পোষ্ট কৰা হৈছে:
12 MAR 2026 11:41PM by PIB Guwahati
প্ৰধানমন্ত্ৰী শ্ৰী নৰেন্দ্ৰ মোদীয়ে আজি ইছলামিক গণৰাজ্য ইৰানৰ ৰাষ্ট্ৰপতি ড০ মাছোদ পেজেস্কিয়ানৰ সৈতে টেলিফোনযোগে বাৰ্তালাপ কৰে।
ৰাষ্ট্ৰপতি পেজেস্কিয়ানে প্ৰধানমন্ত্ৰীক ইৰানৰ বৰ্তমান পৰিস্থিতিৰ লগতে অঞ্চলটোৰ শেহতীয়া উন্নয়ন সন্দৰ্ভত তেওঁৰ দৃষ্টিভংগীৰ বিষয়ে অৱগত কৰে।
প্ৰধানমন্ত্ৰীয়ে অঞ্চলটোৰ শেহতীয়া নিৰাপত্তা পৰিস্থিতিৰ প্ৰতি গভীৰ উদ্বেগ প্ৰকাশ কৰে আৰু আলোচনা আৰু কূটনীতিৰ জৰিয়তে সকলো সমস্যাৰ সমাধান কৰাৰ ক্ষেত্ৰত ভাৰতৰ স্থিতিক পুনৰ দোহাৰে।
প্ৰধানমন্ত্ৰীয়ে ইৰানকে ধৰি অঞ্চলটোত বাস কৰা ভাৰতীয় নাগৰিকসকলৰ সুৰক্ষা আৰু কল্যাণৰ ক্ষেত্ৰত ভাৰতৰ অগ্ৰাধিকাৰৰ লগতে শক্তি আৰু সামগ্ৰীৰ নিৰৱচ্ছিন্ন পৰিবহণৰ গুৰুত্ব সন্দৰ্ভত আলোকপাত কৰে।
দুয়োগৰাকী নেতাই যোগাযোগ ৰক্ষা কৰি যাবলৈ সন্মতি প্ৰকাশ কৰে।
****
MJPS/ VJ/NB