প্রধানমন্ত্রীগী লোইশঙ
প্রধান মন্ত্রী শ্রী নরেন্দ্র মোদীগা ইরানগী প্রেসিদেন্তকা ৱারী শানখ্রে
প্রেসিদেন্ত পেজেস্কিয়ন্না ইরান অমদি লমদম অদুদা ওইরিবা ফীভমদা মহাক্কী মীৎয়েঙ ফোঙদোকখি
প্রধান মন্ত্রীনা পরৈ চেনবা ৱাফম খুদিংমক ৱারী ৱাতায় শানদুনা অমদি লৈঙাক্কী থাক্তা ৱাতায়নদুনা লোইশিন্নবা ভারতনা লেঙদনা লেপ্লি হায়না ফোঙদোকখি
প্রধান মন্ত্রীনা ভারত মচাশিং শাফনা অমদি অশোক অপন লৈতনা লৈহনবা অমদি ইনর্জী অমদি পোৎলমশিং অপনবা লৈতনা পুথোক পুশিন তৌবদা ভারতনা মরুওইবা মীৎয়েঙ থম্লি হায়বা ফোঙদোকখি
प्रविष्टि तिथि:
12 MAR 2026 11:41PM by PIB Imphal
প্রধান মন্ত্রী শ্রী নরেন্দ্র মোদীগা ইস্লামিক রিপব্লিক ওফ ইরানগী প্রেসিদেন্ত হিজ এক্সলেন্সী দোক্তর মসৌদ পেজেস্কিয়নগা ঙসি তেলিফোন্দা ৱারী শানখ্রে।
প্রেসিদেন্ত পেজেস্কিয়ন্না প্রধান মন্ত্রীগী মফমদা ইরানগী হৌজিক ওইরিবা ফীভমগী মরমদা পাউদমখি অমদি লমদম অদুদা ওইরক্লিবা ফীভমদা মহাক্কী ওইবা ৱাফমশিং থমখি।
প্রধান মন্ত্রীনা লমদম অদুদা ওইরক্লিবা ঙাকশেলগী ফীভমদা নুংনাংবা ফোঙদোকখি অমদি ভারতনা পরৈ চেনবা ৱাফমশিং ৱারী ৱাতায় শানদুনা অমদি লৈঙাক্কী থাক্তা ৱাতায়নদুনা লোইশিন্নবা খোঙফম চেৎনা লেপ্লি হায়না ফোঙদোকখি।
প্রধান মন্ত্রীনা ইরান য়াওনা লমদম অদোমদা লৈরিবা ভারত মচাশিং শাফনা অমদি অশোক অপন নংদনা লৈহনবদা, লোয়ননা ইনর্জী অমসুং পোৎলমশিং অপনবা লৈতনা পুথোক পুশিন তৌহনবদা ভারতনা মরুওইবা মীৎয়েঙ থম্লি হায়নসু ফোঙদোকখি।
লুচিংবা অনিনা মখা তানা পাউ ফাওননবা ৱাফমসু য়ানখি।
***
(रिलीज़ आईडी: 2240530)
आगंतुक पटल : 34
इस विज्ञप्ति को इन भाषाओं में पढ़ें:
English
,
Urdu
,
Marathi
,
हिन्दी
,
Bengali
,
Assamese
,
Punjabi
,
Gujarati
,
Odia
,
Telugu
,
Kannada
,
Malayalam