ప్రధానమంత్రి శ్రీ నరేంద్ర మోదీ అధ్యక్షతన నిన్న జరిగిన ఆర్థిక వ్యవహారాల కేబినెట్ కమిటీ 715 సెక్షన్‌లో ఎన్‌హెచ్-15లోని గోహ్‌పూర్ నుంచి నుమాలీగఢ్ వరకు 4-వరుసల యాక్సెస్-కంట్రోల్డ్ గ్రీన్‌ఫీల్డ్ కనెక్టివిటీ నిర్మాణానికి ఆమోదం తెలిపింది. బ్రహ్మపుత్ర నది కింద 15.79 కిలోమీటర్ల రోడ్ కమ్ రైల్ టన్నెల్‌ను అస్సాంలో రూ.18,662 కోట్ల మూలధన వ్యయంతో అభివృద్ధి చేయనున్నారు.

ప్రస్తుతం, ఎన్‌హెచ్-715 లోని నుమాలిగఢ్, ఎన్‌హెచ్-15 లోని గోహ్‌పూర్ మధ్య కనెక్టివిటీ ఎన్‌హెచ్-52 లోని సిల్‌ఘాట్ సమీపంలో గల కాలియాభంభోరా రోడ్ వంతెన నుంచి 240 కిలోమీటర్ల దూరంలో ఉంది. నుమాలిగఢ్, కజిరంగా జాతీయ ఉద్యానవనం, బిశ్వనాథ్ పట్టణం గుండా సాగే ఈ ప్రయాణానికి 6 గంటలు పడుతుంది. ఈ సవాళ్లను పరిష్కరించడం కోసం ఈ ప్రాజెక్టును ఎన్‌హెచ్-15 లోని గోహ్‌పూర్ నుంచి నుమాలిగఢ్ వరకు 4-వరుసల యాక్సెస్-కంట్రోల్డ్ గ్రీన్‌ఫీల్డ్ కనెక్టివిటీగా బ్రహ్మపుత్ర నది క్రింద రోడ్ కమ్ రైల్ టన్నెల్‌తో అభివృద్ధి చేయాలని ప్రతిపాదించారు. ఇది ప్రపంచంలోనే రెండోది... దేశంలోని మొదటిది అయిన నీటి అడుగున నిర్మిస్తున్న రోడ్ కమ్ రైల్ టన్నెల్. ఈ ప్రాజెక్ట్ అస్సాం, అరుణాచల్ ప్రదేశ్, నాగాలాండ్, ఇతర ఈశాన్య రాష్ట్రాలకు గణనీయ ప్రయోజనాన్ని అందిస్తుంది. ఇది సరుకు రవాణా సామర్థ్యాన్ని పెంచుతుంది. సరుకు రవాణా వ్యయాన్నీ తగ్గిస్తుంది. ఈ ప్రాంతంలో సామాజిక-ఆర్థిక వృద్ధిని పెంచుతుంది.

ఈ ప్రాజెక్ట్ అలైన్‌మెంట్ రెండు ప్రధాన జాతీయ రహదారులతో (ఎన్‌హెచ్-15, ఎన్‌హెచ్ -715), రెండు రైల్వే మార్గాలతో అనుసంధానం కానుంది. అవి గోహ్‌పూర్ వైపు ఎన్ఎఫ్ఆర్ రంగియా డివిజన్ కింద ఉన్న రంగియా-ముకోంగ్‌సెలెక్ రైల్వే సెక్షన్... నుమాలిగఢ్ వైపు ఎన్ఎఫ్ఆర్ టిన్సుకియా డివిజన్ కింద గల ఫుర్కేటింగ్-మరియాని లూప్ లైన్ సెక్షన్. ఈ ప్రాజెక్ట్ అస్సాంలోని కీలకమైన ఆర్థిక, సామాజిక, సరుకు రవాణా కేంద్రాలకు సజావైన కనెక్టివిటీని అందిస్తుంది. అదనంగా, ఈ ప్రాజెక్ట్ 11 ఆర్థిక కేంద్రాలు, 3 సామాజిక కేంద్రాలు, 2 పర్యాటక కేంద్రాలు, 8 సరుకు రవాణా కేంద్రాలతో అనుసంధానం ద్వారా బహుళ రవాణా విధానాల ఏకీకరణను మెరుగుపరుస్తుంది. 4 మేజర్ రైల్వే స్టేషన్స్, 2 విమానాశ్రయాలు, 2 ఇన్‌ల్యాండ్ జలమార్గాలతో మెరుగైన కనెక్టివిటీని అందిస్తుంది. తద్వారా ఈ ప్రాంతం అంతటా సరుకులు, ప్రయాణికుల వేగవంతమైన రవాణాను సులభతరం చేస్తుంది.

ఈ ప్రాజెక్టు పూర్తయితే వ్యూహాత్మక పరిశీలనలు, ప్రాంతీయ ఆర్థిక వృద్ధి, ప్రధాన ఆర్థిక కేంద్రాల మధ్య అనుసంధానాన్ని బలోపేతం చేయడం, వాణిజ్యం-పారిశ్రామిక అభివృద్ధికి కొత్త మార్గాలను తెరవడంలో ఇది కీలక పాత్ర పోషిస్తుంది. ఈ ప్రాజెక్ట్ దాదాపు 80 లక్షల ప్రత్యక్ష, పరోక్ష ఉపాధి పనిదినాలనూ సృష్టిస్తుంది. పరిసర ప్రాంతాల్లో వృద్ధి, అభివృద్ధి, శ్రేయస్సులకు కొత్త మార్గాలను తెరుస్తుంది.

కారిడార్ మ్యాప్:

ప్రాజెక్ట్ వివరాలు