প্রধানমন্ত্রীগী লোইশঙ
প্রধান মন্ত্রীনা রিপব্লিক ওফ এস্তোনিয়াগী রাস্ত্রপতিগা উনখ্রে
থাগৎখিবা:
18 FEB 2026 8:35PM by PIB Imphal
প্রধান মন্ত্রী, শ্রী নরেন্দ্র মোদীনা ন্যু দিল্লীদা পাংথোকপা AI ইম্পেক্ত সম্মিতকী থৌরম অদুদা 2026কী ফেব্রৱারী 18দা রিপব্লিক ওফ এস্তোনিয়াগী রাস্ত্রপতি, হিস এক্সেলেন্সী শ্রী এলার কারিসকা উনখ্রে।
প্রধান মন্ত্রী, মোদী অমসুং রাস্ত্রপতি কারিসনা মমাং চহিদা পেরিসতা পাংথোকখিবা AI এক্সন সম্মিতকী মনুংদা মখোয়না উন্নখিবা অদু হরাওনা নীংশিংখি। মখোয়না দেমোক্রেসী অমসুং আইনগী কাঙলোনগী মান্নবা মগুনশিংদা য়ুম্ফম ওইদুনা অমসুং মালেমগী শান্তি অমসুং অচেৎপা লৈঙাক্কী মান্নবা পান্দমশিংদা য়ুম্ফম ওইদুনা ভারত-এস্তোনিয়াগী মরী হেন্না চেৎশিলহন্নবা মখোয়না মখোয়গী অচেৎপা ফিরেপ অমুক হন্না ফোংদোকখি।
লুচিংবশিংনা 2026গী জনুৱারীদা পাংথোকখিবা 16শুবা ইন্দিয়া-EU সম্মিত মনুংদা ইন্দিয়া-EU ফ্রী ত্রেদ এগ্রীমেন্ত মাইপাক্না লোইশিনখিবগা লোয়ননা ইন্দিয়া-EUগী মরীদা মরুওইবা স্ত্রেতেজিক অপস্বিং লাকপদা নুংঙাইবা ফোংদোকখি।
লুচিংবশিংনা নাকল অনিগী ওইবা মরীশিং, মরুওইনা IT অমসুং দিজিতেলাইজেসনদা হৌজিক চত্থরিবা কোলাবোরেসনশিং অদু য়েংশিনখি অমসুং এজুকেসন অমসুং স্কিলিং য়াওনা ফ্যুচরস্তিক তেক্নোলোজীশিং, ই-গবর্নান্স, সাইবর সেক্যুরিতী, স্তার্ত-অপশিং অমসুং AIদা মখাতানা খুৎশম্ননা থবক তৌমিন্নবগী পোতেন্সিয়েল অদুবু য়াম্না মরু ওইনা পনখি। মখোয়না ক্লিন ইনর্জী অমসুং স্মার্ত ইনর্জী মেনেজমেন্তকী মতাংদা মতেং পীনবগী ওইথোকপা য়াবশিং অদুগী মতাংদসু খন্নখি।
লুচিংবা অনিমক্না রিজনেল অমসুং গ্লোবেল ইসুশিংগী মতাংদশু খন্নখি।
লুচিংবশিংনা ভারত অমসুং এস্তোনিয়াগী মরক্তা কলচরেল অমসুং মীয়ামগী মরক্তা লৈনরিবা মরী হেনগৎলকপদা নুংঙাইবা ফোংদোকখি। এস্তোনিয়াদা লৈরিবা ভারতকী প্রোফেস্নেলশিংনা লৌরিবা থৌদাংশিং অদুগীদমক রাস্ত্রপতি কারিসনা থাগৎপা ফোংদোকখি, অমসুং নাকল অনিমক্না তেলেন্ত মোবিলিতী অমসুং তুরিজম হেঙ্গৎহন্নবা থবক পায়খৎনবগী মতাংদা য়ানখি।
***
(রিলিজ আই.দি.: 2230743)
ভিজিতর কাউন্তর : 4