেসনশিং অমসুং ভারতকী সমুদ্র চৎপা মীওইশিংগী সেফতীবু কুপ্না য়েংশিনবা মখা চত্থরি।

· লমদম অসিদা লৈরিবা ভারতকী সমুদ্র চৎপা মীওই পুম্নমক ঙাকশেল পীরি, হৌখিবা পুং ২৪দা ভারতকী ফিরাল থেৎপা জহাজশিংগা মরী লৈনবা থৌদোক অমত্তা রিপোর্ত তৌখিদে।

· এল.পি.জি.গী জহাজ গ্রীন সনভিনা স্ত্রেত ওফ হোর্মজতা সেফ ওইনা ত্রান্সিৎ তৌখ্রে। জহাজ অসিদা হীরোই ২৫ য়াওদুনা এল.পি.জি.গী কার্গো মিতন ৪৬,৬৫০ পুদুনা চৎখ্রে।

· ভারতকী ফিরাল য়াওবা জহাজ ১৭ অমসুং ইন্দিয়ন সমুদ্র চৎপা মীওই ৪৬০ পর্সিয়ন গল্ফকী নোংচুপ থংবা লমদমদা লৈরি। দিরেক্তোরেত জেনরেল ওফ শিপ্পিং (দি.জি. শিপ্পিং) না জহাজগী মপুশিং, আর.পি.এস.এল. এজেন্সীশিং অমসুং ইন্দিয়ন মিসনশিংগা লোইননা ফিভম অসি এক্তিব ওইনা য়েংশিল্লি।

· জি.দি.শিপ্পিং কন্ত্রোল রুম অসি ২৪x৭ ওপরেস্নেল ওইদুনা লৈরি অমসুং এক্তিবেসন হৌখিবদগী কোল ৫,০১৫ অমসুং ই-মেল ১০,৪২৫ হেন্দল তৌখ্রে; হৌখিবা পুং ২৪দা, কোল ৩১ অমসুং ই-মেল ১২৯ ফংখি।

· শিপ্পিং দি.জি.না হৌজিক ফাওবদা ভারতকী হীরোই ১৩২০ হেন্না ময়ুমদা ময়ুমদা হলহনখ্রে। হৌখিবা পুং ২৪দা এয়রপোর্তশিং অমসুং গল্ফকী মফম কয়াদগী ১৯০ য়াওনা মখোয়শিং অসি ময়ুমদা হলহনখ্রে।

· ভারত শীনবা থুংনা পোর্ত ওপরেসনশিং মহৌশাগুম্না লেপ্তনা থবক চত্থরি, চৈথেং অমত্তা ফংদ্রি। গুজরাত, মহারাস্ত্রা, গোৱা, কেরলা, অন্ধ্র প্রদেশ অমসুং পুদুচেরীগী স্তেত মেরিতাইম বোর্দনা থবকশিং অসি শোয়দনা চত্থগনি হায়না কনফর্ম তৌখ্রে।

· মেরিতাইম ওপরেসনশিং লেপ্পা লৈতনা পাংথোক্নবা অমসুং সমুদ্রগী হীরোইশিংগী য়াইফনবা মন্ত্রালয়না মপান থৌরম মন্ত্রালয়, ইন্দিয়ন মিসনশিং অমসুং মেরিতাইম স্তেকহোল্দরশিংগা লোয়ননা লেপ্তনা থবক পায়খৎলি।

লমদম অসিদা ভারত মচাশিং শাফনা থম্মি

লমদম অসিদা লৈরিবা ইন্দিয়ন মিসন অমসুং পোস্তশিংনা ইন্দিয়ন কম্ম্যুনিতীগা কুপ্না পাউ ফাওনরি। মখোয়না মখোয়গী সেফতী অমসুং য়াইফ-থৌরাংগীদমক তেংবাং পীনবা অমসুং মথৌ তাবা এদভাইজরীশিং পীবা লেপ্তনা হোৎনরি। মপান থৌরমগী মন্ত্রালয়না পাউতাক পীখিবগী মতুং ইন্না:

· ইরান্দা পন্দুনা লৈরিবা ভারতকী ঙামীশিংগী কাঙলুপ অমা ঙসি আর্মেনিয়াগী থোংদা ময়ুমদা হল্লক্লি। মখোয়গী ফ্লাইত ঙসি নুমিদাংৱাইরমদা ভারত্তা য়ৌরগনি হায়না পানরি।

· মপান থৌরম মন্ত্রালয়না গল্ফ অমসুং নোংচুপ এসিয়া লমদমদা ওইরক্লিবা ফীভম অদু কুপ্না য়েংশিল্লি। ভারতকী মীয়ামগী সেফতী, সেক্যুরিতী অমসুং য়াইফ-থৌরাংবু খ্বাইদগী মরুওইনা লৌরি।

· মন্ত্রালয় অসিদা অখন্নবা কন্ত্রোল রুম অমা মথৌ তৌরি। রাজ্য সরকারশিং অমসুং য়ু.তি.শিংগা লোয়ননা ইন্দিয়ন মিসনশিংগা লোয়ননা চাং নাইনা চৎমিন্নরি।

· মিসনশিং অমসুং পোস্তশিংনা অয়ুক-নুংথিল নাইদনা হেল্পলাইনশিং মথৌ তৌহল্লি, চাং নাইনা এদভাইজরীশিং থোক্লি অমসুং ভারতকী কম্ম্যুনিতী এসোসিএসনশিং, কম্পেনীশিং অমসুং লোকেল ওথোরিতীশিংগা ৱারী শানরি।

· মিসনশিংনা ভিসা, কন্সুলর সর্ভিসশিং, এয়রস্পেসকী অথিংবা লৈবগা লোয়ননা য়ুম্লোন্নরিবা লৈবাকশিংদগী ত্রান্সিৎ চৎথোক চৎশিন তৌবদা মতেং পাংলি, অমসুং মথৌ তাবা মতমদা লোজিস্তিক সপোর্ত পীরি।

· ভারতকী মহৈরোয়শিংগী য়াইফ-থৌরাং অসি অখন্নবা মরুওইবা অমা ওইরি। মিসনশিংনা লোকেল ওথোরিতীশিং, ভারতকী স্কুলশিং, বোর্দশিং অমসুং নেস্নেল তেস্তিং এজেন্সীগা খুদোংচাদবশিং অসি কোকহন্নবা থবক পায়খৎলি।

· মিসনশিং অসিনা জহাজশিংদা লৈরিবা ভারতকী ক্র্যুশিংগা লেপ্পা লৈতনা ৱারী শানদুনা, কন্সুলরগী মতেং পীদুনা, ইমুং মনুংগা পাউ ফাওনবদা মতেং পাংদুনা অমসুং হল্লক্নবা হায়জরকপশিংদা মতেং পাংদুনা লৈরি।

· ফ্লাইৎ ওপরেসন ফগৎলক্লি। ফেব্রুৱারী ২৮দগী হৌরগা পেসেঞ্জর ৬,৭৫,০০০ রোম্না লমদম অসিদগী ভারত্তা চৎখ্রে।

Ø য়ু.এ.ই.: লিমিতেদ নন-সেদ্যুল ফ্লাইৎশিং মখা তানা চত্থরি; ভারত্তা ফ্লাইৎ ৯০ রোম চৎকনি হায়না পানরি।

Ø সৌদি আরব অমসুং ওমান: ভারতকী এয়রপোর্ত কয়াদগী ফ্লাইতশিং মথৌ তৌরি।

Ø কতার: এয়রস্পেস শরুক খরা অমুক হাংদোকপগা লোয়ননা ঙসি ভারত্তা ফ্লাইৎ ৮১০ রোম চৎকনি হায়না পানরি।

Ø কুয়েত অমসুং বাহরেন: এয়রস্পেস অসি থিংজিল্লি; দম্মাম (সৌদি অরাবিয়া) গী থোংদা মরী লৈনবা এয়রলাইন্সশিংনা ওপরেৎ তৌরি।

Ø ইরান: এয়রস্পেস থিংখিবনা মরম ওইদুনা আর্মেনিয়া অমসুং আজরবাইজানগী খুত্থাংদা চৎথোক-চৎশিন তৌবদা মতেং পাংলি।

Ø ইজরেল: অথিংবা লৈরবসু ইজিপ্ত অমসুং জোর্দানগী খুত্থাংদা চৎথোক-চৎশিন তৌবা লাইথোক্লে।

Ø ইরাক: জোর্দান অমসুং সৌদি অরাবিয়াগী খুত্থাংদা চৎথোক-চৎশিন তৌবদা লাইথোকহল্লি।

Ø কুয়েত অমসুং বাহরেন্দা অথিংবা থমখিবদগী, সৌদি অরাবিয়াগী খুত্থাংদা চৎথোক-চৎশিন তৌবদা লাইথোকহল্লে।

· আবু ধাবীদা থোকখিবা এতেক অমদা ভারত মচা মঙা অশোক অপন নংখি: মরিদি দিসচার্জ তৌখ্রে, অমা লায়েংলি। মিসন অসিনা মপুং ফানা মতেং পাংলি অমসুং লোকেল ওথোরিতীশিংগা লোয়ননা কোওর্দিনেৎ তৌরি।

***