য়ুবা শক্তি-দ্রিভেন বজেৎনা শেন-থুমদা লায়রবশিং, শোত্থরবশিং অমসুং খুদোংচাদ্রবশিংদা মীৎয়েং চংনবা সরকারগী ‘সঙ্কল্প’তা অকনবা ৱাফম থমখ্রে

 কর্তাব্য ৩না ইথিল পীবা কার্তব্য ভৱানদা অহানবা বজেৎ শেম-শাখ্রে

অহানবা কর্তাব্য অসি ইকোনোমিক গ্রোথতা খোংজেল য়াংশিনবা অমসুং লেংদনা থম্বনি

অনিশুবা কর্তাব্যনা মীয়ামগী অপাম্বশিং মপুং ফাহনবা অমসুং মখোয়গী কেপাসিতী শেমগৎপা

 অহুমশুবা কর্তাব্য অসি সবকা সাথ, সবকা বিকাসকী ভিজনগী পরিং মখাদনি

অনৌবা ইনকম তেক্স এক্ত, ২০২৫ অসি এপ্রিল ২০২৬দগী চৎনবা হৌরগনিম ইনকম তেক্সকী অচম্বা কাংলোনশিং অমসুং ফোর্মশিং অথুবা মতমদা খঙহনগনি

প্রোসিদীসিংশিংগী মল্তিপ্লিসিতী অসি পেনাল্তী অমসুং প্রোসিক্যুসনবু রেস্নেলাইজ তৌনবা হন্থহনবা

প্রাইমরী কোওপরেতিব সোসাইতী খরদা হান্ননা ফংলিবা দিদক্সন অসি সা-সনগী মচিঞ্জাক অমসুং লশিং মরুদা কোনশিল্লগনি

১৫.৫%গী কম্মন সেফ হার্বর মর্জিনগা লোয়ননা ইনফোর্মেসন তেক্নোলোজী সর্ভিসেসকী সিঙ্গল কেতেগোরী

আই.তি. সর্ভিসশিংগীদমক সেফ হার্বর ফংনবগীদমক করোর ৩০০দগী ২০০০গী থ্রেশহোল্দদা হেনগৎহনবা

 ফোরেন ক্লাউদ সর্ভিস প্রোভাইদরদা ২০৪৭ ফাওবা তেক্স হোলীদে পীগনি

প্রিজুম্পতিব বেসিসতা তেক্স পীরিবা নন-রেসিদেন্ত পুম্নমকপু মিনিমম অল্তরনেত তেক্সতগী কোকপীবা

মন্ত্রালয়না তেক্স ইয়র ২০২৭-২৮দগী আই.সি.দি.শিংদা য়ুম্ফম ওইবা তোঙানবা একাউন্তিংগী মথৌ তাবশিং লৌথোক্নবা জোইন্ত কম্মিতী অমা শেম্বা

 ফ্যুচরশিংদা এস.তি.তি. অসি হৌজিক লৈরিবা ০.০২%দগী ০.০৫%দা হেনগৎহনগনি

লিথিয়ম-আইওন সেলশিং মেনুফেকচর তৌবদা শিজিন্নরিবা কেপিতেল গুদশিংদা বেসিক কস্তমস দ্যুতী কোকপীবগী অয়াবা পীখ্রে

 ক্রিতিকেল মিনরেলশিং প্রোসেস তৌনবগী মথৌ তাবা কেপিতেল গুদশিং ইম্পোর্ত তৌবদা লৌবা বেসিক কস্তমশিং কোকপীরগনি

 লনাইগী ওইনা শীজিন্ননবগীদমক ইম্পোর্ত তৌবা দ্যুতি লৌবা য়াবা পোৎ পুম্নমক্তা তারিফ রেঃ অসি ২০%দগী ১০%দা হন্থহল্লগনি

দ্রগ নত্ত্রগা হীদাক ১৭তা বেসিক কস্তম দ্যুতী কোকপীরগনি

বাইওফার্মা শক্তীনা বাইওলোজিক্স অমসুং বাইওসিমিলরশিংগী দোমেস্তিক প্রদক্সনগী ইকোসিস্তেম শেমগৎনবা লুপা করোর ১০,০০০গী শেনফম থাদগনি

এম.এস.এম.ই.শিংবু তুংলমচৎকী চেম্পিয়নশিং ওইনা শেমগৎনবা লুপা করোর ১০,০০০গী এস.এম.ই. গ্রোথ ফন্দ প্রপোজ তৌখ্রে

 পব্লিক কেপেক্স অসি ২০২৫-২৬কী মনুংদা লুপা করোর লাখ ১১.২ ওইরম্বদগী শেনবা চহি ২০২৬-২৭দা লুপা করোর লাখ ১২.২দা হেনগৎলগনি

শহরশিংগী মরক্তা লৈরিবা হাই-স্পিদ রেল কোরিদোর তরেৎ অসি অকোইবগী ফিভম ফনা থম্বা য়াবা পেসেঞ্জর সিস্তেমশিং প্রমোৎ তৌনবা "গ্রোথ কনেক্তর" ওইনা শেমগৎকনি

ইন্দিয়ন ইন্সতিত্যুৎ ওফ ক্রিয়েতিব তেক্নোলোজী, মুম্বাইনা সেকন্দরী স্কুল ১৫,০০০ অমসুং কোলেজ ৫০০দা এ.ভি.জি.সি কন্তেন্ত ক্রিয়েতর লেবশিং লিংখৎলগনি

হাইয়র এজুকেসনগী স্তেম ইন্সতিত্যুসনশিংদা মহৈরোই নুপীশিংগী খুদোংচাদবশিং কোকহন্নবা, দিস্ত্রিক্ত খুদিংমক্তা নুপীমচাশিংগী হোস্তেল অমা লিংখৎকনি

গবর্নমেন্তনা তুরিস্ত সাইৎ ২০দা গাইদ ১০,০০০বু স্তেন্দার্দাইজ তৌরবা, অৱাংবা থাক্কী চয়োল ১২গী ত্রেনিং কোর্সকী খুত্থাংদা হাইব্রিদ মোদতা ত্রেনিং পীনবগী স্কিম অমা আই.আই.এম.গা খুৎশম্নদুনা লাউথোকখ্রে

খেলো ইন্দিয়া মিসন্না মথংগী দিকেদতা স্পোর্তস সেক্তরদা অওনবা পুরক্লগনি

এ.আই. সিস্তেমশিংগা লোয়ননা এগ্রিস্তেক পোর্তেলশিং অমসুং এগ্রিকলচরেল প্রেক্তিসশিংগী আই.সি.এ.আর. পেকেজ ইন্তিগ্রেৎ তৌনবা ভারত-বিস্তার, মলতিলিঙ্গ্যুএল এ.আই তুল

ওভরসীস তুর প্রোগ্রাম পেকেজ অসি হৌজিক লৈরিবা চাদা ৫ অমসুং চাদা ২০দগী চাদা ২দা হন্থহনখ্রে

কাষ্টমস ৱারহাউজিং ফ্রেমৱার্ক অসি সেল্ফ-দিক্লেরেসনশিং, ইলেক্ত্রোনিক ত্রেকিং অমসুং রিস্ক-বেজ ওদিৎ য়াওনা ৱারহাউজ ওপরেতর-সেন্ত্রিক সিষ্টেম অমদা ওন্থোক্কদবনি

 তোঙান তোঙানবা সরকারগী এজেন্সীশিংদগী লাকপা কার্গো ক্লিয়রেন্স এপ্রুভেলশিং অসি শেনবা চহিগী সিঙ্গল অমসুং ইন্তরকনেক্তেদ দিজিতেল ৱিন্দো অমগী খুত্থাংদা অপনবা লৈতনা প্রোসেস তৌরগনি

কেন্দ্রগী শেল-থুম অমসুং কোর্পোরেৎ এফিয়র্সকী কেন্দ্রগী মন্ত্রী, শ্রী নির্মালা সিতারামননা ঙসি পার্লিয়ামেন্তদা কেন্দ্রগী বকেৎ

পার্ত-এ

মাঘ পুর্নিমা অমসুং গুরু রবিদাসকী মপোক কুমওনগী থৌরমদা শেল-থুম মন্ত্রীনা হায়খি মদুদি মসিনা কর্তাব্য ভৱান্দা শেম্লিবা অহানবা বজেৎ ওইবনা, মসি কার্তব্য অহুমদগী ইথিল ফংলি:

১. অহানবা কর্তাব্য অসি পোত্থোক পুথোকপা অমসুং কম্পিতিতিবনেস হেনগৎহন্দুনা অমসুং মালেমগী ভোলেতাইল দাইনামিকশিংদা রেসিলিয়েন্স শেমগৎতুনা ইকোনোমিক গ্রোথপু খোংজেল য়াংশিনবা অমসুং লেংদনা থম্বনি।

২. অনিশুবা কার্তব্য অসি মীয়ামগী অপাম্বশিং মপুং ফাহন্নবা অমসুং মখোয়গী কেপাসিতী শেমগৎনবা, ভারতকী চাউখৎপগী লম্বীদা মখোয়বু মপাঙ্গল কনবা পার্তনর ওইহন্নবনি।

৩. সবকা সাথ, সবকা বিকাসকী মঙলানগা মরী লৈনবা অহুমশুবা কর্তাব্যদি ইমুং খুদিংমক্তা, কাংলুপ খুদিংমক্তা, লমদম খুদিংমক্তা অমসুং সেক্তর খুদিংমক্তা রিসোর্সশিং, খুদোংচাবশিং অমসুং মশক থোকপা শরুক য়াবগী খুদোংচাবশিং ফংহনবনি।

লায়রবশিং, শোত্থরবশিং অমসুং খুদোংচাবা ফংদ্রবশিংদা মীৎয়েং চংবা সরকারগী 'সঙ্কলপ'দা মরুওইবা পীরিবা য়ুবা শক্তি-দ্রিভন বজেৎ অদু পুথোক্লদুনা শেল-থুম মন্ত্রীনা হায়খি, ভারতনা ইনক্লুজনগা লোয়ননা এম্বিসনবু বেলেন্স তৌদুনা বিক্সিত ভারতকী মায়কৈদা থাজবগা লোয়ননা খোঙথাং কয়া লৌখৎকনি। ত্রেদ অমসুং কেপিতেলগী মথৌ তাবশিং হেনগৎলক্লিবা চাউখৎলক্লিবা ইকোনোমী অমা ওইনা, ভারতনা মালেমগী কৈথেলশিংগা ইন্তিগ্রেৎ তৌদুনা, মপান লমদা হেন্না এক্সপোর্ত তৌদুনা অমসুং অশাংবা মতমগী ওইবা স্তেবল ওইবা ইনভেস্তমেন্তশিং পুক্নিং চিংশিনবা মথৌ তাই।

মহাক্না হায়খি মদুদি লৈবাক অসিনা ললোন-ইতিক অমসুং মল্তিলেতরেলিজমদা খুদোংচাদবা লৈরে অমসুং রিসোর্সশিং অমসুং সপ্লাই চেনশিংদা অপনবা থোক্লি। অনৌবা তেক্নোলোজীশিংনা ঈশিং, ইনর্জী অমসুং মরুওইবা মিনরেলশিংদা তঙাই ফদবা হেনগৎলকপগা লোয়ননা পোত্থোক পুথোকপগী পথাপশিং হোংলক্লি।

২০২৫দা পাংথোকখিবা নীংতম্বা নুমিৎতা প্রধান মন্ত্রীনা লাউথোকখিবা অদুগী মতুংদা রিফোর্ম ৩৫০ হেন্না পায়খৎখ্রে হায়না শেল-থুম মন্ত্রীনা হায়খি। মখোয়শিং অদুদি জি.এস.তি.বু লায়থোকহনবা, লেবর কোদশিংগী নোতিফিকেসন, অমসুং তঙাই ফদবা ক্বালিতী কন্ত্রোল ওর্দরশিংবু মরম চানা শেম্বা অসিনি। অৱাংবা থাক্কী কমিতীশিং শেমখ্রে অমসুং পেরেলেল ওইনা কেন্দ্র সরকারনা রাজ্য সরকারশিংগা লোয়ননা দিরেগুলেসন তৌনবা অমসুং কমপ্লাইএন্সকী মথৌ তাবশিং হন্থহন্নবা থবক পায়খৎলি।

ইকোনোমিক গ্রোথ খোংজেল য়াংখৎহন্নবা অমসুং তুংকোইনা চৎথহন্নবা অহানবা কর্তাব্যগী মখাদা, হীরম তরুক্তা ইন্তরভেন্সনশিং প্রপোজ তৌখি:

1. স্ত্রেতেজিক অমসুং ঙমখৈগী সেক্তর ৭দা মেন্যুফেকচরিং পাকথোক চাউথোকহনবা;
2. লেগেতিব ইন্দস্ত্রীএল সেক্তরশিং নৌহৌননা শেমগৎপা;
3. "চেম্পিয়ন এম.এস.এম.ই.শিং" শেম্বা;
4.  ইনফ্রাস্ত্রকচরদা শক্তি লৈবা শাহৌ অমা পীবা;
5.  মতম শাংনা ইনর্জী সেক্যুরিতী অমসুং স্তেবিলিতী ফংহনবা; অমসুং
6.  সিতী ইকোনোমিক রিজনশিং শেমগৎপা

ভারত অসি মালেমগী বাইওফার্মা মেনুফেকচরিং হব অমা ওইনা শেমগৎনবা, বাইওফার্মা শক্তী অসি বাইওলোজিক্স অমসুং বাইওসিমিলরশিংগী দোমেস্তিক প্রদক্সনগী ইকোসিস্তেম শেমগৎনবা লুপা করোর ১০,০০০ থাদদুনা মথংগী চহি ৫দা লিংখৎকনি। স্ত্রেতেজি অসিদা অনৌবা নেস্নেল ইন্সতিত্যুৎ ওফ ফার্মাস্যুতিকেল এজুকেসন এন্দ রিসর্চ (এন.আই.পি.ই.আর.) ৩ অমসুং হৌজিক লৈরিবা ৭ অসি অপগ্রেদ তৌদুনা বাইওফার্মা-ফোকস তৌরবা নেৎৱার্ক অমা য়াওগনি। মসিনা ভারতকী এক্রেদিতেদ ক্লিনিকেল ত্রাইএল সাইত ১০০০ হেনবগী নেৎৱার্ক অমসু শেমগনি। সেন্ত্রেল দ্রগ্স স্তেন্দর্দ কন্ত্রোল ওর্গানাইজেসন অসি মালেমগী থাক্তা লৈবা অমসুং অয়াবা পীনবগী মতমগী ফ্রেমশিং অসি মপুং ফাহন্নবগীদমক দেদিকেতেদ সাইন্তিফিক রিভিয়ু কেদর অমসুং স্পেসিএলিস্তশিংগী খুত্থাংদা মপাঙ্গল কনখৎহনগনি।

লেবর-ইন্তেন্সিভ ওইবা তেক্সতাইল সেক্তরগীদমক, সব-পার্ত ৫ য়াওবা ইন্তিগ্রেতেদ প্রোগ্রাম অমা প্রপোজ তৌখি: মুগা, শামতু অমসুং লিমোন, মেন-মেদ ফাইবর, অমসুং ন্যু এজ ফাইবরগুম্বা নেচরেল ফাইবরশিংদা মশা-মরোমদোম লেপচনবা নেস্নেল ফাইবর স্কিম; তেক্সতাইল এক্সপান্সন অমসুং ইমপ্লোয়মেন্ত স্কিমনা মেছিনরী, তেক্নোলোজী অপগ্রেদেসন অমসুং কমন তেস্তিং অমসুং সর্তিফিকেসন সেন্তরশিংগীদমক কেপিতেল সপোর্ত য়াওনা ত্রেদিস্নেল ক্লস্তরশিং মোদর্নাইজ তৌনবা; হন্দলুম অমসুং হেন্দিক্রাফ্তকী নেস্নেল প্রোগ্রাম অমনা হৌজিক লৈরিবা স্কিমশিং অসি ইন্তিগ্রেৎ তৌনবা অমসুং মপাঙ্গল কনখৎহন্নবা অমসুং ৱীবরশিং অমসুং আর্তিসানশিংগীদমক পান্দম থম্বা মতেং ফংহন্নবা; মালেমগী থাক্তা চাংদম্নবা ঙম্বা অমসুং তুং কোইনা চৎনবা তেক্সতাইলশিং অমসুং এপরেলশিং প্রমোৎ তৌনবা তেক্স-ইকো ইনিসিএতিব; ইন্দস্ত্রী অমসুং একাদেমিক ইন্সতিত্যুসনশিংগীগা লোয়ননা খুৎশম্নদুনা তেক্সতাইল স্কিলিং ইকোসিস্তেম মোদর্নাইজ অমসুং অপগ্রেদ তীনবা সমার্থ ২.০।

এম.এস.এম.ই.শিং অসি গ্রোথকী মরুওইবা ইঞ্জিন অমা ওইনা শকখঙলদুনা, খনগৎলবা ক্রাইতেরিয়াশিংদা য়ুম্ফম ওইদুনা ইন্তর্প্রাইজেসশিংবু ইন্সেন্তিভাইজ তৌদুনা, তুংগী চেম্পিয়নশিং শেমগৎনবা অখন্নবা এস.এম.ই. গ্রোথ ফন্দ লুপা করোর ১০,০০০গী ৱাফম পুখৎখি।

শেল-থুম মন্ত্রীনা হায়খি, পব্লিক কেপেক্স অসি এফ.ৱাই. ২০১৪-১৫দা লুপা করোর লাখ ২দগী হেনগৎতুনা বি.ই. ২০২৫-২৬দা লুপা করোর লাখ ১১.২গী এলোকেসন ফংলে। ২০২৬-২৭কী শেনবা চহিদা, মহাক্না মসিবু লুপা করোর লাখ ১২.২দা হেনগৎহন্নবা ৱাফম থমখি।

কার্গোগী অকোয়বগী ফিভম ফগৎহন্নবা ফ্রেৎ কোরিদোর অনৌবা অমা পুথোক্নবা শেন-থুম মন্ত্রীনা থৌরাং তৌখি। মসিনা নোংপোক থংবা শরুকদা লৈবা দাকুনীগা নোংচুপ থংবা শরুকদা লৈবা সুরতকা শম্নহল্লগনি। ত্রেনিং ইন্সতিত্যুৎশিং অসি রিজনেল সেন্তর ওফ এক্সিলেন্স ওইনা মথৌ তাবা মেনপাৱর শেমগৎনবা লিংখৎকনি।

বজেৎ অসিনা মখোয়গী অখন্নবা গ্রোথ দ্রাইভরশিংদা য়ুম্ফম ওইদুনা সিতী ইকোনোমিক রিজন (সি.ই.আর.) মেপ তৌদুনা এগ্রোলোমরেসনশিংগী শেন্মিৎলোনগী পাৱর ফংহন্নবা শহরশিংগী পোতেন্সিএল মখা তানা হেঙ্গৎহন্নবা পান্দম থম্লি। রিফোর্ম-কুম-রিজল্ততা য়ুম্ফম ওইবা ফাইনান্সিং মেকানিজমগী খুত্থাংদা চেলেঞ্জ মোদকী খুত্থাংদা মখোয়গী থৌরাংশিং অসি ইমপ্লিমেন্ত তৌনবগীদমক চহি ৫গী মনুংদা সি.ই.আর. অমদা লুপা করোর ৫০০০গী এলোকেসন অমা প্রপোজ তৌরি।

অকোয়বগী ফিবম ফনা লৈগদবা পেসেঞ্জর সিস্তেমশিং প্রমোৎ তৌনবা, শহরশিংগী মরক্তা হাই স্পীদ রেল কোরিদোর তরেৎ "গ্রোথ কনেক্তরশিং" ওইনা শেমগৎকনি, মখোয় অদুদি: i) মুম্বাই-পুনে, ii) পুনে-হায়দ্রবাদ, iii) হায়দ্রবাদ-বেঙ্গালুরু, iv) হায়দ্রবাদ-চেন্নাই, v) চেন্নাই-বেঙ্গালুরু, vi) দিল্লী-বারানসী, vii) বারানসী-সিলিগুরিনি।

ফাইনান্স মিনিস্তরনা হায়খি মদুদি অনিশুবা কর্তাব্য অসি এস্পিরেসনশিং মপুং ফাহনবা অমসুং কেপাসিতী শেমগৎপনি। সরকারনা চহী তরাগী খুজিং অমা চুপ্না অমসুং রিফোর্ম ওরিএন্তেদ ওইনা হোৎনরকপদগী মীওই করোর ২৫ রোমদি মল্তিদিমেন্সনেল পোভর্তীদগী থোরকখ্রে।

ভারত অসি মেদিকেল তুরিজম সর্বিসশিংগী হব অমা ওইনা প্রমোৎ তৌনবা, শেলথুম মন্ত্রীনা রাজ্যশিংদা প্রাইবেৎ সেক্তরগা খুৎশম্নদুনা রিজনেল মেদিকেল হব মঙা লিংখৎপদা মতেং পাংনবা স্কিম অমা প্রপোজ তৌখি। হায়রিবা হবশিং অসি মেদিকেল, এজুকেস্নেল অমসুং রিসর্চ ফেসিলিতীশিং পুন্সিন্নবা ইন্তিগ্রেতেদ হেল্থকেয়র কমপ্লেক্স ওইনা মথৌ তৌগনি। মখোয়শিং অসিদা আয়ুশ সেন্তরশিং, মেদিকেল ভেল্যু তুরিজম ফেসিলিতেসন সেন্তরশিং অমসুং দাইগ্নোস্তিক্স, পোস্ত-কেয়র অমসুং রিহেবিলিতেসনগী ইনফ্রাস্ত্রকচরশিং লৈগনি। হায়রিবা হবশিং অসিনা দোক্তরশিং অমসুং এ.ঐচ.পি.শিং য়াওনা হকশেলগী প্রোফেস্নেলশিংগীদমক তোঙান তোঙানবা থবক ফংহল্লগনি।

ভেতরিনরী প্রোফেস্নেলশিংগী মশিং ২০,০০০ হেনগৎহন্নবগীদমক লোন-লিঙ্কেদ কেপিতেল সবসিদি প্রাইবেৎ সেক্তরদা ভেটরিনরী অমসুং পেরা ভেতরিনরী কোলেজশিং, ভেতরিনরী হোস্পিতালশিং, দাইগ্নোস্তিক লেবোরেতরীশিং অমসুং ব্রিদিং ফেসিলিতীশিং লিংখৎনবগীদমক মতেং পাংনবা স্কিম অমা হৌদোকখি।

ভারতকী এনিমেসন, ভিজুএল ইফেক্স, গেমিং অমসুং কোমিক্স (এ.ভি.জি.সি.) সেক্তর অসি চাউখৎলক্লিবা ইন্দস্ত্রী অমনি, মসিদা ২০৩০ ফাওবদা প্রোজেক্ত তৌরিবা প্রোফেস্নেল মিলিয়ন ২ মথৌ তাগনি। সেকন্দরী স্কুল ১৫,০০০ অমসুং কোলেজ ৫০০দা এ.ভি.জি.সি. কন্তেন্ত ক্রিয়েতর লেবশিং লিংখৎনবা ইন্দিয়ন ইন্সতিত্যুৎ ওফ ক্রিয়েতিব তেক্নোলোজী, মুম্বাইদা তেংবাং পীনবা শেল-থুম মন্ত্রীনা ৱাফম থমখি।

হায়র এজুকেসন স্তেম ইন্সতিত্যুসনশিংদা, মতম শাংনা মহৈ তম্বা অমসুং লেবোরেতরীদা থবক তৌবনা নুপী মহৈরোয়শিংগীদমক অৱাবা কয়া অমা থোকহল্লি। ভি.জি.এফ./ কেপিতেল সপোর্তকী খুত্থাংদা জিলা খুদিংদা নুপীমচাশিংগী হোস্তেল অমা লিংখৎকনি।

শেলথুম মন্ত্রীনা হৌজিক লৈরিবা নেস্নেল কাউন্সিল ফোর হোতেল মেনেজমেন্ত এন্দ কেতরিং তেক্নোলোজী অসি অপগ্রেদ তৌদুনা নেস্নেল ইন্সতিত্যুৎ ওফ হোস্পিতালিতী লিংখৎনবা ৱাফম থমখি। মসিনা একাদেমিয়া, ইন্দস্ত্রী অমসুং সরকারগী মরক্তা থোং অমা ওইনা মথৌ তৌগনি। মহাক্না ইন্দিয়ন ইন্সতিত্যুৎ ওফ মেনেজমেন্তকা খুৎশম্নদুনা স্তেন্দার্দাইজ তৌরবা, অৱাংবা থাক্কী চয়োল ১২গী ত্রেনিং কোর্স অমগী খুত্থাংদা তুরিস্ত সাইত ২০দা গাইদ ১০,০০০গী হৈশিংবা হেনগৎহন্নবা পাইলোত স্কিম অমসু পুথোকখি।

খেলো ইন্দিয়া প্রোগ্রামগী খুত্থাংদা চৎথরিবা স্পোর্তস তেলেন্তশিংগী পথাপ নাইনা শেমগৎপা অসি মখা চত্থদুনা শেল-থুম মন্ত্রীনা মথংগী চহী তরা অসিদা স্পোর্তস সেক্তরদা অহোংবা পুরক্নবা খেলো ইন্দিয়া মিসন হৌদোক্নবা ৱাফম থমখি। মিসন অসিনা মখাদা পীরিবশিং অসি লায়থোকহল্লগনি: a) ত্রেনিং সেন্তরশিংনা মতেং পাংলিবা ইন্তিগ্রেতেদ তেলেন্ত দিবেলপমেন্ত পাথৱে, b) কোচশিং অমসুং সপোর্ত স্তাফকী পথাপ নাইনা চাউখৎহনবা; c) স্পোর্তস সাইন্স অমসুং তেক্নোলোজী পুন্সিনবা; d) স্পোর্তস কলচর প্রমোৎ তৌনবা অমসুং প্লেৎফোর্মশিং পীনবা কম্পিতিসনশিং অমসুং লিগশিং; অমসুং, e) ত্রেনিং অমসুং কম্পিতিসনগীদমক স্পোর্তস ইনফ্রাস্ত্রকচর শেমগৎপা।

শেলথুম মন্ত্রীনা হায়খি মদুদি বজেৎ অসিগী অহুমশুবা কর্তাব্য অসি বিক্সিত ভারতকী মায়কৈদা সবকা সাথ, সবকা বিকাসকী মঙলানগা চুনৈ। মসিনা লৌমীশিংগী শেন্থোক হেনগৎহনবা, দিব্যাংজনবু মপাঙ্গল কনখৎহনবা, লায়রবশিংবু মেন্তেল হেল্থ অমসুং ত্রোমা কেয়র ফংহন্নবা মপাঙ্গল কনখৎহনবা, পুর্ভোদয়া স্তেতশিং অমসুং অৱাং-নোংপোক লমদমদা চাউখৎপা অমসুং থবক ফংহন্নবা হোৎনবদা মীৎয়েং চংবা মথৌ তাই।

শেল-থুম মন্ত্রালয়না ভারত-ভিস্তার (ভর্চুএল ইন্তিগ্রেতেদ সিস্তেম তু এক্সেস এগ্রিকলচরেল রিসোর্সেস), এগ্রিস্তাক পোর্তেলশিং অমসুং এগ্রিকলচরেল প্রেক্তিসকী আই.সি.এ.আর. পেকেজ অসি এ.আই.  সিস্তেমশিং য়াওবা এগ্রিকলচরেল প্রেক্তিসশিংগা ইন্তিগ্রেৎ তৌগনি। মসিনা ফার্মগী প্রদক্তিবিতী হেনগৎহল্লগনি, লৌমীশিংদা হেন্না ফবা ৱারেপ লৌবা ঙমহল্লগনি অমসুং মশাগী মতুং ইন্না এদভাইজরি সপোর্ত পীদুনা রিস্ক হন্থহল্লগনি।

লাখপতি দিদি প্রোগ্রামগী মায় পাকপগী মতুং ইন্না, সেল্ফ-হেল্প ওন্তপ্রিন্যুওর (এস.ঐচ.ই.) মার্তশিং অসি ক্লস্তর লেভেল ফেদরেসনশিংগী মনুংদা কম্ম্যুনিতীগী মপু ওইবা রিতেল আউৎলেৎশিং ওইনা হেনগৎহল্লবা অমসুং ইন্নোবেতিব ফাইনান্সিং ইন্সত্রুমেন্তশিংগী খুত্থাংদা লিংখৎকনি।

মেন্তেল হেল্থ অমসুং ত্রোমা কেয়রগীদমক অচেৎপা ফিরেপ অদু অমুক হন্না ফোংদোক্লদুনা শেল-থুম মন্ত্রীনা নিমহন্স-২ লিংখৎনবা অমসুং রাঞ্চী অমসুং তেজপুরদা লৈবা নেস্নেল মেন্তেল হেল্থ ইন্সতিত্যুৎশিংবু রিজনেল এপেক্স ইন্সতিত্যুৎশিং ওইনা এগ্রাদেসন তৌনবা লাউথোকখি।

মহাক্না দুর্গাপুরদা অফবা কনেক্তিব নোদ অমা য়াওনা ইন্তিগ্রেতেদ ইস্ত কোস্ত ইন্দস্ত্রীএল কোরিদোর অমা শেমগৎনবা, পুরভোদয়া রাজ্য ৫দা তুরিজম দেস্তিনেসন ৫ শেমগৎনবা অমসুং ই-বাস ৪,০০০ পুথোক্নবা ৱাফম থমখি। মহাক্না অরুনাচল প্রদেশ, সিক্কিম, অসাম, মনিপুর, মিজোরাম অমসুং ত্রিপুরাদা বুদ্ধ সর্কিৎশিং চাউখৎহন্নবা স্কিম অমা হৌদোক্নবা ৱাফম থমখি। স্কিম অসিনা লাইশঙশিং অমসুং মোনাস্তরীশিং ঙাক-শেন্দুনা থম্নবা, লাই খুরুম্বা মফমশিংগী ইন্তর্প্রিতেসন সেন্তরশিং, কনেক্তিবিতী অমসুং লাই খুরুমফমশিংগী খুদোংচাবশিং ফংহল্লগনি।

ফিস্কল কন্সোলিদেসন

দিজিপিদা শেন-থুমগী চাং অসি বি.ই. ২০২৬-২৭দা জি.দি.পি.গী চাদা ৫৫.৬ ওইগনি হায়না পানরি, মসি আর.ই. ২০২৫-২৬দা জি.দি.পি.গী চাদা ৫৬.১গা চাংদম্নরি। দিবেলপমেন্ত সেক্তরদা শেল থাদবগী চাং হন্থরকপনা ইন্তরেস্ত পেমেন্তকী শেনফম হন্থহন্দুনা প্রাইওরিতী সেক্তরগী শেনফমগীদমক রিসোর্সশিং তপ্না তপ্না ফ্রী তৌগনি। ২০২৫-২৬কী রিজল্ত ইকোনোমীদা, ফিসকেল দিফিসিৎ অসি জি.দি.পি.গী ৪.৪%দা ২০২৫-২৬কী বি.ই.গা মান্ননা চাংদম্নখি। দ্যুত কনসোলিদেসনগী অনৌবা ফিক্সেল প্রুদেন্স পাথকা চুনবা মওংদা বি.ই. ২০২৬-২৭দা ফিক্সেল দিফিসিৎ অসি জি.দি.পি.গী ৪.৩% ওইগনি হায়না পানরি

রিভাইস তৌরবা এস্তিমেৎশিং ২০২৫-২৬

নন-দেত রিসিদকী রিভাইস তৌরবা এস্তিমেৎ অসি লুপা করোর লাখ ৩৪নি। মসিগী মনুংদা কেন্দ্রগী নেৎ তেক্স রিসিদ অসি লুপা করোর লাখ ২৬.৭নি। অপুনবা শেনফমগী রিভাইস তৌরবা এস্তিমেৎ অসি লুপা করোর লাখ ৪৯.৬নি, মসিগী মনুংদা কেপিতেল শেনফম অসি লুপা করোর লাখ ১১নি।

২০২৬-২৭গী বজেৎ এস্তিমেৎশিং

২০২৬-২৭ ফাওবদা, নন-দেত রিসিদ অমসুং এক্সপেন্দেন্স অসি মথংশিৎনা লুপা করোর লাখ ৩৬.৫ অমসুং লুপা করোর লাখ ৫৩.৫ ওইগনি হায়না পানরি। কেন্দ্রগী নেৎ তেক্স রিসিদ অসি লুপা করোর লাখ ২৮.৭ ওইগনি হায়না পানরি।

ফিক্সেল দিফিসিৎ অসি শেল থাদনবগীদমক্তা, দেত্তেদ সেক্যুরিতীশিংদগী নেৎ মার্কেত লোনশিং অসি লুপা করোর লাখ ১১.৭ ওইগনি হায়না পানরি। লেমহৌরিবা শেনফম অসি অপীকপা সেভিং অমসুং অতোপ্পা সোর্সশিংদগী লাক্কনি হায়না পানরি। অপুনবা মার্কেত লোনশিং অসি লুপা করোর লাখ ১৭.২ ওইগনি হায়না পানরি।

পার্ত-বি

দাইরেক্ত তেক্স:

দাইরেক্ত তেক্সতা, ২০২৬-২৭গী য়ুনিয়ন বজেৎতা অনৌবা রিফোর্ম কয়া অমা প্রপোজ তৌরি। অনৌবা ইনকম তেক্স এক্ত, ২০২৫ অসি ২০২৬গী এপ্রিলদগী চৎনবা হৌরগনি। অথুবা মতমদা লায়থোক্লবা ইনকম তেক্স রুলশিং অমসুং ফোর্মশিংসু খঙহনগনি। মসিগীদমক্তা ফোর্মশিং অসি মীচম প্রজাশিংনা লায়না মপুং ফাহনবগীদমক্তা শেমদোক্লে।

তি.সি.এস.গী চাং হন্থহন্নবা ৱাফমসু লৈরি। ওভরসিজ তুর প্রোগ্রাম পেকেজ অসি হৌজিক লৈরিবা চাদা ৫ অমসুং চাদা ২০দগী চাদা ২দা হন্থহনখ্রে। মখা তারকপদা, লিবরেলাইজ রেমিতেন্স স্কিম (এল.আর.এস.) গী মখাদা এজুকেসন অমসুং মেদিকেলগী তম্বগী তি.সি.এস. চাদা ৫দগী চাদা ২দা হন্থহনখ্রে।

তি.দি.এস.কী পান্দমগীদমক কন্ত্রেক্তরশিংদা শেল পীবগী হীরমগী মনুংদা মেনপাৱর সর্ভিসশিং পীনবা হায়নসু প্রপোজ তৌরি। অসিগুম্বা সর্ভিসশিংদা তি,দি.এস. অসি চাদা ১ নৎত্রগা চাদা ২ খক্তমক ওইগনি। অপীকপা তেক্সপেয়রশিংগীদমক্তদি, রুলদা য়ুম্ফম ওইবা ওতোমেতেদ প্রোসেস অমনা এসেসমেন্ত ওফিসরদা এপ্লিকেসন অমা ফাইল তৌবগী মহুত্তা হন্থবা নত্ত্রগা নেল দিদক্সন সর্তিফিকেৎ অমা ফংহনগনি। মসিগা লোয়ননা, রিতর্ন রিভিজ তৌনবগী মতম দিসেম্বর ৩১দগী মার্চ ৩১ ফাওবা নোমিনেল ফি অমা পীদুনা শাংদোক্নবা ৱাফম থম্লি। মসিগী মথক্তা, তেক্স রিত্ন ফাইল তৌনবগী মতমসু হন্থহনগনি।

অপীকপা তেক্সপেয়রশিংগী প্রাক্তিকেল ইসুশিং কোকহন্নবা, মহৈরোয়শিং, নহা ওইরিবা প্রোফেস্নেলশিং, তেক্নোলোজিগী থবক তৌরিবশিং, মফম হোংদোক্লবা এন.আর.আই.শিং অমসুং অতোপ্পা মীওইশিংগীদমক অকক্নবা সাইজগী মখাদা ইনকম নত্ত্রগা এসেতশিং ফোঙদোক্নবা থা 6গী ওইবা ৱান তাইম ফোরেন এসেত দিসক্লোজর স্কিম অমা হৌদোক্লগনি।

পেনাল্তী অমসুং প্রোজিক্যুসন রেস্নেলাইজ তৌবা

পেনাল্তী অমসুং প্রোসিক্যুসনবু রেস্নেলাইজ তৌনবগী পান্দমদা, য়ুনিয়ন বজেৎ ২০২৬-২৭না প্রোসিদিংগী মল্তিপ্লিসিতী হন্থহন্নবা প্রপোজ তৌরি। এসেসমেন্ত অমসুং পেনাল্তী প্রোসিদিংশিং অসি অনিমক্কী ওইনা কমন ওর্দর অমগী খুত্থাংদা পুনশিনগনি। মখা তানা, প্রি-পেমেন্তকী চাং অসি ২০%দগী ১০%দা হন্থহল্লগনি, মসি কোর তেক্স দিমান্দতা খক্তা হোৎলগনি। লিতিগেসন হন্থহন্নবগীদমক, তেক্সপেয়রশিংনা রিএস্সেসমেন্ত প্রোসিদিংশিং হৌদোক্লবা মতুংদা ফাওবা মখোয়গী রিতর্নশিং অপদেৎ তৌবা য়াহনগনি। মসিদা মরি লৈনবা চহিদা চৎনবা য়াবা রেৎকী মথক্তা অহেনবা চাদা ১০গী তেক্স রেৎ লৈগনি।

বজেৎ অসিদা পেনাল্তী অমসুং প্রোসিক্যুসনদগী ইম্ম্যুনিতীগী প্রোভিজনশিং অসি রিপোর্তিংগী মতিক চাদবা কেসশিংদা, লান্না রিপোর্তিং তৌবদসু পাকথোক চাউথোকহন্নবা প্রপোজ তৌরি। তেক্স পেয়রনা তেক্স অমসুং ইন্তরেস্তকী মথক্তা অহেনবা ইনকম তেক্স ওইনা তেক্সকী শেনফমগী চাদা ১০০ পীবা মথৌ তাই। মসিগীসু মথক্তা, ইনকম তেক্স এক্তকী মখাদা প্রোসিক্যুসন ফ্রেমৱার্ক অসি রেস্নেলাইজ তৌরগনি। একাউন্ত বুকশিং অমসুং দোক্যুমেন্তশিং পুথোক্তবা অমসুং তি.দি.এস. পীবা মথৌ তাবা, করিগুম্বা শেনফম অসি মখল অমা হেক্তদা পীবা তারবদি, মসি দিক্রাইমিনেলাইজ তৌগনি। লুপা লাখ ২০গী মখাদা লৈবা নোন-ইমুবেবল ফোরেন এসেতশিংকী নন-দিসক্লোজরদা মীওইশিংদা ১.১০.২০২৪দগী রেত্রোস্পেক্টিভ ওইবা ইফেক্টগা লোয়ননা প্রোসিক্যুসনদগী ইম্ম্যুনিতী পীগনি।

কোওপরেতিবশিং

ঙসি সংসদতা মহাক্কী বজেৎকী ৱারোলদা শ্রীমতী নির্মলা সিতারমননা হায়খি মদুদি মশাগী মেম্বরশিংনা শাবা নত্ত্রগা সপ্লাই তৌবা শঙ্গোম, ওইল সীদ, উহৈ ৱাহৈ নত্ত্রগা মনা-মশিং য়োনবা প্রাইমরী কোওপরেতিব সোসাইতী অমদা হৌজিক ফংলিবা ককথৎপা অদু মশাগী মেম্বরশিংনা পুথোকপা চিঞ্জাক অমসুং কতনগী মহৈ-মরোং য়োনবগীসু য়াওহল্লগনি। ইন্তর কোওপরেতিব সোসাইতীগী দিভিদেন্দগী ইনকম অসি অনৌবা তেক্স রেজিমগী মখাদা মখোয়গী মেম্বরশিংদা মখা তানা য়েন্থোকপা মখৈ দিদক্সন ওইনা লৌথোকপা য়াগনি। মসিগী মথক্তা, নোতিফাই তৌরবা নেস্নেল কোওপরেতিব ফেদরেসন অমনা কম্পেনীশিংদা পুথোকখিবা মখোয়গী ইনভেস্তমেন্তশিংদা ৩১.১.২০২৬ ফাওবদা ফংলকপা দিভিদেন্দশিংদগী মখোয়গী মেম্বর কোওপরেতিবশিংদা মখা তানা য়েন্থোকখিবা দিভিদেন্দশিংগীদমক্তা চহি অহুমগী ওইবা এক্সপ্রেসন অমা পীবা য়াগনি।

আই.তি. সেক্তরবধ ভারতকী গ্রোথ ইঞ্জিন ওইন সপ্পোর্ত তৌবা

ভারতকী গ্রোথ ত্রেজেক্তরীগীদমক আই.তি. সেক্তরগী মরুওইবা অদু পল্লদুনা, বজেৎ অসিনা কম্মন সেফ হার্বর মার্জিন চাদা ১৫.৫গা লোইননা ইনফোর্মেসন তেক্নোলোজী সর্ভিসকী কাংলুপ অমগী মখাদা সোফৱেয়র দিবেলপমেন্ত সর্ভিসশিং, আই.তি. মসিগী মথক্তা, আই.তি. সর্ভিসশিংগীদমক সেফ হার্বর ফংনবগী থ্রেশহোল্দ অসি লুপা করোর ৩০০দগী লুপা করোর ২,০০০দা হেনগৎহনগনি। আই.তি. সর্ভিসশিংগীদমক সেফ হার্বর অসি ওতোমেতেদ রুল-দাইবর্দ প্রোসেস অমনা অয়াবা পীগনি, অমসুং আই.তি. সর্ভিস কম্পেনী অমনা এপ্লাই তৌরবা মতুংদা, চপ মান্নবা সেফ হার্বর অসি চহি মঙাগী ওইনা লেপ্তনা চৎথবা য়াই।

আই.তি. সর্ভিসশিংগীদমক য়ুনিলেতরেল এদভান্সদ প্রাইসিং এগ্রীমেন্ত (এ.পি.এ.) প্রোসেস অসি চহি অনিগী মনুংদা লোইশিন্নবা হোৎনদুনা খোংজেল য়াংনা চৎথনবা ৱাফম থম্লি। মসি তেক্সপেয়রশিংগী হায়জরকপদা থা তরুক শাংদোকপা য়াই। মসিগী মথক্তা, এ.পি.এ.দা য়াওরিবা এন্তিতীদা ফংলিবা মোদিফাইদ রিতর্নগী ফেসিলিতী অসি মসিগী এসোসিএতেদ এন্তিতীশিংদা পাকথোক চাউথোকহনগদবনি।

মালেমগী বিজিনেস অমসুং ইনভেস্তমেন্ত চীংশিনবা

ঙসি পার্লিয়ামেন্ততা ২০২৬-২৭গী কেন্দ্রগী বজেৎ পুথোক্লদুনা কেন্দ্রগী শেল-থুম অমসুং কোর্পোরেৎ এফিয়র্স মন্ত্রীনা হায়খি মদুদি ভারত্তগী দেতা সেন্তর সর্ভিসশিং শীজিন্নদুনা মালেমগী ওইনা কস্তমরশিংদা ক্লাউদ সর্ভিসশিং ফংহল্লিবা ফোরেন কম্পেনী অমহেক্তদা ২০৪৭ ফাওবা তেক্স হোলী পীগনি। মহাক্না মখা তাখি মদুদি ভারতকী দেতা সেন্তর সর্ভিসশিং পীরিবা কম্পেনী অদু মরি লৈনবা এন্তিতী অমা ওইরবদি শেনফমগী চাদা ১৫গী সেফ হার্বর পীগনি। মসিগী মথক্তা, সেক্যুর হার্বর অমা নন-রেসিদেন্তশিংদা সেক্যুর ৱারহাউস অমদা কম্পোনেন্ত স্তোরেজ তৌনবগীদমক ইনভোইস ভেল্যুগী চাদা ২গী মার্জিনদা ফংহনগনি। মসিনা ওইহল্লকপা চাদা ০.৭গী তেক্স অসি অতোপ্পা জুরিসদিক্সনশিংগা য়েংনবদা য়াম্না হন্থগনি হায়না কেন্দ্রগী মন্ত্রীনা হায়খি।

বোন্দেদ জোন অমদা লৈবা তোল মেনুফেকচরর অমা হেক্তদা কেপিতেল গুদস, ইক্বিপমেন্ত নৎত্রগা খুৎলাইশিং পীরবা নন-রেসিদেন্ত অমহেক্তবু চহী ৫গী ওইনা ইনকম তেক্সতগী লৌথোক্নবা বজেৎ অসিনা প্রপোজ তৌরি। মালেমগী হৈ-শিংলবা মীওইশিং ভারত্তা মতম শাংনা থবক তৌনবা পুক্নিং থৌগৎনবগীদমক্তা, নোতিফাই তৌরবা স্কিমশিংগী মখাদা চহি ৫ লৈনবগীদমক, নন-রেসিদেন্ত এক্সপর্ত অমগী মালেমগী (ভারতততগী নত্তবা) ইনকমদা এক্সজেম্পসন পীগনি। মখা তানা, প্রিজেম্পতিব বেসিসতা তেক্স পীরিবা নন-রেসিদেন্ত পুম্নমকপু মিনিমম অল্তর্নেতিব তেক্স (এম.এ.তি.) দগী লৌথোক্লগনি।

তেক্স এদমিনিস্ত্রেতিব

তেক্স এদমিনিস্ত্রেসন মপাঙ্গল কনখৎহন্নবগী মায়কৈদা মরু ওইবা খোংথাং অমা ওইনা, ইন্দিয়ন একাউন্তিং স্তেন্দর্দস (আই.দি.এ.এস.) দা ইনকম কম্প্যুতেসন অমসুং দিসক্লোজর স্তেন্দর্দস (আই.সি.দি.এস.) গী মথৌ তাবশিং য়াওহন্নবগীদমক করপোরেত এফিয়র্স মন্ত্রালয় অমসুং সেন্ত্রেল বোর্দ ওফ দাইরেক্ত তেক্সকী জোইন্ত কমিতী অমা শেম্নবা বজেৎ অসিনা প্রপোজ তৌরি। আই.সি.দি.এস.দা য়ুম্ফম ওইবা তোঙানবা একাউন্তিংগী মথৌ তাবা অসি তেক্স চহি ২০২৭-২৮দগী লৌথোক্লগনি। সেফ হার্বর রুলশিংগী পান্দমগীদমক একাউন্তেন্তকী ৱাহন্থোক অসিসু চুমথোক্কনি।

অতোপ্পা তেক্স প্রপোজেল

মাইনোরিতি শেয়রহোল্দরশিংগী কান্ননবগীদমক্তা, ২০২৬-২৭গী য়ুনিয়ন বজেত্তা শেয়রহোল্দর মখল খুদিংমক্কী বাইবেক অসি কেপিতেল গেন ওইনা তেক্স লৌগনি হায়না প্রপোজ তৌরি। মসিদা প্রমোতরশিংনা অহেনবা রিক্বাইব তেক্স অমা পীবা মথৌ তাই, মসিনা কোর্পোরেত প্রমোতরশিংগীদমক্তা চাদা ২২ অমসুং নন-কোর্পোরেত প্রমোতরশিংগীদমক্তা চাদা ৩০গী ইফেক্তিব তেক্স ওইহল্লি।

শ্রীমতী নির্মলানা অখন্নবা পোৎলমশিং হায়বদি অলকোহোলিক লিকর, স্ক্রেপ অমসুং মিনরেলশিং য়োল্লিবশিংগী তি.সি.এস. রেৎ অসি চাদা ২দা রেস্নেলাইজ তৌরগনি অমসুং তেন্দু লিফশিংদা চাদা ৫দগী চাদা ২দা হন্থরগনি হায়না হায়খি। অতোপ্পা মশক থোকপা তেক্স প্রপোজেল অমা হায়রগদি ফ্যুচরদা এস.তি.এস.পু হৌজিক লৈরিবা চাদা ০.০২দগী চাদা ০.০৫দা হেনগৎহনবনি। ওপ্সন প্রিমিয়ম অমসুং ওপ্সনশিং শীজিন্নবগী এস.তি.সু হৌজিক লৈরিবা রেৎ ০.১ অমসুং ০.১২৫দগী মথংশিৎনা ০.১৫দা হেনগৎলগনি।

কম্পেনীশিংবু অনৌবা রিজিমদা ওন্থোক্নবা পুক্নিং থৌগৎনবগীদমক, বজেৎ অসিনা অনৌবা রিজিমদা কম্পেনীশিংদা খক্তদা অয়াবা পীরবা মেৎ ক্রেদিৎকী সেৎ-ওফ তৌবা য়াহনগনি। অনৌবা সিস্তেম অসিদা লৈরিবা তেক্স ক্রেদিৎ শিজিন্নদুনা সেৎ-ওফ তৌবা অসি তেক্স লাইএবিলিতীগী শরুক মরি থোকপগী শরুক অমখক্তদা অয়াবা পীগনি। এম.এ.তি.বু অরোইবা তেক্স ওইহন্নবা প্রপোজ তৌরিবা, শ্রীমতি. সীতারমননা হায়খি মদুদি ২০২৬গী এপ্রিল ১দগী ক্রেদিৎ লৈররোই। ফাইনেল তেক্সকী রেৎ অসি হৌজিক লৈরিবা ১৫%গী এম.এ.তি. রেৎ অদুদগী চাদা ১৪দা হন্থহনগনি। মসিগী মথক্তা, তেক্সপেয়রশিংগী মার্চ ৩১, ২০২৬ ফাওবদা অপুনবা থমখিবা এম.এ.তি. ক্রেদিৎ অসি মথক্তা পনখ্রিবা মতুং ইন্না সেৎ-ওফ তৌনবগীদমক মখা তানা ফংহল্লগনি।

ইন্দাইরেক্ত তেক্স:

মেরিন, লেদর অমসুং তেক্সতাইল প্রদক্তশিংদা, এক্সপোর্তকীদমক সীফুদ প্রদক্তশিং প্রোসেস তৌবদা শীজিন্নরিবা অকক্নবা ইনপুতশিংগী দ্যুতীজ ফ্রী ইম্পোর্তকী লিমিৎ অসি এফ.ও.বি. ভেল্যুগী হৌজিক লৈরিবা ১%দগী ৩%দা হেনগৎহনগদৌরি। লেদর নৎত্রগা সিন্থেতিক ফুতৱারগী এক্সপোর্তকীদমক হৌজিক ফংলিবা অকক্নবা ইনপুতশিংগী দ্যুতীল ফ্রি ইম্পোর্তকী অয়াবা পীগনি।

কস্তম দ্যুতীশিংগী রেস্নেলাইজেসন:

মেরিন, লেদর অমসুং তেক্সতাইল প্রদক্তশিংদা, এক্সপোর্তকীদমক সীফুদ প্রদক্তশিং প্রোসেস তৌবদা শীজিন্নরিবা অকক্নবা ইনপুতশিংগী দ্যুতীজ ফ্রী ইম্পোর্তকী লিমিৎ অসি এফ.ও.বি. ভেল্যুগী হৌজিক লৈরিবা ১%দগী ৩%দা হেনগৎহনগদৌরি। লেদর নৎত্রগা সিন্থেতিক ফুতৱারগী এক্সপোর্তকীদমক হৌজিক ফংলিবা অকক্নবা ইনপুতশিংগী দ্যুতীল ফ্রি ইম্পোর্তকী অয়াবা পীগনি।

ইনর্জী সেক্তরদা, বেতরীশিংগীদমক লিথিয়াম-আইওন সেলশিং পুথোকপদা শীজিন্নরিবা কেপিতেল গুদশিংদা পীরিবা বেসিক কস্তম দ্যুতীজগী অয়াবা অসি শাংদোক্লগনি অমসুং সোলর গ্লাস পুথোকপদা শীজিন্ননবা সোদিয়ম এন্তিমোনেৎপু ইম্পোর্ত তৌবদা পীরিবা বেসিক কস্তম দ্যুতীজ অসি অয়াবা পীগনি।

ন্যুক্লিয়র পাৱর প্রোজেক্তশিংগীদমক মথৌ তাবা পোৎলমশিং পুশিল্লকপদা হৌজিক লৈরিবা বেসিক কস্তম দ্যুতীগী অয়াবা অসি ২০৩৫ ফাওবা শাংদোক্লগনি অমসুং মাইক্রোৱেব ওভেনশিং পুথোকপদা শীজিন্নরিবা অখন্নবা পার্তশিংদা বেসিক কস্তম দ্যুতীগী অয়াবা পীগনি হায়না শেল-থুম মন্ত্রীনা মখা তাখি।

মরুওইবা মিনরেলশিং প্রোসেসিং তৌবদা মথৌ তাবা কেপিতেল গুদসশিং ইম্পোর্ত তৌবদা বেসিক কস্তম দ্যুতী অসি লৌথোক্লগনি অমসুং বাইওগ্যাসকী অপুনবা ভেল্যু অসি বাইওগ্যাস মিক্স তৌরবা সি.এন.জি.দা পীগদবা সেন্ত্রেল এক্সিস দ্যুতী অসি মশীং থিবদা য়াওহল্লোই।

সিভিল অমসুং দিফেন্স এভিএসন সেক্তরদা, সিভিল, ত্রেনিং অমসুং অতোপ্পা এয়রক্রাফতশিং শাবদা মথৌ তাবা কম্পোনেন্তশিং অমসুং পার্তশিংদা বেসিক কস্তম দ্যুতীগী অয়াবা পীগনি অমসুং দিফেন্স সেক্তরগী য়ুনিৎশিংনা মেনতেন্সন, মেরামত, নৎত্রগা ওভরহোলগী মথৌ তাবশিংদা শিজিন্নগদবা এয়রক্রাফতশিংগী পার্তশিং শাবদা শিজিন্নগদবা রো মেতরিএলশিং ইম্পোর্ত তৌবদা বেসিক কস্তম দ্যুতী কোকপিবগী অয়াবা পীগনি।

মসিগী মথক্তা, অখন্নবা ইকোনোমিক জোনদা লৈবা ইলিজিবল ওইবা মেন্যুফেকচরিং য়ুনিৎশিংনা দোমেস্তিক তেরিফ এরিয়া (দি.তি.এ.) দা কন্সেসনগী দ্যুতীগী চাংদা য়োনবা লাইথোকহন্নবগীদমক্তা অখন্নবা মতম অমখক্তগী ওইবা থৌরাং অমা পায়খৎনবা থৌরাং তৌরি।

ইজ ওফ লিবিং হেনগৎহন্নবা, শেল-থুম মন্ত্রীনা হায়খি মদুদি লন্নাইগী শীজিন্নবগীদমক্তা পুশিল্লকপা দ্যুতিএবল ওইবা পোৎলম পুম্নমক্কী দ্যুতী রেৎ অসি চাদা ২০দগী চাদা ১০দা হন্থহনগনি। হিদাক-লাংথক ১৭ নত্ত্রগা হিদাক-লাংথকশিংগী বেসিক কস্তম দ্যুতী লৌথোক্লগনি। হিদাক-লাংথকশিং, হিদাক-লাংথকশিং অমসুং মখোয়বু লায়েংবদা শীজিন্নরিবা স্পিসিএল মেদিকেল পর্পজ (এফ.এস.এম.পি.) গী ফুদশিংগী ইম্পোর্ত দ্যুতী লৌথোকপগী পান্দমদা অতৈ অখন্নবা লায়না ৭ হাপচিল্লগনি।

কস্তম প্রোসেসশিং:-

পোৎলমশিংবু হেন্না খুদোংচাবা ফংহন্নবা অমসুং খোঙজেল য়াংনা চৎথোক-চৎশিন তৌহন্নবগীদমক্তা কাস্তম প্রোসেসশিংদা ইন্তরভেন্সন য়াম্না লৈতে। মসিগী মথক্তা, তিয়র ২ অমসুং তিয়র ৩গী ওথোরাইজ তৌরবা ইকোনোমিক ওপরেতরশিং, এ.ই.ও.শিং হায়না খঙনরিবাশিংগী দ্যুতী দিফরেন্স পেরিওদ অসি নুমিৎ ১৫দগী নুমিৎ ৩০দা হেনগৎহনগনি। মসি ইলিজিবল ওইরবা মেনুফেকচরর-ইমপোর্তরশিংদসু চৎনগনি। কাস্তমদা বাইন্দিং তৌরিবা এদভান্স রুলিংগী ভেলিদিতী পেরিওদ অসি হৌজিক লৈরিবা চহি ৩দগী চহি ৫দা শাংদোক্নবা প্রপোজ তৌরি। গবর্নমেন্ত এজেন্সীশিংবু মখোয়গী কার্গো ক্লিয়র তৌবদা প্রিফরেন্সিয়েল ত্রিৎমেন্ত ফংনবগীদমক এ.ই.ও. এক্রেদিতেসনগী খুদোংচাবা লৌনবা পুক্নিং থৌগৎকনি।

বজেৎ অসিদা কস্তমস ৱেয়রহাউজিং ফ্রেমৱার্ক অসি সেল্ফ-দিক্লেরেসন, ইলেক্ত্রোনিক ত্রেকিং অমসুং রিস্কদা য়ুম্ফম ওইবা ওদিৎ য়াওবা ৱেয়রহাউজ ওপরেতর-সেন্ত্রিক সিস্তেম অমদা ওন্থোক্নবা ৱাফমসু থম্লি।

ইজ ওফ দুইং বিজিনেস:

ইজ ওফ দুইং বিজিনেস সেক্তরদা খোঙথাং কয়া অমা লৌখৎখ্রে। খুদম ওইনা, তোঙান তোঙানবা সরকারগী এজেন্সীশিংদগী কার্গো ক্লিয়রেন্স এপ্রুবেলশিং অসি শেনবা চহি অসিগী অরোইবা ফাওবদা সিঙ্গল অমসুং ইন্তর কনেক্ত তৌরবা দিজিতেল ৱিন্দো অমগী খুত্থাংদা লেপ্পা লৈতনা প্রোসেস তৌগনি। কমপ্লাইএন্সকী মথৌ তাদবা পোৎলমশিংগীদমক্তা, ইম্পোর্তরনা ওনলাইন রেজিস্ত্রেসন লোইশিনখ্রবা মতুংদা কস্তমনা ক্লিয়রেন্স পীগনি। কাস্তম ইন্তিগ্রেতেদ সিস্তেম (সি.আই.এস.) অসি কাস্তম প্রোসেস পুম্নমক্কীদমক সিঙ্গল, ইন্তিগ্রেতেদ অমসুং স্কেল তৌবা য়াবা প্লেতফোর্ম অমা ওইনা চহি অনিগী মনুংদা হৌদোক্কদবনি। মসিগা লোয়ননা, রিস্ক এসেসমেন্তগীদমক এদভান্স ইমেজিং অমসুং এ.আই. তেক্নোলোজীগা লোয়ননা নন-ইনত্রুসিভ স্কেন তৌবগী থবক অসি মরুওইবা পোর্ত পুম্নমক্তা কন্তেনর খুদিংমক স্কেন তৌনবগী পান্দমগা লোয়ননা তাঙ্কক নাইনা পাকথোক চাউথোকহনগনি।

২০২৬-২৭গী য়ুনিয়ন বজেৎনা এক্সক্লুসিব ইকোনোমিক জোন (ই.ই.জে.দি.) দা নৎত্রগা দিপ সীগী ভারতকী ঙা ফাবা জহাজ অমনা লৌবা ঙাদা দ্যুতী ফ্রী ওইহল্লি। অসিগুম্বা ঙাশিং অসি মপান লৈবাক্কী পোর্ততা পুথোকপা অসি পোৎলম পুথোকপা ওইনা লৌগনি। বজেৎ অসিদা কুরিয়র এক্সপোর্তকী কন্সিনমেন্ত অমমমগী হৌজিক লৈরিবা ভেল্যু কেপ লুপা লাখ ১০ মুত্থত্পগী ৱাফমসু থম্লি। মসিনা ই-কমর্সকী খুত্থাংদা মালেমগী কৈথেলশিংদা চঙবা ঙম্নবা ভারতকী অপীকপা ললোন-ইতিক, আর্তিসানশিং অমসুং স্তার্ত-অপশিংগী এস্পিরেসনশিং শৌগৎলি।

ইন্তর্নেস্নেল ত্রেভেল তৌবা মতমদা বেগেজ ক্লিয়রেন্স প্রোভিজনশিংসু রিভিয়ু তৌগদৌরিবনি। হৌজিক্কী মতমগী চৎথোক চৎশিনগী অশেংবা ফিভমগী মতুং ইন্না দ্যুতী ফ্রী এলোকেসনশিং হেনগৎহন্নবা রিভাইস তৌরবা কাংলোনশিং মসিগী মথক্তা, ৱাথোকশিং লোইশিন্নবা পাম্বা অচুম্বা তেক্সপেয়রশিংনা পেনাল্তীগী মহুত্তা অহেনবা শেনফম অমা পীদুনা কেসশিং লোইশিনবা ঙমগনি।

***